A post-tupa hian ka awih lo lutuk, a birthday-tupa lah hian kei aiin a la awih lo lehzual dawn zui. Mahse, ka Internet connection atangin, ka tha leh zung ka hun, sum leh pai sengin ka ziak a ka duh duh ka ziak thei. Hetiang ngaihdan pu nulh nulh hi kan tam ta hle mai.
Hman deuh khan Funny™ khan a rawn post tawh a. Ka rawn la chhunzawm dawn ka ti a. Ka va haichhuak zo mai ta lova. Duh leh amah hian a link rawn paste mai teh se.
“Ka hun, ka tha leh zung, ka sum leh paia ka tih anih phawt ahnu, engpawh ti ila, It’s my life, don’t bother” ti pang pang ngam hi Mizo thalai zingah kan pung sawt hle mai. Abikin Mizoram chhuahsana phaia awm thalai zingah hian hetiang rilru pu hi kan chhuak tam duh emawni chu aw a tih theih awm e.
Hnamdang society leh T.V lama an tarlan duh lampang a nun heheu leh nawmchenna lampang kan hmu tam a, chutiang chu hnam changkang nundan emaw ti a, ‘ek phar thawven’ ve ta viau a, Mizo society anga restriction a lo awm deuh hleka tei thei lo ve em em ringawt hi kan tam.
T.V ah zu leh sa nen an chen a, an lam mup mup a, chungte chu hmuhnawm atan sum siam nana an tih mai mai tih pawh hre phal lovin keinin nundan takah kan lo ‘kawpi’ ve ta a. A chhelai zawng zawng hi kan la a, an thawhrimzia leh chutiang ennawm siam tura zan tam an tlaivar a, taksa tlin loh loh khawpa an beih lamah erawh chuan kan beng a ngawng tlat thung lawi si!!
Freedom of Speech and Expression inti hre em em leh hmang tangkai inti em em a, chumi ina a kentel tlat Duty zawm duh chuang si lo; mahni nawmchen nan chauha mahni right hrechiang hlur a, midangte chunga kan duty ve erawh ngai pawimawh lem lo, Tuaisiala tawngkam takin “Mi huamhauh” hi kan tam ta hle mai.
Phai lam nun zalena Mizo awmte hi lo thlir ta ila. Mahni duhdan dana awm a, Mizo society engahmah ngai lo chu thuhran, hnawk ti em em, “It’s my life” ti puam tawlh ho hi harsatna an tawh te hian an “It’s my life”-pui ho hnamdang te hian an tlanbosan diak zel. Chumi hunah chuan Mizo society, an ngaihsan loh leh hnawk an tih em emte bawk hi an belbul fo. Mit ngeiin tam tak ka hmu ve ta. Kan zirlai hruaitu leh officer zahawm tak takte hi, heng “It’s my life”-ho thlavang hauh emaw dawtsawi sak tura Police Station vela tlankual zak zak atan chuan ka lainat fo thin. An inpekna a fakawm thin asin.
Unau duhtak, i vei tur diktak vei la, nangmahah khawvel a vir lo a ni tih hrenawn fo ang che. “A man is a social animal” tih thuvawn hi hrenawn fo la, midangte tanpui nih ai chuan midangte tanpuitu ni la, hun harsaah pawh i mal tlat ngai lovang.
Admin note: Hei funny-a post chu. CLICK
Similar Posts:
- Mizoram leh Education ?
- Suicide Rate Shoots Up
- Bloggers kan mamawh
- Mizo Tlawmngaihna hi a Kristian ka ti!
- Thaibawih hi eng nge?
(Y)
January 28th, 2012 at 8:08 pm
Like e, Tha khawp alawm…
Yeah, “A man is a social animal”.
Report this comment
January 28th, 2012 at 8:14 pm
Post thupui leh post thu ken a va in tu lo ve
Engpawh nise lalAste, happy birthday yaar
Ve van treat 
Report this comment
January 28th, 2012 at 8:15 pm
Piancham chibai le
Report this comment
January 28th, 2012 at 8:26 pm
Ka chunga mi te pahnih chu a Topic leh a thuken hi an man miah lo a mawni le..Nge keimah hian ka man lo zawk…
A tha khawp mai…tin tawng ka huat ve em em mai chu “a neih ka ei lo” tih hi..a va han chapo tawng chuang tlai tak..
Report this comment
January 28th, 2012 at 8:31 pm
haha chemtatrawt i van hmelchhe tak e o, happy birthday te ka lo ti vel hman
Report this comment
January 28th, 2012 at 8:33 pm
Piancham Chibai le
Report this comment
January 28th, 2012 at 8:40 pm
‘It’s my life’ ti pawr ve pang pang ho zingah hian mi hlawhtling kan tih tur ang chi hi ka la hmu lo a ni awm e
Report this comment
January 28th, 2012 at 8:46 pm
chhangteboy, Heichvee leh Soberboy te chuan post an chhiar lo phawt mai a
Report this comment
January 28th, 2012 at 8:48 pm
Posttupa chu… i whistle blow aiin, i right sawifiahna entirna in hmunlum a chang tam mai dawn alawm le…
I veizawng hi chu a tha ka ti…tuilairap deuh a awmna lai erawh ka nei deuh roh bawk si… ka society hi transitional stage ah hian a awm chho mek a, victim class hi chu an awm dawn a nih hmel….Mizoram zu khapna dan leh retheihna leh fashion nen kan sawizawm lui tlat dawn emaw ni le…. an diklo tih chu an hria, self-justification an zawng a ni mai, nilo se,khaw eng an hmu ngam meuh bawk si lo a ni ber mai….tlemte anni ang a, hnampum ang hian generalize loh nachang hi kan hrechho tan ta zel bawk in ka hria… an tuh rah chu an seng mai a niang chu.. heiham… huiham…
Report this comment
January 28th, 2012 at 8:48 pm
Lol thupui leh chhungthu khi a va in tu ha loh hmel ve, i ziah that hmel angreng e, chhiar zo ta lo mai
Report this comment
January 28th, 2012 at 9:01 pm
ReMpy in a wish hma chu ka wish ve rih lo ang
Report this comment
January 28th, 2012 at 9:02 pm
ziak tha e, vei tur hi a tam ani..
Report this comment
January 28th, 2012 at 9:03 pm
Amen
Report this comment
January 28th, 2012 at 9:23 pm
A ṭha khawp mai. Ka computer, ka internet, ka…ka…ka tih reng ching ho hi ka mi ngei zawng tak. Khawiah pawh manner a awm vek a, online a nih avanga engtiang pawha ṭawnga ṭawngkam thlahdah tum ringawt ho hi, a takah zau deuh angin lang mah se an nun hi a ho ru riau ṭhin zu nia. An awhawm loh. ‘Its my life’ an tia, an damloh leh thih hnuah buaipui an ngai tho. ‘Its my life’ tih rilru pu tlur ringawt mihring hi chu Jupiter velah cheng sela a inhmeh tawk chiah ang.
Report this comment
January 28th, 2012 at 9:37 pm
Selthuama bawk chu.. I rawn chuk chhuah kauh nan last para ah ka dah ngat anih kha. I chhiar chhuak dap tihna ania, post hlawhtling tak a ni e.
Report this comment
January 28th, 2012 at 9:39 pm
#15 LOLZ
Report this comment
January 28th, 2012 at 9:43 pm
Soberboy, i chhiar ve lo chiang alawm. Dr sela chuan a chhiarchhuak dap ania aw. Ka post edit tu admin khan last minute change kha chu a lo hmu khiau ang ka ring..;-)
Report this comment
January 28th, 2012 at 9:55 pm
A mizo rilru hle mai. Ka duh chi tak a ni
Report this comment
January 28th, 2012 at 10:14 pm
tha khop mai.
Report this comment
January 28th, 2012 at 10:14 pm
Amen
Report this comment
January 28th, 2012 at 10:23 pm
I ziak tha khawp mai. ‘It’s my life’ kan tia, zanah te rei tak tak kan meng hlawm chu a nih hi
Tak tak a, i rawn ziah ang nunzia neiho hi an zirna/hnathawh ah a tawp/hlawhtlinna an thlenglo tlangpui ang ka ring. Mihring hmel tibaltu chu ‘chapona’ hi ani.
Report this comment
January 28th, 2012 at 11:07 pm
May thla tawp lam kan lo thleng tawh amaw kan tih thut chu..! :mini heart attack:
sawi tha e.
Report this comment
January 28th, 2012 at 11:17 pm
”…mahni nawmchen nan chauha mahni RIGHT hre hlur a, midangte chunga kan DUTY ve erawh ngai pawimawh lem lo..”.
A dik khawp mai.
Report this comment
January 28th, 2012 at 11:32 pm
Tum loh thu kan chhiar chu. A thupui i vuah chhan khi ka hre chak.
Report this comment
January 29th, 2012 at 1:50 am
Hmana tangah ka lo ngaih theih lo tawngkam male…! Pawr tawka ‘Its my life’ ti ho ber2 hi an life a tawp huna buaipui ngai ber2 leh hnam ti mualpho tu an ni duh tlangpui.
Report this comment
January 29th, 2012 at 11:48 am
Zalenna kan neih inzahtawnsak a tul lai hian..society-ina min beisei anga nun tum hram hram te hi a tul zawng a tul ngawt mai. Mahse, heti a nih lai hian society pawh hi inluling lutuk lo se. YMA anga vai pasala nei hnawhchhuah thur thur mai te hi sim ila ka ti. Kan zavaia duhthusam chu zo leh zo runhmuna len a ni ngei ang..a chiang. Mahse, khuarel kan pumpelh thei lova..a then chuan mizo ngei ti chung zelin, an hun tawn leh mihring tawnin a zir loh avangin vai nupui/pasal-ah an nei a. Inhriatthiam a ngai. Pawng hmuhsit leh endawng ngawt mai te hi chin loh a tha ka ti.
Report this comment
January 29th, 2012 at 12:59 pm
Chhiar lovin ka comment a, a tawpnaa “A MAN is a social animal” tih khi a ropui em avangin ka hmu ve a ni. Off topic leh controversial deuh hlek thil a awm loh chuan tu vak mahin ‘Chu e, kha e’ an ti peih lem lo a ni maw, Pu PAKHATNA-A chu. Tan kan lakpui ang che. Hot ve deuh mahna
Tuaisiala tawngkam ‘huamhauh’ tih khi “Huamhap” tih zawk tur a ni.
Tin, i thil vei leh inti intellectual deuh ram leh hnam siamthat i tum ve dan hi a beitham lutuk a, a mawlmang bawk a nih hi. “It’s my life” ti ho hi ramdanga zirlai awmte chauh an ni lova, awm zawng zawngte pawh an ni lo. Zoramah pawh “It’s my life” ti an tam mai, an tam tial tial ang. Thil i hre phuhlut a, i generalise vak mai NI BERIN A LANG.
Report this comment
January 29th, 2012 at 1:29 pm
Dr Sel, zahfakah lu chhum suh an tih kha. Lo zak mah ta che. Ka post chhiarchhuaktu nih pawh chu thih hreh takin i hreh a ni maw.
Tin, i thil vei leh inti intellectual deuh ram leh hnam siamthat i tum ve dan hi a beitham lutuk a, a mawlmang bawk a nih hi. “It’s my life” ti ho hi ramdanga zirlai awmte chauh an ni lova, awm zawng zawngte pawh an ni lo. Zoramah pawh “It’s my life” ti an tam mai, an tam tial tial ang. Thil i hre phuhlut a, i generalise vak mai NI BERIN A LANG.
Ka lo
tawpzz… “It’s my life” example tha tak i rawn set e.. 
Report this comment
January 29th, 2012 at 4:54 pm
funny-a post in ti ngawt a Prof. Snake a inti daih bawksia…
Report this comment
January 29th, 2012 at 5:06 pm
#22 ReMpY chuh! Aste-a birthday hrechiang awm deuh ve!
Report this comment