Thang khat a liam ta
I hlutna leh ka ngaihna che,
Ka mamawhna leh thlakhlelhna che,
Nitin mai hian..,
Ka hriat belh deuh deuh thin.
Tluk leh nat chang ka neih fo a
Ngui leh chau a ka lu a kun te,
Thlaphan mangan chang te,
Nitin mai hian..,
Ka bul ah awm la ka ti zual thin.
Van malsawm ka dawng fo a
Hlimna leh lawmna te,
Beiseina leh phurna te,
Nitin mai hian..,
Hrilh hmasak che ka chak ber fo thin.
Hringnun hmatiang rel a ngai thin a
A ngaihna hrelo tak te,
Bangbo tak te,
Uap tu ka mamawh lehzual te hian
Auh vak mai che ka nuam thin.
Chuvangin ka Ka PA..
Thlamuang tak a i chawl tur hi
Ka phallo a ni lo e,
Ka ngai em che a ni.
Ka puitling thei thlawt lo a ni e.
(Dt.29.1.1996 a boral Ka Pa hriat reng nan)
Similar Posts:
- Ka Thian
- KA HRINGNUN HEI HI HRIA LA
- Ka thianpa ve thung…. :-)
- A va thiam reuh e
- Mizoram Nungchate tan
January 29th, 2012 at 8:33 pm
Tha hle mai
Report this comment
January 29th, 2012 at 8:53 pm
I phuah thiam hle mai. Lo ti zel rawh.
Tunlai chu poetry lamah misualho hian harhtharna kan chang a, kan hlut ve ta deuh deuh a, a lawmawm tak tak a ni.
Report this comment
January 29th, 2012 at 9:12 pm
I poem ai mahin i last name hman khian ka lung a len. Hmeichhe hming a mawi ka tih berte zing ami a ni tlat pek
Report this comment
January 29th, 2012 at 9:14 pm
Ka rei, thianpa, I va ti tha tehlul em. a ngaihnawm thlawt e. Thinlung khawihphak thu hi kei paw’n ka luan liam pui thin ve bawk a sin.
Misual thiante u poetry emaw, prose a ni emaw, luan liam hi a ngaihnawm hrim hrim a, he ti zawng hian i harh bawrh bawrh ang u. KUDOS
Report this comment
January 29th, 2012 at 9:34 pm
Kei pawh ka Pa hi ka Nu ai mah in ka ngai zawk
Report this comment
January 29th, 2012 at 9:45 pm
mawi hle mai. ka nu hi ka sun tawh a, kapa pawh a dam lai ngeiin ka sun bawk.(nupui dang min neih san).. He rilru sak tak hian i hate you ti thin mahse,.. KAPA i beng hriatah sawi duh lo mah i la..ka hmangaih che, ka ngai ngawih ngawih che..
Report this comment
January 29th, 2012 at 10:08 pm
#3 Pu. Hv-a. like .like .like!
Report this comment
January 29th, 2012 at 10:36 pm
Hringnun hmatiang rel a ngai thin a
A ngaihna hrelo tak te,
Bangbo tak te,
Uap tu ka mamawh lehzual te hian
Auh vak mai che ka nuam thin.
Pa hi an hlu a ni. La sun lo mah ila auh vak chak chang hi ka la ngah mai.
Report this comment
January 29th, 2012 at 10:41 pm
post thar a va tam ve
Report this comment
January 29th, 2012 at 10:55 pm
Ka Pa lak ah hian Josepha hial ka in chan thin…ni e, ka ngai em a ni. Kan unau hian(hmun hran a ka awm pawhin) ka nu hriat loh in he hun a lo thlen hian kan in be ziah a,a sawiloh avang in a hre lo emaw kan lo ti thin, mahse a lo hre reng a kan rilru a thar a hlauh a vangin a mahin alo tuar thin zawk a lo ni.Ka Pa kha he khawvel dan ang a ropui nilo mahse kan tan chuan a hlu em a ni.
#2 Tuaia, poem hi chu ka ngaina reng a lawm.a bikin mizo poem..han tang leh zual zawk teh..
Engpawhnise, Pa la nei te tan, mi dang Pa in neilo tih hria ula, Nu la nei te tan Mi dang Nu in neilo tih hre teh u..An phu tawk tal chu duhsakna leh Malsawmna kan thlen ve dawn lawm ni, khua a tlai hma hian..
#3 hei Pu Hv, ka nick pawh ni chiah lo nia, Kan upa ber hming ah pawh ‘June’ a tel a, a dawt ah pawh ‘May’ a tel maw le..chuan Ralte hnam kan ni bawk..
Report this comment
January 29th, 2012 at 11:05 pm
”..a sawt lo e, tahlai bang la,
lei hringnun zawng a tawi lua e.
Chatuan rama leng dun turin,
kan chhandamtu chu zui zel la,
ka lo nghak ang che
pialral kawngkharah.”
Report this comment
January 29th, 2012 at 11:18 pm
#11 A chang chuan Eric Clapton hla Tear in heaven te poh kha ka ngaihtuah a, Vanram ah chuan min hre tawh lo mai anga..
Report this comment
January 30th, 2012 at 1:33 am
I thiam hle mai kan ti pong teh ang .
Kei pawh ka pa in kum 5 liam ta 29jan 2007 zan dar 11 IST khan min boralsan ve a .
Ka upa tulh tulh a ka pa ka ngaih a zual tulh 2 niin ka hria .Ka nuapanlai zawng zawng min enkawl dan te ka tan theih tawk tlem hle mahseng a beih nasat thin zia te a in pek nasat thin zia te kha aw.
Fa 4 ka neih hnu hian pa te hlut zia kha ka hre ve tan dawn chauh niin ka hria a .
I poem hi ka lo tawm ve tawp mai teh ang che i phal em posttupa.
Report this comment
January 30th, 2012 at 1:37 am
Ka pa phumna hmun hi ka la tlawh lo .Vedio ah erawh ka hmu tawh.kan phumna hmun thlanmual hi ka hriat chian em em a nih avngin kal ta i lang chun mi zawh ngai lovin ka hmuh ngah chat ka ring.
Ram pawn hla tak a ka awm avangin ka la kal thei lo a ni a kal ka duh em em ka la thei rih si lo hi ka rilru te a na thin a ni.
Report this comment
January 30th, 2012 at 7:10 am
Ka van duh tak emmm
Report this comment
January 30th, 2012 at 10:32 am
Like
Report this comment
January 30th, 2012 at 7:54 pm
Nu leh pa hi an va hlu tak em.. An thih hnu hian an hlutna ka hmu tam telh telh lehnghal.. Mittui hi hul ve thin mahse an mahni ngaia mittui tlak ni a la awm fo…
Misual nu leh pa la nei te chuan duat teh u.. Duat tur neih tawh loh hi chu…..
Report this comment
January 30th, 2012 at 8:10 pm
Thihna kut vawtin a min hnuhliam sak tak, mual liam tawh hnu – min ngaih thar tir leh dawn a lawm le…;-(
Tap tap in ka au ding zo si lo, lam ang lo let leh se…..let tur awm tawh bawk si lo……
Report this comment
January 31st, 2012 at 8:43 am
I thiam lutuk e. Ti zel rawh, very impressive
Report this comment