“An naute kutin chaw a fah a, annu leh pate nen khum khata an mut vangin Norway sorkar chuan an chunnu leh zuapa bula awm an phal lo.
Asia ramah chuan nausen khum dangah kan muttir ngai lo. Kuta fah lah duat en tirna chi khat a ni si. Anni chuan khuma nausen an delh hlum an hlau, an kut a fai tawk lovanga natna naute in a kai ang, tih an hlau. Evang chiaha sorkar an in chhunga lo lut nge pawh ka hre lo.
Kum 3 mi Abhigyan leh kum khat mi Aishwarya techu an nu Sagarika leh an pa Anurup Bhattacharya hnen atangin an lak sak daih.”
He Indian nupa thusawi a a lan dan chuan Norwegian ho chu a tolerant lo tawpkhawk tihna a ni dawn a, post hmasa a comment thenkhat in “an Taliban hmel” an tih te pawh kha thil awm lo a ni lo. Mahse he Indian nupa thusawi hi thil dik a nih thei lo tih ka hriat avangin leh thil dang vang zawk a an fate hi an laksak a nih ngei ka rin zawk avangin James Bond post ka rawn chhunzawm a ni e. Kha post kha ka lo hmu tlai deuh a.
Ka hmelhriat Indian, (from Orissa) hian a fate hi kut ngatin chaw a pe a, a mutpui reng bawk a, tuman an sawisel ka hre ngai lo. Kei chuan tlem chuan a fate kut a chaw a barh hi chu mawi lo ka lo ti deuh thin zawk a. Hetiang thil mai maiah Barnevern (Child protective services) chu sawi loh midang hrim hrim an inrawlh ngai lo. Mi culture sawisel phei hi chuan an fimkhur teh a nia. Naupang an nu leh pa te hnen atanga an lak bo hi chu an awm fo,a chhan erawh chu kut a chaw an pek vang emaw khumkhat a an mutpui vang mai mai a ni ngai lo vang tih hi Norway a awm tan leh thil kalphung hre ve nil nial tan chuan thil chiang sa a ni. An inkawm honaah erawh chuan advise ang in kut a chaw pek ai chuan fian a pek a hrisel zawk thu leh naupang pawh anmahni a an mut hran in thil a awlsam zawk thu erawh chu fimkhur takin an sawi a rin theih, chu pawh kei chuan ka ring chiah lo. Tin, an thusawi hi thudik nise thla riat a liam tawh a, thuneitute hnenah thlen se thuneituten Barnevern chungah action an la zawk dawn tih an hre reng awm si a, engatinge chanchinbuah helamah pawh an chhuah chuai chuai loh ni?
Norwegian boss pakhatin a hnuai a thawk Filipino pakhat hnenah “Filipino ho chu ka hriat dan in faina lamah an sang vak lo va” a tih ringawt pawh discrimination an ti a chanchinbuah an khel an khel peih lai leh TV programme thleng a Indian food leh Indian culture a nih thu nen thiam lo chung chung a kut a chaw bar an tum ve hram hram lai a kut a nau chaw barh vang leh khumkhat a mut ho vang a naupang laksak thu a awm thei lo. Hetiang dan khirh, mi culture dal zawng dan hi a awm ngai lo. Kan zalen hep hep em mai. Naupang TV programme leaderah te hian Norwegian ai in hnamdang hmelpu an tam zawk zel, an sawi ka hriat (fiahna ka nei lo) dan chuan naupang ten sambuang, mitmu pawl ringawt ngai a an neih loh nan leh rilru zau zawk an put theih nan programme leader te hi hnamdang an hmang an ti.
Entirnan Norway angah te hi chuan mahni fate pawh kutthlak te hi khap tlat a ni a, he kan case sawi lai ang chi ah hian kutthlak vang a ni thei angem tih a ngaihtuah theih (rinthu). A chhan chu an fate hi an nu leh pa chung a an lungawilohna report tur in an la te lutuk! Entirnan an fa te kut an thlak lai, an pen fawk fawk lai emaw mi in lo hmu ta se, an report a nih chuan an laksak thei. Chu pawh evidence tha tawk awm lovin an laksak ngawt thei lo. Naupang an nu leh pa te hnen atang a la bo tur hian step tamtak kaltlang angai, Bernevern pawhin thuneitute kaltlang lovin an laksak ngawt thei hek lo. Mizoram a veng pakhat YMA committee in zuzuar an dap ringawt ang kha a ni lo 
Tin, naupang an lak a an care hnuai a an dah man hi a to em em a, a tul tawpah lo chuan lak loh hram hram hi an tum a ni bawk.
Kan thian hnai tak pakhat hi Barnevern a thawk a ni a, he subject hi chu kan sawi ngun ve khawp mai. He thil pawh hi ka hrilh ve ngei a, “An sawi ang chu a ni dawn lo tih ka hria, mahse keini chuan kan hna hi confidential lutuk a nih avangin chanchinbu hmang pawhin nasa takin min bei mahse direct in kha case chungchang kha kan sawi a thiang lo va, a chhan chu kan dikna kan sawi dawn a nih chuan kha case chungchang kha kan sawi chhuah ngei ngei a ngaih dawn avangin dan kan kalpui dan tlangpui chauh kan sawi thei. Kan tan chuan chanchinbu vel a inhnial leh thiamchan ai chuan naupang in enkawlna tha an neih kha a pawimawh zawk” a ti.
Nikum June khan kan thawhpui pakhat chhungkua in foster child kum 11 mi an la a, foster parents ni thei tur pawh chuan course an kal tlut tlut a ngai a an nupa in, an fa te pawh a mal mal in an interview vek. An chhungkuaah naupang dang lo lut tur chu enge an ngaihdan, an in peih em tih te, naupang lo lut tur kha anmahni ang a In tha tak leh nu leh pa tha tak a neih ve loh avang a a chunga hriatthiamna leh dawhtheihna neih te a pawimawh tur zia te an sawi pui a ni deuh ber mai. Chuan Barnevern hian kha naupang mamawh zawng zawng a tum sak bakah foster nu leh pa te hnenah lawmthu sawi nan thlakhatah Rs 55000/- vel an pe bawk. Foster parents ni tur hian income pangngai tak nei, police record a awm lo, zu leh ruihtheih thil dang vang a buaina la nei ngai lo etc. nih a ngai. Foster child ho hi chu nu leh pa rilru/taksa hrisel lo deuh te, pa zurui reng nei ho te, eng vang pawh nise naupangin enkawlna tha leh attention an mamawh tawk an hmuh loh vang a ni ber.
Hman deuhah Chin nu pakhatin min hrih pakhat chu, “Nu pakhat (Chin) in a fanu te kum 10 chuang ve ve tawh kut a thlak thin a, chu chu schoolah an thiante Norwegian hnenah an lo sawi a, an thiante chuan an nu leh pa te an hrilh leh a, an nu leh pa ten Barnevern an hrilh leh chhawng a, chuan an nin naupang te chu an ko va, thil awmzia an zawh chian a an nu in kut a thlak ngei tih an fiah hnuah an nu kha kutthlak tawh lo tur in warning an pe a, an nu chu a fate chungah a thinrim deuh nge a hnu lawkah kut a thlak leh a, a fa te an laksak ta tak tak mai si a, tap per pur chungin min rawn phone a” a ti. Norway angah te hi chuan naupang in enkawlna leh seilenna chhungkaw tha an neih theih nan an thawk nasa a, Mi pangngai chin hi chuan naupang in enkawlna tha an neih loh hi an hlau em em vek a, seilenna in a zirloh avang a mihring nun damchhung a a khawih pawi theih zia hria in naupang seilenna tha hi an ngai pawimawh em em vek mai.
Tin, ransa te pawhin rights an nei vek. Pa pakhat sakawr nei, a sakawr thlasik laiin chaw pawh pe lovin a zin san daih thin a, a sakawr an laksak daih! Mahse a hnuah in tiamkamna nen a la chhuak ve leh mai bawk.
Norwayah hian immigrant dinhmun hi a tha em em a, sakhaw dang leh hnamdang culture pawh an zah thiam. A chang chuan an zahna an lantir lutuk em aw..tih thleng in ka lo ngaihtuah ve thin. Entirna pakhat: Kum 8 kalta vel Bergen kan awm lai a chanchinbu a an chhuah:- Somalia atanga lo kal (refugee) ten Norway sorkar hnen a an complain na “Damdawiin (Naupang department) bangah vawk lem an tar a, kan sakhua (Muslim) tan ran thianghlim lo a nih avangin kan fate damlo kan hruai thei lo” an ti a, vawk lem an tar chu an la thla ta mai a. Naupang department ah hian naupang damlo te tan a en tur ransa chi hrang hrang thlalak leh naupang lawm tur thil an tar thin a, Somalia atanga lokal ten an duh loh avangin Norwegian naupang tan pawh vawk thlalak hmuh tur a awm ta lo tihna a ni a, kei chuan vawk thlalak an pawtthla ta mai chu tul lo hi ka lo ti a, an dawhthei leh lutuk deuh in ka lo hre pek a :-)
He Indian nupa thusawi hi dik nise Norway a Indian, Pakistani, Srilandka, Afrikan etc. fa zawng zawng deuh thaw foster home an awm anga :-) chutiang a immigrant te tan a harsa tur a dan khirh tak tak an siam a, hnamdang hriat thiamna an nei lo a mi culture kalh a dan an nei a nih bawk chuan ram dang atangin Norwayah hnamdang an lut tha duh lo anga, Anders B Breivik khan July 22 khan bomb a ti puak in thalai a that teuh lo bawk tur hi a nia :-)
Similar Posts:
- Chhangchhe Thufing
- Naupang, Tleirawlte leh Mobile Phone hi
- Naupang enkawl chungchang
- Sikul kan inkaltirna te hi an tha tawk em?
- Nausen pahnih
January 30th, 2012 at 12:39 am
A dik ang. Kei pawh post hmasa kha ka comment lo! engemaw chu a awm ani mai. An sum leh pai dinhmun a chhia nge tih lam te ka lo ngaihtuah mai mai a
Report this comment
January 30th, 2012 at 12:49 am
A bengvarthlak, a ngaihnawm, i luangliam, lo tlathla rawh le.
Report this comment
January 30th, 2012 at 1:47 am
Vai ho hi!! kan ti teh ang! ka hriat leh hmuh chin leh ka observation atangin!!
Khawvel a mi cheap ber an ni hrim hrim ang. Zahpui awm em em an ni (an vai chuan ani lo ang, mahse 80% chu a dik ka ring). Abroad a kal hi an inti engemaw phah lehnghal a, mahse an kalna ah chuan cheap theih tawp, pawisa sen khat pawh hmang ral phal lo khawp a in ren, midangte ngaihdan pawh dawn miah lo a che tawp leh tenawm in ka hmu!
Ka dik vek kher lo ang, manner pawh an hre lo!! An mahni ngaihdan chuan an inti fing em em lehnghal, foreignah chuan kan indian pui nimahse thawhpui loh hram hram ka duh! ka bul hnaiah hian awm lo hrim hrim se ka ti tawp mai!! a mak in ti viau mai thei e, mahse hei hi ka hmuh dan ani..
Report this comment
January 30th, 2012 at 2:09 am
A bengvarthlak e. Ti daih ila, elcee I va reh.
Report this comment
January 30th, 2012 at 2:39 am
Norway chu ka awm peihlohna chi tak a nih chu, Superstitious an ngah hmel êmai
Mi fa te kutthlak khap hrim hrim khi thil dik niin ka hre lo, Vantirhkoh ah an chhuah vek thei a nihloh chuan. Nu leh Pa kan nih chuan chhan leh vang neiin fa te chung ah thuneihna pumhlum kan nei tur a ni, an thlarau mawh pawh kan phur. Chu chu Kristian zirtirna a ni a, naupang te tan nu leh pa te hi leia Pathian hmuh theih hnai ber a ni. Midang khitianga in rawlh khian mi ṭha tak ah an chhuah theih kher ka ring lo, suakbâkna leh chapona a tuh ve thei tlat.
Naupanga an chhiar chin khi kum engzatnge ka hre lova, mahse i rawn tarlanna aṭang chuan kum 10 chuang pawh ala huam in a lang a. Ka fanu ka fapa in kutthlak theilo a ni tih an hriat hi ka duh reng reng lo (ka thlak dawn tihna nilovin). Chu chuan mihring nun a siamṭhat tak tak ka ring lo bawk. Bible in lal fing ber ni a a chhal Solomona pawhin Tiang hmang duh lo chuan a fa a hua a ni, A hmangaihtu erawh chuan a thunun chawt thin. (Thufingte 13:24) I fa chu vaw rawh, a thi dawn si lova(Thufingte, a chang ka hre lo) ah a lo sawi a, vuak hrim hrim leh kutthlak hrim hrim tur tihna a nilova mihring siamṭhat nan chuan theihtawp chhuah turin nu leh pa te hi a duh zawk a ni.
Diklo lutuk leh zu ruih avang te, kut hlei avang hrim hrim a kut in thlak hi ah hi chuan nu leh pa thiam loh hul hual a ni a, thil awm lo lutuk ah hi chuan India pawh in dan(Child protection act) kan nei a ni. Uchuak lutuk ah hi chuan in man pawh a awm, amaherawh chu a kutthlak a zawng zawng in khap bur na ram hian naupang a siam ṭhat theih tak tak ka ring lo, chhungkaw zia hi a in ang lo lutuk. Nu leh pa thununna aia naupang ṭhat theihna dan khawvel ah hian a awm ka hre lo.
Lalpa chuan a hmangaih chu a thunun thin a, fa a lawm apiang chu a vaw thin a sin. (Hebrai 12:6) ah pawh kan hmu, nun siam ṭhat nan hi chuan kan mamawh a ni lawmni.
Hmanni a America ram ami Judge, William Adams a chet dan ang chi erawh kha chu thil chuang tlai tak, hmangaihna tel lo a ni tih a hriat a ka support miah lo. Khatianga pa thinthawk in fa te in control lek lova kut a thlak erawh kha chu ṭha ka ti lo bur thung.
Home work i tih loh chuan i kut ah ka vua ang tih te chu a tha
Amaherawh chu khi Norway ram i ziah dana “fate kutthlak theihloh” lai tak khi chu ṭha ka ti hauh lo thung.
Report this comment
January 30th, 2012 at 2:56 am
Post tunu hi a reh bawka chhaih kawlh ve hrim hrim teh ang
Mizo hi chuan ram pawna kan awm hian kan awmna ram hi kan fak zawk ziah in ka hria, (except ZoRock-a)
Report this comment
January 30th, 2012 at 4:11 am
@chhana! Nia, Nu tan chuan active reng a har ve bawk thin a!
@Asteric! Min chhaihkawlh nasa lutuk
Naupang hi kum 18 an tlin thleng in naupang a chhiar an ni. Chuan kum 18 chung pawh nise kut thlak phal tihna phei chu a ni chuang lo va. I nupui a ni emaw, i fa a ni emaw mi taksa ti na tur hrim hrim a chet lak hi dan kalh tlat a ni hrim hrim. Misual tawpkhawk police in an man pawh kutthlak hi phal a ni lo hrim hrim. Kutthlak hian mi a siam tha ngai lo tih ngaihdan atang a leh mihring theuh theuh hian tum ran chung a mihring dang tihnat theihna dan hi kan nei lo hrim hrim tih hi an ngaihdan a ni bur mai.
Kut kan inthlak chhan hi zilh duhna a ni emaw, huat vang emaw pawh nise kutthlak in a tum tak chu “tihnat” kha a ni tlat a. Mi va tina tur khan dikna kan nei chiah em? Naupang chu a nu leh pa etc. enkawlna hnuai a awm an nih avang leh chak lo zawk an nih avangin dan a awm loh chuan tuinnge protect ta ang ? Chuan ka fanu hi a patean/ api in emaw kutthlak theihna an nei em?A patea chuan a that a duh vang a kutthlak ni in sawi ta se a patea chu kan ring ringawt dawn tihna em ni? Tuinnge naupang kut thlak tu hian a that a duh vang a zilhna emaw naupang a huat hrim hrim vang a kutthlak a ni emaw tih sawi thei? Khawvelah hian mahni fa te ngei pawh hmangaih lo va kutthlak duh leh that hial duh pawh an tam in naupang chak lo chhantu nei lo a nih avang leh mahni thiamna pawh sawi thiam lo an nih avang a kut tuar hi an tam lutuk. Kutthlak thei tu leh thei lo tu tur thliarhrang thiam tunge awm ang le? Nangni nu leh pa chu infel a infate in duh chuan kut in thlak thei/ nangni chuan in thei lo etc. ti in mihring a inthliar theih loh. Insawithiam apiang hi an dik ber kher lo tih kan hria, chutiang bawkin mi rilru va hmutlang thei kan awm si lo.
Engpawhnise i ngaihdan ang hi tunhma chuan ka ngaihdan ve tho a ni thin
Tunah erawh chuan ka ngaihdan ka thlak chiang ta hle. Tin, Norway chauh pawh ni lo, europe ram tamtak leh US angah te hi chuan naupang kutthlak, midang kutthlak hrim hrim hi khap a nih ka lo ring ngawt a!
Tunhma a naupang an thiam emaw thiam lo emaw pawl an sawn tir ve zel te ka ngaihdan a nih loh thin zia leh tun a tha ka tih leh tak zia te hi :-) Mahse mihring hi awmna a zir zel hian rilru a inthlak zel a, hmana tha kan tih thin te kha tha kan ti kher lo va, thalo kan tih thin te kha tha kan ti leh vel mai mai bawk thin a ni e :-)
Report this comment
January 30th, 2012 at 4:51 am
i ziak tha dap dap hle mai, kutthlak theihloh lai tak khi tha ka va ti em, kan tetlai te khan khi dan khi lo nei ve ta ila te ka ti mai mai a.
Ni e, kut a chaw pek leh khum a mutpui ringawt vang chuan an lak sak lo tawp ang thil chiangsa ani.
Report this comment
January 30th, 2012 at 5:52 am
hetiang reng renga an tih te chuan contact sports te hi a tam sia an khel ve ngailo mile eg boxing te karate etc mak ve le aw intihnat(kut in thlak) phal loh chu tha phian ta ve ang ruk ru tan chuan
Report this comment
January 30th, 2012 at 7:31 am
#5
Bravo Asteric.A Pathianthu dap zawk a ni ka ti.
Report this comment
January 30th, 2012 at 7:46 am
@lrpa #3 Russell Peters puts a sawi, it’s pronounced “cheap”, but what it really means is “smart”’ tih kha
Report this comment
January 30th, 2012 at 8:39 am
Ni e, Norwegian thian tha ka lo neih te leh, an ram inrelbawldan tlem ka lo hriat ve te ka ngaihtuah kir in, Sorkar in an fate an laksak a nih chuan chhan dang a awm a nih ngei ka ring zawk.
Ka thiantha tak te chhungkua phei chuan fa pahnih, mipa leh hmeichhia an nei a. An la tet lai chuan khumkhatah an mu ho thin.
When you are in Oslo, do as Norwegians tih phei chu a dik hle, mi ram ah chuan, an ram mite mil a kan in adjust peihloh chuan buaina kan tawk fo ang, thiantha neih pawh a har – culture in zahsak te, in hlutsak te hi zirtur a ni.
Mahni fate, an thatna tura, zilh leh han thunun chu, nu leh pa tih makmawh a ni. Fa hauh ngai miah lo an awm theih laiin, thenkhat chu, ‘thu chauh’ a hrilhfin theihloh pawh an awm thei bawk ang. Chung te tan chuan ‘tiang’ lek pawh a tul chang a awm ang – chutiangah chuan sorkar a inrawlh ka ring lo.
Mahse, ‘pa-hrawn’ or ‘nu hrawn’ (khawngaihin tu’n lo haw lo se) an sawi ang deuh emaw, nu leh pa ‘zu ngawl vei’ tlaitin/zantin, in chhung khur ti ralmuanglo,fate thlabar reng reng a siam, in chhung a ri rum rum reng mai te hi chuan, fate ‘lehkha thiam leh mipuitlinga chhuah aiin,street boy/street girl, rukru leh ‘gunda’ (gang) a an chhuah hma-in,thenawm khawvengte thurawn la-in sorkar pawhin naupang an humhalh sak ve a tul fo thin. Hetiangah pawh sorkar a in rawlh loh chuan, ‘human right’ tunge humhalh ta ang le.
Chuvangin, he Indian te nupa thusawi aiin, an mahni hi zirchian a, Norwegian sorkar thiltih chhan pawh hi hriat chian a chakawm ka ti.
Report this comment
January 30th, 2012 at 9:35 am
Norway ram hi ram namai lo tak ani. Ram changkang tehna, human development index (HDI) ah pakhatna an chuh deuh reng a, hausa leh rethei in thlauhna (Ginni co-efficient) lama tehin an in rualkhai ber a, Tranparency International tehna Perception of Corruption Index ah corrupt lo ber anni leh a, Ram intodelh, chapo thei, ngelnghet leh sakhauh ve tak anni. Mahse personal laws lama chak lohna an nei. Domestic violence lamah an zawmthaw. A bik takin nupa inkara inpawngsual (marital rape) hi an ramah an khap ve tlat lo an ti.
Hetih karah hian vai satliah awmna chi anih hmel loh. Mahse naute pa hi oil engineer ani awm e. $10,000 aia tma daih hlawh. Sudden Muanga dan takin Afghan Snow bur tam ve man a thawk chhuak.
Report this comment
January 30th, 2012 at 11:27 am
News dang ah te a lan dan in India sorkar-in Norway sorkar hnen ah a complain tawh tih in a in ziak a, thudik a lo lang thuai ang chu maw.
Report this comment
January 30th, 2012 at 1:00 pm
Mizo ho hi kan fing ber han ti mai ila oih lo fe2 an tam ve om sia.Kn la na om trek2…akekeke
Report this comment
January 31st, 2012 at 1:14 am
an ram mi ngeiin a ziak hi lo chhiar ve teh u’n..
https://www.thehindu.com/opinio.....842917.ece
Report this comment
January 31st, 2012 at 8:48 am
Report this comment
January 31st, 2012 at 1:52 pm
@ duli # 16,
Proff MARIANNE HASLEV SKÅNLAND article hi ka chhiar chhuak vek a, balanced view ka ti khawp mai. Abusive parents te chu an awm ngei ang, ram tin ah. Mahse, CPS ho hi an ti fuh lo chang leh mi fate an lak sak hma lutuk chang a awm ngei ang.
There is no place like home. Our parents are our only father and mother we will ever have in this world. Therefore, no one should deprive us from our parents’ love and care.
Report this comment