[misual.com-ah hian hla lam tui mi engemawzat kan awm a, he article hi kan tangkaipui ringin ka rawn bel ve leh tawp mai a ni. - l_e ]
Kum 1975 hma lam kha chuan hla phuah hi ka uluk ngai lo reng reng a, mi tih dan thikin ka phuah ve mai mai thin ti ila, hla hi ka chik ngun ngai lo. Mahse Ainawni tih hla ka phuah atangin hla thu hman dan, a thluk leh thu lam dan inrem chungchangahte fimkhur a tul zia leh thu sawi tum inang rau rau pawh mawi hlei taka remdan a lo awm a ni tih ka hmuchhuak ta chauh a, chuta chin chu hla pawh ka phuah zen zen ngam ta lova, hla thu pawh hman dik loh ka hlauh em avangin a tobul ka hriat ngei loh chu ka hmang ngam ngai ta lo a ni.
Hla sak nuam tak phuah tur chuan a thluk awmsa-a a thu bel hi tha berin ka hria a. Ka hla phuah tam berte pawh hi a thluk ka siam fel hnua a thu ka bel tak an ni. Solfa ka thiam em em loh avangin ‘Guiter Chord’ tanpuina nen rilrua vawngin hla thlukte chu ka dah tha ber a. Hla thluk ka siam dan ber chu, rilrua hla thluk tawite rawn lang tanchhana chu thluk milpui zawn belhin a ni ber. Entirnan – ‘Ka ngai ber che’ tih hla thluk lo pianna chu a chang tin tawp tlar hnih thluk hi a ni. Ka rilruah helai thluk tawite hi a cham tlat mai a, tichuan, a milpui tur thluk zawn belhin he hla hi a lo piang ta a ni.
Hmanlai mite anga chawp leh chilha thil thleng leh hmuh, a hmun la laa phuah nghal mai chu thil khirh khan tak niin ka hria. Hetiang hla phuah hi pahnih khat chu ka nei ve a, a thuah chuan harsatna a awm lem lova, mahse a thluk bawk hi a ni. Hetiang hla phuah tur chuan hla thluk pakhat (constant) a awm a ngai a, entirnan – Awithangpa hla, Saikuti hla, etc., angte hi. Heng hlate hi chuan chang pakhat thluk kha an hmang vek mai a, tunlai hlate erawh hi chu mi pakhat rau rau pawh a thluk inang lo vek an nithung anih hi. Hei vang hian rilru khawih zawng leh hla phuah chhan duh hial pawh tawngin hmu mah ila, in lamah suangtuah letnain ka phuah zawk thin.
Tin, nula leh tlangval inhmangaihna lam hla hi ka phuah tam ber a ni nain he lampang leh khuarel (nature) lam aimah hian nunhlui leh hma lam hun suangtuahna hian ka lung a len ber zawkin ka hria.
Hlate han phuah ve nual takah chuan mi thenkhatin Mizo leh Sap hla phuahtute zinga thiam ka tih leh ngainatte min lo zawt ve ta fo a, ka chhannaah chuan thiam leh thiam lo tia sawi tur leh sawi thei tur ka nil ova, thiam ka ti vek mai tih hi a ni.
Mahse ngainat bik chu a neih loh theih lohva, Mizo hlaphuah thiamte zingah chuan Awithangpa hian hla thu rem a thiam ka ti ber mai a. Vankhaman mi sawiselna hlau hauh lova a hranpa ngata style or quality siam a tum hi ka ngaisang em em a, Darpawngi leh Lalzova te hian thil tehkhin (simile) an thiam hle in ka hre bawk. P.S.Chawngthu leh Pu F.Rokima te hian an thil khel (subject) an phawrhchhuak chiang thiam hlein ka hria a, Lalnunmawia (Valtea) leh Lalthangliana Hnamte (tuna Baptist Kohhran Pastor nit a hi) te hian hla thluk an siam thiam hle in ka hre bawk. Engpawhnise, sawi sen a ni chuang dawn lova, ka sawi tawh angin thiam ka ti vek mai ka tih kha.
Amaherawhchu, sakhaw lam hlate hi chuan min la chim thuk ve vak rih loh avangin sawi thei vak dinhmunah ka ding lo niin ka inhria. Heta ka sawi tum chu, miin Thlarau tanpuina nena hla tha tak tak an phuah thin kha, mihring taka thlir a, ‘A hla thu hman a dike m? A thluk leh a thute a inhmeh em?’ tia ka lo sawi (judge) ve ngawt hi a remin ka hre thei lo a ni.
Sap hla phuahtu han tih pawh hian reh chhumna chin hriat a har khawp mai. Engpawhnise, John Lennon leh Paul McCartney, Bob Dylan leh John Denver, etc., te hi chu sawi lo mai ila, Shelly leh Keats te khawvel leh mihring awm dan thlir dan hi ka tawmpui zawng tak mai a ni a, an hlate pawh ngaihnawm ka tiin nasa takin ka phuah ve chhunah pawh min kaihruai (influence) a ni.
[Source : Zirsangzela Hnamte Hlate]
Similar Posts:
- Sap hla thluk lak hi!
- Pawi tawng zir ang u
- Lengzem hla atan a ka duh dan!
- Vai leh Vai (Mizotawng lamtluang)
- Lalzova
February 3rd, 2012 at 2:13 am
A bengvarthlak e.
Report this comment
February 3rd, 2012 at 2:44 am
A bengvarthlak ngei mai
Tunlai hla phuah ve zen ho hi, hlathu chu sawi loh thu tluangtlam pawh zuk hmangthiam meuh hlawm lova mawle. Mizo ten hlathu a hran ngata kan nei hrang hi kan tawng hlutna a ni a, chawisangin hman chhoh zel a tha ka ti takzet.
Ku Zira hi tun hnai Mizo lengzem hla phuah thiam leh mipa a zaithiam ka tih berte zing ami a ni awm e. A hlaah a cheng thin bawk nen ngaihthlakte hi avan nuam bik thin tak em.
India ka haw hmasak khan a thi tih ka hria a, a rang a rangin an inah ka tlan chho. Pi Lalhungchhungi, thenrualtha te nen anlo awm nak nak a, a lungchhiatthlak ngei mai. Pi Lalhungchhungi pawh chuan sign hnan meuhin an pa hlabu chu min pe zui bawk a, ka roh kher asin.
Report this comment
February 3rd, 2012 at 8:19 am
Report this comment
February 3rd, 2012 at 9:33 am
A tha khawp mai. Tih tak takna nen hian chuan engkim hi a lo hlawhtling zel thin a ni.
Report this comment
February 3rd, 2012 at 10:09 am
Zirsangzela Hnamte hi Mizo zinga Kungfu/Karate zir hmasa pawl ani mai lo maw? Sanglianthanga nen hian aw nei tha silo, Zaithiam em em si anniin ka hria.A tluka hlaphuah thiam hi mizo zingah an vang ngawtin ka hria.
Report this comment
February 3rd, 2012 at 10:40 am
Zirsangzela Hnamte Hlate hi ka nei ve a, mahse a lo kim tawh lo, a hnung lampang a lo tla then a, ka ui e, reprint leh se ka ti..a hla phuah ho hi a the thei e, thiam ka tih ber te zing a mi a ni.
Report this comment
February 3rd, 2012 at 11:32 am
Post a tam deuh a ni maw, a chhuak zung zung mai!
U Sangzela hi @PKF a sawi ang deuh hian a aw chu a tha hran lo, mahse a rilru(thinlung) zawng zawnga a zai thin vang hian a zai hian rilru a hneh tlat thin.
Tehkhin thu mawlh mai hi misual.commer hla lam ngaina fe fe hian kan hmang satliah a, a tobul leh awmzia kan zir duh si lo hi mang a ang thei rum rum thin. A awmzia hriat loh chuan hman loh law law mai nise a tha zawk awm a sin.
@Jacka Pi: An reprint leh daih tawh a lawm 2004 khan copy 1000 an siam. LV Art lamah pawh i zawt thei ang.
Report this comment
February 3rd, 2012 at 11:39 am
Ka lawm hle mai … ka save ve e..
Report this comment
February 3rd, 2012 at 11:57 am
lushai_er, Ka va beng hawng lo ve aw…va zawh vat tur a nih chu…a hla phuah ho hi mi sak ngaithla kher lo pawh hian a chhiar a chhiar ringawt pawn a mawi veng veng hian ka hre thin..ka ngaihsan chhan pakhat chu hla thu hi mi hman fo tawh sa hmang ve sek lo a,aman a thar a chher thiam tlat hi ka dah sang vah vah khawp mai…
Report this comment
February 3rd, 2012 at 12:11 pm
Zirsangzela hnamte hian hlathu mi hman ngai loh a phuah a awm nual a, i han tarlang dawn teh ang.
Autograph hla ah khan a hla thunawn-ah khan “Autograph biahthu zua iang hriltu….” a ti a. Zua iang tih te.
Autograph tho Chang 4 na ah
“Laisuih tuahrem khar tin hawnin,
Biahmang thu tin zai ang hril e;
Hei ang reng a than ngur hlan hi…” tihah hian ‘Biahmang’ hi hla phuah/siamtu dang pawn an hman nawn tak pawh ka hre lo!
Tin, ‘than ngur’ hlan pawh hi midangin an hmang zui lem lo ! A ma kut chhuak liau liau a ni.
Report this comment
February 3rd, 2012 at 12:28 pm
A hla thupui tak ka hre tawh lo a, “Cho run tuah sa, ka hrai zua ve khan maw/ Chhuihthang dungthul, a pawi ber mai” tih lai a a thu hman dan hi a va han mawi reih reih tak e aw..a phuahsak nu tan khan a dinhmun lungchhiat thlak hle mah se, a hlu danglam ngawtin ka ring.
Report this comment
February 3rd, 2012 at 12:35 pm
#11, “A Pawi Ber mai” tih hla 1978-a a phuah anih kha.
Report this comment
February 3rd, 2012 at 12:37 pm
A hla phuah reng2 mawi tih loh ka nei lo ve. He pa zet hi zawng a uihawm a ni. A va han dek mawi thei tak em !
Report this comment
February 3rd, 2012 at 12:45 pm
1.Zatlang lawi ang than ni bang thei dawn lo,
A pawi mange kei zawng ka dawn velin;
I tum reng em ni kan tiam lai khan,
Nau ang tah nan a leng dang chhai hi.
Thunawn :
Min tuarpui awm ve maw ti hian lungduh ka pel,
Chorun tuahsa ka hrai zua ve khan maw;
Chhuihthang dungthul a pawi ber mai.
2.Kawpten run hmunah leng dun mah ila,
Kan kara hmelma len thin vangin maw;
Ngaihngamtea i tang belh hi kei zawng,
A har ka ti min dem lo la aw.
3.Tiang reng renga damlai ni hman mai zawng,
Ka zuam nem le, i lungdumtu ngei chu-
Hnutiang hawi lo tein va pawm ta la,
Ngaihngamtea zan mu chhin ve nan.
Kan type chhuak ta law law mai….! I lo duh ve anih chuan kei pawh kan U pakhat a pasalin a lerh san tan hian he hla hi a inhmeh ka ti thei lutuk a. He hla sak apiang hian amah hre reng chungin ka sa thin
Report this comment
February 3rd, 2012 at 12:48 pm
Kumtluang Par tih hi love song dik takah ka puang tawp mai.. a thu a thluaithlum dum lo na a,lairil a fan ngaih! Sweet and innocent tih hi ka rilruah a awm thin
Report this comment
February 3rd, 2012 at 12:52 pm
Awi thanks..athluk hre miah lo pawn chhiar ringawt pawh hian a mawi tawp..a thluk a la nalh em em zui bawk sia…
Report this comment
February 3rd, 2012 at 1:11 pm
#16, ‘Sulhnu leh Lunglen’ hi a hla thluk bakah a thu hi a mawi ka ti khawp mai!
“….Zotu lawhlei thle nghial kau vuana,
Kiva leng fang rawl ngen nuihiauva kan chhaina,
Chul thum Zozam a vul chii chiai e.” tih te hian lung a len zual chuang mange !
Report this comment
February 3rd, 2012 at 1:18 pm
Mawi tuk, mawi tuk!!!
Report this comment
February 3rd, 2012 at 1:22 pm
Thangthar lam chuan intuipui vak lo mai thei a, maw funny. Kan hun lai chuan ‘Tah a tul leh thin’ tihte kha kawtchhuahah kan va han sa nasa thin tak em aw! A hlate hi a tluang parh mai a, sak a nuam bik.
Tihtakzetin nakinah ka la chhiar ang.
Report this comment
February 3rd, 2012 at 1:43 pm
Kan tleirawl naupan ve deuh lai hian Inrinni/Chawlhni tlai lamah Ui sa ei khawm an ching thin a, tukverh darthlalang atang hian kan lo bihthla thin a sin. Ruahtham loh sa tura an request khan ‘Kumtluang par’ hi a sa ta em kha aw..? A no a ruah kha chuan leh tu a ngah thei khawp mai ! An phur chang khan Miss Mizoram (Patling rual zingah) kha an han thlang ta thin a!
Report this comment
February 3rd, 2012 at 2:11 pm
darthlalang kha tha ve tak ani..
Lushai_er mission/thakthing veng ah maw? Pu Hmachhuana nau ani em kha Zirsangzela hi nge a fapa? ka hriatpawlh deuh tlat.
Report this comment
February 3rd, 2012 at 2:27 pm
@lrp :Pu Zirsangzela Hnamte nu leh pa te hi Tlangruati leh Kawlkhuma, Mission Veng an ni a, a unau te hi
Zolawra Hnamte
Lalbiakdika Hnamte
Lalbiakfeli
Lalsangbera Hnamte
Lalmuankima
Lalfakawmi
Vanlalhluti te an ni. I mi sawi khi an in lam hnai ani mai thei.
An ui talhna hmun ka sawi hi chu Veng dangah (mission veng ni lo) zawk a nia. Zohminga Zote, Lalena(L) tih vel te an ni a, phone pawh kha a la awm si lova, engtin tak khan lo hrilh thin tak maw? Veng kar a hlat teh lul nen.
Report this comment
February 3rd, 2012 at 2:33 pm
@lrp: Post lo vil ta che, ka chhuah angai tlat mai!
Report this comment
February 3rd, 2012 at 2:38 pm
Lushai_er..thanks, ka hre sual nasa hle mai, Pu Kawlkhuma khi kan school headah a rawn tang zuai a, Pu J. Lalhmachhuana khan a rawn thlak ani leh zawk si ..ka ngaihfin deuh anih khi
Report this comment
February 3rd, 2012 at 2:41 pm
23..OK..Friday te ani bawk a, ka lo kep ang che
Report this comment
February 3rd, 2012 at 2:56 pm
Zirsangzela Hnamte hla te hi a tha vek in ka hria. Hetiang hla tha leh lungkuai phuahchhuak tur hi chuan mi lungleng mi tak nih a ngaih ka ring.
Report this comment
February 3rd, 2012 at 3:18 pm
A bengvarthlak tak meuh meuh e.
Report this comment
February 3rd, 2012 at 3:25 pm
‘Tah a tul leh thin’ tih hla hi, hman ah ka nu te khua Champhai kan kal haw lam, bus a kan chuang hi ka nu hian amah hian a sa veng2 a, a mittui hi a luang ngiai2 a, khata trang khan ka hla ngainat ala nichho ta char2 a nih hi
Report this comment
February 3rd, 2012 at 4:14 pm
Pu Zirsangzela pa Pu Kawlkhuma khi Boys school, Sikulpuikawn ah khan Head Master ah a rawn tang zuai a, Zirsangzela te niawm tak khi hmu thin tlatin ka inhre leh hnuhnawh! kan la naupang deuh a, hmeltha deuh deuh kha nimaiin ka hria..vawk lian pui an vulh thin in ka hria..Pu Kawlkhuma fate zingah mipakhat a boral a, school naupangte pawh kan zuk kal in ka hria..engmah ka chiang tawh lo..
Report this comment
February 3rd, 2012 at 4:35 pm
Luah loh run, tih pawh hi an hawhsak vaklo ang, special tak a ni. Mipa in tlin takin han sa se ka ti thin khawp mai.
Lawmzel ta nge, tih hi ka hla duhber.
Report this comment
February 3rd, 2012 at 6:26 pm
Ka duh ber han tih tur pawh ka hre lo, ka hriat chhun hi chu ka duh vek!!!
Report this comment
February 3rd, 2012 at 7:37 pm
@lrpa: hei kan meeting kan zo chiah a, i lo vil tha e, mahse ka haw a hun, ka chhuak leh nghal dawn….lo vil chhunzawm dawn nia. “Di Hlui” hi a mawi khawp a sin. Mp3 dl duh chuan ka share-na kha post hluiah khan lo hai mai ru !
Pu Zirsangzela Hnamte hi Kum 2002, Oct 15 khan a boral a, a pian kum hi Dec ni 1, 1952 a ni bawk a.
A thih ni emaw a pian ni emaw hian a hla nalh ti ho zawng zawng Pu Mzvision In-ah emaw Pu Shailendra In-ah fuankhawm ila a tha ang. Pu Sangzela hla chauh sak tur te ti ta ila!!!
Nikum khan Oct 15 zan khan Pi Hungchhungite live zai kan ngaithla a, a nuam kan ti khawp :intithei:
Report this comment
February 3rd, 2012 at 7:46 pm
shailendra in kan MI naah a hla rawn keng sela, perhkhuang kan beng bawk ang hairehai (ka perh thiamlo)
Report this comment
February 3rd, 2012 at 8:46 pm
Zirsangzela Hnamte hi hlaphuah thiamah ka pawm thlap a, aw chhe si, mahse zai a thiamah ka pawm bawk. Rohlu a tling. Ti teh u, a hla sa in hun i la hmang mawlh teh ang u.
Report this comment
February 3rd, 2012 at 9:19 pm
shai, #34 ka chak ania
Report this comment
February 4th, 2012 at 12:14 am
lrpa@29, Zirsangzela pa Pu Kawlkhuma kha Boys’ ME School Headmaster-ah khan ‘a tang zuai’ lo, kum tam fe a tang hman asin. Pu Chhuanvawra (tuna Head ni lai ni lo zawk, Salvation Army kha) a rawn thlak a, Pu J. Lalhmachhuana khan a hnu deuh fe-ah a rawn thlak ve leh.
Zirsangzela kha tun hnai deuh Mizo zingah chuan hlaphuah thiam ka tih ber a ni. A nupui thin (Lalhungchhungi a neih hma daiha mi zawk, a hming ka hre tawh lo) kha hmeltha ka va’n ti thin tak!
Report this comment
February 4th, 2012 at 12:33 am
Post
Thian hova thlaeng lawm emaw a kan sak hnem ber thin chu Zirsangzela hla hi a ni ziah thin.
tren tren
Report this comment
February 4th, 2012 at 12:40 am
Pu hlatekhua, a lo ni zawk maw, a dik zawk ang. Pu Hmachhuana kha pawl sarih emaw kan nih lai khan a rawn awm a, Pu Kawlkhuma kha ka hre chiang ta reng reng lo!
Head lam ai kha chuan Pu Zaruma kha a lar zawk a, kan tan chuan..hehe, I hre ve em? Pu Zaruma, Vaivakawn, uikawm tawpthang kha..!
Report this comment
February 4th, 2012 at 12:46 am
A tobul pawh hre em em lo hian hla hlui hian ka lung an len ve em em teh ngawt a.
Good Post
Report this comment
February 4th, 2012 at 12:55 am
lrpa, Pu Zaruma te chu hre tehreng e. Min vaw tawh ngat maw le! Khaw khat chhuak kan nia. Class-ah ka pi chanchin te min zawt ta mauh thin a, naupang-a-thuchang ka zak nasa thin. Class-a rawn luh paha ‘hei hi piiingsil (pencil) a ni a, hei hi kompiiis (compass) a ni a, a ni lo’m ni?’ a rawn tih luh ringawt thin te kha bengah a la cham reng.
Zirsangzela chu a unau dang te Dika (Biakdika?) leh Zolawra Hnamte te paw’n hla an phuah thiam ve viau thin.
Report this comment
February 4th, 2012 at 2:04 am
@lrp : Ty 3 much
@bmw: I la meng chiang, misual silent readers 2 ka MI pui a, ka haw ve chiah! “D Hlui” hi ka ngaithla mek!
“Lung hlui a leng mang e,
Vawiin chungtur ni khian;
Riang hlei ka ngaih bil a’n,
Chimloh biahthu chhiar maw?”
a chang tawp ber:
“Kir thei mah chang lang e,
A rem tawh lo, lungrun;
Tunah tang dang belin,
Run ka lo rem ta…” @lrp!
Report this comment
February 4th, 2012 at 2:10 am
lushai, meng chiang e! TV ka en a….misual ka melh zauh zauh bawk
Report this comment
February 4th, 2012 at 2:13 am
@hlatekhua: ‘Lawm zel tang e’ tih hi i cang tawp ber kan typo leh teh ang!
‘Aw le, i lungdumtu ngei chu
Suihlung siin lo pawm ta la;
Ka hmangaihna vang che hian maw,
Hlimte’n I len chuan lawm zel tang e’
Lawm zel hi a har thin……….
Report this comment
February 4th, 2012 at 2:18 am
@bmw: ‘Hnem dun ang aw!’ hla kha Pi Hungchhungi FM-ah khan thlang ila!
‘ A leng lawk e, kei zawng hmangaih lenmawi,
Ti mai a e inthen leh chu,
Lunglen tuar a har awm e!!’
@funny-te khan an hre pha mang si lova, Ignatia-te pawhin an hriat ka ring chuang law!!!
Report this comment
February 4th, 2012 at 2:26 am
“Ainawni” hi chu topic dangah la khel-ah dah ang!
@muante, Caribou, St-a ten an comment ve mang si lova!
@Diktepa lah hi chengkawl ang mai! Venglai nula a rim a niang
Report this comment
February 4th, 2012 at 2:37 am
Chalfilh hiking-ah khan kan U pakhat khan Tualbungah Sedar tiat Guiter, a hrui pawh kim tawh lo kha ‘Ka to ber’ kha a Solo pui a:-
‘Khawilam nge niang zanin chu,
Valtinchhinga ka len ang;
Vengchhak lam a len dawnin,
Vengthlang nula ka tiam si,
Vengthlang lam ka pan laiin-
Venglai nulain min ambushhhhhh!’
Chorus:-
‘Khua zawng zawngah ka to ber,
Ka sakhmel chhing zo awm maw?
Ka zunzam phur zoawm maw?
Khua zawng zawngah ka to ber’……tih kha a han sa mai chu(h)
An ei lo teh mai a sin aw!!!!
Report this comment
February 4th, 2012 at 2:58 am
lushai_er, an rawn sawi chilput laklawh tawh si a thianpa sak tal hi kan dah hram ange aw!
https://www.youtube.com/watch?v=38Ru_mOqFQU
Report this comment