In chhungkua emaw in laina hnai ah han biak hlek a vin tuk mai mihring in nei ve em? A bikin mipa tleirawl ho hi an ni zualin ka hria. Kan nau pakhat a lo zin a, han bia ila ‘Ka hre lo’, ‘A peihawm loh’ a ti bung nghut nghut zel mai a, a thinrim pawh a ni lo, a inti tlangval tan chho, pa (man) anga lan duh hunlai anih vang nge ni biak chakawmloh khawp hian a tawngkam a vin a. Point pe leh thuai mai teh ang.
1. Ka ngaihtuah ta a, hmundang chu sawi loh, inchhung khura kan tawngkam hman hi a va pawimawh em ka ti. Ring tak taka in vin khur khurna chhungkua ah chuan hlimna a tlem awm mange ka ti. Kei hi ka huaisen lem lova, mihring dawih deuh mai ka nia. An han vin khur khur hi chuan ka lo hrehawm viau zel a. Chhungkua ah zaidam leh zaidawh taka inbiak leh inkawm hi hriselna atan pawh a lo pawimawh dawn anih hi ka ti ta.
2. Kan tawngkam chhuak hi a vin laklawh chuan ngaia neih a awm thei dawn chiang a, chuvangin naupang ho, a bikin mipa naupang, inti tlangval tir te hi zirtir an lo ngai nasa dawn a lo ni. Kan nau ka sawi pawh khi a tawng ring si, a vin si, hauh a sawt mang si lo. A tawngdan kha reitak a lo chin tawh anih vang te pawh aniang a sim mai theilo a. Min hawsan meuh erawh chuan a thawm ring ber ani bawk a, lung te pawh a tileng letling lawi a.
3. Kan thawhpui pakhat a boral a, a vuitu Pastor thusawi kha a tha ka ti em a, a then kan sawi ve mai mai teh ang. Mitthi kha mipa (cancer patient) a nia, a nupui khan hmangaih leh dawhtheih takin a enkawl a, a thihni thlengin chhung leh khat zawng zawng te mit tling takin a enkawl thu te a sawi a. Kan tawngkam leh chetzia pawimawhzia, a damlo zawk tan a enkawltu zawk inchhung a a vei vel reng reng pawh pen ri thuai thuai mai, thawm dim baksak lova bungbel khawih ri te, damlo han tung tho tur pawh han hrawm nawk nawk mai te nei ta ila a hrehawm dan tur te a sawi a.
Chuvangin kan tawngkam leh chezia hi damna a lo ni. Damchhung reilote ah, chhungte leh midangte tan kan tawngka ri hi hriat a nuam em, kan tawngkam in midang a tina em tih ngaihtuah chung in kan tawngkam fimkhur a tulzia min ngaihtuah thartir nasa a. Ka misual pui te ka rilru ka han share che u ani e.
February 5th, 2012 at 9:10 am
Ni khawp mai, ngaihtuah hmasa lova thil kan sawi hian, ‘MAWL’ nih kan hlawh phah thin..(Y)
February 5th, 2012 at 9:31 am
Ka chhiar tur tak ka chhiar a ni maw. Post tha tak nunpui nghal chi a nih hi. (Y)
tren tren.
February 5th, 2012 at 9:38 am
A hun leh hmun kan hriat thiam hi a pawimawh khawp mai. Pa (man) hunah pa takin awm ila, a that ka ring. Post tha khawp mai.
February 5th, 2012 at 9:51 am
Ka nem thiam lo, pawi ma’ng tak e. Military School chhuak chu kan dang a … military precision hi kan lantir chak thin. Ni nia kan hriat hi min lo train-tute Havildar leh Jemadar aw rawl ang khera tih kan tum ve chawk thin. Environmental influence hi a lo pawimawh dawn khawp mai … rilru chhe hauh lo, tawngpawng vin tuk mai hi a awm theih.
Tawngkam nem diai, rilru kha hlar mai pawh a awm theih. A mawihawih zawn thiam hi chu a lo ngai ve hranpa a ni.
Mihring hi kan inhriatchian tawh hnu hi chuan, cheng kan inman tawh a .. vin hler hlur pawh kawm thiam tak an awm tho. Puberty age maiah a ni hauh lo. Adaptability hi tu tan pawh a chhawrnahawm zawk fo chuan a lang. Unau pianghmun (siblings) rau rau pawh kar a hla thei em mai!
February 5th, 2012 at 10:24 am
Ka U, ka like e
February 5th, 2012 at 10:33 am
A tha khop mai…ka like e
February 5th, 2012 at 11:24 am
a tha e ka like e
February 5th, 2012 at 11:36 am
Inkhawm hlanin a lo chhuak a ni maw… In lo comment ve liam liam a ka lawm tuk e.
chawnghilh sawi ang khian tawngkam nem viau, chhunglam kha si a awm theih khawp mai. A bikin naupang leh tleirawl te, an tawngkam hman hrim hrim an han vin tuk mai hi chu a fuh lo ka ti deuh.
February 5th, 2012 at 11:50 am
Muthmain kan chhiar hram… a ngaihnawmin thil kaltawh min mitthla tir zut zut.
Damlai ngei hian kan ngainatna, kan duhsakna hi lantir tawn thin a pawimawh. Thih hnua tap perpur a “Ka ngai lutuk che” tih khan awmzia a nei tawhlo, thlalak pui te pawh khan awmzia a nei tawhlo. Damlai ngei hian kan ngaihthu, kan hmangaih thu, kan thlahlel thu te hi inhrilh tawn a pawimawh takzet.
http://www.misual.com/2009/11/16/a-sawt-tawh-thin-silo/
February 5th, 2012 at 12:05 pm
@Pu Hv (Y) I sawidik khawp mai. Keimah hrim hrim hi rilru dawih deuh mai ka nia, tawngkam vin leh ring deuh deuh hriat hi nuam ka ti lo.
February 5th, 2012 at 12:29 pm
I va’n sawi dik em Post-tunu. Ka pawm thlap e, nunpui theuh i tum ang u… (Y)
Ka NU(fam) nen in in ang a nih chu. Ka nu kha nu dam leh zawiawi tak a ni a, tawngkam vin deuh a hriat chuan a buai titih mai zel. Vawikhat chu Lunglei a kan chhungte, chhungkaw tawngkam vin deuh in ah a leng a, a hlauthawng lutuk hmel kha kan chhungte khan an lo lawm zawk, an sawi chamchi mai.. 🙂
Chuan kar hmasa khan presentation ka pek laiin, ka present tur hre sa hawt si lo in kan chairman a ang hluah pek a, ka ngawihsan daih asin! A hnu ah ka presentation a en a, a nui leh vur vur si a. Ngaihtuah lem lo a, vin ngawt hi a tullo leh zual..
Post-tunu inkhawm hlana chhuak a ni bawk a, inkhawm hma in ka’n comment ve lawk.. 😀
February 5th, 2012 at 12:51 pm
Post tha tak a ni.
February 5th, 2012 at 1:22 pm
Kei hi ka vin lo emaw ka tihlai hian midang hian ‘i vin si’ min lo ti leh thin a, ka aw rawl hi chu a ring tha thak thak tih chu ka hria. I sawi ang khian mahni in thunun tum hram hram hi keini ang chuan kan mamawh zual bik.
:a la hma hle mai: 🙂
February 5th, 2012 at 1:31 pm
mihring leh mihring in vin vak vak, tawng ring leh awki sang lutuk midang hau chi zingah hian ka awm peih lo hrim hrim..hlim ni ani emaw inhauhni ani emaw sound ring lutuk hi ka tei thei lo..
February 5th, 2012 at 2:11 pm
Sheldie strikes back again….
A va han tha ve! I post ni khawpa mawi a ni e.
Thil pawimawh tak hmuhthelh theih ho hmel deuha lang ho hauh lo a ni. Mi hian min chhiar sa tliah lova kan bula an awm hian kan inchawm tawn reng a ni. Punishment in Kindergarten min ti hrechhuak!
February 5th, 2012 at 2:44 pm
A la hma khawp tak mai @Saitawk 😀
Mahminga, i nu kha ka post hian a hriatchhuah tir ziah mai che a, a tha lamah ngai ang.
lrpa, kan inang anih chu. Thil ri(sound) ring hrim hrim hi ka duh lo. Zai an han ngaithla a, a ri thum dup dup mai te hi ka ti thei miahlo. Tin, bengchheng lutuk hrim hrim hi a changkanglo ka ti.
Ignatia, nia, ka rawn post ve leh chhin anih hi. Thu thiamlo tan chuan inthlahrun a na duh riau a, in lo chhiar duh a ka lawm tak tak.
February 5th, 2012 at 2:53 pm
Tha hle mai. Zirtirtute hi classroom velah an tawng ring thang a, in lamah pawh thinrim ni miah si lo a vin deuh khur khur an hratin ka hria..
February 5th, 2012 at 3:24 pm
Advice tha tak a ni (Y)
Ka hmuh ve dan:
1) Puitling tawng ring thei leh ti deuh buan buan chi hi an taimain an rilru chhungril a thianghlim duh a, itsikna leh elrelna an nei meuhlo bawk a. An aw(sound) a rin ang bawkin an mahni pawh an nih ang angin an langtlang pawp pawp a, an rilru chhungril a awm engpawh, dik leh tha ni a an hriat a piang ring deuh deuh leh tlang deuh deuh a an sawi thin avang hian a mawilo kan tihpui lek zawk a, hei chiah hi insum thei phei se chuan mi belhnaawm tak leh thlatimuang em em tu anni theiin ka hria .
2) Puitling(mipa/hmeichhia) polite leh biak nuam em em, ze zawi leh tawng tam lemlo, a ka(mouth) ah pawh zen ila min seh lovang tih mai tur khawp a nui seng reng chi hi darkar khat emaw vel khawsakpui atan chuan an aia tha hi an awmlo hrim hrim a, a hahdamthlak em em bawk. Mahse kumtluana han inchenchilh meuh chuan an nuih seng reng thin avangin thupui leh thu tak, zirchhawn tlak hi an pai tamlo em em a, chhiat/that tawh nikhua ah beisei an phalo tlangpuia, ngaidan tha tak leh rawtna(suggestion) tha deuh hi an lak atanga beisei vakloh law law a him zawk bawk. An lakah beisei kan neih san poh leh lungawilohna kan hmu tam tual tual thin.
3) Puitling(mahni kum rualpui) vawikhat inhmuhna atanga kan hminga min ko thei nghal, zawh kher pawh ngailova self introduction nei nghal thei. “Kan mamawh aia tam min pek pawh hniallo ang hiala rilru inhawngzau leh thilphal ni a lang te tluka tha leh fel hi an awm lovang a, mi zawng zawngin pawhin biak nuam an tih hi maw !!”, kan tih laiin an bulah chuan nun fimkhur a ngai nasa zual em em a. Kan kianga an polite ang bawka midang kiangah pawh an va polite ve leh tho thin avangin kan chanchin chhelam hriattirloh hram hram a fuh. Hetiang mize kalhmang nei te hi kan chhungkhat laina hnai leh hriatchian tawpkhawk te annih ngawtloh chuan a thlawn a thil min pek an tum pawhin mawihnai taka hnar thiam hram hram a ngai thin. Min duhsak tak tak vang emaw kan tihlaiin kan laka thil engemaw beisei anlo neih let vang a ni thei a, an huangtau phah a, an duh ang kan tihpuitlin theihloh phei chuan hmingchhiatna nasa tak kan tawk daih thei a ni. A tawi zawngin ‘ Mahni hmasial leh thikna ngah” tak anni duh a, inhek leh inrel mai an hreh vaklo thin bawk.
Ka mimal ngaihdan leh hmuhdan ka sawi satliah mai mai a, a dik pumhlum kherlo thei a, thildang sawitur pawh a la awm teuh ang chu. Mihring mizia hi inanglo nasa thei tak a lo ni a, a pawimawh ber chu kan kianga khawsate mila mahni insiamrem thiam zel theih hi niin ka hria. Midang nundan va tihdanglam hmasak tum aiin mahni ze nghet neisa hmang tangkai chunga mahni intidanglam hmasak thei zel hi rilru pawh a thawveng duh a, kan hlim zawk em em bawk, hmel pawh a tha duh em em bawk. 😉 (Y) NOI
February 5th, 2012 at 3:26 pm
nei ve lo , a chhan , lan pa (man) duh vang a i sawi khi a dik mai thei ,mahse kan hriatpui lem loh harsatna leh chhungril a thinrim na tak pai ru hi hetiang mizia hian an langchhuak chawk ania .
February 5th, 2012 at 3:35 pm
A tha hle mai… (Y)
February 5th, 2012 at 4:07 pm
Min share tha khawp mai. Tawng muang, ngaihno bei lo, bung nghut mai ka ni a, ka lo nelawm lo dawn hle mai. Mahse, tun thleng hian – ‘tumah huat ka nei lo.’
February 5th, 2012 at 4:23 pm
Mi chinchang hre zawkte chuan a hmei a pain tleirawl lai hunah hian zia a inthlak nasa em em thin a, mi thenkhat phei chu awihawm lo khawpa mize inletling thawkte pawh an awm thin a, hetih hun lai hian tawng tha duh tlat lo ti ila, an suangtuah dan leh rilru put dan pawh sawi chhuak thiam lo leh thei lo, chutih avanga tharum thawh ta mai te pawh an awm hial thin an tia lawm. Ngawihah te an tlak a, thinchhiatah te an tlak bawk a, chuti ang chu an nih fo avangin hriatthiampui an mamawh hle a ni an tia lawm. Post tha khawp mai. Tin, Sheldon 170 hi chuan a ngaihdan a sawi chhuak thiam tawh em mai, a tleirawl tawh lo a ni ang. Akekekeke..
February 5th, 2012 at 4:28 pm
A dik reng. Fate hmuh leh hriata tawngkam vin hman hian an fate tanlen chhoh zelna thil tha lo a hring khawp mai. Tawngkam vin leh rawl ring kha ngaiah an neih tawh a, thinrim lo mah se an rawl a ring ve tawh hrim hrim! Hriatthiam an ngai khawp mai.
February 5th, 2012 at 4:44 pm
Mihring inzahpahna nei miahlo leh awka bak hluka inbe thin ho bula khawsak hi a hrehawm ka ti thin khawp mai. Theological College a kan awm laiin Practical Ministry atan Jail kan tlawh a, in-service leh nupui fanau nei tawh ka nih avangin a bawnra deuh ho min tum tir a, Nuam ka ti lo khawp mai. Amaherawhchu, Pu Chawnghilha sawi ang khian Environment azir hian mizia pawh hi a awm duh khawp. Zirtirtu leh Police/Sipai Officer te hian mi tirh mai leh han vin mai te hi kan awlsam deuh. Post tha e.
February 5th, 2012 at 5:07 pm
Comment ho chu post aiin a tha alawm le. Nia, han vin that thatna hmun leh hun chu a awm ngei ang. A pawng a pui a vin hlur ringawt ho hi ania ka nin chu…haha
I sual thiam hle mai@boihapa 😀
February 5th, 2012 at 5:51 pm
He tianga mi han chhan bulh hmuk hmuk hunlai hi ka nei tawh a. Keimah-ah chuan, puitling riau leh midang ka mamawh vak lo ni a ka inhriat lai a ni. Midangin min biak reng reng hian, ka ning a ni ber a. Keimah pawhin hreawm tih rukna leh chêp riau ni a ka inhriat chang a tam.
I nau pawh chu chutiang hun chu a hmang ve mek a ang. Pa (man) a inti ru in, midang mamawh lo riau ni a a inhriat lai a ni ngei ang.
“Tawngkam tha in Sial a man” an lo ti thin a. Tawngkam tha erawh hman hram hram tum a tha.
I thuziah, “Chuvangin kan tawngkam leh chezia hi damna a lo ni” tih hi a va han dik em. Post tha tak a ni. (Y) (Y)
February 5th, 2012 at 6:28 pm
Ka sawitur kan theihnghilh daih chu a, a tha a sin le. Chukss (K)
February 5th, 2012 at 8:09 pm
Ka tleirawl chhuah hian ka nu leh pa hi vawikhat mah ka vinlo, ka fate min vin pawh ka duhlo, vin hi tih dawk lak a awm a mawilo, mahse kan nu i chuan a duh duh hunah min vin thin ngaiah ka neih tawh 🙂
February 5th, 2012 at 8:24 pm
Thu lh hla in thiam thin hle mai a… A ropui e…
February 5th, 2012 at 8:24 pm
Ka nupuiin ka hnen a a complaint-na regular tak. Ka ngaihthlak fo thin. So, No Comment… 😛 (Kan ralmuanna hmunah hian khitiang attitude khi ka lo pu thin ani mahna… :-S )
February 5th, 2012 at 8:51 pm
Pc-a khi ka’n sawi khalh teh ang. Heti hian sawi a tum tlatin ka hria- mihring kan thuhmun fo lo. Engpawh nise mi thinchhia leh vin khur khur chi hi chu an ngainatawm lo ka ti ve riau thin. Tleirawl lai hi hringnun kailawn pawimawh ber kan zawh lai hun a nih avangin ngaihsak kan mamawh hun lai tak a ni a, amherawhchu ngaihsak leh duat mamawh lo ang taka awm kan tum luih ve tlat lai hun a ni lawi si! Suangtuahna khawvelah kan chen tam hle laiin a taka dai hriat kan la nei mumal si lo, chu chuan kha a tichih a, dang a tiawk a, tawng tlemah kan tlak a, chu chuan luhlul angin min lantir a, lung a awi lo a, thin a chhia a, kan insawifiah fihlim zo dawnin kan hre lo a, ngawi tlat mahila thil hre lo nih ka duh lo a, tumah ngaisang bik lo anga lan ka duh laiin, milar chu namenloin ka ngaisang ru hle lawi si. Huat zawngte deuhsawh leh diriam hmel hmuh ka tim miah lo a, eng emaw la ni dawnin ka inhria a, a chang chuan superman ang hialin ka insuangtuah a, a takah chuan engmah ka lo ni leh thin si lo a, ka lungawi lo fo
February 5th, 2012 at 9:23 pm
Khawnge ‘The Blues’ ho an buzawlah va luhchilh teh ang!
tren tren 😀
February 5th, 2012 at 9:26 pm
#32 tren2 kan chak dawn GGMU
February 5th, 2012 at 9:31 pm
Tleirawl lai hun hi hringnun kailawn pawimawh ber a nih avangin ngaihthah chi a ni lo. An awm dan leh chet zia te, an nun dan leh thusawi duh zawng te bengkhawn hle a tul laiin, thiam taka ngaihsak a nih loh erawh chuan enthlak reng niin an inhria a, zalen lo riauin an inhre thuai a, hel leh titau rilru an pu thuai thin. An tui zawng leh duh zawng (sport, hoby adt)-ah phur ve hlut chang nei thin mahse an ning leh thuai bawk thin. An tuipui ber hriatsak theiha phurpui thiam chuan nun kawng dikah kaihhruai an sam bik an tia lawm. Tleirawlte hian dawh thei tak leh hrethiam taka enkawltu an neih loh chuan, an nun chhoh zelna kawngah harsata an ngah bikin an nun pawh a buluk nge nge an ti leh zel zu nia mawle! Sheldon, engtikah tak hetia practise tur, fa tleirawl nei ve tak ang che maw hehe..
February 5th, 2012 at 10:21 pm
1 – 0 phawt!!! tren tren
February 5th, 2012 at 10:41 pm
Chel – Man utd (3-0)phawts!
February 5th, 2012 at 11:06 pm
Enge number in sawi a? Inkhel an awm e lo…haha
February 5th, 2012 at 11:19 pm
31 boihapa@ a dik chiah. Kha kha alawm ka sawitum minhnawh ut ut.
Chel 3-3 man uih
February 5th, 2012 at 11:38 pm
Chhesit ho chuan a tawp hun kha an nghakhlel mai2 ang chu o!
February 6th, 2012 at 12:37 am
Post leh comment a ngaihnawm ngei mai
February 6th, 2012 at 11:50 am
Tleirawl lai hi nun inthlak lai ania, inlak ngen te, tawng tlem te, tumah mamawhlo anga inhriatna tehi..mahni inrintawkna kan neihna te, puitling tura rahbi kan penchhohna te ania ania , pawngpaw sawisel mailo a, ngun taka enkol hi a ngai reng ania (L)
February 6th, 2012 at 12:29 pm
K’u Sheldon, a va tha ve, ka mamawh ve tak a ni. Kei pawh hi ka bung nghut thin a, office ah pawh dawr nuam lo an tih ang chi hi ka ni leh thin…