Source: VANGLAINI
National Institute of Technology (NIT), Mizoram-a zirlaite chuan NIT-Mizoram dinhmun chhe lutuk nia an hriat avangin NIT-Mizoram Administrative Block-ah lungawi lohna an lantir a; zirlaite thil tih dan hi duh loin, NIT-Mizoram hotute chuan January 30 atang khan tiamchin awm loa class an suspend bakah, hostel-a awm zirlaite chu chhuak turin an ti a; mahse zirlaite’n an nawrh an tihtawp hnuah, vawiin atang hian class an kal leh ang.
NIT-Mizoram zirlaite sawi danin, zirtirtu (faculty)-te a nih tur ang a ni lo lutukin an hria a, laboratory pawh an nei tha lo hle a, hei hi thuneitute hnenah pawh an thlen tawh thin a ni. Mahse, an thu thlente chu thuneitute’n tun thlengin an ngaihsak lo a, lungawi lohna an lantir ta niin an sawi. Zirlaite chuan, hostel-a an mess pawh a chhe hle niin an sawi bawk.
Zirlaite hian an lungawi lohna hi January 30, Thawhtanni zing dar 9 atang khan class thulhin NIT-Mizoram Administrative Block, Chaltlangah an lantir a; Thawhtanni zan pawh khan an awmna leh hostel-ah haw loin, lungawi lohna an lantirna hmunah an awm tlaivar a ni.
Zirlaite thil tih dan hi duh loin, Delhi-a chám mek, NIT-Mizoram Director thu angin, January 30 zan khan Dy. Registrar (F&A) chuan class suspend na leh hosteller-te hostel atanga chhuak tura tihna thupek a chhuah a ni. Thupek hi tiamchin awm lo, zirlaite’n lungawi lohna an lantir an tihtawp hma zawng atana chhuah a ni.
Zirlaite hian ‘silent protest’ tia lungawi lohna an lantir chu nimin chhun dar 12 vel khan an titawp a, hosteller-te pawh hostel lamah hruai haw an ni a; Dy.Registrar pawhin class suspend na leh hosteller-te chhuak tura tihna order chu sûtin, vawiin atanga class kal tan leh turin a ti ta a ni.
[Read complete article at here]
(Post a tam lo bawk sia hei hi ka ngaimawh em em a, ka lo vawmbei thuai! )
(Admin note: Pu Ignatia chu i ti lawmawm hle na in, online source a awm chuan a vai a copy-paste lo hian a original source credit pek leh link back i tum hram ang u)
Similar Posts:
- News tawi
- Lalpiangliana thih thu a police suspend te la lut leh
- Boys’ Hostel, PUC-a kan awm lai
- NIT Mizoramin class an tan ta
- MZP in sikul naupang inchei dan ngaimawh
February 6th, 2012 at 3:11 pm
An va ti ho tak ve mawle. Engkim hi mizoram a nih tawh hi chuan a buai zel tepawh a ang rum rum e, hotu lam lah in enfiah an tum bawksialo MZU tekhu central university mah nise mizo thuhnuaia awm chin khu a zialo ania aw… An vai chuan a nilo a department thenkhat An HoD te thiamloh avanga che nawi ve thei tak tak te an awm nawk nia mawle. Central lamah report ila eng vak an rawn tih a rinawm bawksilo khua hi a var lo ani eee.
Report this comment
February 6th, 2012 at 3:21 pm
NIT kha Thenzawl ah nge Lengpui ah an tih dawn? hria in awm em?
Report this comment
February 6th, 2012 at 3:23 pm
NIT ve si,kan nei hma mah mah emaw ni dawn le aw???
Report this comment
February 6th, 2012 at 3:48 pm
NIT hi tih that chuan IIT professor senior thluak chawl tawh ho a khum theih asin maw le…
Mizoram hi chu a buai tlat zel..engtizia emaw ni..
Report this comment
February 6th, 2012 at 3:49 pm
NIT neih a tha lo e pawh ka ti chuang lo a, mahse state lian leh puitling zawk te neih ang zawng zawng neih ve vek tum pawh hi a tha ber ang em tih hi a ni….
Entirna pakhatah chuan Mizoramah hian khua leh veng tin mai hian mahni puala High school neih kan tum deuh vek ni mai hian a hriat a, mahse zirtirtu tha, school facility tha kan nei zo leh tak tak thin chuang si lo a, kan khua/veng high school te pawh chuan zirlai an nei leh fumfe tak tak chuang lo a, zirna tha duh nu leh pa te chuan mahni inchawm chawp tur pawn khawpuiah an fate lehkhazir turin an thawn lut leh tho bawk sia….
Tin, mahni khua/veng/district/state a mi neih ang apiang neih ve tum hian zir sang ve tho si, khawhawi zim deuh hi a hring chhuak ve thei tho bawk a te ka tia!
Report this comment
February 6th, 2012 at 3:49 pm
This is mizoram….
Report this comment
February 6th, 2012 at 4:41 pm
kan Mizoram NIT hi chu a veiawm ngawt mai. Hmunhma a chhe si. Zirlaite lungawilo pawh hi ka dem lo
Report this comment
February 6th, 2012 at 4:42 pm
# 5…
Zitirtu thenkhat an thawk tha peih lo lehnghal…
Report this comment
February 6th, 2012 at 4:44 pm
Lo lungawi tawh rawh se. Lungawiloh zawng a hahthlak emai.
Report this comment
February 6th, 2012 at 5:09 pm
An va phunchiar ve a zirlai ho chu, Mizoram dan ah an institute hotute (Dy registrar?) te hian an mess hi eiruk theihna dan anei a lawm. Chubakah an Lab facilities ai ah an mahni in sak hi tihdan phung pangai ani bawk. Artui buhchhiar leh vaihmarcha rawt thak eitur an neih chuan lawm hle tur zawk an ni.
Report this comment
February 6th, 2012 at 5:15 pm
Lungawina reng reng a awm lo, damlai khawvel hi zawng..
Report this comment
February 6th, 2012 at 6:07 pm
Raltiang kai a va hla thin em!
Report this comment
February 6th, 2012 at 6:50 pm
A thinrim thlak anih khi… Zirna chhiat mai bakah Mess chhe bawk…ngaihna awm lo… hostel-a awma mess a chhiat chuan life hi a ‘bam’ vek ani mai…
Report this comment
February 6th, 2012 at 7:17 pm
Transition periodah kan naute hi an awm mek a, a tihnual zawng leh a fuihpawrh zawng aiin a fuih zawngin hma la thei hram hram ila a duhawm ngawt mai. Kan ram te tak te tana thil tha lo awm ve tur mahni PUMPUI chauh ngaihtuah chunga lo tikhawbaw an awm anih chuan
Report this comment
February 6th, 2012 at 7:23 pm
Ka naute ho chu ka va khawngaih mai mai che u o! nagpurah khan lo la awm hle hle ula tha zawk tur hi a nia.Tih theih reng kan nei ve silo..
Report this comment
February 6th, 2012 at 7:27 pm
Kan buaina hi thuah hnih a ni: pakhatnaah chuan mess chhia leh zirtirtu tha tawk lo- institution kalphung mumal lo. A dawt lehah chuan Institution awmna hmun tur la chiang LO hi.
A mak ve ngawt mai. Heti em em a thil a kalmuang hi mak tih piah lama mak a ni. Kan MZU pawh hi a tir kha chuan a thang muang viau a mahse hetiang ang em em hi chu a ni lemlo in ka hria. Central lam atanga thiltih a nih dawn hian(Railway lam thlengin) kan sorkar hian thiam takin a nawr emaw puih emaw a ngai ve a; mahse eiruk tur a awm dawn si lova an ngawi piap piap mai em ni le? Kan hriat loh hian VNIT-Nagpur lama kan nuate nu leh pa paw’n Mizoram lam sorkar hnenah zualko vin lungawilohna an lantir bawk a nih kha, engemaw chungchang avangin. Kha thil pawh kha thlavang hauh tang nge tih chu khawi lamah ; vote a khawih chhiat tam dawn loh vang nge maw ni an ngwi leh hmak!
Mithiam kan tih ang chi hian politics an la luhchilh lo tlat a ni nge Beurecrats lam hi an lo nep tak tak?!
Report this comment
February 6th, 2012 at 7:37 pm
Pu Admin: Dah zeta mahse mobile online tan luh kual a har anga, an chhiar zo loang tih kan hlau hnuhnawh leh mawle. A source ka dah kuau tho bawka ka lo tia. In rawtna chu a chiang kek kawk hle mai, ka tan! Tin, online source dah hi tihdan phung ni hmiah tawh sela a dang pawh(online source nei) hi admin zawng zawng hian dah zel tawh ila….
MZU pawh nakinah la pet nasa viau tura lo suangtuah ve thin hi a kawng chu la bumro ve dawn hle mai. Helaia lo comment ve thek thek bak tih theih la nei bawk si lo va.
Report this comment
February 6th, 2012 at 7:53 pm
Chhiatni thatniah chiah hian Mizo nih hi a nuam ni maiin ka hre ta ber! A bak hi chu buaithlak leh nuam lo tak tak vek! NIT changtlung tak i nei ang u. Tih theih kan neih ve naah i ram tang teh ang u, maw Pu buhduh. Nagaland NIT lamah hian ka thianpa a professor ve a, an hmalak dan a sawi thuak thuak a rualawh a na duh viau mai.
Report this comment
February 6th, 2012 at 8:00 pm
18 Ignatia..Mizo nih nawm vak lo zia hi i hre tulh tulh mai ang! Thil dik duh phei chuan i beidawng mai ang mawle..kan ropui lo reuh ani aw..
Thil diklo thenkhat chanchinbu ah te kan hmu zeuh zeuh a, a bak diklo a tam tur zia hi..!
Report this comment
February 6th, 2012 at 8:02 pm
why this kolaveri di…
Report this comment
February 6th, 2012 at 8:24 pm
India ram a NIT zawng zawngah Mizoram NIT hi a chhe ber. Hei chu sawrkar mualpho na a ni khawp mai. NIT student nih ve meuh a Mizoram a luh hi ka hlau ber. An entrance pek a harsat ngaihtuah chuan NIT Mizoram student te hi ka khawngaih khawp mai
Report this comment
February 6th, 2012 at 8:26 pm
#21 a dik hmel khawpmai, in enfiah kan ngai nasa, NIT an han dah pawhin a chhe ber leh nghal ringawt hi chu keini mizoram/mizo thuneitute lam kan dem awm takzet zet.
Report this comment
February 6th, 2012 at 8:37 pm
Pu lrp: Vanlalfunny chu a lo Kolaveri leh hman ta… I sawi khi a dik khawp ang. Mizoram lama i kir loh chhante pawh a nih duh hmel e.
hp swing: I thlawh tha khawp mai. Kan hnam hi engtia a puitling leh tha nge a nih tih hi hetiang hunah hian a hriat chiah a ni. Direct taka mahni tana hlawkna awm lo tur ang chi hi kan hmu tleu tlat zel!
Report this comment
February 6th, 2012 at 8:52 pm
Zopatriat(#2): A link khi click la, a tawp lamah a inziak. Tunah hian a awmna tur a la chiang lo. Lengpui lam ramte pawh an lo en thla tha leh a ni awm e. Mak ve ngawt mai; a building vel a ding ve ur tawh ang tih nak alaiin a hmun awmna turah kan la buai tawk em em bawk!
Report this comment
February 6th, 2012 at 9:16 pm
A phunsawn hun hma in an phun sawn vei anih kha
Report this comment
February 6th, 2012 at 9:29 pm
NIT Mizoram hi chu an la changtlung lo khawp alawm.. Hmundang ngaihtuah chuan. Mahse, hma an sawn ve bek bek zel ka lo ring ve a.
MZU hi a din tirh atang a chhut-in university dang te nen a compare a a chhiat em em na ka hre lo tlat mai. NIT sawi pah in in sawi lang ta sa sa!
Report this comment
February 6th, 2012 at 9:56 pm
An lungawiloh thu ringawt a inziak a, a solution awm theih dan a inziak mang silo. Post ah hian a kimlo em ni ? Hetiang lungawilohna hi chu a tam lutuk a thutlingah an pawm pawh ka hre ngailo, a bik takin zirlai(student) ah. A solution leh solved dan (idea) sawilang mang silova nawrh ringawt hi chu a awmzia awmlo tak a nia, zirtirtu te support-na ala telloh lehnghal phei chuan.
(NOI)
Report this comment
February 6th, 2012 at 10:18 pm
@Ignatia, hostel ah chuan engnge in hmeh thin a?
Report this comment
February 6th, 2012 at 10:22 pm
va zahthlak hem hem ve..NIT neih chun kan la tlin lo deuh ami aw
Report this comment
February 7th, 2012 at 12:00 am
Atom c: He thu hi News reporter ho ziak ang maia tawi mi hriat tur anga print media atanga lakchhawn mai a ni e. Undergraduate tan hian a solution zawng zawng sawi chhuah vek chu har pawh a har mai thei, anni phei hi chu undergraduateah pawh first year leh second year chiah mawle. Lungawilohna lantir turin an chep ve tawk a niang.
Chhama: Alu leh Dailuah!
Report this comment
February 7th, 2012 at 10:44 am
Kan MZU ah te khu PhD degree an pek pakhat chu thesis defence(heihi arts lamah chuan viva an ti mai awm e) pawh awmlo ani awme, a field work ah pawh mi a interview tekhan a duhdan in an chhanglo a aman a duhdan dan in thil an thil sawi a edit vel ani awme, enge a research methodology an zawt a, methodology awmzia pawh hrelo, “researcher ka nia ka tih dan apiang chu methodology ani mai lawm” te ti mai mai. A research topic lah chu a’n dangdai em em khawpa, sawi lo zawk mai ang in nuih a za ang. hehe.
Hetiang hni hne tur hi chuan MZU hian PhD student hi la tawhlo law law se a tha zawk ang. Hetiang vel vang hi aniang pu lrpa ten MZU in PhD a hmusit an tih nachhan. lolz
mimal ka sawi tumna a nilo ania, mahse a zialo hi ka tia…
Report this comment
February 7th, 2012 at 11:08 am
Atom c: I thuziak khi ka ngaihtuah chiang deuh deuh a i tawng tlahawlh deuh em aw ka ti. Zirlai mahni future siam tum- Pawl XII zirlai pawha Science leh ENgineer lama tui fal an kal khawm a ni a. An nawrh chhanah khian Professorte tel ve chu sawi loh Professorte thatloh khi an nawrh chhan a nih khi aw.
Tunah hian NIT chhia a ni satliah lova mi future siam lai kan tibuai a ni. A ho lo ve khawp mai. Kan chan ni ta se kan nuih a za vak lo mai thei tih lamte pawh hi ngaihtuah ta ila a pawi lo ang!
Report this comment
February 7th, 2012 at 1:35 pm
Education department in Press Conference an koh tuma Minister i/c thusawi kha ka la hre reng:
“Sorkarin theihtawp chhuahin NIT tha tak neih kan tum a, chuti chung pawha kan ruahmanna siam te pawm harsa an ti anih chuan hmun dang an pan thei ang” a ti anih kha!
Nagpur lama an thil tawn ka hriat ang te hi sawi lem lo mah ila Education lam hotute, a bikin Minister ngei pawh hian a hmunah an harsatna a zuk hmuh pui pawhin ka hre lo.
Thil pakhat leh lawk: CM in Kapil Sibal-a hnena lehkha a thawn, helam la inbuatsaihna tura hun pe tura a ngenna lehkha copy te kha an rawn phawrh kha ania, khang te kha enge a awmzia ni ang le??
Report this comment
February 7th, 2012 at 3:00 pm
Pu Lalsawta hi a tha viau dawn amaw ka tia, mahse ka rin ang he hu ani leh lo tlat. Pu Zodintluanga hi alo tha ber anih hi.
Report this comment
February 7th, 2012 at 5:09 pm
Thawk mektu sawi dan chuan ram inpek chungchangah khan sorkarin thutlukna a siam thei lo. Tin, Thenzawla va dah daih kha MHRD lamin an iai deuh hrim hrim bawk.
Hramte_pa chu lo lang hlawl mai a. Kumthar chibai helaiah hian ka’n buk leh tho tho ang che. Kumthar chibai le!
Pu Lalsawta chuan tlukloh a ngah em mai!
Report this comment