Vawih!
Zan khat chu kan khuaa Pastor rawn awm thar fanu kan rim ve a. Khawpuia sei lian tih takah a ti-tuai nalhin a hmel pawh a tha na-ngiang mai. Rin ai takin kawm alo nuam phian leh nghal a. Kan khuaa thil thleng nuihzatthlak deuh kan hriat ang ang te kan thawhkhawm a, a nui ve hawk hawk mai. Kan va hlim dar dar em! Ka fiamthu- thawhah khan a nui nasa bik tlatin ka hre leh nghal a. Nuam ka va’n ti em!
Tin, ngai teh, zan dar 8 vel ani a. Ti ti zawm zat turin daih seng tawh bik hek lo. Chutia kan ngawih thap lai chuan ka bul chiaha thu, ka thianpa atangin thil ri Fiàk/ Mâr-át mai hi a Ki sâng vah mai hian a rawn chhuak ta! Aw, Mi ten “Zanthiang reh lai takin, ènna a lo thleng ta…” an tih laiin, keini zawng ‘Zanthiang reh lai takin Zahna alo thleng ta!’ Eng zahna maw? E le, Vawih!! Ka bula thu a vawih!
A vawihtupa chu ka’n en a, a hre lo awm miah miah, Nula-i chu ka’n en leh, nui tut tut chung hian min lo en reng niin. E he! Ka vawih emaw a ti ani chiang! Ka vawih a nih loh zia lan tir a ngai ta! Proof a ngai ani. Ka thianpa chu rum tawkin, zawimuangin ka’n melh phei a, ‘I tawp ê mai, insûm ve la…’ tih leh thawh ka rual… ‘Mangtha’ ti a, inthlah pawh nghak hman loin ka haw nghal nal nal. Khami zana Pastor fanu, hmeltha leh paw pheu mai, kehkha thiam nibawk, kan thianza tih loh– kan khaw tlangval tûma’n an rim ve ngam loh hmaa ka vawih loh zia Proof a ngai ta mai kha ka hriat chhuah chang apiangin tun thleng hian min la ti zak a, ka nuih a za miah lo.
Khuk chem chem…
Tum khat pawh ka Bialnu, Kohran Upa fanu min rimpui turin ka thiante 2 ka hruai a. A nihna takah chuan an Inchhung ngeia ka tirh kual theih zia min hmuhpui tura ka duh vang ani. A mah chauhin TV a lo en a… YES! A fuh dawn e!
A bulah amah si chàtin ka’n thu a, dawhkan chungah ka ke ka’n hlang chho nghal phawt a, TV Remote ka hum nghal bawk a. MTv leh Channel (V) hmet kual vel puat puat phahin Kuhva ka siam tir a, Tui suakah ka’n tir zui nghal a. Tin, ngai teh, chutia ka thuneihna ka show mek lai chuan– Pindan kawngkhar chu vawi-leh-khata rawn inhawngin Father-a a rawn chhuak ta luau mai. Kerh Kerh rim a hriat avanga lawmlo tih hriat tak hian muangchangin TV chu a rawn Off té te a. Chutah “Zanin chu Zu rim kan va nam ve… I nu vawiin lamah a chau deuh a, khumah sawn va Malis rawh…” E heu! Boruak a fuh ta lo! Ka bulah a la rawn thu zui… Kerh kerh vanga inlak ‘Pa’ tih vel chu khawi lamah, khuk chem chema khuak ral raih kha ka va’n chak tak em! Hemi zana ka boruak tawn pawh hian vawiin thleng hian ka nuih ala ti za thei thak lo.
Zipper.
Thalai Inkhawmpuinaah mawle… Kekawr tè ka lo ken theihnghilh pek a. Ka chhungte ka phone a, “naktukah rawn kal tur an awma kan rawn thawn ang” anti. Tlai khat na na-na tiin, a hnuaia engmah hak nei si loin Kamis chu ka’n bilh lut ve trat a. Pandal ka luh dawn chiahin Kekawr Zipper ka Zip lo tih ka hria. Aw, Kan thlen In leh Pandal inkar hlat zia te, mi kan tawh tam zia te kha… Khang, kan mi tawh ho zawng zawng khan an hmu ngei awm si a… A va’n hreawm em! Inkhawm banah te khan mi zawng zawng hian min en hrek hrek, min nuih tet tet niberin ka hria.
A hnu-a ka thiante sawi dan phei chuan– (an fiamthu nimaw?) Zipper inhawngah khan ‘Sam’ ang tak, Thil dum lo-hmu te pawh an awm ani awm e. Hei zet hi chuan min ti zak satliah ani lo, nun a ti hreawm hial! Ka sawi thui lo mai ang e, ka la mur chuai chuai thei. Hun kal tawh mah nise, ka nuih a za miah lo!
Hetiang chetchhiatna, mahni-a han ngaihtuah let leh changa mi la ti zak chem chem thei, nuihzatthlak/ nuih ti za miah si lo ang chi hi intawng ve tawh ngai em le?
April 9th, 2010 at 12:11 am
@H.Vangchhia #44 hi ka hre deuh reuh.
Report this comment
April 9th, 2010 at 1:49 am
https://yfrog.com/5fthlalak212j
Tah hian ka vawih phur mai ka nuih a za miah lo trawt trut
Report this comment
April 9th, 2010 at 7:29 am
Tlangval 99 fing deuh kur si,biak thrat tur te hre em2 mai si hi thuruk tawp mai kengin a lolut thrum2 a phun sup hian chhungte dang hriat hlau fe hian lehkha a rawnphawrh a,”hei hi America president hnen thleng tur a niah, sap trawng ka thiam silova minlo lehlinsak hram teh.”a rawn tia, kan thiam ve dawn a mawnle a pawimawh awm sia ti chungin kan ensak chu Vanlal..i,(an monu) D/o thansanga, leh Ram..i(an threnawmnu) D/o Lalmawizuala te pa2 hian min phiarru a, misual rutak annia.. tih vel kha a lo nia, ka nuihza si ka insum hleitheilo,”a hetiang keini lehlin thiam chi a nilo kan nep lutuk Pu Zaua(english lecturer) saw va tihtir zawk teh” kan inti hram a lawm
Report this comment
April 9th, 2010 at 9:38 am
Kawlhawkte chu rawngbawltu fanute ho ah i tla na viau anih dawn hi
Report this comment
April 9th, 2010 at 10:55 am
Tleirawl chhuah tirh khan ka thian te pahnih hi bialnu rim tur in Lpt ah an leng a. Door bell an hmet a, a zai riai riai chi kha lo nia. An lo kerh kerh hman deuh phur lutukin an varanda ah chuan lam dun ta nghawng2 mai ni awm e. A nu in a rawn hawng chu posi a chhe duh teh mai a nia an tia lawm.
Report this comment
April 9th, 2010 at 12:19 pm
#54– Irre,
Kohhran rawngbawltu fanu te nen hian kan inkungkaih thei tak2 a sin awww :lol:
Report this comment
April 9th, 2010 at 12:31 pm
HBC ah II BA kan zirlaiin thiante kal lo hming in-present sak kan ching thin a. Tumkhat chu ka thianpa kal lo ka present sak ngawt mai a, ka thianpa Roll No. kha an lo re-shuffle a, hmeichhe No. a lo ni si, Sir Rualkhuma Hmar in min dintir a, min han fiam zui mai chu, kan tam si a, a zahthlak ve duh khawp mai.
Report this comment
April 9th, 2010 at 1:28 pm
“Ka nuih a za miah lo” i tih kher khian ka nuih a tiza zual. A zawmtu comment-ho pawhin ka nuih a tiza lo em em vek miah lo!
;D :))
Report this comment
April 9th, 2010 at 3:45 pm
#58– lianchhiar,
A za lo tak tak! Hei en la– :evil:
Report this comment
April 9th, 2010 at 4:11 pm
mahni chet chhiatna han thailan ngam hi ka ngaisang hle mai che, i nuih za lo hle mahse. Midang sawisa reng reng a fiamthu thiam ni ve mai Mizo te hian Mahni in sawisa ngam hi kan mamawh ve tawhin ka hria kei misual hian.
Report this comment
April 9th, 2010 at 4:36 pm
@rascal crowe, doorbell ri rem a lo lam ngawng² hi ka mitthla in ka hmu a…ka nui nasa lutuk. A rui phur ve hle nih chu
Report this comment
April 9th, 2010 at 4:39 pm
@thinawrha..i hah tawh em em lo mi..i thil awrh kha..
Report this comment
April 9th, 2010 at 5:16 pm
@vetehmial, vetehmial che chuan, ka hming i lo vei vetehmial a
Report this comment
April 10th, 2010 at 1:04 pm
Vawih nanana chu kan thianpa ‘ku’s vala’ hian engahmah a ngai lo. Han thutkhawm thap a a titi zat zat te hi, a han vawih ri tuar mai a.’Kan chhungkua chu vawih kan insum ngai lo’ a ti a, a titi zawm char char thin.
Report this comment
August 28th, 2010 at 3:24 am
Hahaha.. Mi tam threp thrawpnaa vawih chuan confi deuhva bula mite en tur!
Ka nui hnem kher maiaaaa….zan lai laia.
Pu Kawlhawk nge nge. A lawmawm thin e.
Report this comment
May 8th, 2012 at 4:16 am
I thianpa chuan chuan a ti ho hle mai a.
Report this comment