Khawi nge, tun tum chu Ka pianthar dan Testimony kan sawi daih teh ang. Mi tuemaw talin Pathian Chhandamna leh Piantharna awmzia alo hriatthiam phah a, alo hlawkpui tak mialin.
Ka pa hi Fanai lal fapa ti a sawi theih leh thingtlang zirtirtu tih takah tlangval lai atanga kohhran upa a ni a, Ka hriattheih chinah kan kohhran (Local church) ah Chairman ani reng thin a (tunhmain term leh Chairman elect tihvel awm ve ngai hek lo). Tin, bialah pawh Secretary hna hi a chelh reng ringawt ni mai hian ka hria. Kan naupan laia kan hna ber pakhat chu committee kohna lehkha sem leh tuibur zawn hi a ni.
Ka nu hi Ka pa aiin ka ring zawk daih thung a, mihring zingah hian mi rinawm leh mi dik hi an awm ngai anih chuan ka nu hi pakhat chu ani ngei ang. Ka nu hian kan naupanlaiin Sunday School ah Beginner-ah hian min ho thin a, zan lamah ka pa committee hlan hian mutnaah Bible thawnthu hi min hrilh thin a, chutianga awih mut thin chu ka ni.
Bible hi hmu miahlo pawh ni ila, ka nu min hrilh ringawt pawh kha, Bible hi thawnthu anga hre pawl tak ka nih ka inring thin a, tunhnu hian ka chhawr ta em em mai a ni. Tin, ka nu hian pangang leh rul te, zanthim leh ramhuaite hlaulo tur hian min zirtir nasa a, “Ramhuai hmu anga an sawi hi mihuaisente finfiah dawl zo an awm ngailo” a ti thin. Tin, puithuna atthlakte hi Chanchintha avanga a hlauhawm loh zia te hi min hrilh thin a, Mihringa rinna nghat loa Pathianah chauh rinna nghat tur leh Pathian chauh lo chu thil dang engmah hlau lo tur hian min zirtir thin a ni.
Vanram leh hremhmunte hi min hrilh hneh bawk a, piangtharlova thih mawlh mai hi ka hlau thin a, a chang phei chuan ka ngui phah em em thin a ni. Pianthar hi ka han tum nasa thei khawp a, rin te hi ka han tum thin khawp mai a, “Ka piangthar te hi ka han ti ve ringawt a, mahse, thlamuanna leh danglam engmah a awm thei tak tak si lo. Pu F.Laltuaia, Pu Lalthlamuana, Pu Lalchungnunga, Sangkunga Miller, Zadawla, Vanlalnghaka leh Lianthanga te thlengin an Crusade ah an thusawi ka ngaithla nasa a, mahse, ‘Change leh Peace of mind’ a awm thei tak tak si lo.
Tichuan kan lo rawlthar chho ve a, pawh tak tak ngam vak silo hian ralkhat * deuh te kan lo nei ve chho a, Pianthar duhna leh tumna lam chu ka neilo ta tial tial a. 1985 kum khan kum 16 mi niin HSLC ka zo a, Shillong-ah Pre-University zir zawm turin ka liamthla ve ta a. Thingtlang naupang ka nih avangin, khawpui mite nun zir ve leh adapt ve ngei ka tum rilru hle mai a.
Ka duhthusamin Mizo Hostel-ah Aizawl tlangval hmeltha, mihausa fa leh Music lama tui thah mai te nen kan han awmho ta mai anih kha. An zinga Boss deuh ber leh a sualhuai deuh ber, hmel lamah pawh tha chungchuang ber kha kan chipui leh kan chhungkhat hnai taka lo ni a, kan in roommate lehnghal si a, kan inkawmngeih ta hle mai a, midang pawhin tuman min tichhe ngam ta lova, pocket money nei chau ve tak ka nih nen min awi hneh thin hle a ni.
Tichuan, khawvel nun changkang zir ta chu nuam hi ka han ti khawp a, Shillong boruak a lo nuam nen, tlaiah khawlai han leng ila, a zo a vaiin nula tleirawl tawh phawt mit kan la a, Kan hostel Superintendent pawhin min chhuan thu a sawichhuak hial a ni.
Nula, music, zu leh ganja te tih ve a lo ngai chho a, zu ka inve tum lah hian buaina kan tawk thei em em mai a, Tumkhat phei chu min vawhlum dawn ngei ni hian ka hria a, Thih ka hlau ani lo a, Mahse Ka nu min ring em em tuin zu rimnam chunga misual kuta ka thi tih a hriat huna a rilru nat dan tur zia ka ngaihtuah teh daih a. Mahse, Pathian hian min veng tlatin ka hre thin a,(Tin, Karate thla 6 vel ka lo zir ve kha ka chhawr thin niin ka hria a, him pual hian ka tal chhuak leh tlat thin).
Chutiang chuan, ka hriatloh karin ka nun alo bawraw thuk hman hle mai hi alo ni a, kohhrana ka thianten min hlat zova, ka khua hi a har ru vawng vawng thin. Mizorama han haw chang lahin ka lifestyle lo danglam nasa tawh lutuk kha, Thingtlangah chuan min lo ngaisang ve nasa mai bawk si a, nuam chu ka ti ve ang reng viau tho mai. Mahse, kum 1987 Krismas leh Kumthar inkarah khan zu a lungpuam tawkin ka in a, ganja tlem ka zu bawk a, phulah keimah chauhvin ka thu a, ka ngaihtuah ding ta nget nget mai a ni.
Ka nun kawng zawh lai chuan eng thil tha mah a thlen lo va, zirlaia hlawhchhamna leh taksa boral na; A tawpah chatuana thlarau boralna ani tih ka hrechiang ta hle mai a ni. Tichuan, ka nun kawng zawh chu kalsan leh SIM hmak duhna tak tak ka lo nei ta tlat mai anih chu. Vanneihthlak takin, Kumthar tir teah chuan, kan veng thenawm kohhran ten Salvation Camp an siam ta hlauh mai a, tuma tirh ngai miah lovin, luh ve ka duh thu ka pa te ka hrilh a. Bialah ka pa a lo challang bawk a, an lo phal khawp mai a.
Tichuan simna thinlung pu sain, ka thinlung zawng zawngin Lalpa lam ka hawi a, ka zawng a, ka thinlung pindan khek leh hawn phalloh nei miah lovin kawngka ka hawng ta ani. Speaker chuan, sual thu a han sawi chho ta a, thlahtu bulte bawhchhiatna avanga kan pianpui thinlung sual leh tenawmna hlira khat te, Pathian in ti tura min tih kan zawm famkim theih hauh siloh sual te, ti lo tura min tih kan tih luih tlat thin si te a han sawi chho a, Pathian mithmuha kan sual tenawmzia te, kan thil tih that leh fel kan lo intih vena berte pawh hi, Pathian thianghlim mit hmuhah chuan “Pawnchhe hnangkhai, eklung ang chauh” anih zia te a han sawi a, Pathianin sual a ngaihtheihloh zia leh sual hi hrem loha a chhuah ngailoh zia te a han sawi a, mihring tan hian engtikawng maha Pathian tihlawm leh tihlungawi theih anih loh zia te, chumi avanga misual thi tur kan nih zia te, a han sawi a, a beidawnthlak hle mai hian ka hria a ni.
Chutia, ka mangan leh beidawn em em lai chuan, mihring tana tihdan kawng awm miah lo leh thil theihloh hulhual chu, Pathianin a Fapa kawng tinrenga amit tlung leh thianghlim famkim chu, kan sual aiawhin a hrem ta zawk a, A thihna kha kan sualna avanga kan thihna a ni a, a thawhlehna kha nun thara Isua Krista Thianghlimna leh that famkimna kan tawm ve na ani tih a han sawi ta .
A Bible chang hman pawh Johana 1:16. “A FAMKIMNA KAN CHANG THEUH, KHAWNGAIH CHUNGA KHAWNGAIH LEH CHHAWNNA NEN” tih hi ani a, Misual tenawmna hlira khat, mahni intithianghlim theilo, kan han tum ve ngial pawh a, kan thil tih that ve ber pawh, Pathian mithmuhah chuan Pawnchhe hnamgkhai leh EKLUNG ang chauh ni khan Pathian Fapa Isua Krista sual leh bawlhhlawh kailo thianghlim famkimna leh a FAMKIMNA kan lo chang reng anih chu; KHAWNGAIH ACHUNGA KHAWNGAIH LEHCHHAWNNA AVA NI TAK EM.
Chumi tichiang tur chuan Galatia 2:20 hi a rawn hmang bawk a;- “Krista hnenah khenbehin ka awm ta; nimahsela ka nung a ni; keimah erawh chu ka ni tawh lo, Krista chu keimahah a nung zawk a ni; tin, tunah tisaa ka nung hi rinnaa nung ka ni-Pathian fapa mi hmangaiha ka aia inpetu rinnaah chuan” tih hi ani a, ka thinlungah a awmzia a chiang ta em em mai a. Isua emaw an khenbeh ka lo ti thin a, keimah ngei hi khenbehin ka lo awm reng tawh hi a lo ni reng mai a. Tuna ka nung pawh hi RINNAA NUNG ka lo ni reng mai.
Ka thinlung lung anga sak kha tisa anga nema thlakin alo awm ta a, ka hriat miah lohvin Pathian Thlarau Thianghlimin ka thinlungah min lo chenchilh a, ka duhzawng leh chak zawng te, ngaihsan zawngte chu a lo inthlak danglam ta tlat a ni.
Chaklo teh mah ila, keimaha Pathian chi awm hi tihbo theih ani tawh lova, chauh chang nite lo awm thin mahse, Thlarau Thianghlimin ka kawng zawh leh thiltih kha adik lo ani tih min hriattir thin a, inchhirin leh ngaihdam ka dil chuan, ngaihdamin ka lo awm leh thin a, ka chakna chu mupui anga siam tharin alo awm leh thin a ni.
Lalpan malsawm rawh se. Sunday hman nuam vek u le.
Similar Posts:
- Thinlung Hliam
- PIANTHARNA
- Zirlai leh Professor (Sunday Pual)
- Hmêl leh chêtzia pawhin (Sunday pual)
- PIANGTHAR LEH SUAL HUAT
February 12th, 2012 at 6:44 am
1. Hei chu sermon pa te a ni ringawt e, a tha khawp mai.
Report this comment
February 12th, 2012 at 6:54 am
ziak tupa, atha hle mai
Report this comment
February 12th, 2012 at 6:56 am
Ava han tha tehlul em, a chiangin, a fiah in, a tha hle mai. Isua emaw an khenbeh kalo ti thin a, keimah hi a ni khenbeh a chu, Amen
Report this comment
February 12th, 2012 at 7:16 am
Inkhawm ban veleh ka chhiar ang.
Report this comment
February 12th, 2012 at 7:20 am
A ngaihnawmin a ropui hle mai, thlamuanna tak tak i neih hma, khawvel nun i chen lai pawh khian Pathianin a kalsan hauh lo che a nih khi le.
Chawlhni hman nuam le.
tren tren
Report this comment
February 12th, 2012 at 7:21 am
chhiar ang
Report this comment
February 12th, 2012 at 8:22 am
Inkhawm banah ulukly in ka chhiar ang. A tha dawn tlat.
Report this comment
February 12th, 2012 at 8:30 am
Good Morning vek u le. Hmanah khan Pu Vakula khan Ka Testimony hriat a chak thu kha a rawn sawi a, mahse ka inthlahrung hle mai a, tun hi ka thleng ta a ni. Fb lamah Pathian Thu Group hrang hrangte ka han luhchilh ve takah hian, ‘Chhandamna leh Piantharna lam hi sawi tam alo ngai hle mai’ tih ka hmuchhuakin a hria a, Tin, Mahni Experienced ngei atanga sawi hi a fiah bera ka hriat avangin inthlahrung tak chungin ka han sawi a ni.
Pathian hmuh leh Piantharna Experienced dan hi a inang vek hauh lovang a(a dang theuh zawk mai thei) chuvangin midangte pawhin in pianthar dante pawh han share ve ula a thain a tichiang lehzualin ka ring.
Report this comment
February 12th, 2012 at 8:44 am
A va ropui em. Pu PK, blog te siam ve la, i thu ziak tha tak tak te hi blog lama en mai theih tur in dah ve la.
Report this comment
February 12th, 2012 at 9:16 am
BREAKING NEWS (sorry, PK). Whitney Houston a fam an ti. Beverly Hilton Hotel a thi a chhar ani. Tun hnaia music lama mi ropui ber pawl, grammy vawi tam fe la, US chars at top hit vawi 7 zet nei, film (The Bodyguard) ah pawh chang. Mahse hun rei fe a rilru buai vantlang hriat ani a. A hun a tawp ta ani e. Kum 48 chauh a ni. Rest in peace.
Report this comment
February 12th, 2012 at 9:21 am
Amen! Sunday hman nuam vek u le.
Report this comment
February 12th, 2012 at 9:43 am
Amen…ava ropui em…
Pu Pk, keipawh mite angin thil sual va ti lang em2 lo mah ila, chhung rila hlimna tak2 ang hi ka la tawng ve thei lo…la tawn ve ngei ka beisei…
Chuan zantin kan hostel ah kan prayer meeting thin a, NE nula ho, missionary tawngtai pui tur ah ka thawh thin ce., kan hre tlem bawk sia, i hming alang zing khawp mai:)
Report this comment
February 12th, 2012 at 9:45 am
Sony, a va uiawm ve. Ka’n search chhin a, TOI leh CNN lamah pawh an ziak e. RIP.
CNN.com
Report this comment
February 12th, 2012 at 9:56 am
Silvermoon, ka va lawm tak em. I hming tak min lo mail theih chuan ka lo tawngtai sak thin ang che. @Sony, ‘Saving all my Love for u’ kha ka duh thei a nia aw. RIP. @Sangpuíipa, ka lut thuk tial tial a, blog pawh hi ka la siam ve tak tak mai thei e. Laitumkhrah Khasi Gang ho nena kan inbeih te Happy valley Gurkhali Gang ho nena zan 2 kan innuai te kha dah ta ila, a ngaîhnawm ve viau maithei a ni. Inkhawm kal a hun ta tlat mai.
Report this comment
February 12th, 2012 at 10:05 am
pu pk i email k hre tlat lo…
Bakah kan exam lai ania, hun thawl deuh ah biak che ka duh hrim2.
Eng2 emaw clarify tur ka ngah..
Report this comment
February 12th, 2012 at 10:09 am
bakah kan exam lai ania, hun thawl deuhah biak che chu ka duh..
Report this comment
February 12th, 2012 at 10:32 am
Ziak tha lehpek e
Mahse Pu PK ka lo hau leh lawk che. Thu i ziahin sentence laklawhah hawrawppui hi hmang tawh lo la. Proper noun emaw sentence intanna a nih ngawt loh chuan. I style ve hrim hrim a nih chuan thuhran.
Report this comment
February 12th, 2012 at 10:36 am
Pu PK, blog chu siam tak tak teh. Misual a i post hi a tha em em a, mahse a dang i post ho hi a thupui vel hriatloh phei chuan zawn a buaithlak thin a. Blog lamah chuan zawn hmuh a awlsam dawn a.
Report this comment
February 12th, 2012 at 10:43 am
Pu Pk fanai hi thu i thiam ngawt mai…Chu mai bakah hetiang ziak thei tura Pathian i hmu chiang hi i fakawm,.Sunday zinga misual a han luh a, i article lo awm ziah hian misual.com hi a ti hlu ngawt mai…
Report this comment
February 12th, 2012 at 11:14 am
a tha kher mai, piantharna Bible reference kan dah thin hian thu tamtak a sawi tel thin a nia.
Report this comment
February 12th, 2012 at 11:52 am
A va han ngaihnawm ve! A ropui hle mai! I rawngbawl zel na turah Lalpa’n tichak che sela, Malsawmna ni zel ang che.
Similar Post-a PIANTHARNA khi ka ziah. Mahse, mimal Testimony ang erawh a ni lo.:pil nghal:
Report this comment
February 12th, 2012 at 12:06 pm
A ngaihnawm ngei mai. a sei hle na a, chhiar a nuam e..
Report this comment
February 12th, 2012 at 12:07 pm
Pu Pk, i chanchin chu a ngaihnawm hle mai. Tukin ah ka chhiar hman lova, tunah ka chhiar chiah. I pa pawh khi a ngaihsanawm hle mai. Tlangval lai atanga khitia Kohhran kutke a ni thei khi. Pa i nei tha a, i pa pawhin fapa thatak a nei anih hi ka ti.
Pathian mi ruat hi chu an awm bik hian ka hre thin. Tluang taka rawng i bawl zel nan duhsakna kan hlan thar ve leh teh ang che.
Report this comment
February 12th, 2012 at 12:54 pm
Tha hle mai
Report this comment
February 12th, 2012 at 1:30 pm
Ka lawmpui hle mai che. Kan testimony chu an in chhungkhat a nih hi mawle
Report this comment
February 12th, 2012 at 1:31 pm
A ropui e, Pk, Sunday a sermin min rawn chhawchhuah thin hi a ropui lutuk. Tukin pawhin khawnge Misual ah PK a sermon a awm ang kan chhiar leh ang e, ka ti a. A lo awm leh ngei a….a lawmawm tak zet zet e, rawn ziak zel rawh aw…. misual inkawm hman lo leh inkhawm puih lo tam tak tan pawh an inkhawm a sermon an ngaithlak ve theihna chance a ni si a, tawngtaina nen lo um zui zel bawk la.
Report this comment
February 12th, 2012 at 1:41 pm
@Silvermoon, Min hriatchian dan em emah leh, pawh theih mai anga i sawi danah, NERIST Girls’ Hostel ami inih ka ring a, I hming pawh hriat kher ngai lo ve, eng hunah pawh in lo leng thei a lawm tiraw? Nangni ho zawng ka Fate vek innih kha.
Similar Post a Pu Ralte a ziah ‘PIANTHARNA’ khi chhiar tel ngei chi anih khi (Comment tel lovin.hehe)
@Sangpuiipa, Pathian tana a hlawk zawk dawn phawt chuan, ka la siam em em ang.
@ Sheldon, Keipawh achang chuan, Pathian hian ka lakah hian zah angai bik emawni aw? tih chang ka ngah mai. Mahse, Samuela anga Pian hma atanga Pathian Rawngbawl tura Serhhran ka nih vang ani mai thei. Abrahama Pathian Thutiam Pa pawh Aigupta Lal hlauh avangin a nupui “Ka Farnu” a ti a, Aigupta Lalpain Nupuiah neih a tum ngawt mai a, Pathianin Abrahama hrem lovin Aigupta Lalpa leh a Lalina mi zawng zawng a hrem daih kha.Ka intehkhin fo thin. Tin, A rawng hi bawl duh lovin, tlanchhe zel ta ila, Ka lakah Beiseina nei ta miah lo se, Nuamin ka dam chuang hauhin ka ring lo. Pathian leh Setana hnena Intiamkam hi tih mai mai ani lo.
Report this comment
February 12th, 2012 at 1:46 pm
@Tete-i leh Chhingdailova. Nangmahni anga min Fuih phur thin tu te avang hian a lawm, Sunday zing Sermon hi batah ka nei ta tlat a, Pathianin min vengin min awmpui zel sela, chhunzawm zel pawh kan tum ang chu.
@Pu Donald, Pu Zohoa’n God & Science-ah a cho hle che kha. “I U Donald-a i ngamlo em anih kha” ka tia, Tlawmah a la deuh a niang. hehe.
Report this comment
February 12th, 2012 at 1:54 pm
@Aduhi, Mizo Tawng ziahdan kalphung pela, mahni Style lo neih ve ngawt te chu… chi nang le. Ka ngaih pawimawh bik leh Proper Noun-ah hian Sentence laklawhpawh ni se, Hawrawppui hman hi ka ching pek a,Nang thil ilo chik a, alawmawm e. Rawngbawltu Nupui atan i that ka ring ta tlat mai; chin dan thalo leh mawilo i Correct peih hmel tlats.
Report this comment
February 12th, 2012 at 2:28 pm
I naupan laia i nu in Pathian thu a hrilh tak tak lai che khan i piangthar daih tawh lo maw? I puitlin hnua i han vahbosan hnuah Camping ah hian i inhmuchhuak thar ta a ni mai em? Naupan laia nu leh pa ten Pathian thu a an chawmlen tak tak ho hi an pianthar ka ring tlat a nih chu.
Report this comment
February 12th, 2012 at 2:51 pm
pu pk, nerist lam nilo…a hla lutuk kan awmna chu ..hehe..
Silent reader ah ka tang rei tawh a, ka hre deuh thuak vek che u..
Report this comment
February 12th, 2012 at 2:54 pm
@awmawmpuia, Ka nu pawh hian, “I naupan laiin i piangthar” a ti thin. Mahse, Tunlaia mi tamtak Piangthar ang deuh hian, ka Clear han thei tlat lo a ni. “Pathian Fapa neitu chuan, Mahniah hriatna a nei tur a ni” tih tak hi chu he post a ka sawiah hian ka nei chauh a ni.
Mahse, Lal Isua khan, Vanrama awmtur a sawi khan, Naupang Rilru thianghlim leh Vanram lawm ang nih a ngaih thu kha a sawi thin a. Khati taka Vanram kai duh kha chu, lo thi ta pawh ni ta ila, Vanram chu ka kai ngei chu ka ring.
Report this comment
February 12th, 2012 at 3:15 pm
I Testimony ngaithlak a nuam khawp mai.
Piantharna chang tur hian kei/nang hian kan dah sang lutuk em aw ka tih thin.Keima hmu ve dan chuan piantharna hi thil ho te mit khap karah thleng thei niin ka hmu,piangthar tur hian mi thenkhat chu kan chunga thil ropui tak thleng tur anga kan in ngai a,mahse a nilo ti hi keima experience atangin ka han share ve e.
Pathian in awmpui che malsawm che rawh se. Amen.
Report this comment
February 12th, 2012 at 3:20 pm
@ PKfanai, ka sawi duh tak i rawn sawichhuak e. I naupan lai khan lo thi ta ni la, khati khawpa Pathian thu a hrual nasat i ni a nang pawhin chu chu i nun kaihruaitu ah hmangin Pathian hmuh tumin i bei a, vanram kal tur i nih ngei ka ring tlat a ni. Chuti a nih chuan i piangthar tihna a ni dawn si. Piangthar concept lai hi a nihdan tur tak aiin kan kalpui fuh chiahlo emni aw…ka ti thin.Tunhma chuan ‘Isua hi lo ring ve tawh rawh u’ an ti a, ni e tih kha a ni mai a.
Naupan laiin pathian kan ring em em a, nu leh pa ten min kaihhruai that chuan Pathian pawl nih kan thlang a, Setana pawl nih kan duh miahlo. Chu chu piantharna a ni mai lawmni ka ti deuh a ni. Rinna a thanglian chho zel tur kan ni tih erawh a chiang a. Kan han tleirawl/tlangval chho a Campingah Speaker/Counsellor ten kan piantharna an han paihthla thak thin te hi fuhlo deuh a awm em ka ti ve thin a ni.
Report this comment
February 12th, 2012 at 4:13 pm
@Silvermoon, Ka hria chein ka inhria. Muay Thai i en ngai em?
@awmawmpuia, Ka sawi tawh ang khian mi hrang leh Hnam hrang hrangah Pathian inpuan dan hi a in an ka ring lo. Tin, Naupang lungmawl leh Puitlingah pawh a danglam ka ring. Tin, Lal Isua khan Naupangte kha a Hmangaihin, a Zirtirte zilh nan leh an entawntur khan a hmang nasa em mai.
Report this comment
February 12th, 2012 at 4:50 pm
Report this comment
February 12th, 2012 at 5:02 pm
@36 I nuih danah ka ring dik e.
Report this comment
February 12th, 2012 at 5:57 pm
@Silvermoon, Ka ring dik lo leh si tlat che. Min contact duh chuan, ka Fb id fanaidingtea emaw fanaidingtea@yahoo.com ah emaw min rawn contact mai rawh. ka hre leh silo tlat che. Thailand a ka thian hlui amaw kan ti deuh dawn che alawm maw le.
Report this comment
February 12th, 2012 at 6:54 pm
Ka copy ta ringawt mai. Nakina chhiarah….
Report this comment