Pathian thu sawi ṭhin lar tak tak – DL Moody, Billy Graham, Benny Hinn, Joyce Meyer, adt. – ten thu ṭha tak tak, thinlung zawng zawnga an sawi hi chuan Pathianin mal a sawm a, mi tam takin piantharna an chang ṭhin. Heng mite ropuina deuh pakhat chu an nungchang/chêtzia hi a ni. Chu chu miten an hmu a, Pathian rin an châk phah ṭhin a, an tisual lo tlângpui bawk. Tunlai Mizo ṭhenkhat, Pathian thuhril ṭhin leh fak hla sa ṭhin te hi chu an nunah hmuh tur a awm ṭhin loh avangin miten kan ngainêp a, kan rin Pathian thlengin zah lohna a hring ṭhin. Thu sawi leh fak hla sak hi rawngbawlna ki pawimawh tak a nih rualin nungchang leh chêtzia hi hmaih ṭhelh chi a ni lo. A kal kawpa, a inthurual tlat loh chuan ‘nung’ takin rawng a bawl theih hauh loh, Pathian pawhin mal a sawm ngai hek lo. A hnuaia thil thleng aṭang hian nungchang leh chêtzia/hmêl pawimawhzia kan hre thei ang.
Kum tam tak kaltaah khân England rama an kohhran rawngbawltu Taylor Smith-a chu Moody Centenary Bible Conference, Chicago-a an neih turah thusawi turin an sawm a. A hun a lo thlen chuan Smith-a chu a aw a chhâng ta tlat mai a. Pathianin chulai hmunah chuan a rawngbawl turin a hruai thleng ngei niin a hre si a, aw chhâng chung chung chuan thusawi chu a tum ta tho va. Thu a han sawi chu a tlar hmalama mite chauh lo chuan a aw chu an hriat phâk pawh a rinawm loh.
Inkhawm an han ṭin chuan balcony-a ṭhu pa pakhat hi a lo kal vang vang a, “I thusawi kha engmah ka hre pha lo, mahse i thusawi lai hmêl ka hmuh khân Kristian nih ka duh a ni,” tiin Smith-a hnênah chuan a rawn sawi a.
He thil thleng aṭang hian kan nungchang/chêtzia/hmêl pawimawhzia a hriat theih awm e. Keini ringtu inti te hi kan ka aṭanga thu chhuak chauh ni lovin kan thusawi lai hmêl an hmuh aṭang te pawh hian miten Pathian rin duhna an neih phah ang em? Kan inenfiah fo a ṭha awm e. Ka lâwm e.
Similar Posts:
- Jona Vang Emni Ninevi Khua Kha An Sim? {Sunday Pual}
- Enga ti zia nge ni ta aw?
- Milâr vs Milâr Lo
- Amen
- Awmdan Mawi Sawm
December 2nd, 2012 at 1:35 pm
Post tha khawp mai.
Report this comment
December 2nd, 2012 at 1:57 pm
I rawn tih dan chu, a dang dai hle mai. Ni e, zoram kristian te hian
kan ka hi chuan, Lalpa hi kan fak
tam tawk thaw khat hle.
Kan nun dan leh chet zia nen e rawh
a in per san veng vawng viau lawi si.
Kristian lem chang ho vawk lal len na
a ni ri ngawt a lawm le.
A lem zing ah hian, a tak tlem aw zawng an in phum ve zeuhzeuh
a nih hmel. Buh tak tlem te awm ve
tawk tawk te chu, Buh lem ho vin
an dip ral tep tawh.
Report this comment
December 2nd, 2012 at 4:06 pm
Pathianni hlim taka in hman ka beisei
Report this comment
December 2nd, 2012 at 5:21 pm
Mizoram ah hian sakhuaa leh corruption in hmun a chang sang hle a, ka ning tawh khawp mai. Kan hnamah Kristianna a thawk tawh lo. Incheina chikhat ani mai.
Report this comment
December 2nd, 2012 at 10:17 pm
Kristianna lo luh hma daih atang tawha zo nun ze mawi kha neih leh theih ni sela aw…
Report this comment