Mizote leh Mob Rule

February 16th, 2012 9:01 pm by Chemtatrawta

Tunlai chu suahsualna hian par a chhuang nge mawni ngai ni, in thah, pawngsual, rukruk leh sual tinreng a hrang nasa ngei mai. Setana pawh hi hetiang zozai thlen tir tur chuan mawng vawm ba angin a phe char char ve hialin ka ring a ni.

Hmanni lawkah Tlungvel khuaah tualthahna a thleng a, a tualthattu pawh mipui thinrimin an chil hlum ve a ni tih kan hre theuh a, ngaihdan inang lo tak tak a awm a, kan inhnial zui deuh bap bap anih kha maw.!! A ni lah tak a, Bronze age atangin Computer Age ah kan zuangkai a, inherrem a har ngang a ni.

Technology leh changkanna chi hrang hrangin min chim a, kutin a khawih phak na na na chu kan inzir a kan thiam zung zung mai a, khawvel rual pawh kan pawl takmeuh mai. Chungte atang pawh chuan “human rights(Mihring dikna chanvo)” tihte kan hre lar chho a, tunhnaia mipui thinrim tawngbaw palh an lo awm chang hian hetiang lama kan thangharh chho tan tih hriat nan mipui kan dem chho tan ta!!

Mihring mimal hi kan theihna a inang lo ang bawkin kan changkang zawng leh kan ngaihtuahna, kan hmasawn dan a inang lo a. Mi tam tak inzirmi tak leh thil hre zau tak kan awm laiin, chutiang zat bawk, mi inzir mi vak lem lo leh thu hawi lam pawh nei lova rak kual mai mai kan tam. Mahse, kan zavaia min thlungkhawmtu chu “khawtlang/society” hi a ni. Mihring hi eng anga chakin thangin emaw, thuanawp tlat mah ila, society hi a than dan hi angai reng thin.

Chuvang tak chuan Bronze age atanga COmputer Age a kan zuanglut hi kan society hian a tuar hle mai, kalna tur hrelo hial khawpin kan society hi kan pawt peng kual nasa a ni. Changkanna nghakuaiin kan mizo society khaichhuah kan tum a, kan khaichhuah tur hi a nghakuai ngul hian a la tlin lo chu a ni ber e, lo khaichhuak ta tehreng pawh ni ila, khawmuala nungchang zir fe tur chuan a la ‘NO” deuh a ni.

Mizo society ah hian “MOB RULE” hi a bet tel tlat ti ila kan sawi sual tam pui awm love. Tlangval inleng nulain lo be tha duh lovin, a chhungte’n tawngkam leh chetziain lo hnar se la, kha tlangval khan Zawlbukah chanchin a thlen a, “Mob Rule” hmangin nula in chu tlangval hovin an sawi thin. He thil avang hian khawtlangah michhe fa leh mitha fa pawh ni se, fahrah emaw khawnbawl fa pawh ni se, nulain tlangval tumah a be chhe ngai lo. Hmanlaia kan nula leh tlangval inpawh tak leh inngeih taka an leng za ho thin pawh hi he “Mob rule” vang hi a tih theih awm e.

Khawtinah Lal a awm a. Amaherawhchu, lal chuan ama thuin thu a titlang zung zung ngai lo. A khaw mipuite avanga lal ni thei a ni tih hriain dimdawi takin a khaw mipuite ro a relsak thin. Lal sual leh lal nunrawng thenkhat chu khaw mipuite’n “Mob rule” hmangin an pemsan thin hial a ni. Hmanlaia khawtlang nuna “Stability” siamtu pawh “Mob rule” tho hi a lo ni.

Mob rule hi Mizo khawtlang nunah a mikhual lo a, kan hmang tangkai zawk em em a ni tih i hrenawn thar fo ang u.h. Kan changkang lo a ni thei, kan ei leh in a tha lo a ni thei, amaherawhchu, sumin a lei theih loh- lungrualna, hlimna, himna, inzahtawnna, tlawmngaihna, adt kha mipui lungrualin an ngaihtuah(Mob rule) avangin a lo chhuak thei chauh a ni.

A sei hmain, tunlai thil thleng nen i lo chep zawm dawn teh ang. Tualthattu, pawngsualtu, rukrute hi a na thei ang bera hrem hi mitin hian kan phut tlat a, amaherawhchu kan duhthusam hremna pe turin sawrkar thuneitute hian thuneihna an nei lo. Tualthat leh pawngsual phei chu a rapthlak emai, bail theih lovin, hrehawm takin damchhungin tang rawh se ti ringawt ila, dan hnuaia chutiang hremna a tling lo anih chuan pek ngawt theih a ni lo bawk si( pawngsual phei hi chu an chhuak leh vat thin).

Mizo society hi a la naupang a, mihring kan tlem a, heng suahsualna rapthlak pui pui hi kan chunga thleng turin kan society hian a la tlin lo tih i hre theuh ang u. Chuvangin, hetiang a lo thlen chang hian “Deterrant(Hnawt tiautu)” tur tha tak, hetiang rilru lo pu thinte tana ip chawih chawihna tur leh, tipuitling ngam lo tur khawpa hremna hi pek an tul a ni. Chutiang tur chuan, sawrkar atangin beisei a sang thei lo ang, chuvangin hmanlaia kan tih theih chu kan tih theihlohna chhan tur a awm lo ang, “Mob rule” hmang hian i tang sauh sauh ang u.

Anti-Social elements- pawngsual, inthah, rukruk, adt hian khawtlang nun a tibuai nasa em em a, hmun tam takah heng thil avang hian anti-social elements tho- hel pawl, inrukbo,adt a thlen phahin, khawtlang siam that chhuanlam hian hel pawl a ding fo. Chuvangin, heng khawtlang tana hnawksak hian khawtlang tana hnawksak bawk a hrinchhuah hma hian Mizo khawtlang rorelna”Mob rule” hmang hian kan vuak mih a tul hle. Kan tu leh kan fate hian kan ngawih reng avang hian anchhia min rawn la lawh mai loh nan.

A tawp bera ka sawi duh chu “Apple bawm khata apple chhia pakhat a awm avanga apple dang zawng zawng a tawih chhiat hma hian, apple chhia chu i peih vat ang u”.

103 Responses to “Mizote leh Mob Rule”

1
TuaiSialA Says:
February 16th, 2012 at 9:06 pm
Chhiar ila..
2
ahooma_ Says:
February 16th, 2012 at 9:13 pm
New saiha ah in a kang an ti
3
H.Vangchhia Says:
February 16th, 2012 at 9:14 pm
“Mizote chu kan hnam ala naupang a,” tih ang chite hi chhuanlamah hmantlak niin ka hrelo ve tlat. Tin, Mob Rule hian Zohnahthlakte khawvelah minti mualpho.

Post danga ka comment kanphawrh lawk:

Hemi thilthleng hian ka rilru a tina em em reng mai. Mizote hi tlawmngaihna ngah, mi khawngaih thei, zaidam leh nunnem adt. tiin kan insawi fo mai maw kha? Mi chenna neih chhun chu, Yma Executive ṭhenkhat leh hemi veng T.sec a member ṭhenkhat ten anlo ṭhiah sak mai hi khawvel a Zohnahthlak zawng zawngte tan mualphona niin ka hria. An chhuanlam chu, ruihtheihthil tihnan an hmang thin a an hriat vang ani awm asin!!! (tak tak ni maw?!!!)

Case kallai anti nangin ka rawn phawrh law law teh ang. Mizoramah hian hetiang indiriamna hi thleng tawh lullo sela, dan bawhchhia an awm anih chuan report-tuah tang zawk mai thin ila a finthlak hle turah ka ngai. Zonun Parmawi Rimtui lai lai i chen tlang teh zawk ang u.

Pi Zuii in an ṭhiah sak chu:
http://i41.tinypic.com/dpah42.jpg

Report this comment
4
TuaiSialA Says:
February 16th, 2012 at 9:20 pm
A rum tha el awl hle mai.

1. “Mob rule” hmang hian i tang sauh sauh ang u.’

Mob rule hmang tura tan sauh sauh hi thil tha ber a ni lo. Pawngsual ngat phei chu, a thleng reng a, mipui hriata langchhuak chu tlemte chauh a ni zawk a. Mob rule hmanga tang sauh sauh tura infuih chu, kum 200 vel kal taa hnam mawl kan la nih laia kan awm dan anga awm leh tura infuih tharna maiah ka ngai.

2. Mizo society ah hian “MOB RULE” hi a bet tel tlat ti ila kan sawi sual tam pui awm love………Hmanlaia kan nula leh tlangval inpawh tak leh inngeih taka an leng za ho thin pawh hi he “Mob rule” vang hi a tih theih awm e.

I tawngkam takin, bronze age atangin computer age-ah kan zuangkai tawh a, hmanlaia kan Mizo khawtlang nuna hman theih kha tam tak a hman theih tawh loh ang bawkin, hmanlaia an duh loh zawng emaw, sual emaw an do dan anga tun computer age-a lo tih ve ngawt chu a theih tawh loh. Bronze age leh computer age chu a inthlau tawh. Hmana kan thatnaah khan tunah kan tha thei tawh lo, ka tihna a nih chu.

4. Chuvangin, hetiang a lo thlen chang hian “Deterrant(Hnawt tiautu)” tur tha tak, hetiang rilru lo pu thinte tana ip chawih chawihna tur leh, tipuitling ngam lo tur khawpa hremna hi pek an tul a ni.

Hremna chu kan pe tawh a, kan pe mek bawk a; mahse, a la reh chuang si lo a nih hi.

5. Tun hma paw’n pawngsual leh tualthahah he mob rule hmang hian mi eng emaw zat nunna kan tirliam tawh a, mahse, a la reh chuang reng reng lo. Chuvangin, mob rule hmang eng ang mah ila, he sual hi a bo chuang lovang tih ka sawi ngam sak. Sual hi do rem tum tur a ni lo va, inven kan inzirtir zawk tur a ni.

6. Tualthattu thah hi tualthattu nihna mai a ni.

7. apple chhia chu i peih vat ang u.
Apple ka paih peih lo!
5
sheldon Says:
February 16th, 2012 at 9:22 pm
Chhiar phawt ang
6
H.Vangchhia Says:
February 16th, 2012 at 9:25 pm
#4 (Y) i thu a fingin a hawihhawm 🙂
7
Soberboy Says:
February 16th, 2012 at 9:31 pm
i conclude dan khi ka LAIK hle mai a 😀
8
Chemtatrawta Says:
February 16th, 2012 at 9:31 pm
Ts, ngaihdan tha tak a ni. Mipui an thuhmun fo theilo tih anih kha.

Apple chhia i paih zawk ang aw, peih lovin. 😉
9
Chemtatrawta Says:
February 16th, 2012 at 9:41 pm
Edit theih loh chu.. Tsa, hmuh fuh khi admin khan lo siam tha lawks teh u. ‘slip of the thumb’ anih hi.. 😀
10
covenanter Says:
February 16th, 2012 at 9:43 pm
Mob rule hi a tha hauhlo mai, ka chung a thleng turin ka duhlo chuvangin midang chungah pawh thlenglo hram se tih hi ka duhdan a ni. Mahse i han ti teh ang, thil a lutuk uchuak tak ang chi HIV veiin naupang kumnga mi a pawngsual ang chite, taxi driver in naupang zu a a hraihlum ang chi te kha chu mi kut lo tuar pawh nise pawi ka ti miah lo thung. Mizoram ah hian sual emaw sual lo emaw capital punishment hmu hi an awm lo hrim hrim a. Damchhung tang sawi tur pawh kut thliak a chhiar tham lek an ni. Chuvangin inngaihtuah chiang ila thihna khawp em a khawihlo va na deuhtak a khawih chu engemaw chen ah thatna a awm thei a nia ka lawm e…
11
sheldon Says:
February 16th, 2012 at 9:53 pm
Mob Rule hi ka duh ngailo. A chhan chu mimal a kan tih duhloh tur kha a huho chuan pawisak nei miahlo a chet a awl. Chuvangin Mob Rule paihbo a Dan kutah indah a tha ka ti…ka duhthusam ah chuan.

Mahse ti teh ang, thil thleng uchuak lutuk, mihring puite laka nunrawnna lantirna ang chi, hmanni a Tlungvela thihna thleng ang te kha – Buaina an nei a, thinrim thin thawk thutin a insum hmanlo a, a vawhlum ta mai tih ang te chu nise thil pangngai a ni. Chutiang ni lova mahni mihring pui, a kawppui leh nghal a hrawkah a zai a, a lu ah a sat a, a biangti a hlep thla an tih te kha. Khatiang khan kan hmelhma huat ber leh ransa te pawh hi kan khawih theih ang em?

Khatiang ang nunrawnna uchuak lutuk ang kha chu Mob Rule hmanga chinfel ani kha ka pawiti therte lo. Mob Rule hi kan ban thei lovang, khawvel awmchhung chuan, mahse, a situation a zir nise ka ti.
12
Saitawk Says:
February 16th, 2012 at 9:53 pm
Mizo-te zingah chuan Mob Rule leh Zu hi awm reng tur niin a lang.

Hmani a Police in nula tawngtheilo a pawngsual ṭum pawh khan vawihnih lai kan punkhawm leh luih luih hman kha. A boruak hrim hrim nuam tih vanga tel pawl lah awmloh theihloh!!
13
PKfanai Says:
February 16th, 2012 at 9:54 pm
Mob Rule hi Kan hnam timualphotu ni a kan hriat chuan, Misual Hremna dan khauh telh tawlh neih a, khauh taka kenkawh a ngai ang. Tun anga ka inngaidam zung zung a, kan in bail chhuak zung zung reng dawn anih chuan, Mob Rule hi chu a hluar telh telh ang.
YMA tan tlat thin ka ni a, Mahse, Hmeithai In an chilchhiat pic. ka han hmu kha chu YMA Life Member ka nihnaah ka zak chem chem mai.
14
Lamji Says:
February 16th, 2012 at 9:55 pm
Society ti nuam a remna siam turin DAN siam ani a,mipangai chuan kan zawm mai turah ka ngai kei. Dan chu mi diklo te avanga alo corrupt chuan mob rule chu apply zeuh2 zawng kei ka pawi ti lem lo. Amaherawhchu,a mob rule ang zawnga thil lak nghal ngawt mai ai chuan mi diklo te hi khing ila,khawtlang tana thalo te hi khing ila kan hlawkpui zawk ngei ang. Mi tih dik loh na te hi kan sawi a,kan in ang thinrim a,kan duhtawk leh mai thin,kan changkang zel anga kan la inkhing hmak2 zel ang nakin ah chuan,kan hmasawn zelna turah ngai ta ila. A engemaw hlek a ‘mob rule’ kan apply zel chuan kan barbarian hlawm ngawt lo’ng maw.
..
15
H.Vangchhia Says:
February 16th, 2012 at 9:58 pm
Saitawk #12 Awmrenglo thei chu awmreng suh se. Zu chu khawvel awmchhung a awm ang. Mob Rule chu mihring rilru hmanga tihbo theih a ni tlat.

Savage thlak tiah tiah e…Taliban (N)
16
Chemtatrawta Says:
February 16th, 2012 at 10:00 pm
Mob= mipui pungkhawm ; rule= rorelna. Mipui thinrim tawngbua hi an tam hran lo, sual lian tham lo leh satliah deuhah mipui thinrim a sosang mawh khawp mai. Thil tisualtute dikna chanvo kan ngaihtuah lai hian a tuartu(victim) tuarna i ngaihtuah fo ang u. I farnu/fanu kha miin pawngsual sela, chumi dinhmun atang chuan a tuartu chan aia la tha, a tuartu chhungte chan atangin han thlir teh.
17
Saitawk Says:
February 16th, 2012 at 10:04 pm
Mizo-te chuan ‘Ṭanrual hi chakna a ni’ tih hi kan pawm khawp a, mahni private mimal kan tih duhloh leh tih ngamloh te pawh a huho chuan kan phur phian zel a nih hi! 😀
18
sheldon Says:
February 16th, 2012 at 10:06 pm
Mini Mob Rule angreng hmanga hmeithai leh pachhia zuzuar te vengchhung atanga kan han hnawtchhuak te hi ka ti, khang mite fianrial tawngtaina khan Pathian beng a thlen ngei ka ring thin.

Vaiho te khu, engemaw thleng hlek se eng thu leh hla nge pawh uksak lo hian an pungkhawm hluai a, an hnampui lo zawk hi an ep mai zel a. Hetiang dinhmun hi kan thleng ve ang tih ka hlau thin.
19
H.Vangchhia Says:
February 16th, 2012 at 10:07 pm
Dan (law) kan nei a, chumi tichak tur chuan mipui ten dan chu kan thlawp anga, dan bawhchhetute pawh rang takin kan report zung zung tur a ni. Sawi sawi lovin thlenna hmun turah tak lehkha ziakin pek thlap zel mai tur.

YMA lo duty vel peih ang hu hian sawrkarah dan kengkawhna chak zual turin nawr peih sela hma kan sawn zawk viauin ka ring. An mahni entawntlakin nung bawk sela!

Mob Rule induh rau rau chuan, ziakbo vanga eirulo anga awmho hi han chil ngam chiah ula ti nia.
20
lrpa Says:
February 16th, 2012 at 10:10 pm
A tha khawp mai (Y)
Mipui pungkhawm in an rel thluk ang hi ´dan´chu ani ber mai.
Hremna avanga mi tihhlum hi tualthat ah khawvel hian angai lo a, hmani a a nupui thattu chil hlum tu mipuite kha tualthattu an ni lo! .
Pu HV a rawn sawi khi chu mob rule a sawi chi ani lo a, extremist ang zawk a thil tih ani.
21
century child Says:
February 16th, 2012 at 10:13 pm
hmm.. ilo chhiar zel phawt teh ang 🙂
22
H.Vangchhia Says:
February 16th, 2012 at 10:14 pm
lrp #20 Mizoram mob rul chu Taliban ang alawm niber thin. Chu chu extreme tak a ni.

YMA an duty a, kawngpuiah hrui an thlung a kaltlang phalloh te an han ti ngawtte hi ka hua ania. Kal tlang lui dawn sela an vuak rawn vel thul …Mob rule. 7 kohhran Sunday dawr hawng, an dawr kawta YMA thuthleng hmanga an thu tlatte ang pawh hi ka hua. Saturday ah 7 Day lo zawngin dawr khar ve tur ti sela an duhawm tawp silo. (N)

Dan (law) a awm chuan a chungah leh a hnuaiah tumah awm suh se. (Y)
23
Chemtatrawta Says:
February 16th, 2012 at 10:16 pm
Lrpa, (Y).. Mob rule awmzia i man e. Mob rule tih hian mipui sahawk ringawt hi rilruah awm lo se a tha khawp mai.. Farnute min pawngsualsaktu hi thla 3 hnu velah rawn chhuak lauh lauh se, kan rilru sukthlek chu a dang deuh ngei ang le.
24
lrpa Says:
February 16th, 2012 at 10:20 pm
22@ Pu HV, YMA extreme tak a an thil tih hi mob rule angah a ngaihtheih chiah lo deuh in ka hria.
Mob rule hi chu keima ngaihah chuan ‘unplanned and uncontrollable public outburst’ tih lam deuh ani, ve tlat mai a. 🙂
25
H.Vangchhia Says:
February 16th, 2012 at 10:21 pm
#24 chu2 alawm ka sawi chu. Khawtlang emaw YMA hmingin emaw anih zel hi Mizoramah chuan. :-S
26
Chemtatrawta Says:
February 16th, 2012 at 10:28 pm
YMA duty-te avanga muang taka kan awm thei leh rui buai bengchheng buaina siam an tlem phah a, an hun leh tha tam tak seng a tlawmngaih chhuah thinte thisen leh tharuma tuihal em em tura kan ngai ngawt mai hi chu, kan missionary, Pathian thu min rawn hrilhtute khan min hmangaih lo kan ti nulh nulh te pawh kha a awm ta hle hian ka hria. Lawm nachang hre lo hnam hi kan ni tlat a. :-/
27
Soberboy Says:
February 16th, 2012 at 10:32 pm
ka lo nawi lawk a Post tu ka ngam tho a 😀 BSNL chhe zet avang hian Thenawm site ah sawn ka lut hleithei lo thil pawimawh a awm asin le Sandman chungchang ah 😀
28
H.Vangchhia Says:
February 16th, 2012 at 10:34 pm
Entirnan: Veng pakhatah tu emaw vengchhungin nin deuh an nei a. Khawtlang phur phur pungkhawmin an in an thiah sak ta a. Hetiang hi Mob rule a ni, ka tenin ka haw hluah hluah. (N)

“No one is above and below the law,” tih hi Mizoramah hian kan thupui nithei sela ka ti thin. (Y)
29
Chemtatrawta Says:
February 16th, 2012 at 10:42 pm
Ka fapa tûra hraitu hi khawtlangin lo ti hlak pawh ni se, kei ka dem hauh lo. Thenawm hnena ruihhlo petu chu anchhedawng turin kan Bible meuh pawhin a sawi alawm le..
30
H.Vangchhia Says:
February 16th, 2012 at 10:46 pm
#29 chhuanlam a awm tawh chin hi chuan thil felhlel a awm tawh thin. Bible hi phaw (shield) angin hman fo pawh hi a thalo, nundan tha leh mawi zirna, Pathian hnen min hnaih tir theitu atan hman zawk thin tur a ni ngai.

Miin tual a thah vangin kan ti ve kher tur tihna a nilo. Chutiang hun atan sawrkarin mipui aiawhin dan (law) a siam a, dan chuan kan tan a hrem mai tur a ni. Dan rorelna hi mitin tan a tha famkim thei veklo, siam that zel angai fo reng a ni.

Rorelna hmun (court) chauhin misual nunnaah ro a rel thiang. Dan zahlo chu ka zah ngai lovang. Zawm vek erawh a harsa thin, mihring kan ni miau.
31
doc_lib Says:
February 16th, 2012 at 10:49 pm
Mizovin mob rule kan hman thinna hi chu a tlangpuiin a dik thawkhat khawp mai. Nih in fanu/in farnu kha rawn board ula, kan lo pawngsual tir chhin ange..dan..dan in ti chiah emaw..India ram hian dan chu a nei teh meuh mai..Anih corruption a a dik lo tih hriat ngawih ngawih hi dan hian engzat nge a hrem tawh?? pawngsual ah pawh chuti tho..Chuvangin YMA ang te hi sawisel fo loh tur..pawngsual ching phei chu chil hlum nghal tur. Post tupa ka support e. Dan in a hrem nep theih lutuk a vanga heti zo hi kan ni a lawm le
32
zualbonez Says:
February 16th, 2012 at 10:49 pm
Mop rule hi chu kei pawn ka tithei thak lo…kar khatah vawi khat hmunphiah hi ka duh tawk (N)
33
H.Vangchhia Says:
February 16th, 2012 at 10:51 pm
#32 hairehai 😛 😉 chaw kan eisan daih teh ang che u.

he post hi infuihna thalo tak niin ka hria
34
H.Vangchhia Says:
February 16th, 2012 at 10:52 pm
#32 hairehai 😛 😉 chaw kan eisan daih teh ang che u.
35
doc_lib Says:
February 16th, 2012 at 10:52 pm
Dan hi chu pawisa ngah leh thilti thei chuan an palzut zel tho..chu chu tun kan experience mek ani. YMA hian a pawng apuiin mi an retheih avanga in a sawi thiah sak emaw, veng a tanga a hnawh chhuah hria sawi tur nei chuan sawi ula..
36
lrpa Says:
February 16th, 2012 at 10:55 pm
Engpawhnise, mipuiin thilsual titu te kan chil hi a chhan ber chu kan thinrim vang ani mai a. Kan in control zo tawh lo tihna ani ber ang chu. Hetiang hi awm tawh lo se tih lam ai mah mahin thil sual titute kha hrem kan duh ani ber mai. Mipui kutthlak chu a lo na deuh a, an hrem a te pawn an tuar chhuak zo lo fo reng ani.
Tun hnai lamah Pu K. L. Lianan damchhung lungin tantir te anei ta a. A lawmawm khawp mai.
Mob rule kan tihte pawh hi thil tha ber chu ani hauh lo, mahse a tul ve tho bawk. Thil tul lo leh tangkaina nei miah lo chu ani bik hauh lo ang chu.
37
Chemtatrawta Says:
February 16th, 2012 at 10:56 pm
Doc_lib, (Y). . Pu HV, fel famkim hi he khawvel ramzauah hian vang tak a ni. Doc_lib sawi ang hian, mob rule thlenna hi chu ‘rarest of rare’ case ang hlir a ni. Pitar zing hmunphiat an chil ngawt khât ania. 😀
38
H.Vangchhia Says:
February 16th, 2012 at 10:56 pm
#35 an palzut loh nan khawtlangin taima taka mahni thu a duty an peih ang hian sawrkar nawr peih sela, an palzut reng ngamlo tawpin ka ring. Dan palzut thintute kha an mahni tho kha annia lawm.

A pawng a puiin emaw puilovin emaw dan kengkawhtute lovin tuman thu neihna kan neilo. Kutthak hiah nan tualvuak/tlangchil tih ang hi hman miah loh chi a ni. (N)

MOB RULE hi ka support ngailo ang ka damchhungin. Kan che Taliban thei lutuk (N)
39
zobuangi Says:
February 16th, 2012 at 10:57 pm
Keichu Hv a ngaihdan hi ka ngaihdan. Tin YMA leh tlawmngaipawl te hi thalo ka ti lo mahse an tih tur nilo tih an ngah ta malh malh hle in ka hria, ka Mimal ngaihdan ve mai mai an chuan.
40
zualbonez Says:
February 16th, 2012 at 10:59 pm
a tawpah chuan self control a p[awimawh ber..kan animal instinct hian kan reasoning hi a overpower thin ti mai ila ka n sawi sual lo ang..hetiang bawk hian self control kan neih loh avangin STD te, substance abuse te, domestic violence te leh corrption a tam na chhan 😀
41
bucko Says:
February 16th, 2012 at 11:03 pm
A tawpna khi Peih vat nilovin PAIH vat zawk ila a that hmel…. (Y) (Y) Good post
42
Chemtatrawta Says:
February 16th, 2012 at 11:04 pm
A phur phur ina sawrkar an nawr a, an nek a, awn duai duai sawrkar kan neih lahin sawrkar nep kan ti bawk si. Huihamz.
43
doc_lib Says:
February 16th, 2012 at 11:05 pm
YMA sawisel tu te khan in sawi fo a, in thiah sak, veng atanga hnawh chhuah..tunge an retheih vang ngawr ngawr a an hnawh chhuah chu han sawi ula, pakhat pawh sawitur in hriat chuan YMA member ka nihna atangin ka bang nghal ang
44
zualbonez Says:
February 16th, 2012 at 11:06 pm
mop rulers ho hi chu zu in tir ila an zia deuh ka ring…they need to free their mind 😉
45
doc_lib Says:
February 16th, 2012 at 11:07 pm
Ruihlo zuar an hnawh chhuah thin pawh hi.vawi khat an manna ah chuan an hnawt chhuak khat khawpin ka hria..vawi tam warning an pek hnuah a last option ah an hmang chawk…
46
doc_lib Says:
February 16th, 2012 at 11:08 pm
Khawtlangah buaina ka siam lo va, zu leh ruih theih thil ka zuar lo va…khawtlang tana hnawksak khawpin ka che lo bawk a, ka tan chuan YMA hi hlauhna chhan tur a awm lo a, demna chhan tur ka nei bawk lo ve
47
lrpa Says:
February 16th, 2012 at 11:12 pm
YMA chungchang ngawr ngawrah chuan ‘demna che ka nei’ tih ang vel lek bak kha chu kei pawh sawisel tur ka hre lo..Sunday dawr hawn phal loh chungchang bakah hi chuan a tha vek maiin ka hria..
48
Chemtatrawta Says:
February 16th, 2012 at 11:15 pm
YMA hi aruka rel lovin, pu HVA sawi ho hi hruaitute hmaah ka zawt tawh a, kei chuan. Khawtlang tana hnawksak an chhuahtir takte pawh hi warning tam fe an pek hnua hma an lak a ni tlangpui. Tin, heng mite hian khawtlang an rawn bel leh anih chuan engtiklai pawhin YMA hian a lawm reng tih min hrilh bawk, entirna nen.
49
zualbonez Says:
February 16th, 2012 at 11:15 pm
9.42 ang vel hi mi mop rule chu 😛

https://www.youtube.com/watch?v=w6GwaRONVd8
50
Chemtatrawta Says:
February 16th, 2012 at 11:20 pm
K’u zual, german sas nen chuan.. Kab? 😀

51
zualbonez Says:
February 16th, 2012 at 11:23 pm
trawta hahaha…weekend chu ka cancell…zo sas ka thlang zawk e…planning karega? …tunlai chu malis i OD lai ani e? 🙂
52
sisen Says:
February 16th, 2012 at 11:23 pm
Gilbert Renthlei > ZORAM KHAWVEL : CHANCHINTHAR
Lunglei Chanmari- a PuF. Lalremruata (U kawnga) fapa Lalhriatpuia (Bawihpuia) kum 19, chu nichin lawk khan sobji bazar peng bulah Scooty in a accident a, a hliam tuar lo vin a boral, Bawihpuia pa hi P&E Deptt a thawk a ni.
A ACCIDENT DAN CHIAH HI HRIAT A NI LO. A thiannu nen U Lali dawr (Damdawiin thlangah) thil an lei a, a thiannu thil lei hlanin a lo va kual zawk ni awm a ni. Ngaihdan tam tak a awm a. A scooty seat ah hian motor chilna hnuhma ang tak mark a awm avang te, tyre mark hmun thum vela a awm avangtein intai palh vanga chesual ta ni a ngai an awm a, a seat-a mark awm hi a tluk paha a hrut a ni ve thei tho bawk. A scooty a chhe lem lova, a silencer cover a hrut a, a accelerator lever a rang bak ah a handle bar a rang bawk a, hriatthiam a har khawp mai. Bawihpuia hi a thlalak ka nei mai lova, amah hi BCM CHanmari standing choir music video a sam kir buk chhap kha a ni e. A tukkhum a sawh pawp a, thisen a chhuak hnem hle, hei hi a thihpui ta a ni. (Mi thenkhat chuan an chetsual hlim hian bike dang chak tak a venglai lama tlan fua an rawn tawk a, hei nen hian an inum na lamah a chesual ta a ngai an awm bawk) a chesual lai hmu an awm loh avang leh thuchiang a awm loh avang te, chhui zui ngai ang ang chhui anih theih nan Police lamin scooty hi Thana lamah an la thla a ni

kan sms joke post tupa kawnga kha ni em le

ot deuh reuh!!
53
TuaiSialA Says:
February 16th, 2012 at 11:26 pm
Ka ngaihdan chu ka sawi chiang thawkhat tawhin ka hria. A nunna la zawng kher khera thil tih hi chu, pawm a har a ni. I fanu hmangaih an pawngsual a, na i ti; i fapa hmangaihin mi va pawngsual se, chilhlum ta se, na i ti ve tho vang. Chuvangin, ‘i fanu pawngsual ta se..’ tih vel hi chu entirna tha ber a ni hran lo.

Ka comment tawh ang kha a ni mai. An zilh hlak hi chu ka hrethiam, thah zui ve kher hi chuh, computer age-ah hian!!

Tualthattu leh tualthattu thattu dinhmun hi a inang reng!

Mangtha u’n.
54
Chhuaklinga Says:
February 16th, 2012 at 11:26 pm
OT- Post nen a inrem bawk a, tun mai khan bazarah mi pakhat lut ru kan man a, kut za deuh chu an awm na a, kut thlak miah lovin police kutah kan hlan fel tih ka rawn sawi ve zuai. Ka khawngaih leh tlat pek mai keizawng. 🙂

Mu nghal hmak teh ang, mangust vek ule. (F)

tren tren
55
dtea Says:
February 16th, 2012 at 11:27 pm
Mob rule thil tha tak zawng a ni lo, mahse mipui pungkhawm chu dan rual zu ni suh; thil tha zawk or society mualphona emaw thlen pawh nise.
56
Kawnga Says:
February 16th, 2012 at 11:33 pm
Thil rapthlak chungchuang a thleng thut a, mipui rilru-ah mak tihna, demna, a tuartu khawngaihna leh lainatna, a tisual tu huatna, adt. a indawtin chawp leh chilhin a thleng zung zung a. Mi pakhat rilru-a thil lo awm mai chu ni se, midang hmang pawhin a up beh theih mahna. Mipui rilru hmun khata awm tawh hi chuti maiin a up beh theih ngai loh. Ngaihtuahna fim hmang hman mi tlem te tan khap har tak a ni tawh thin.

Mob Rule hi rilru fim taka han ngaihtuah chuan, pawi khawihtu a huhova kan va thah ngawt hian thiltha engmah a thlen chuan lova, thil pawi lo thleng tawh kha a pawi loh leh phah chuang hek lo.

Mob rule hi uar deuh deuh tura inzirtir ngawt chi a niin ka hre lova, mahse, dem em em ngawt chi lah a ni ka ti hek lo. Tum lawk awm miah lo hian a boruakin a zir chuan a lo thleng mai a ni. Ka chhungte hian pawngsual/thah lo tawk ve palh ta se la, engtinnge ka awm ang? tih hi sawi lawk chi a ni ngawt lova, lo inbuatsaih chi lah a ni hek lo. A chawpin a lo awm ve mai a ni.

Mihring thinrim tawpkhawk hian pawisak a nei miah lo thei a, chutih laiin tum lawk reng vang pawh hi lovin ngaihtuahna a fim phian thei bawk a. A boruak tawng zet lo chuan a eng zawng zawng pawh hian ngaihdan ka nei lawk vak duh lo.

Mob Rule ka thlawp lova, ka dem ngawt hek lo.
57
Chemtatrawta Says:
February 16th, 2012 at 11:37 pm
Kawnga, 52 hi chhiar lawks..
58
thachianga Says:
February 16th, 2012 at 11:42 pm
Mob rule ka thlawpna te:
1. Pawngsualtu mipuiin an chil leh
2. Nunrawng uchuaka pawi khawih mipui chil.

Tunlaia mi tlemte, duty inti hovin an mi man kut an thlak thin leh hmeithai leh reithei deuh zawk chunga an chet dan, kan duh loh tlan deuh hi mob rule niin ka ngai ve lo. Pawl thiltih ni maiin ka ngai.
59
H.Vangchhia Says:
February 16th, 2012 at 11:43 pm
Incheina bak hmasawnlo awm reng pawh kanlo nih hi :-s ;-(
60
Kawnga Says:
February 16th, 2012 at 11:44 pm
@trawta, keimah hi SMS Jokes post tu chu ka ni e, U Kawnga hi chu kan veng thenawmah an awm.
61
Chemtatrawta Says:
February 17th, 2012 at 12:00 am
Thachianga sawi 2 ah bak hi chuan mipui thinrim hi a sosang khat khawp mai.
62
Dr John Says:
February 17th, 2012 at 12:32 am
1.-Mob rule “Definition”:-
“a large crowd of people, especially one that may become violent or cause trouble. A situation in which a mob has control and threatening, rather than people in authority”

2.-Sima Qian, Chinese historian (145?-90? BC):-
“A multitude of evilly disposed people stir up strife, just as a crowd of mosquitoes can make a noise like thunder”

3.-Thomas Browne, English physician and writer (1605-1682):-
“If there be any among those common objects of hatred I do contemn and laugh at, it is that great enemy of reason, virtue, and religion, the multitude; that numerous piece of monstrosity, which, taken asunder, seem men, and the reasonable creatures of God, but, confused together, make but one great beast, and a monstrosity more prodigious than Hydra”

4.-Francis Bacon English philosopher, statesman, and lawyer (1561-1626):-
“A crowd is not company, and faces are but a gallery of pictures, and talk but a tinkling cymbal, where there is no love”

5.-Dr. William Schultz, US Director, Amnesty International:-
“Just as we don’t steal from the thief or rape the rapist, we ought not to kill the killer”

6.-Bible King James Version. John 18:40, 19:12:-
“Then cried they all again, saying, Not this man, but Barabbas. Now Barabbas was a robber”

7.-H.Vangchhia & TuaiSialA, (Y)
63
Leviji Says:
February 17th, 2012 at 1:10 am
Mob rule ka thlawp lo. Ka duh lo. (N) Mahse kan innghahna dan a kauh si lo. Dan ken kawh lam kan chak si lo. Chuvang tak chuan Mizoram angah chuan tunah rih chuan ka sawisel hran lo.

Pu.HV ka thlawp.But, Amrika leh Mizoram chu khaikhin chi a ni lo. Dan kan kenkawh dan ala inthlau lutuk.
64
H.Vangchhia Says:
February 17th, 2012 at 1:50 am
#62 (Y)
65
lrpa Says:
February 17th, 2012 at 2:04 am
Mob rule ka define dan ka sawi tawh a..mob rule chuan a hma a plan sa, pre-planned, pre-determined nilo a engemaw chhan a awm thut vanga a mipuiin dan an kutzala an lekkawh hi ani..
pawngsual tu chu mipui in thah tur tih hi ‘rule’ lo awm sa se, kha kha ‘mob rule’ ah ka chhiar lo!
Mob rule hi thlawp leh thlawp loh pawh ani chiah lo..entirnan..mihring huaisenna hi engtinnge kan teh ang? A hun leh a hmun a zir zel ani.Tumah sual ngam lo pawhin mi tui tla ‘a hmun leh a hun’ a zirin a chhanchhuak thei! Mob rule pawh a hun leh a hmun a zir ani..pawngpaw thlawp emaw thlawp loh emaw theih ngawt ani lo..Ram Lawi (Buffalo) te pawh hi Sakei chaw an ni, mahse a chang chuan Sakei hi an um a, an that ve tho! Mipuite pawh hian sualna uchuak zawng zawng hi an ‘rule’ vek chuang lo! engtikah nge a lo thlen ang tih a hriat theih loh!
Mahse mipui in hremna an pekte hi a dawng tur awm takte an ni fo, tin, indonna a hmelma sipaiin an kaphlum ang hian thihna hial lo thleng mahse chu chu tualthatna ani lo!
66
Awmtea Khiangte Says:
February 17th, 2012 at 7:07 am
A ngaihnawm dangdai hle mai. Thil tha zawk duhna avanga hetiang ngaihdan hi rawn chhuak a nih ka ring. Eng pawh nise, rorelna fel, dikna leh dan ang taka thil tihna hmunah chuan mob rule hi a vang thin. Kristian ramah phei chuan thil inhmeh lo tak a ni maithei.

Tawngkam thu: Para tawp bera ‘apple chhia chu i “peih”‘ i tih khi “paih” tih zawk tur a ni e…
67
thiana Says:
February 17th, 2012 at 7:15 am
Thil tha lo tihbo duhna rilru thuk tak atanga lo chhuak,hetiang article hi a va ropui em.Amaherawhchu, mob rule hi control theih a nih loh avangin a kalsual nasa thei em a,thil tha lo kha a tha chuang lovin kan thlak mai2 dawn tihna a ni thei.Ni e,sualna hi tumahin kan duh lo; kan tunlai zoram nun hi a rapthlak em a nih hi !
68
Flames Says:
February 17th, 2012 at 7:22 am
Mi chilhlum hi zong ka rilrem zawng ani lo. Justification a awm lo tlat. An man tawh chuan thuneitu hnenah hlan mai tur. Mimawl ho thinrim hrikthlakna mai a ni e…
69
Dr Mahminga Sailo Says:
February 17th, 2012 at 9:05 am
Hei chu a lo hot zek.. Comment dang ka chhiar hman lo tlat. Hei te hi ka lo sawi ve.

Mob rule chungchang ka chhiar hi chuan; Lal Isua, khawvela a lenlaia Uire denhlum dawna a tawngkam kha ka hrechhuak thin.

Thilsual titu hi an ngeiawm, mahse vawilehkhata kan chet hup hi a dik ber em aw? ka ti…
70
Jacka Pi Says:
February 17th, 2012 at 10:50 am
Mob rule ka thlawp hran lo a, mahse tukin Vanglaini a an rwn chhuah, naupang kum 7 mi zu lo pe tu te kha chu han ‘mob rule’ hman hlak chu an chakawm ka ti
71
Jacka Pi Says:
February 17th, 2012 at 10:52 am
Mob rule ka thlawp hran lo a, mahse tukin Vanglaini a an rwn chhuah, naupang kum 7 mi zu lo pe tu te kha chu han ‘mob rule’ hman hlak chu an chakawm ka ti :-[
72
PimPom Says:
February 17th, 2012 at 11:01 am
Dan kan neih ang angte khauh taka kenkawh anih loh chuan Mob Rule hi hman ala ngai nasa tual tualin ka ring.

Dan bawhchhia ten an phutawk hremna an hmuh loh hian tu thiam loh nge?
73
Dr Mahminga Sailo Says:
February 17th, 2012 at 11:11 am
Jacka Pi… Chutiang te chu a lo thleng elo? A mak zozai hle mai a. Sual chi hrang hrang hi a punlun a nih ber awm hi a.. ;-( Naupang chu a lainatawm hle mai.
74
Chemtatrawta Says:
February 17th, 2012 at 11:38 am
Pawngsualtu pawh an chhuak leh zung zung anih chuan hetiang mite hi an pung zelin a rinawm.
75
LaMea CâcTùs FLh Says:
February 17th, 2012 at 12:17 pm
Mob rule hi chu ka pawmlo. Mahse thuneitu te an strict a ngai, chumi nawr tura Mipui in thurual chang pawh a awm. Thil tisualtu chu a na thei ang berin hrem rawh se.
Kei zawng ka Nu in a phallo bawk a, misual man an nih a ka awm pawhin ka khawih ve ngailo.
Sualna neilo chuan deng rawh se titu ringtu kani si a
76
Dr Mahminga Sailo Says:
February 17th, 2012 at 12:26 pm
# 75… (Y)
77
Ignatia (33-115 AD) Says:
February 17th, 2012 at 12:26 pm
E khai helam chu mi chunga rorel dan tur inlo rel a ni maw? Mob rule hi kawng tamtak avangin tih chi niin ka hre lo. Comment-a thiante sawi hi ring mai ila mahse ka sawi ve duh chu: Mob rule-a phur fal mihring hi an hmuingil ngai lo. In awih loh chuan lo chhut reng mah rawh u a dik a nia. Mihring nunna lak hi thil dik a ni lo hrim hrim.

Tin, khawvelah hian thil tha lo zawng zawng hi mi chanah dah vek tur pawh a ni lo: khawtlang leh kohhran, ram pum huap laka zahna hi kan chungah leh kan chhungte chunga thleng thei reng a ni, tin kan hmangaih berte- eng anga thilsual ti pawh nise kan ngaihdam theih tur angte hi. Chutiang chungah chuan mob rule hi thleng se kan duh hauh lo vang. Kan duh loh tur hi midang chungah hian kan leklam leh mai thin. Duhloh tur midang chunga tih rau rauah hian THIHNA khawp hial thlen thei thil chu a danglam a nia!

Mob rule tamnaah Social evil a tlem phahna hmun ka la hre miah lo bawk hi ka buaina a ni bawk a.

A tawpa i thuziak- “Apple bawm khata apple chhia pakhat a awm avanga apple dang zawng zawng a tawih chhiat hma hian, apple chhia chu i peih vat ang u” tih hi ngun taka ngaihtuah chian a ngai a nia, Chemte. Thil tamtak hi ANALOGUE dan tawk hriat thiam a ngai. Hei hi ngaihtuah leh fo thin teh miin an tisual fo a nia. Apple hi thlai a ni a, a rah a, a kung atanga kan lawh hnu phei chuan a chi a nihna bak engmah hlutna dang a nei vak lo. Mihring chu e danglam tak kan ni- DANGLAM TAK! Khitiang thusawi tha khi mihring nena compare theihna chu- sikul emaw pawlah emaw an hmang thin- mihring sual lutuk thah daih lam a ni lo. Sikula class pakhatah misual tak awm se chu chu apple tawih nena tehkhinin hnawhchhuah a ni thin…he khawvela duhtaka lo piang ve misual thah daih lam chu a hlat lutuk a nia.

Malaria umbo nan thosi thah tur tih pawh hi tuna i ziak ang hian miin an ANALOGUE leh mai thin. A diklo lutuk a ni. Fimkhur a ngai khawp mai. Apple a ni emaw thosi a ni emaw mihring nen kan in ang lo lutuk a ni.
78
shylo Says:
February 17th, 2012 at 12:29 pm
Dan innghahna tlak leh kengkawhtu innghahna tlak chu nei ila mob rule hi a tul fo lovang maw le. Dik tak chuan dan hian misual a hum a ang rih tlat. Tualthahna, pawngsual etc thlen hnu lawkah tualthattu, pawngsualtuten ngampa taka khawlai an leng leh thin kan hmuh hian mahni kuta chinfel mai duhna a lo awm ta niin alang. Kan duhloh kha kan mamawh zawk ani lo maw…?
79
Jacka Pi Says:
February 17th, 2012 at 12:41 pm
Dr.Mahminga, naupang chu a thih phah a lawm..a nu leh pa tan a ngeiawm dan tur hi ka ngaihtuahpui thiamlo zawk
80
thachianga Says:
February 17th, 2012 at 12:46 pm
Kan ramah hi chuan mob rule ka pawm ngam thlap hi a thleng tlem khawp mai. # 58-a ka thlawp ka tih pawh khi ‘lo thleng ta se’, ka tihna a ni.

Mob rule a kan dah tam zawk daih hi chu mi pawngpawrh tlemte thiltihah ka lo ngai thin. Mob rule-ah ka dah ve ngai lo.
81
Hriatpuia pa Says:
February 17th, 2012 at 12:46 pm
Rule kengkawhtu turte hi an rûl lutuk a, mob rule hian kan bei leh mawp mawp lo thei lo a nih hi :-$

Kan duh apiang kan ti thei lo ang bawkin, kan duh loh apiang hi kan thianfai thei chuang lo. Kawnga sawi khi ka thlawp mai ni lovin, ka sawi aiah ka ring nghal e.. :-$
82
Dr Mahminga Sailo Says:
February 17th, 2012 at 12:56 pm
Jacka Pi… A va’n rapthlak ve lee(h). A nu leh pa, laina te tan tawrhthiam a va har dawn em… ;-(
83
boihapa Says:
February 17th, 2012 at 12:59 pm
Mob rule haha..ha.. Kan pipute hun laia nula laka lungawiloin, an in an sawi thiatsak ang chi kha mob rule a ni chiah em chiah lo em? Engpawh nise tha ka tih zawng a ni ve miah lo. Mi tuin emaw kha nula kha a va ngaizawng ta a, ani’n a lo duh ikhaw si lo a, a ngaizawngtu lah khan thian kawm a thiam phian si a, rilru tenawm tak puin chu nula chu tihmualpho dan ngaihtuahin, a punlun thei ang bera sawiin dik lo takin kha nula khawngaihthlak tak khan mualphona a tuar phah chiam thei. Chuvangin khatiang thil mamuli lutuk kha chu phum bo vang vang a tha zawk ang. Comment tha tak cho chhuaktu a nih avang erawh chuan post tha tak a ni tho tho e. Tin, mob rule hi rilru fim taka duang lawktu an lo awm a nih pawhin, an fuihpawrh (rilruah chuan puithiam ten Isua chungchanga mipui an fuihpawrh kha a lang tlat a) mipuite ngaihtuahna erawh a fim lo a, a sa hulh hulh zawk a ni. Chuti ang rilru fim lo mipui thinlung so bulh bulh mai chuan rorelna fing leh tha, rintlak leh fak tlak an kenkawh hi ka ring mawlh lo a ni ber mai!!
84
Dr Mahminga Sailo Says:
February 17th, 2012 at 1:15 pm
Zu chungchang bawk sawi te’ng (vuak hot leh zual na’n.. 😛 )

Kum 2007 ni ta in ka hria. Veng pakhata kan lenlaiin, kan lenna kawmchhakte in a kha ri dawp dawp a. Nu leh nau an tap chul bawk. Mak ti taka kan han en chuan, khawtlang mipuiin, zu zuar in an lo vuakchhiat sak a lo ni a.. :-O Rapthlak ka ti khawp mai. Zu zuar an tam em em laia, engetinge khami te in chiah an vuak chhiat chhan kha rng vang tak ni ang maw??…

Zu zawrh hi ka thlawp miah lo, tin zu zuar huaikawmbawl an tam mai, an ngeiawm. Chutihrualin, sual kan do danah pawh hian ngam leh ngamloh zawng kan nei lutuk hian thinlai a hliam thin, khawvel dan a ni tih hre mah ila.. 😉
85
Soberboy Says:
February 17th, 2012 at 1:20 pm
Tatrawta post hi chu Comment a hlawh thei tak2 ania 🙂 ::tlanchhe nghal::
86
Chemtatrawta Says:
February 17th, 2012 at 1:22 pm
boihapa, hmanlaia nula in sawi kha chu val upa te thuchhuak, zawlbuk atanga rel a ni tlangpui thin zawk em. Nula in la deuh leh a chhungte inleng chunga che mawi lo deuh chauh, chu pawh val upa te’n ngun taka an ngaihtuah hnuah a ni tlangpui.

Mob rule kan tih hian tualthah leh tih buaih buaih lam i ngaihtuah lo hram ang u, khawtlang lungrual leh tangrualin an duh thala an ngaihtuah hnua an tih hi a tam zawk a ni ang. Tin, khawtlang lungrualin an piai hlek hi chu tlemte chauh a ni. A zawng a zain a thleng lo tlangpui.
87
Dr Mahminga Sailo Says:
February 17th, 2012 at 1:23 pm
@ Soberboy… Dik chiah, chemtatrawta hi maw, Chief Minister ala nih loh paw’n, opposition leader tha tak a la ni ngeiin ka ring asin.. 😛
88
Chemtatrawta Says:
February 17th, 2012 at 1:25 pm
Soberboy & Dr Mahminga Sailo, opposition kumtluan ang chi khan em ni?..lol. Kan banner sexy ru lutuk hi ka mumangah te ka lo hmu anih chu mawle. 😀
89
Dr Mahminga Sailo Says:
February 17th, 2012 at 1:32 pm
Banner khi ka hrethiam ve miah lo nia… 😀 Tunge zawh chi ang aw, admin hian min a awmzia hrilh duh ang em le? 😛
90
Soberboy Says:
February 17th, 2012 at 1:43 pm
#87 Dr Mahming ni e mawle Syama Hmar phei chu awm se ooo 🙂 😛
91
LaMea CâcTùs FLh Says:
February 17th, 2012 at 2:25 pm
Trawta post ah hi chuan a critics SELTHUAMA ka ngai thin
92
boihapa Says:
February 17th, 2012 at 3:00 pm
Chema, mob rule (Mizoin tlangchil kan ti niin ka hria) han tih ngawt hian thluak fim taka duan lawk thlap, mimal inerna thil inthupru, mob rule (tlangchil) anga kalpui tak zaih pawh a awm thei tih hi hre chiang ve khatin ka inhria,mahse tul fe lohah chuan ka sawi dawn lo reng reng hehe… Lal Isua chunga rorelna pawh kha itsikna avanga fing khekrek taka duansa diam, mipui boruak sa hulh hulh khawpa fuihpawrha nawr chhuah a nih kha. Kha thutlukna kha Judate dàn pel rawka kalpui a ni a. Rome sorkardänin tihhlum tlaka a ngaih zawk chu Baraba kha a nih laiin, mipui lungaitlukna leh auhla ber chu “Khengbet rawh” tih kha a ni tlat si. Mipuiin tha kan tih tlan dial dial pawh nise, dàn hi a lo fing ber zel tih hi hria ila, dàn pawisakna lam kawng hi inkawhhmuh uar zawk ila, i inzirtir uar zawk ang u ka’n ti leh hram teh ang. Hairehai
93
Chemtatrawta Says:
February 17th, 2012 at 3:11 pm
Boihapa, Isua chungchang kha chu ‘Pathian chatuan thil ruahman’ thlen famkimna tur zawka thil tangkai tak a ni zawk lo’ng maw? Barabba kha khengbetin, Isua kha chhuah se Setana chu hlimin a zuang nasa ngei zawk ang a.:-)
94
Hriatpuia pa Says:
February 17th, 2012 at 3:48 pm
Post tupa, Boihapa’n Isua chungchang a rawn tehkhin khi, ‘Pathian chatuan thil ruahman’ i ti a, a dik reng. Mahse roreltute kha chuan fin kherek an chhuah chiang mai. 🙂 Keini mob rule pawh hi Pathianin tul a lo ti daih te pawh a ni ve thei tho asin 😛

Kan mob rule leh thin hi Pathianin roreltute chak lohzia lantir nan leh an insiamthat nan a thlentir a ni hial lo’ng maw .. ??
95
boihapa Says:
February 17th, 2012 at 4:47 pm
Chema, Pathian chatuan thiltum chu subject hran daih a ni. Hun remchangah a hranpa liau liaua la sawiho chi a ni ang. Dän lam pang zawk a ni lawm ni kha kan sawiho kha, chutah pawh dän tutailo ber mob rule lehnghal hehe.. Tak taka hei mobile phone atangin ka rawn comment ve e ka ti a, a harsa em mai, ka mobile handset hian a tlin meuh lo tlat. Inefficiency min rawn tihsak thin a hehe.. post sei deuh leh comment tam deuh chin chu ka buai tlat. Tunah pawh ka reload char char a, vanneihthlak takin hei ka rawn lut leh thei hram a nih hi. Hnialhrat sa bawp chang theia mawi pawh ka ni ta lo. Ka sawi tum khi enkan lo la, dän leh rorelna chungchanga mipui duhdana thutlukna zawk kha mob rule-ah ka rin lut a, chu chu Isua chungchangah khan a lan chian em avangin ka tehkhin ta mai zawk a ni. Pathian chatuan thiltum chu mihringin a tlin thlawt lo a, chuvangin.. ka’n ti hram dawn maw ni chu le hehe..
96
Universaldonor Says:
February 17th, 2012 at 6:26 pm
He topic hi chu misual.comer a kan mi chhuanvawr leh thluak burpui ber post atan chuan ka va iai deuh ve mawle. Midang post ni tase lo opposite tur bera ka ngaihin a rawn advertise hlauh mai a.

Khawvel ramtin leh hnamtinte hi keimahni changkandan a zir zelin kan khawsa chu a nih ber hi maw. He post comment tuten kan hriat chian em em chu mobe rule hi hnam changkang leh ram changkang zingah a tamlo tih leh a chingtute hi chu hman hnuaihnung leh ram hnuaihnung deuh zel an ni tih hi a ni.

Kan hmangaih ngawih ngawihte misual tuinemaw lainatna nei miah lova min pawng sualsak emaw, min thah sak emaw chuan rilru natdan tur chu inhrilhfiah hranpa pawh ngai lovin a hriat vek mai a, kan rilru chu na hle mahsela kan remchandan leh tha kan lo tihve dan a hma lolak ngawt kha a tholo a ni tih, mifing ten an hriat chian em avangin chung thilte a mawhphurtu tur leh roreltu tur chu sawrkar in mibikte a ruat ta a, kan tihloh tur kan lo tih hian sualna a kiam phah miah lova, dan bawkchhetu kan pung zawk a, sualna kan tipung zawk tihna a ni. Sualna a pun zawkna hmunah chuan thilfel zawk hmuhtum chu a har vioin a rinawm.

Engang pawhin miin pawi khawihse, mobe rule hmanga chinfel tum hi changkanlam panna kawng a ni lova, thil hlauhawm tak a ni. Rorelna fel leh tha a awm loh avangin kan ti ni berin a lang a, chuti a nih chuan mobe rule hmangin mawhphurhna diklo taka hmang thintute chu va nuai zawk sela, MLA rualten dan leh thupek kenkawh chungchangah dan fel zawk an duan theihnan mobe rule hmangin va nawr sela, chuti nilova, an fello em a tih mai avanga mahni a lo tih fel tum tlat te chu a dik dawn em ni. A titutur i ni si lova. CHuvang chuan a sei hmain he ngaihdan (mobe rule thatna) hi chu a sawi pawh sawi tam loh a tha ka ti khawp mai.
97
Ignatia (33-115 AD) Says:
February 17th, 2012 at 6:32 pm
@Universaldonor: He post a ziah lai hian Chemtea ke hi a tliak palh a lawm!

A uang peih mai mai khawp mai! Mob rule chungchang a commentna ka zawng hmu ta lo a lawm le. Hetiang lo zawng hian a comment tawh chiang lutuk a.
98
elcee Says:
February 18th, 2012 at 3:53 am
Comment ka chhiar hman lo.. Chemte.. Mizo zingah emaw, eng hnamdang ziingah pawh, eng dinhmunah pawh mobe rule sawimawi tur chuan ka phal lo che.. I in hmeh lo, ka chhiar chhuak dap, i sawi tum pawh ka hria.. Mahse he post hian min ti beidawng. I post dang/comment dang ka chhiar tawh te nen a in hmeh lo 🙂

Vawikhat ka hmelhriat pakhat motor khal zir hian naupang pakhat kawng a rawn tlan thut kha a su palh a, a break vak na a a su hman chiah tih a hmu, a thlaphang leh chi ai lutuk tawng ngaihna pawh hre lovin a mittui tling teuh chung in a ding a, chuan mi a sutna piah lawkah chuan YMA hian intihhlimna an lo nei a, an rawn tlan phei, patling, tlangval zu nam tawh tih hriat tak tak khan “tunge su tu? Zu a rui em ni?” ti in a su tu tleirawl te, zu chu sawi loh, kuhva takngial pawh ei lo kha kut thlak an rawn tum nghal a, vanneihthlak tak in a sutna bul a In neitu khan a lo hmu chiang in a ruih vang a ni lo tih a hria a, an bedroomah a luh tir a, kawngka bulah a din chilh tlat chung pawh in kut thlak tum in luh luih an la tum tang tang zui, police an lo thleng hma hlauh a.. a thianpa, a sut palh a nih thu lo sawi tu pawh an lo hnek hman maw le. Naupang a sut kha a nat leh nat loh pawh an ngaihtuah a ni chuang lo, naupang pawh chu a lo na lo hlauh bawk a. Kan la mawl zia hi sawi in a siak lo a sin. Diktak chuan tualthattu, pawngsualtu an chil hlum tawh tamtak hi an pawngsual lai/ mi an that lai hmu hi an awm meuh lo vang. Mi sawi leh chhawn an hria a, an tlan khawm hum hum a, a sakechek nazawng hian engmah hrechiang hlei lo hian kutthlak hi an lo tum ve ringawt zel bawk a… Aw.. Mobe rule that loh zia hi sawi tur hi ka va ngah em!!

Ngaihtuah chian vak pawh ngai lovin mobe rule that loh zia hre tur hi chu i ni a sin maw le 🙂 Email min han thawn la ka lo hrilh harh ang che 🙂
99
lrpa Says:
February 18th, 2012 at 4:33 am
elcee chu va vang ve..
mob rule hi pawngpaw duh loh ngawt chi ani chuang lo ania..a hmun leh a hun in a ken tel ve tlat ania
100
filliz Says:
February 18th, 2012 at 5:00 am
100 law law ang.
101
elcee Says:
February 18th, 2012 at 8:37 am
Irpa! Mobrule hi pawngpaw duh loh ngawt chi zawk a sin
Mob a nih tawh hi chuan a fuh kim lo duh viau. “Mihring pung khawm an tam poh leh lu (head) a tam a, mahse thluak erawh chu a tlem thung thin” tih sawi tu kha tunge kha aw.. Dik hmel fu a ni.
Vur in ngah ve em kumin? Ti daih teh ang
102
hnarliana Says:
February 18th, 2012 at 10:49 am
1980 bawr chho vel khan niin ka hria Mizoram khaw lar tak pakhatah Burma unau pakhatin rawng takin a thlen in pitar a that a,an khaw tlangval ten a rawng thei ang berin(timai teh ang) an chil hlum ve a(mob rule), chumi hnu lawk chuan chhan hriat loh in an khaw tlangval an thi zawih2 mai,20 dawn lai an thi ani awm e…hria pawh in awm nual maithei.Leilung hian mihring thil tih hi min hriatpui ve niin angaih theih tlat nia…mob rule
103
Chemtatrawta Says:
February 18th, 2012 at 10:50 am
Helaia kan rawn sawi tum zawk tak hi chu mi a pawng a puia che huk thin ni lovin, khawtlang tana hnawksak leh khawtlang ngaihmawh zawng khawtlang lungrualin hmanlaia ‘in sawi’ ang deuha hma an lak thlawpna a ni e, chu pawh kan dan leh dun nep luatah..