28.6.2013 khan Mizoram Engineer Service Association (MESA) chuan Vanapa Hall-ah General Body Meeting an nei a, chuta ah thurel-ah chuan Sorkar-a an thilphutte a hlawhtlin theih nan Work to Rule a an kal dan tur an sawi ho. Department tih atangin Work to Rule an kalpui dan tur sawi ho a ni a, Department hrang hrang Work to Rule an kalpui dan tur chu hetiang hi a ni.
1. Er. Lalrinzuala hnen atangin PHE Department-in Work to Rule an kalpui dan tur ngaihthlak a ni a, PHE Dept.in Work to Rule an kalpui dan tur chu hetiang hi a ni.
1) Sorkarin Office hnathawh hun a bithliah ang takin Zing Dar 9 atanga tlai Dar 5 bak hna thawh loh tur.
2) Zing Dar 9:00 ah Roll Call tur a ni.
3) Office Hour chhung chauhin run dalah Pipe Leak siam that tur.
4) Zing Dar 9 atanga tlai Dar 5 thleng bak Tui sem tawh loh tur.
5) Ramhnuaiah Tui Pipe Leak a awm a nih pawhin Dar 9:00AM to 5:00pm hun chhungah bak siam that tawh loh tur.
6) Khawl reng reng uluk takin check hmasak thin tur a ni. Rei tak kan check hmasa thin ang.
7) Pumping Hour tihtlem tur.
8 ) Zing Dar 9:00 atanga tlai Dar 5:00 thleng bak tui pump chhuah tawh loh tur.
9) Office chhungin Urgent tak tak a nih loh chuan File hi nilengin kan keu kan keu tur a ni.
10) Site Inspection neih loh nise.
11) Min dawrtu te tha takin kan dawr ang.
12) CPWD Manual ang takin kan kal anga, kan Power chin chiah kan thawk tur a ni.
2. Er. Lalrinngheta hnen atangin PWD Work to Rule kalpui dan tur ngaihthlak a ni a, PWD Work to Rule kalpui dan tur chu hetiang hi a ni.
1).Office Work leh Field Work ang chi reng reng chu, Work Manual angin kan kal ang.
2). Hnathawh tur reng reng tawngka a sawi ringawt tawh lovin ziak ngeiin tih tawh tur a ni.
3). Blacktop reng reng Department Work anga a kal dawn a nih chuan Alkatra chhuanna turin Zing dar 5-a mei kan nun thin leh Zing dar 7-a Roll kan call thin chu ti tawh lovin Zing Dar 9-ah mei kan nun anga, Zing Dar 9:30 ah Roll kan call thin tawh ang.
4). Site Visit kan nei dawn a nih chuan Zing Dar 9:00 ah kan chhuak thin tawh anga, Saiha kan kal dawn a nih pawhin Dar 9:00AM ah kan chhuak anga, Dar 5:00pm thleng kan tlan anga, kan thlen chinah kan riak anga, a tuk Zing Dar 9:00 ah bawk kan chhuak leh mai tur a ni.
5). Salary leh Wages hi a hun taka Propose tur.
3. Er. Lalhminghlua hnen atangin P&E Dept. Work to Rule kalpui dan tur ngaihthlak leh a ni a, P&E Work to Rule kalpui dan tur chu hetiang hi a ni.
1) Hrem theih si loh in a run dal tawk leka hna thawh tur a ni.
2) Zing Dar 9 atanga tlai Dar5 thleng bak hna thawh loh tur.
3) Kan Dept. Muster Roll te zingah hian License nei lo an tam hle a, License nei chu tar lam tawh, Electric bana lawn thei tawh loh te an nihhlawm avangin License nei lo chuan hna an thawk tawh lovang.
4) Buaina leh harsatna a awm changin Officer te tel lovin kan nau te fel deuhin an lo ching fel mai zel a, tun atang chuan Officer te tel chuan kan nau ten hna an thawk tawh lovang.
5) Public Complaint hi a dawng tam ber kan ni a, Tlai dar 5 hnulam ah chuan kan phone hi Private Phone a ni tawh anga, Official Phone a ni tawh lovang.
6) Hna kan thawhna tur thenkhatte hi chu mipui te nena insawi remna angin kan thawk thin a, tunah chuan Plan Work ang takin hna kan thawk tawh ang.
Er. Joyjoji hnen atangin Minor Irrigation (M.I) Work to rule kalpui dan tur ngaihthlak leh a ni a, MI in Work to rule an kalpui dan tur chu hetiang hi a ni.
1) Ramhnuaiah riah tawh loh tur a ni. Dar 9:00 Am atanga Tlai dar 5 thleng chiah hna thawh tawh tur.
2) Sanction hnuaiah chiah hna kan kalpui tawh ang.
3) CPWD Manual ang takin Tender kan call tawh ang.
Similar Posts:
- Kan thlir dan diklo
- Mizoram University a thil thleng mak: ~B. Thanga
- Work is Worship
- Amen! Mizoram Land Reform
- Mobile phone number hlauhawm
June 28th, 2013 at 10:00 pm
MESA member zinga a hausa zualte hi CBI chhui vek turin kan sawrkar hian han ti ve mai se lah..hehehe
June 28th, 2013 at 11:17 pm
lol…..
June 28th, 2013 at 11:29 pm
sawrkar chu an va hlau lo sak sak ve..nia..#1 mi ang khian..CBI ko lut ve mai ila..kan ram chu ram buai a ni mai..officer hovin an bei let ve leh ang a
June 29th, 2013 at 12:00 am
Mizoram Engineer Service Association thuchhuah ropui lo!!
June 29th, 2013 at 12:00 am
A va ropui riap riap ve le……
June 29th, 2013 at 1:36 am
Bang rawh se, an vaiin. Hetiang mi chapo kan mamawh hrep love.
June 29th, 2013 at 2:11 am
An zak lo ka ti.
An lungawi lo a nih pawhin khitiang kia an sawi duh khi an moral hniam zia a lang. Mihringte hian kan sawi awm tawk tete kan sawi vek a, an sawi awm tawk vel a ni…ti mai ang.
Engineer chu an pass a, fail an nei hlawm a nih khi.
June 29th, 2013 at 2:43 am
An ti mah mah ka ti. Engvanga huai viau nge an nih? Hlauh tur an hmu zo lo a niang…
June 29th, 2013 at 3:17 am
Mahni hna chelh duh chuan thahnem ngai takin an thawk thin a ni si a, mahni hna an chelh duh tawh lo nge, tumah hlauh an nei lo?
Engineering lam hna reng reng hi thawh hun bithliah awm mahse, engemaw chenah hna thawh hun bithliah ang lova, a pel rawk rawk a thawh a ngaih hun a tam khawp ang. An hlawh nen a an hnathawh inmil tur chuan chutiang a an thawh pawh a ngai ngeiin ka ring ve tlat.
An tawngkam hman thenkhat khian Mizoram mipuite an zah lo hle tih a hriat.
They passed the exam but they failed…!
Special report ah ka va post chhawng teh ang
June 29th, 2013 at 3:53 am
An van hausa em em..
Mingo hovin PROUD an tih ang hian an mizia khi a hrilhfiah zo chiah lo niin a lang. Keipawh kan khaw blog-ah ka suan ve dawn.
June 29th, 2013 at 5:01 am
Engineer nih ka zah ber tum a ni awm e
June 29th, 2013 at 8:47 am
engineer ka ni ve lo hlauh
June 29th, 2013 at 8:50 am
hei bak bak a chukchu!
June 29th, 2013 at 9:23 am
Ram hmangaihna chu khawi lamah. Tuna an dinhmun pawh a san tawh tehlul nen! Duhamnaa khat chu kan lo ni e.
June 29th, 2013 at 12:02 pm
June 29th, 2013 at 2:12 pm
Engineer an hlawh phu lovin an hausa duh tih leh an thuchhuah chu in mil viau mai…..
June 29th, 2013 at 2:35 pm
Confused
June 29th, 2013 at 3:10 pm
An thuchhuak khi a professional kamchhuak lo ka ti. Hmanah St.Pauls science teacher pakhat nen kan titi fuh hlauh maia, a students te science aia Arts line-a kal zawk tura a fuih thin thu leh Mizoram bikah phei chuan Engineer te kan hmuhdan dik tawhloh zia, an eiruk nasat (financially and morally corrupt) zia, leh an fate pawh an tluan loh zia vel min hrilh thahnemngai khawp maia. Mak kha ka ti angreng khawp maia.
Mahse ka ngaih ka ngaihtuah hian, alo ni duh awm mang e ka ti ta.
June 29th, 2013 at 3:12 pm
Hlauh tur nei hlawm hek lo.
June 29th, 2013 at 5:02 pm
4). Site Visit kan nei dawn a nih chuan Zing Dar 9:00 ah kan chhuak thin tawh anga, Saiha kan kal dawn a nih pawhin Dar 9:00AM ah kan chhuak anga, Dar 5:00pm thleng kan tlan anga, kan thlen chinah kan riak anga, a tuk Zing Dar 9:00 ah bawk kan chhuak leh mai tur a ni….
hehehe ka tan lutuk
June 29th, 2013 at 6:30 pm
12) CPWD Manual ang takin kan kal anga, kan Power chin chiah kan thawk tur a ni.
1).Office Work leh Field Work ang chi reng reng chu, Work Manual angin kan kal ang.
2). Hnathawh tur reng reng tawngka a sawi ringawt tawh lovin ziak ngeiin tih tawh tur a ni.
3) CPWD Manual ang takin Tender kan call tawh ang.
Engineer ho chuan CPWD Mannual an thlap a an kal chuan, ‘Technical Bid’ tih lai a, phone a tang order in pek a om thei dawn toh lo a, tha fu ang chu. “hei hi contract hmu tur list” tih kha a om toh lo a ang. a fare deuh ang chu.
Chuan engkim written a an tih chuan file system in an kal tir ve a nga a kual a kual a nga, mi pakhat khan pipe pakhat siamthatna tur file kha voi 10 vel lai a sign ve a nga. JE in a initiate a nga, SDO in Observation an siama a nga, file a let leh a nga, JE in clarification an siam leh a nga… chuan EE a tanga execute na order a thlen meuh chuan rei duh viau ang, office pui style a an kal chuan a buaithlak don anih chu. (mahse a system chu dik takin an follow dawn bok si a, dik hi nge tha diklo deuh ?)
June 29th, 2013 at 8:44 pm
June 29th, 2013 at 9:13 pm
An va tizahthlak ve le thiante ho chu le. An ngam angreng sak sak hle mai a. 9-5 hi an thawk tak tak ngut emaw ni le a hma pawh khan le…….
Mizoram mipuite an zah lo hle mai. Sorkar atangin hlawh hmu mahse a Zoram mipui tax atang vekin a ni sia. Sorkar an hlau lo mai ni lovin mipui an hlau lo a nih hlawm khi.
Taliban sitail mai chi lo maw le…..
June 29th, 2013 at 10:38 pm
haha. Mittui tla phung in ka nuih chu le.
June 30th, 2013 at 12:31 pm
Lehkhathiam rual an Nu leh Pa te lakah an han nuar ve deuh a nih ber mai hi. An chimawm thiamin, a nuihzatthlak ang reng, Fiamthu an thawh te pawh a ang zawk e. ;-D
June 30th, 2013 at 2:53 pm
Chhiar a manhla khawp mai…engtin ni zel ang maw…
June 30th, 2013 at 4:23 pm
Mizoram tan a zahthlak hle mai, moral reformation an mamawh takzet…civil engg chu ka nia,mahse MES ah ka la tel ve theilo hlauh a,ka vannei khop in ka hria..dar 9am to 5pm khi sawrkar in a rawih ang tak a an thawh that tawh a, theihtawp an chhuah erawh chuan hma kan sawn phah zawk lel maithei,mahse an hnuai a mi te hna la zo lo deuh an awm palh a an control hmak chuan anmahni zak zawk mai se,mahse an zah hmel lem loh..
Sawrkar an hlau lem lo tih a lang chiang hle bok,hna an thawh that loh na na na chuan terminate theih an ni,a meizang hlaptu mi 5 vel han ban hmak se la,adang chuan an thawk tha zot zot tawh mai ang maw le..
June 30th, 2013 at 5:44 pm
Chhiar hmasak ber chuan an fiamthu emaw ka tih roh pek chu le, mahse comment atang hian an fiamthu lo tih erawh a hriat theih.
July 1st, 2013 at 7:43 am
Thu dik hrulah tute nge heti anga thiam taka thu dik leh dawt chawhchawrawitu hi?
July 1st, 2013 at 10:36 am
Hei aia pawimawh zawk rel tur an nei ngang lo ani ang maw ?
July 1st, 2013 at 12:44 pm
Heti ang hian kan engineer-te hian ro an rel ang tih ring tur tawk leka min ngaitu hian min ngainepin min hmusit ni zawk hialin kei chuan ka ngai. Heti ang thu awihawm lo lutuk min convince tumtu hi rin ka nei. Heti ang thil hi lo thutak khukpui chiam chi a ni ngai lo. Hna hniam zawk thawk pawhin heti ang lutuk hian chuan ro an rel ngai lo tih hi chhia leh tha hriatna nei tan chuan hriatsa a ni. Misual.commer-te chuan heti ang thu belhchian dawl lo ang chi hi chu thliar hrang thiam ang u. Zofate hi sawngsawhlawt si lovah kan insawiselin kan insawi chhe nasa lutuk ta mah mah e. Sorkar thu haw lam kal lam ngaihchan nachang hriat hmasak phawt hi a finthlak ngai e.
July 1st, 2013 at 4:24 pm
Mizoram engieneer tam zawk an corrupt-a, an hlawh phu lohin an hausa tih hi chu ngaihdan tlanglawn a ni. Mahse an thil phut hi hriatthiam theihna chin ka nei. Mizoram-ah chuan Organised service dang MCS leh MFAS te pawhin Secretary post an nei bawk. LDC-a lut pawh an kaisang a, Secretary thleng an kaisang thei, MSS-in Secretary post an nei miau a.
Chutih laiin Group A-a tan engineering service-te hian Secretary post an nei ve ta lo a. An neih ve thin pawh tihbosak an ni ta bik hi an tan chuan hriatthiam a har ve khawp ang. Chuvangin an thil phut hi a awm ve viau a ni. An phutchhuah tum dan hi chu tha ti leh ti lo a awm theih ngei ang a.
July 1st, 2013 at 9:22 pm
Kum 20 lai an lo neih tawh PWD Secretary post Congress sorkarin a chhuhsak a, chu chu hmuh let tumin an bei ve a ni mai a. LDC pawh Secretary-a a pension theih chuan Mizoram Enginnering Service exam pass a, SDO-a lut te hi an phu ve tho lawm ni?
July 1st, 2013 at 9:32 pm
He he he. Ropui riap riap ve le
July 2nd, 2013 at 12:49 pm
“LDC poh Secretary an kaithei” han tih takah chuan, an lo thinkom teu teu em a ni chu… :-
July 3rd, 2013 at 5:39 pm
“9) Office chhungin Urgent tak tak a nih loh chuan File hi nilengin kan keu kan keu tur a ni”.
A va ninawm duh awm ve aw!
“4). Site Visit kan nei dawn a nih chuan Zing Dar 9:00 ah kan chhuak thin tawh anga, Saiha kan kal dawn a nih pawhin Dar 9:00AM ah kan chhuak anga, Dar 5:00pm thleng kan tlan anga, kan thlen chinah kan riak anga, a tuk Zing Dar 9:00 ah bawk kan chhuak leh mai tur a ni”.
Hei phei chu, ram kawng hreawm lai takah dar 5:00 rik chuan, peih awm loh awm tiah tiah!
July 3rd, 2013 at 9:54 pm
Ka net connection a muang lutuk a, duh angin ka comment thei lova, a zia lo hle mai.
A post-tupa nick hi ka vawikhat hmuhna a nia, a comment ka chhiar awm reng reng ka la hre lo
He thil hi MESA thurel a ni hauh lova, Work-to-rule an ngaihdan an present zinga thenkhat chauh a ni zawk.
Internet (Google) atanga work to rule definition lehkha an sem te kha rawn post tel awm tak.
Engineer te’n an thil nawr pakhat mah pawh a rawn tarlang tel si lo hian a post-tupa bias zia a tilang niin ka hria.
A post-tups hi MESA member anih loh chuan inside story hre tur chuan CID anih ngei kei kan ring ve ringawt a. Report a chanve chauh leh conclusion a dah tel loh avang pawh hian mipuitling tak anih kan ring lo phawt bawk teh ang.
Association-ah reng reng chuan ngaihdan hrang hrang a tam ang tih pawh ring ila, he post a kan hmuh ang hi chu MESA thu vuakthlak pawh a ni lo hrim hrim.
MESA hruaitute hi an puitlingin lungawilohna lan tir pawh an hreh viau va, Vantlang mamawh eng (power) leh tui phei chu nidang zawng aiin a tha tur a ni an ti zawk tih a post-tupa hi kan hrilh ve duh a ni e.
July 3rd, 2013 at 10:07 pm
Tin, misual dot commer te pawh hi ka chah duh chu second thought nei miah lova comment pawp pawp mai kan tam thin. Mi sentiment thlir miah lo leh topic atang ringawt a decision siam a comment hi a tam thin hle in ka hria. Kan comment te hi mite hian an chhiar ve thin tih hi kan hre nawn dawn nia.
July 4th, 2013 at 3:09 am
lushai_er chu rawn che chhuak har ka lo ti rilru a hehe
July 4th, 2013 at 4:38 am
Sorkar in secretary post khat a lungawi turin a thlem tak kha maw. Post neihsa chhuhsak hi a lungawiloh thlak em asin. Lal Isua ngei pawhin na takin Kanaan nu a kamkhat hial kha. Lecturer post sawnbo pawh kan phal loh chuan secretary post phei chu a uihawm zual ngawt ang.
July 4th, 2013 at 11:10 am
https://www.vanglaini.org/tualchhung/5148
July 4th, 2013 at 7:23 pm
Lushai er mitthla ranin ka’n comment kha engtin tak rawn te ang maw ka lo ti a,
July 4th, 2013 at 11:37 pm
MESA hian PR lamah tan an lak a ngai a va nih hmel ve. An harsatna sawi leh an thil phut zingah awm tak tak a awm chung pawhin Mizo mipui support an hmu thei lo niin a lang tlat mai. Reputation siamthat lamah tanlak an mamawh a nih hmel e..
July 5th, 2013 at 1:40 pm
3 dilin 1 an hmu ta chauh mai si a, MESA te hi an buai hlein ka ring!
July 5th, 2013 at 2:35 pm
#43, Chhama : PR hi kan tlakchham ber a ni, mahni buai buaiin kan buai a, midang tih atan kan khek vek mai a a tha lo khawp mai.
July 5th, 2013 at 2:46 pm
Post topic kan hmuh hi “Mizoram Engineer Service Association thuchhuah ropui!!” tih a ni a, MESA hian he thu hi khawiah nge an chhuah reng reng tih hi a post-tupa hi ka zawt duh a, min rawn chhan ngei pawh angai ang.
July 5th, 2013 at 3:14 pm
Kan ram neih chhun hi silchar & hailekandi,burma, ruih hlo chi hrang hrang tih chhiat ani tak zet em? a teuh lo mai, kan ram eichhetu dik tak te chu official(engineer leh Mizoram Civil service)te an ni.Kan ram eichhe tur hian politician te hi an tlem lutuk tin an hun chhung a rei lo bawk.Kum 15 vel minister ni pawh hi kan la nei meuh lo a ni a,official ve thung erawh kum 30-40 chuang service te an ni. Han dawn ve teh ka nau!!https://misual.life/wp-conte...../shade.png
July 5th, 2013 at 3:33 pm
Kan ram eichhetu-ah te han inpuh chu le(h)….
India ram pumah State PWD Airport siam thei awm chhun chu Mizoram. Chupawh PWD Secretary Er.Dunglena thahnemngaih vang.
Aizawl Lunglei Km 230 thin Km 170 a chhuahtute, Lunglei lehlang a zin phak a siamtute hi Engineer te an ni lo em ni?
Serlui khuaptute, Tuirial, Chhimtuipui….a dang pawh a la tam mai heng khuah nana DPR siamtute hi tu te nge?
Service tinah mi corrupt chu an awm vek ang, mahse thangthar eirulo tam tak an awm tih pawh hriat tel a tha awm e.
Kan bawnghnute in sawi si lova kan zu in chauh in sawi reng dawn chuan kan hnim kan hnim ve ang che u ang a, Uih lai chu kan hre ve tho ang tih hi lo ring ru
July 5th, 2013 at 4:11 pm
Eheu ………….Lushai_er chu leh!!!!!!. Project an lo thawh tawh te leh an thiltih tamtak te hi hai a ni lova mahse heng hnathawh tawhna te Airport,lunglei kawng etc etc hi an source of side income that in fact is called corruption chu2 ram chhiat phahna chu ni dawn lovem ni?………..Mimal hming i sawichhuah rau2 ah chuan Er Dunglena in te khi a ropui mep2 a nia,A hlawh leh pension hian sa thei chi ah i a ngai em tih chu ngaihtuah tham a ni……
July 5th, 2013 at 9:25 pm
Ngaihtuah ngai tak a ni!
July 5th, 2013 at 11:43 pm
misual.comers te hi puitling tak ni in ka lo hre ve thin a, mahse coment sawngnawi tak tak a tam hle mai. Engineer te hi an lungawi lova, chuvang chuan lungawi loh lan tir nan WORK TO RULE ( Also known as WHITE STRIKE) an hmang a, strategy ah post tupa?? sawi ang then khat te hi an propose a ni mai alawm mawle. Enge maw zahthlak/zahpuiawm te vak le??
July 6th, 2013 at 3:11 pm
A va han ropui rapthlak tak ve le….
July 7th, 2013 at 11:49 am
#49 : Ka comment khi i chhiar chiang lo emaw ni le ?
#47 :”kan ram eichhetu dik tak te chu official(engineer leh Mizoram Civil service)te an ni.Kan ram eichhe tur hian politician te hi an tlem lutuk tin an hun chhung a rei lo bawk.”
“Service tinah mi corrupt chu an awm vek ang, mahse thangthar eirulo tam tak an awm tih pawh hriat tel a tha awm e.”
“Er Dunglena in te khi a ropui mep2 a nia,A hlawh leh pension hian sa thei chi ah i a ngai em tih chu ngaihtuah tham a ni……”
A hlawh leh a pension tel pawn tello pawn a sa thei a, a sa a ni mai. Nang leh kei hian kan lo ngaihtuah buai vak hi angai em ni le ???? Chung lam tih atan khek a tha awm mange.
Mizo Society min la tichhe thei thil chu in elrel leh itsikna hi a la ni dawn a nih hi
Tumah reng mitha an awm ta lo ang hial a thu kan sir tluk pui thin mai le 
July 7th, 2013 at 4:28 pm
CPWD manual lo angin tender an call thin a ni maw?
July 7th, 2013 at 6:43 pm
@53: “Service tinah mi corrupt chu an awm vek ang, mahse thangthar eirulo tam tak an awm tih pawh hriat tel a tha awm e.” Hei hi chu a tha khawp mai, mahse a hmasa ho kha chuan mipui nawlpui a social stigma ‘engineer an eiru nasa’ tih hi an hlawh chhuak tih chu hairual a nilo. Chumi nghawng te chu ni mahna an thil ngiat ve pawh tuman an tih ngam leh tihtur a an dah lohna chhan hi.
Er Dunglena chungchanga chunglam tih atana i dah mai a nih chuan tha viau tho e. Mahse nakin ah hian kan rama eirukna avang hian thang lo thar zel tur thinrim hian history vuak chhiat duhna te an la nei palh ang tih chu thil hlauhawm tak a ni…..
July 9th, 2013 at 1:48 am
#55: ACB pawhin an chhui vak tawh a nia, engmah hmuhchhuah erawh an nei lem lo, chuvangin eiru kan define dan hi a inang lo hlawm viau chuan ka ring!
Tin, social site-a personal deuhva mi sawi hi thil tha pawh a ni lem lo. “Time will tell” i ti mai teh ang.
July 9th, 2013 at 10:54 am
Mimal thil sawi hi tha lemlo mahse i rawn sawichhuah a zarah kan sawi ni ve mai e.
Corrution define dan chu inang lo viau maithei e…. mahse ziak a fel thlap si a taka beisei tur ang pha silo, chhui chhuah dawn a chhuitur awm silo hi ni kan ram in a chhiat phah mek chu nih hi maw. Hna i thawh ve tawh tho chu ka ringa ziah bo dan hi a lo tam em ani.Chuvang chuan mimal commitment lam zawk hi a pawimawh fo reng zawk a ni.
July 9th, 2013 at 11:16 am
‘Ziah bo’ nilovin ziah hlawk dan tih zawkin a dik zawk ang.