Kum 7 mi zu pek avangin thi.
Buannel.com : Lalrempuia (7) s/o Vanlalchhunga, Venghlui Aizawl chu kar hmasa inrinni khan Taxi driver pathumin Rangvamual (RV) ah kalpuiin zu an pe a, hemi zan atang hian biak theih loh a awmin, Feb 16 zing dar 3:10 khan Aizawl Civil Hospital-ah a thi.
Lalrempuia hi Civil Hospital ah hian postmortem niin, Feb 16 chhawhnu khan Venghlui thlanmual-ah vuiliam a ni. Lalrempuia zu petu taxi driver pathum Vanlaltana, Lalduhawma leh Rokunga te chu thu zawhfiah atan tunah hian Police ten an la tawh ni a thudawn a ni.
Venghlui atanga thudawn danin, kar hmasa inrinni chawhma lam khan Lalrempuia hi an veng thenawma taxi driver pathum Vanlaltana, Republic Veng, Lalduhawma Bethlehem leh Rokunga Bethlehem te chuan taxi pakhat-ah chuang ho in Lalrempuia hi Rangvamual (RV) ah an kalpui a, hetah hian zu an pe tih Venghlui YMA hruaitute hma-ah pawh an puang tawh ni a thudawn a ni.
Hetia zu an pek hmu tlai dar 3 velah hawpui in, Lalrempuia hi an in chhungah pawh dah lovin, an kawtkaiah hlang thlain an kalsan a, a chhungten an hmuh chuan biak theihlohin a lo awm tawh a ni. Engemawchen chhung an buaipui hnu, a tuk Pathianni zing dar 2 velah Civil Hospital Casualty an panpui a, heta tang hian a thih thleng hian biak theih a ni ta lo a ni. Doctorte report a alan dan chuan a natna hi Khawsikpui thluaka lut ni a tarlan a ni.
Venghlui atanga thudawnna chuan naupang kum 7 mi lek hruai a, zu an in tir chu an ngai serious hle tih a sawi a, naupang harhvang leh inhlei rual vel, motor chuan nuam ti mi tan chuan motora chuang tura an sawm chuan kal mai a awlsam hle dawn a an hriat avangin, heng taxi driver te hian a duhlo chung an hruai lui a nih chu an ring chiah lo niin a sawi thung.
Hetiang boruak a thlen hnu hian boral ta Lalrempuia chhungte hian Police a FIR thehluh mai ngaihna an hriat loh laiin, naupangte thlavang hauhtu ‘Childline’ hriattir an ni a, Child Welfare Committee lamin hmala nghalin Feb 15 khan Police ah FIR an thehlut ta a ni. Tunah hian naupang zu pe tu taxi driver pathum Vanlaltana, Lalduhawma leh Rokunga te hi Police ten thu zawhfiah atan an man tawh a ni.
Lalrempuia te chhungkua hi Venghlui a khawsa nghet niin, unau panga zinga a te ber dawttu a ni. A boral thleng hian Venghlui Primary School-ah Class-II a zir mek a, an chhungkua hi nitin eichawp zawnga khawsa an ni. Feb 16 chawhma dar 10 vel khan Postmortem zawh niin Venghlui thlanmual ah vuiliam a ni.
Similar Posts:
- Mizo IR Bn. chhiat tawk
- Taxi Driver Kulikawn-ah Hliam tuara chhar a Boral
- Aizawl-Lunglei Sumo Accident ah 2 thi
- Call Girl Part – II
- Taxi leh Driver Bo
Nia, Like tur dik tak hi Like a ngai a...
February 18th, 2012 at 6:44 am
Chanchin lungchhiatthlak tak a ni.
tren tren
Report this comment
February 18th, 2012 at 6:46 am
Post tha e…a bengvarthlak khawp mai. Facebook lamah pawh a lar he thil hi a lar hle. Thu dik mumal tak hriat a chakawm khawp mai
Report this comment
February 18th, 2012 at 6:48 am
khai aw ! ! . .ava lainatawm ve . .zia lo hle mai a . .
Report this comment
February 18th, 2012 at 7:31 am
Kumin chu Leap Year kum a ni bawk a, ngaihbel theih khawpin chhiatna hrang hrang a tam malh malh hle mai. He nau an tih dan hi chu a thinrimthlak mange aw..
Report this comment
February 18th, 2012 at 7:38 am
He thu hi ka lo hre tawh a, ka thin a rim kher mai. A titute kha an thiam lo hlea ka hriat rualin naupang pawh kha eng ti tiha zuk kal ve nge a nih tih ka ngaihtuah zui neuh2 a
Report this comment
February 18th, 2012 at 8:20 am
Nia, inlo hrenual tawh tho ang a. Mahse, Misual.com a sawiho loh hi chuan a kimlo tlat. Facebook ah phei chuan hawrawp kim mang hleiloin an comment a. Tuihal a reh lo.
Report this comment
February 18th, 2012 at 8:38 am
Hmm hrem ngei rawh se, na takin, an zu pek vanga thi nilo mahse, kum 7 mi zu pek chu a diklo hrim hrim
Report this comment
February 18th, 2012 at 9:01 am
Zu ngawlveia thiah chuan a la naupang berin ka ring. Ziah ngam tawh chi si loh chanchin a lo nei pherh erh, a hre chiangte ka atanga ka thudawn zuiah chuan!
A rualpuite ai chuan an lo danglam deuh … a lainatawm reuh khawp mai!
Report this comment
February 18th, 2012 at 9:14 am
Lainat awm tak a ni. Fb lam ah kha chuan ka comment lo a, mak tih ve deuh ka nei a, naupang khan zu kha no li(4) a in an ti in ka hria a, ama duhthu a in a nih leh nih loh chu ka hre lemlo na in, engtin nge no khat pawh a lem theih le ka lo ti mai mai a, a tui loh loh nen..
Tin, kha naupang kum 7 mi kha motor sil in a inhlawh thin te an la ti ta zel a. Khawngaihthlak chuan…..
Report this comment
February 18th, 2012 at 9:15 am
turin an hraihlum anih deuh ber chu. Murder emaw a lo berah manslaughter case awrh tir teh se
Report this comment
February 18th, 2012 at 9:24 am
@8,
Report this comment
February 18th, 2012 at 9:25 am
@Chawnghilh #8 : I thusawi chu ka hriat ve miah loh lam a ni tlat mai. Amah hian a lo duh ve rengin an in luihtir ni pawhin a lang nange?
Report this comment
February 18th, 2012 at 9:31 am
#8, chutiang a nih rau rau chuan a unau dang te pawh chu child welfare lam chuan enzui chi a va ni awm ve, zungawl kherlo a dang dangah hian anlo vulnerable hle mai lo maw… a thi chu thi an nia (RIP) a la dam ngaihsak tlak anla awm leh awmloh hi chian tel se la ka ti mange..
Report this comment
February 18th, 2012 at 9:35 am
Middle sikula kan zirtirtu pakhat khan, “Mitthi khin chu an khinglet ve thei si lova, thiamloh chantir lutuk” tih a sawi thin ka hrechhuak. Pu chawnghilha thusawi awih har ka tih pawl tak ala ni awm e.(kum 7 mi zungawl vei tih khi). Buhrawtsawmna lung awrhtir…
Report this comment
February 18th, 2012 at 9:37 am
*thiamloh chantir an harsa lutuk*
Report this comment
February 18th, 2012 at 9:40 am
Ava lainatawm ve aw…#8 khi a tak anih phei chuan a nu leh pa te ka dem thlawt. Chutia naupang si zu lo duh ve bawk si chu tlangval hawklak,zu duh tan chuan a lawmawm duh phian maithei asin…
Engpawh nise RIP.
Report this comment
February 18th, 2012 at 9:42 am
Nia kei pawh ka hriat dan chuan chawngchilh sawi ang em em a zu ngawlvei chu ni lo mahse zu chu a in fo thin an ti tlat. Thil sawi nuam a ni lo na in, an family hi an nawi ve deuh ni mai thei..
Report this comment
February 18th, 2012 at 10:00 am
pawi khawp mai..tinge? thil hi ka post theih loh le awwww hmanah kha chuan ka post thei mai thin sia..Pu Admin min lo pui hram teh a ka thiam lah hi tlem ve bawk si
Report this comment
February 18th, 2012 at 10:05 am
Hre tawh:-D
Amah kha naupang danglam tak chu amih awm kha. Chutihrualin a khaptu ni lova lo inpui tute kha chu an demawm ka ti. A thi ta mai si a, a lainatawm reuh khawp mai.
Report this comment
February 18th, 2012 at 10:07 am
Pu chawnghilh, sawi ang a nih phei chuan alainatawm tulh tulh mai ka ti. Mel 3 ah khan, kum 3 mi zungawlvei a awm thu ka hre tawh tlat. A nu hnute pe peihloin zu a tulh thin an ti.
Report this comment
February 18th, 2012 at 10:14 am
18@ ila virgin vang a niang.
Report this comment
February 18th, 2012 at 10:24 am
Ka ziak chhunzawm dawn lo … zilh thintute sawi fak fak a ni tlat! In la hre belh ve chek ang … I wash my hands.
Report this comment
February 18th, 2012 at 10:24 am
A lainatawm khawp mai,
Chawngchilh #8 sawi ang hian FB lamah pawh sawi dan hrang hrang a awm! Naupang kum 7 mi chu zu ngawl a vei dawn emni aw? tih chu ka inzawhna a la ni tho. “Zu a lo duh ve ang reng a…” tih tal te chu nise ka la hrethiam deuh, Zu a nih vang ni lovin, a “taste” kha duhzawng tak a awm ve theih tlat.
India Dan (IPC Sec.83)-ah, naupang kum 7-12 inkar chu mahni-a ngaihdan siam tura an la puitlin tawk loh avangin, an thiltih hrim hrim kha suala chhiar a ni lo (nothing is an offence which is done by a child age 7-12), “an bula awm-te” (guardian) mawhphurhna a ni a, thilsual a lo ti emaw, thil a lo khawih pawi palh emaw pawh nise, naupang hi hrem thiang lo a ni.
Bible zirtirna-ah pawh hian, Naupang hi kum 12 thlengin nu leh pate kutah an awm a, Nu leh pate hian mawh kan phur a ni.
Naupang Lalrempuia (7) thihna case-ah hian Zu-a lo hraitu emaw, zu lo petu emaw, zu awmna hmuna hruaitu emaw hi Dan chuan a umzui turte an niin alang. E.g. Naupang kum 7 miin, gas hal-in in tikang ta se, Dan chuan naupang ni lovin, gas tikang tura hmanrua Lighter, etc. fimkhur lo taka dahtu (adult human being/guardian) kha a mawh a phurtir thin.
Ka rilru min tibuaitu zawk erawhchu, “Naupang hi Khawsikpui thluaka lut avanga thi nge?… Zu tha lo in vang?” tih zawk hi a ni. Khawsikpui thluaka lut vanga Lalrempuia hi a thi a nih chuan, Taxi driver-te hian he case-ah hian beiseina sang tak an nei thei ang. Mahse, Zu in tur pek, zu hrai ruih, zu hmuna hruai atanga nikhaw hre lova “zu avanga a nun a chan a nih chuan” case a rip deuh mai thei a ni.
Mizo te hian kan thiltawn hi ruh-lang rawta sawi kan hreh tawh thin a. Hei hian thudik hi a hliah fo thin. Naupang Lalrempuia thih dan hi a lainatawm hle a, an chhungkaw khawsak dan an sawi hi a dik a nih chuan a lainatawm khawp. Chanchin chiang-kuang lo tak nei chunga mual a liam hi ka lainat lehzual,
Thlamuang tak leh hahdam takin chawl rawhse,
Report this comment
February 18th, 2012 at 10:28 am
a va han tul lo rapthlak ve…
Report this comment
February 18th, 2012 at 12:08 pm
Pu PC-a(#21): He laiah hian lo lerh buai vak lo MAI TEH. I tan leh in chhungkaw tan a tha.
Ramhlun pheia motor sila inhlawhfa thin naupang pathum- ka thian duhtakte khi min ti hre chhuak. An hming mal malin ka ngaih zia ka lo ziak chiam dawn em maw ni le!
Muang takin Pa hnenah chawl rawh se!
Report this comment
February 18th, 2012 at 12:55 pm
An va ti fuhlo ve aw…
Report this comment
February 18th, 2012 at 1:21 pm
Ka rilru a lo lang deuh chu ‘fa neih teuh’ lam kha ani deuh tlat mai. Enkawlna mumal pek theih loh a fa neih hi crime lian tak niin ka hre tlat mai. Ram changkangah chuan an enkawl theih loh chuan sawrkarin a chhusak mai thin! Heti zawng hian Zoram pawh hi inher deuh hlek ila a tha mai thei ani.
Report this comment
February 18th, 2012 at 1:27 pm
Naupang hian zu a lo duh a nih pawhin thil mak lutuk a ni lem lo e. Naupan lai atanga mi danglam hrim hrim hi an awm ve a nia. Naupang thenkhat tiranga tui ti deuh pawh an awm nawk asin. Mahse a danglamna kha engatinge thil thaah an hman loh. chhungkua-a pawi lutuk!
Report this comment
February 18th, 2012 at 6:55 pm
#10
Report this comment
February 18th, 2012 at 7:15 pm
A va rapthlak em!!
Report this comment
February 18th, 2012 at 7:16 pm
Ka tihtir a ni ang tih ka hlau e,mualphothlak tak a ni.
(noi)
Hetianga naupang kum 10 hnuailam zu intir/mei zuktir ching hi Aizawl ah ngei pawh patling/tlangval lian deuh deuh an awm fur mai, ka hmu nual tawh .Intihtheihnan an hmang emaw ni tih tur ang hian anla che turh turh a, zialo tak a ni. Mipa naupang te chu engpawh pe ila anla vek mai zel a, chu chu an thiamloh pawh a nilo, Mipa naupang nunzia pakhat a ni ve lek chauh. A tihtirtute ber mai hi ‘na’ deuh takin hrem ve sela, a lehpek zel venna a tan tal pawh. Hetiang hi chu mawl vang leh hriat tam tawkloh vanga thil awmthei a nia, awlsam taka ven/tihreh theih a nih hmel. Tlangval/Patling pangai tak chin chuan antilo tawp ang. Chanchinbu mite/ Cable Network te hian ” Child Right” lam hi puangzar nasa leh zual se, hriatloh avanga tihsual hi a kiam duak mai ang .
Report this comment
February 18th, 2012 at 9:39 pm
a hre chiang ho ina an sawi dan chuan, naupang kha an inluih tir ani lo.
naupang kha kum 5 anih atang in zu addict tawh ani a, mi 3 te khan in tawhlo tur in an ti zawk ani anti…. khawiber nge awih tur ni ang le aw..???/
Report this comment
February 18th, 2012 at 11:33 pm
Tualthah thu te, pawngsual thu leh In hal thu te hre malh malh mah ila naupang kum 7 mi lek chu thihna khawpa hrai duh kan awm meuh dawn emawni le??
Ka chan ah emaw, ka tu leh fate chanah emaw ka’n dah chhin a, ka dah chhin rei ngamlo!
Report this comment