Ash Wednesday hi Christian te Liturgical calendar ah chuan Lent hun intan na ani . Easter hma ni 46 ah hman a ni thin. Chanchintha Mathaia, Luka leh Marka ziah ah chuan Isua khan rawngbawlna a tan hma khan, thlaler ah ni sawmli leh zan sawmli chawnghei in a tawngtai tih kan hmu a. Kar thianghlim an tih Isua an mantir zan (Maundy Thursday) Good Friday leh Easter lo thleng tur atan a inpuahchah nan(ni sawmli chhung) khawvel pum a Christian te chuan hmasang ata tawh he ni hi an lo hmang thin a ni. Ash Wednesday leh Easter inkar ah hian ni sawmli(40) a awm thin a, Sunday a kar a tla hi chhiar tel a ni lo. Kum 2012 hian February ni 22 ah hman a ni.
Ash Wednesday tih a nih nachhan chu he mi ni hian chal ah emaw, lu ah vut (ash) an tat thin vang a ni. Vut intah hi sunna emaw, inchhirna leh inlamletna entir nan hman a ni thin a ni. Lent hi Isua thihna (Good Friday) leh thawhlehna( Easter) lo thleng tur atan inpuahchahna mai nilovin, a thihna leh thawhlehna tawmpui nan Christian hmasa te chuan an lo hmang thin a ni. Lent hun chhung hian hlimhlawp bawlna ang chi lak ah an insum thin a, ei leh in ah insum in chaw te an nghei thin a. Tin, tawngtai na pawh uar lehzual in an nei thin ani. Misual kan in zia in hre thar leh in, kan sual vang a inchhira, inlamlet a Pathian lam hawi leh nan he hun hi an hmang thin ani.
Isua kha thlalera ni sawmli leh zan sawmli chawngheia a tawngtai lai khan thlem a ni tih kan hmu a. (Mathaia 4:1-11/Marka 1:12-13 leh Luka 4:1-13) Mosia pawh kha Israel hovin Sebawng lem an siam avang khan ni sawmli chhung chawnghei in an in ti hrehawm anih kha. Ash Wednesday hi Christian Kohhran hrang hrang Roman Catholic, Eastern Orthodox, Anglican, Presbyterian, Methodist, Lutheran leh India ram ah Church of South India (CSI) leh Church of North India (CNI) te pawh in an hmang thin ani.
Tunlai in Mizoram ah sualna a pung nasa em em a, nitin in chanchinthar ah kan hmu a, Lent hun hi mahni in enfiah a, sual sima Lalpa duhzawng tih nan i hmang ang u. Kan chin thalo te bansan ila, mahni tan , midangte tan leh ram tan tawngtai i uar leh zual ang u. Kan hma lawka Christian te tan a kut ropui leh pawimawh ber, Good Friday leh Easter lo thleng tur hi tlak tak a hmang turin i inpuahchah ang u.
‘Remember that thou art dust, and to dust thou shalt return’. Gen 3:19
Similar Posts:
- Ash Wednesday
- Sunday’s on the way
- Holy Week: Isua phatsantuten an phatsanna chhan – ‘F’ pathum!
- Easter Chibai
- Lent: Khawngaihna hun duhawm tak chu!
February 22nd, 2012 at 6:30 am
40 dayz chu uluk tak in hman tum phot ang aw.
Report this comment
February 22nd, 2012 at 6:38 am
A bengvar thlak e. Ni 40 chauh pawh ni loin kan dam chhung hian uluk tak leh fimkhur takin i nung ang u.
Report this comment
February 22nd, 2012 at 6:52 am
#1
Report this comment
February 22nd, 2012 at 7:04 am
A bengvarthlak hle mai..
Nia, nitin hian kan nundan, chetzia leh ngaihtuahna te hi kan fimkhur a ngai ngawt mai, thlemtu hi a fingin rem a hre si a.
Report this comment
February 22nd, 2012 at 8:13 am
Lent hi Catholic ho hian an ngaipawhmawh khawp mai, ka thawhpui thenkhat te pawh tun ni 40 chhung hian an vegetarian dawn. Self control tha tak ni in ka hria. Hindu, Muslim leh Christian thawhho chu mi hrang hrang hi hun hrang hrangah hian an “fast” hun a inang si lo a, chaw eikhawm dawn te hian tunge sa ei thei leh thei lo, engtik hunah nge ei tur tih te hi chhut nuaih a ngai thin.
Report this comment
February 22nd, 2012 at 8:30 am
aduh, kan thlarau thil kaihnawih anih tawh hi chuan thutak hle tur. Mahni ngaihdan ie:Ka ngaihdan chuan tih vel mai mai hi chi vak loh hairehai
Report this comment
February 22nd, 2012 at 10:23 am
U aduh, insum kha compolsary anilo, mahse Isua tuarna kan hriatthiam theih mana intih hreawm kha theih chuan a tha tih mai ania. Zuk leh hmuam vela insum kan tum ve thin. Mahse a Har.
Report this comment
February 22nd, 2012 at 10:27 am
Ash wednesday ka lo la hre ngai lo, a rawn chhuah dan en hian a pawl tharna dawng duh tan chuan uluk taka hman tur niin a lang. AWmze nei zawka hman ve tum tawh tur a nih hi..
Report this comment
February 22nd, 2012 at 10:32 am
Ash Wednesday hi chuan sikul kan kal lai khan Biak In chhungah line ah ka ding ve thin, chuan ka chalah father in vap a rawn tat a
Chuan, OT lawks… He post atang hian Lent a lo ni der tawh tih ka hre ve chiah a, nuam eeeee!!! Office atang hian pork pizza kan order nghal teh ang. Pork (salami, ham, bacon) pizza ka order hian kan office a vai dangte chuan min rawn eipui ve ngailova pork a nih avangin, mahse ka vai catholic thiante chuan khawimaw one bite, one bite an rawn ti ve sek ziah a… (aih han tih a nuam silo, order ve mai u la han tih ka chak thin a nia) vawksa heh ve tak chu an ni… mahse tunah chuan Lent avangin nikum ang tho khan sa ei an insum leh ngei dawn a, keimah chauhvin pork pizza hi, thlamuang takin, kan ei mial mial teh ang! Nuam eeeeee!
Meat Feast, Meat Ultimo nge The Meats hi kan order ang aw?
(Ps. Joey’s hi Mumbai mai nilo, India ram pumpuia Pork Pizza tui berna tih a food expert ten an lo sawi fo tawh a ni)
Ka vai catholic thiante hi, Lent chhung hi chuan Sa an ei lo hrim hrima, Friday ah hian sangha an ei a thiang a ni mai. Mizo catholic te hian heti hian kan ti ve em, lamea, HV?
Report this comment
February 22nd, 2012 at 11:55 am
sandman, sa ei lo chang a ni lo,luxury thil leh nawmchenna lam thil ah insum a ngai
Report this comment
February 22nd, 2012 at 12:08 pm
nastycool – Wine ka nei, Domaine de la Romanee-Conti ngats. I duh ve em?
Report this comment
February 22nd, 2012 at 12:16 pm
Duh e, Lent zawh ah in ah:P
Report this comment
February 22nd, 2012 at 12:49 pm
Ka vawikhat hriatna
Report this comment
February 22nd, 2012 at 12:58 pm
#11, sandy mahni duhthu ania, mahse insum theih nise tih ani.. Sa ah hi chuan kan insum a, chung ai chuan zuk leh hmuama insum theih nise a hlu lehzual.
A tawrh dan hriatthiam nan mahni duhzawng laka insum deuh kha ni mai.
Report this comment
February 22nd, 2012 at 1:02 pm
Ash Wednesday – ka vawikhat hriatna. A bengvarthlak e.
Report this comment
February 22nd, 2012 at 1:45 pm
zoram presby. hian ash wed. kan hmang/serh ve lo a mi?
Report this comment
February 22nd, 2012 at 1:54 pm
Roman Catholic ho chauh hian an hmang a ni lawm ni?? Lent tih vel te pawh hi…Church of England hian an observe ve tho mai thei bawk
Report this comment
February 22nd, 2012 at 2:25 pm
Presbyterian pawh hian anla serh ve mai ang. Tlemin kan kohhran tihdan anla tial tial. ( anilo zawngin lo ngailo ula)
Report this comment
February 22nd, 2012 at 3:17 pm
Post bengvarthlak e.
Report this comment
February 22nd, 2012 at 3:48 pm
Post bengvar thlak tak a ni..Ash tih hi Ass ti a kan chhiar hram chu le
Report this comment
February 22nd, 2012 at 4:29 pm
^ a rilru a thil awm chu a hriat a sin
@ Jacka Pi: Lent hi chu Syrian Orthodox Church ho pawh hian an ngai serious viau in ka hria, ka hriatsualloh chuan.
@ lamea: A lo nih chu… A va peihawmloh dawn ve… Chuti chu zanin ka cheers lai in ka lo hrechhuak ang che aw?
Taktakah, ke hre reng a lawm. Khi nastycool a pawh ka rawn thlem der vel khi. Catholic sikul a seilian ka nia, Lent lai in ka catholic thiante an in sacrifice nasa thin khawp mai.
Report this comment
February 22nd, 2012 at 4:33 pm
Presbyterian ho pawn Lent chu kan lo hmang ve e…
Who celebrates Lent?:
There are several Christian denominations that do not celebrate Lent, but mainly Lutheran, Methodist, Presbyterian, Roman Catholic, and Anglican churches observe Lent. In the Eastern Orthodox church, Lent begins on Monday, and they do not celebrate Ash Wednesday. Other denominations have chosen not to observe the holiday.
[source]
Report this comment
February 22nd, 2012 at 4:35 pm
Am getting déjà vu we’ve had this conversation before… Lent hi Presbyterian ho in kan hmang ve nge hmanglo tih chungchang chu misual ah hian kan sawi tawh tlat in ka hria….
Report this comment
February 22nd, 2012 at 10:09 pm
Post bengvarthlak tak a ni. Presbyterian pastor thenkhat pawh hian an ngai pawimawh ve hle tih ka hria.
Report this comment
February 22nd, 2012 at 10:31 pm
Ka lawina kohhran Protestant Church-ah hian kan hmang thin. Kumin hian khawvel damchhung thil pawimawh tak tih lai ka neih avangin ka pamtul tulh mai. Thil tih leh chin dan tha tak a ni!
Report this comment
February 23rd, 2012 at 12:47 am
comprar faldas…
[…]Ash Wednesday 2012 | mi(sual).com[…]…
Report this comment
February 23rd, 2012 at 11:07 am
mange trainer er mini exercise bike…
[…]Ash Wednesday 2012 | mi(sual).com[…]…
Report this comment
February 23rd, 2012 at 11:55 am
temporary van insurance, cheap temporary van insurance, temporary van insurance uk, cheap short term van insurance, short term van insurance, temporary van cover, one day van insurance…
[…]Ash Wednesday 2012 | mi(sual).com[…]…
Report this comment
February 23rd, 2012 at 2:35 pm
we buy any van, van buyer…
[…]Ash Wednesday 2012 | mi(sual).com[…]…
Report this comment
February 23rd, 2012 at 11:06 pm
Recherche Emploi Directeur…
[…]Ash Wednesday 2012 | mi(sual).com[…]…
Report this comment
February 25th, 2012 at 10:16 pm
African Trains…
[…]Ash Wednesday 2012 | mi(sual).com[…]…
Report this comment