Un-conditional love

March 10th, 2012 7:29 pm by Awmtea Khiangte

Nu leh pa hmangaihna thûkzia, seizia, sânzia leh zauzia hi sawiin lo pawh ni ila, a fiah tâwk tho âwm asin. Ṭhenkhat hi chuan fate hmangaih dân an (kan) thiam lo fo. Kan fate hian kan hmangaih a ni tih an hre lo fo ṭhin. Hmangaihna hi thiltih tel lo chuan thi a ni ti ta ila, tu pa zu khâwn chang lo râk vêl mai mai angah chuan min chan bîk lo’ng chu maw. Nu leh paten fate kan hmangaih zia lantîr dân tûr tlêm lo târlang ila:-

1. An hriat tûrin mi bulah fak rawh: Kan fate hian fak an phu a nih chuan kan fak mai tûr a ni, fak dân tâwk erawh kan thiam a ṭha. Hmai chhan mai bâkah an hriat phâk tûr siin midang bulah fak ila, anmahni kan hmu a nih pawhin hmu lo der tlat ila, ‘Ka nu leh pate hian min va lo ngâi fel êm!’ an ti ang a, fel an châk zual sauh dâwn a ni.

2. Sum aiin an bulah hun hmang tam rawh: Fa enkawl hi a har a, thiam tak tak theih a ni lo an ti châwk, a dik viau ang. Ṭhenkhat hi chuan an fate enkawltu atân ‘awmpui’ an ruai a, an hlim nân leh pâwna an chhuah tam loh nân sum tam tak tak an sêng ṭhin. Kan fate hi kan hmangaih tak tak a, an ṭhatna kan duh tak tak a nih chuan an tâna kan sum sên aiin an bula kan hun hman hi tam zâwk sela, a man pawh pe tam zâwk bawk ang u.

3. Present aiin Presence: Kan fate hi birthday leh eng emaw nikhuaah thil man to tak tak kan leisakin kan present ṭhin, thil sual chu a ni hauh lo. Nimahsela, a aia pawimawh zâwk a awm, chu chu kan present aiin kan presence hi a ni. Pawisa hlutna aiin an bula kan awm hlutna hi hrechiang zâwk rawh se. Kan bula an awm ṭhat peih loha pawisa erawh an lawm viau chuan kan inen fiah a hun tawh hle tihna a ni ang.

4. An thu ngaihthlâk a, an zawhna chhân peih: Naupang rêng rêng hian thil zirtûr tam tak an nei a, thil hriat châk pawh tam tak an nei ṭhin. Chu an mamawhna chu hriatpui a, an harsatna sutkiansak hi kan tih mâkmawh a ni. Zawhna ngai min zawh pawhin chhân nawn zêl mai tûr. Zilh, hauh leh fuih rengte hi an ning a, an ṭawngna hun siamsak ila, an duh duh sawi sela; an tui zâwng, an nuam tih zâwng te tihpui hrâm hrâm ila, ‘tichuan an lo hlim ang a, an lo hrisel ang a, min zah sawt bawk ang. Kan bula awm nuam an tih phawt chuan khawi lai daikil kârah emaw lênna tûr an zawng reng bîk hauh lo vang.

5. Role model kan ni: Nu leh pa tam tak chuan an thil ṭha lo tihte sim tum chuang lo hian an fate ti ve lo tûrin an ti ṭhin. Awmzia erawh a awm miah lo. Nu leh pa leh u-te hi role model kan ni a, kan tih ang zêlin an rawn ti ve ṭhin. Zu i ina i faten an rawn in ve a nih pawhin a thiam lo zâwk chu nangmah i ni ang. Chuti ang zelin, meizial, tuibur, sahdah, rûkrûk leh hnial hrât thleng pawhin.

6. Discipline kenkawh: Hunbi dik taka thil tih zirtîr te, tihtûr leh tih loh tûr chiang taka hrilh a, an tih dik loh dawhthei taka zirtîr leh an ti duh lo a nih chuan khauh deuh taka enkawl hi discipline chu a ni. Ṭhatna leh ngilneihna zawng zawng sâwm khâwma kan la hlawhchham a nih chuan talhfiak te pawh kan lek ve ang chu, nimahsela, a tâwp khâwkah tak tak aw.

Thil ṭha tam tak a awm a, kan sawiin kan zâwm sêng lo mai zâwk a ni. Rîla rah fanau rochan, malsâwmna kan dawn hi damchhûnga kan buaipui tûrin Pathian min pe a ni. Anmahni aia ngaih pawimawh kan neih chuan kan rawngbâwlna kan hai a ni ang. Fa sual tak neih hi thil zahthlâkah i ngai ang u. Kan duh avanga fel duak thei chu a ni hauh lo, mahse tih ve tûr erawh kan nei. Nu leh pa hmangaihna hian tâwp chin nei suh sela, huam chin nei bawk hek suh se. Ka lâwm e.

25 Responses to “Un-conditional love”

1
lr hlonchhing Says:
March 10th, 2012 at 7:32 pm
.
Report this comment
2
TuaiSialA Says:
March 10th, 2012 at 7:37 pm
Tha lutuk!
Report this comment
3
silvermoon Says:
March 10th, 2012 at 7:37 pm
a tha hle mai
Report this comment
4
Soberboy Says:
March 10th, 2012 at 7:38 pm
2Pac hla unconditional love min ti hrechhuak e a
Report this comment
5
awmawmpuia Says:
March 10th, 2012 at 7:38 pm
Post tha tak a ni. Fa enkawl hi a har a mahse theihtawp chu kan chhuah tur a ni.
Report this comment
6
lr hlonchhing Says:
March 10th, 2012 at 7:39 pm
Kan va reh ve aw.
Ka chhiar zo ta e. A dikin a tha hlawm khawp mai.
Report this comment
7
Hope Says:
March 10th, 2012 at 8:07 pm
Zawmw ngei chi
Report this comment
8
kilung Says:
March 10th, 2012 at 8:47 pm
He post zet chu aw
Report this comment
9
Mr.Chhurbura Says:
March 10th, 2012 at 9:06 pm
E khai,a va tha tehlul em.Post tha leh zawm ngei chi a ni,fa nei tan leh la nei tur tan.
Report this comment
10
Ramchhana Tlau Says:
March 10th, 2012 at 9:08 pm

Report this comment
11
bawmrang Says:
March 10th, 2012 at 9:21 pm
post tha lutuk tak a va ni chiang em!
Fanau enkawl dan hi Mizo te hian kan zir nasat atul hle in ka hria.
Report this comment
12
Claude Says:
March 10th, 2012 at 9:26 pm
Post tha tak a ni e.
Report this comment
13
caribou Says:
March 10th, 2012 at 9:31 pm
Tha leh mai mai hle mai.
Report this comment
14
Kitty Says:
March 10th, 2012 at 9:56 pm
Good post, Fa enkawl thiam hi lo har nih hi, Pathian tanpuina ngen mawlh2 mai loh chuan kan mihring finna ringawt hi chuan a har ni e. Mi faten an tiha kan hriatthiam/ngaihthiam theih miah loh tur te mahni faten an han tih hi chuan dem har kan ti leh si thin.
Pathian kaihhruai na tel lo chuan kei a har ka ti…
Report this comment
15
Awmtea Khiangte Says:
March 10th, 2012 at 10:02 pm
A post-tupa hi tlangval chu ka lo ni ang lawi si a! Nei ve ta ila, ka zawm thei ngut ang em tih hi zawhna awm thei tak a ni. Mahse ka inziak ba tawh a, zawm chu ka hna pawimawh ber a ni si a.
Report this comment
16
ben vangchhia Says:
March 10th, 2012 at 10:11 pm
Tha khawp mai. Mahse, tu emaw ang deuh hian ‘ka tlangval laia fanau enkawl dan ka thiantha te ka hrilh thin kha ka theihnghilh nisi lo hian ka hmang thei der lo’ hi kan tih ve mai a hlauhawm.. A bul berah chuan Pathian a pawimawh.. A hming mai niloin, amaha in nghat tak takin..
Report this comment
17
vakul Says:
March 10th, 2012 at 10:15 pm
Ka tlangval lai khan ka subject tui zawng tak a ni vein ka hria a; fa enkawl dan tur point 100 ka ziak chhuak a, tin, chu lo pawh chu ka participate ve nasa hle kawng hrang hrangin, fa ka han nei chiah a, ka thil ziah chu ka’n en tha leh a, ka lo fail thui ta em em a; a har a ni tih mai loh chu kei laisen lungmawl hian sawi tur ka nei ta nawh.
Report this comment
18
Mapuia Hmar BZy Says:
March 10th, 2012 at 10:19 pm
A tha hle mai nula tlangval tan inzirna, nu leh pate tan tih tur..like..
Report this comment
19
Awmtea Khiangte Says:
March 10th, 2012 at 10:21 pm
“A har a ni” tih hi an sawi fo a, tawn ve loh chuan hriatthiam a har khawp mai. Mahse a awl lo a ni tih chu ka hrethiam ve riai ruai. Nimin khan Hnuchhan In kan tlawh a, ka rilru a va kal thui tak em aw!!!
Report this comment
20
century child Says:
March 10th, 2012 at 10:25 pm

Report this comment
21
mpa F Says:
March 10th, 2012 at 11:02 pm
Fa enkawldan sawi tur hian Fa ka la nei silo, tu nu leh pa mah hi ka dem thei lo, hei hi ‘hmangaihna’ a ni si a.
Report this comment
22
Robert April Says:
March 10th, 2012 at 11:13 pm
Tlangval hnahkhat ah pawh khat chiangkuang tak mai ni chung hian fa pahnih ( hmeichhia leh mipa) ka neih teh mauh mai a, Nia, fa enkawl ah hian pass a har dawn khawp mai, mi fate a tha ang kha a lo tih chi viau lo thei ve tlat. Engpawhnise post tha tak zawng a ni e.
Report this comment
23
roseparvul Says:
March 11th, 2012 at 8:27 am
Fa enkawl challenging zia hi chu aww..

a mimirin Naupang enkawl chungchang kan chhiar tlem lutuk erawh hi chu a pawi
Report this comment
24
Mapui Chhangte Says:
March 11th, 2012 at 10:51 am
Post tha tak a ni
Report this comment
25
Maya Says:
March 11th, 2012 at 1:32 pm
a tha kher mai . .
Report this comment