Kum 15 ka nih kum khan kan vengah mi in luahin an rawn awm a, kan in atanga hnai deuhah an awm nghe nghe a. U Puii kha khatih lai khan kum 25 vel anih ka ring a, U Te-a kha kum 22 vel aniang. Ka ngaihtuah let hian an lo naupang ngawt mai, an chhungte’n an inneih an lo remti vaklo pawh kha ka hrethiam ta. U Te-a te inah khan an han awm ve ren rawn a, mahse U Puii khan a pasala pa kha posi a lakkhum vel thin takah kha chuan an rawn indang ta a nia.
U Puii te nen zawk khan kan inchhung a, mahse kan inchhundan a hla angreng. An rawn insawn hma, in an rawn en vel pah khan min rawn tlawh a. Ka hmuh hmasak bera ka “first impression” kha ka la hre reng mai. Sang deuh, ngo deuh, sam buk deuh, mit lian ker kur hi a nia. A aw kha a thâm deuh tuak a, a hmai kha a duk deuh thluah bawk.
An rawn insawn ta a, mi hi an ti chhung em em a, an nitin office kal tur khan kan in hi kaltlang a ngai a, an rawn lut ngei ngei a. Kan thawmhnaw te kha U Puii khan a duh duh hi a rawn ha a, a thawmhnaw pawh a ui chuang lo a. Keini unau tleirawl rual kha chuan kawm nuam kha kan lo ti bawk si, an inah te khan len a nuam kan ti thei khawp mai. Kan mess hi an rawn join lo chauh a ni. Chhun thingpui in hunah te hian U Puii hi lu thur lei luai hian a lo chho anga, butter pack lian deuh nen. Thingpui leh chhangthawp kha chu kan tum turah khan a dah tawp a, butter kha chhah elkhen khan a’n tat ngei a, keini lahin chuti bawk.
An nupa tê khan an awm a, an hlim khawp mai. Mahse hlimna famkim hi a lo awm lo a ni. U Puii khan natna khirh tak mai SLE kha a vei a, a vun te hi duk thlek thluk thin a. Daktawr te kha an râwn reng thin khan ka ring ta, ka ngaihtuah let leh hian, mahse ka ngaihven loh lam tak kha a ni a. Fa nei lo tur erawh kha chuan daktawr te khan an hrilh in ka hria.
Thil thleng tur hi chu a awm a ni teh chêk aniang chu, an rawn insawn atanga kum khat vel ah chuan U Puii chu a rai ta a. Daktawr te thupek pawh ngaipawimawh zo lo vin neih a tum ta a. An nupa khan an lo inhmangaih ve hle a ni, nuih kha tiza thin hle mah se. Ka nu leh pa bulah khan rawn inhek nasa thin em em a, U Te-a khan zu in kha a ching ve a, mahse sual zawng leh buaina siam zawng kha chuan a awm ngai lo thung. Mize zâwi tak, tawng tlem deuh, a ruih phei chuan nui vel mai mai kha a ni. U Puii nen khan an mizia chu a inlet thawk a ni, “opposites attract” an tih ang hi a ni ber.
Mateii pian kha ka hrechiang khawp mai. Damdawiin atanga an rawn chhuah veleh an inah kan tlan thla nghal a, puan hian an lo tuam hlên a, a hmui hi a sen ver a, hmeltha kan ti lutuk. A piantirh atang khan kan naute hi a ni nghal ringawt. Kan inah hian hun tam zawk an hman avang khan a thawmhnaw tam tak kha a awm reng a. An rawn chho tawp a, kekawr spare pakhat mah keng lo hian, a ngailo tih kha hre hek. A len deuh hnu khan awmpui tlangval Bawiha tih hi an nei a.
Bawiha mawlh kha! Min va han tihlim thin tak. Amah kha tlangval rau rau ah pawh nula fel tak mai a ni a, inchhung enkawl kha a ti vek a. Buhthlei te kha a thiam em em a, kan inah te a rawn thlei thin bawk a. Mahse a buhthlei dan style kha a mak ve a, inchunga in tê ah khan inkalhkhumin a han thlei kher thin a nih chu! Mi hmuh laia thlei kha a zak a ni chêk ang chu, mahse buh a thlei tih kha kan hre vek tho a, ka nu phei chuan nui char char chungin a buhthlei ri te a han ngaithla vel thin. Kan cousin tleirawl Zovi hi chutih lai chuan kan inah khan a awm bawk a, Bawiha chuan a huphurh em em a, Zovi an in lam pana rawn kal a hmuh tawh chuan eitur te hi a lo thukru sawk sawk thin. Kan indaihzai teh mai ania.
Mateii pian hnu khan kan inchhung zual sauh emaw tih tur a ni. U Puii te in bulah hian parawl pakhat hi a awm a, rawngbawl a peihloh thin avang khan U Puii te mess a zawm a. Thla tawp lamah, U Puii te sum dinhmun kha a lo that vakloh chang chuan an vaiin, an parawl tiam chuan kan mess hi an rawn zawm lehchhawng thin a. Chhangchhe thei rep rep tak kan ni, mahse a nuam phian. Tumah khan kan sawisel ngai lo, kan nin thu kan sawi ngai lo bawk. A nihdan tur ve reng emaw kha kan ti tawp. An nupa an inhauh chang hian kan inah hian inhêk tur hian an rawn chho thin a, ka nu leh pa kha judge leh jury an lo ni a, keini tleirawl ho a sirah kan lo nui tiah tiah a. U Te-a a ruih chang phei chuan a nuihzatthlak thei sia, ka nu leh pa pawh kha an nui ve tawp zel. Mahse an han inhau ve bawk a, an thinrim rei ngai lem hlei lo a, lawm deuh chuan an haw ve leh mai thin.
Chutia buai luai luai, hlim deuh si a kan awm lai chuan U Puii chu a zual ta thut mai a. A natna, zia tawha kan ngaih kha a rawn nasa leh thut a. Hmuh theih khawpin a rawn thawk chak a. Mateii kum khat a tlin hnu lawk, March 1997 khan min boralsan ta mai a. A thih zan te chuan Mateii khan engmah a la hrethiam si lo a, mi zaiah khan a lo lam vel a, a va han lainatawm tehreng em! Khami zan khan midang pawm kha a duh miah lo a, ka pa leh ka u khan an pawm zankhua ta a nih kha. A thih khan U Puii kha kum 28 a ni a, a va han uihawm tak em!
Nu ber a awm tak si loh ah chuan U Te-a te pafa chu a pa te in lamah an let leh ta a, aw Mateii kha kan va ngai thei tak em! Kan veng a inhlat si, mahni hna ah theuh kan lo buai si, duh ang pawhin kan hmu tam thei lo a. Mi an rawn tlawh ngai si lo a, a hnuah phei chuan kan ngaih em em Mateii tan chuan hmelhriat loh ah kan lo chang ta hial a.
U Te-a chuan min la rawn tlawh zauh zauh a, mahse U Puii awm tawh loh hnu kha chuan a khawvel kha a tawp vek a ni ber mai. Zu ah hlimna a zawng a, a hmu zo si lo. Kan lakah pawh khan a inthlahrun phah a. Nikum hmasa lawk khan min boralsan nghe nghe a.
U Puii thihna pawh kum 15 a ni ta, Mateii pawh a nula ve dawn tawh ang. Mate, min hre tawh lo mah la kan tan chuan kan naute duat kha i la ni reng asin! U Pui, U Te, in lei taksa chu thi tawh mahse, kan rilru leh thinlung ah erawh in nung reng tawh dawn si.
Similar Posts:
- A lerh dan chu high school level
- Lalsangkimi nets 7 as Mizoram rout Gujarat by 14-0
- Buh thlei thiam?
- I cham reng thin asin Part-II
- Zosap Pi Puii a boral
(G) 
March 12th, 2012 at 11:02 am
1st
Report this comment
March 12th, 2012 at 11:04 am
Report this comment
March 12th, 2012 at 11:07 am
U aduh
lungchhiat thlak
Report this comment
March 12th, 2012 at 11:11 am
Pi Aduhi kum ka chhut chhuak lawk. An rawn in sawn hlimin kum 15 ania. Kumkhat hnu ah fa an nei a, an fanu chu 1997 khan kum 1 a tling a.
Let the age of Pi Aduhi = ‘a’
a = 1997 – 2 = 1995
a = 1995 – 15 = 1980
Therefore a = 2012 – 1980 = 32
Report this comment
March 12th, 2012 at 11:12 am
Miss Aduhi hi thu hi i thiam a ni, eng topic pawh ziak la, a ngaihnawm thei zel mai a
Report this comment
March 12th, 2012 at 11:13 am
Maths i van thiamlo em em
Report this comment
March 12th, 2012 at 11:15 am
Jacka Pi: Ka lawm e. Hei hi chu thil thleng tak tak a ni e.
Report this comment
March 12th, 2012 at 11:15 am
A va lungchhiat thlak leh wrauh si ve.. nang leh nang lo angin.. An va khawngaihthlak ve…
Report this comment
March 12th, 2012 at 11:22 am
Va lungchhiat thlak ve, ziak ngaihnawm bawk si..
Report this comment
March 12th, 2012 at 11:25 am
#4
Report this comment
March 12th, 2012 at 11:27 am
Matei chu zawnchhuah chi anih chu…ngaihnawm khawp mai….
Report this comment
March 12th, 2012 at 11:32 am
I ziak lunglenthlak thiam mange. Hetianga chhung in pawh deuh hunlai Era kha kan society ah hian a ral ṭan tawhin ka hria, a bikin Aizawl lamah phei chuan ṭhenawm te nen a thlum a al kan ei za tawh meuh lo. Bai insuah tih te kha a lar ṭhin vei nen tunah chuan ṭhangthar te ho hi ṭhenawm te bai suak turin tir ila an zak deuh fur tawh ang chu. Englekhawle a lo nuam ṭhin ngei mai.
Tlipna: Mi â ni silova mawl taka nun hi a lo nuam ber a nih hi. Changkânna hian inṭhenna a siam fo a ni
Report this comment
March 12th, 2012 at 11:38 am
Chhiar pahin a mitthla theih tlat. Tha hle mai!
Report this comment
March 12th, 2012 at 11:43 am
#4 khi ka duuuuuah…
. Post thinlung khawih tak a ni e…
Report this comment
March 12th, 2012 at 11:47 am
Pi Aduhi chu i ziak ngaihnawm thiam hle mai. Post Tha tak a ni
Report this comment
March 12th, 2012 at 11:50 am
Kan naupan lai hian keini pawh kan ṭhenawm tenen kan inla chhung viau a ni. ka pa in a boral hma in kan ṭhenawm te fanu neih chhun leh naupang ber hming chu a phuah sak hman a, Lallawmawmi tih a nia. Amah chu ka hriat chhuah apiang hian ka pa min hriatchhuah tir ṭhin a, he post pawh hian min rawn remind a
Hetiang taka ṭhenawm khawveng in pawhna hian ka lung a ti leng ve khrim khrim 
Report this comment
March 12th, 2012 at 11:50 am
Miss Aduhi chu kum 15 chauh alawm ala nih.
Report this comment
March 12th, 2012 at 12:41 pm
Saptawnga i thuziak hi ngaihnawm ka ti a. Mizotawnga ziak erawh ka beisei sang vak lem lo. Mahse hei, a tha khauh khauh khawp mai. Midang i edit tir nge ni… TSa te leh Pu Muantea te ziak ang thlapa mawi a nia lawm le.
A zavai hian a ngaihnawm vek mai. Mozo zia diktak tarlanna thuziak a ni. A LIVE teng tawng khawp mai.
Report this comment
March 12th, 2012 at 12:42 pm
Aduhi hi rinaiin thuziak a lo thiam daih anih hi.
Report this comment
March 12th, 2012 at 12:46 pm
ot to
ve tlat mai a
@aduhi….i weak point: Kan personal Identity mi nawlpui hriat atana kan tih lem loh hi kan chanchin lanna thuziak ah hian chhui zawn theih chiah si lohva a relative word i hman thiam a ngai
Report this comment
March 12th, 2012 at 12:53 pm
@Ignatia – edit tir hran lo e, keipawhin ka edit lemlo, sentence hnih khat bak chu.
@Asteric – example? Kum zat vel khi mi i sawi chu? A pawi ka ti vaklo a ka lo sawilang a nih khi, ka hre reng alawm.
Report this comment
March 12th, 2012 at 12:56 pm
#21
e.g: ‘Last window’ ka ziah te kha ka chanchin a mi a nia, mahse ka ṭhian hnai tak lo chuan a ngaihruat thiam lohnan hming, kum leh veng te a nihna ang chiahin ka ti lang duh lova mahse a hunlai awm ang chu a chhiar tu in a ngaihbel chauh turin a thu ah naupan lai/HSS zirlai tihte ka hmang mai a ni 
sap tawng takin exact lovin around hmang ta ila a ngaihnawmna a bo chuanglo, ka va thiam em
Report this comment
March 12th, 2012 at 12:56 pm
Bei ngaihnawm ve aw
Report this comment
March 12th, 2012 at 1:05 pm
entirna ka ti lehpek thin ang: I ziak ah khian kum i dah ai ah, High School kan kal lai vel emaw han hmang ta la ila naupang hle tho dawn a ni, chu chu a peih fal lo chuan i Identity chhui nan an hmang buai peih dawn ta lo a ni. A ngaihnawmna a bo chuang lova, i telloh khan Alejendro tepawhin khitiang rilru pu lo khian a thu ah concentration a hmang zawk ta daih dawn a ni
Report this comment
March 12th, 2012 at 1:10 pm
U Puiin a pasala pa posi a lakkhum lai vel tak khi ka rawn LIKE leh e
Report this comment
March 12th, 2012 at 1:11 pm
Nia tiraw Alejendro te’n thiam leh thiamlo vin an lo chhut ve ngial lo tur ania. Ziah leh hunah lo hriattur a nih chu. Good advice. i va’n thiam em!
Report this comment
March 12th, 2012 at 1:16 pm
#26 Khati mai ang
A chhiar tuten subj. danga an rawn luh vak hi a ṭullo ve pangbal a, chu chu lo inven ve ngai lawm 
Report this comment
March 12th, 2012 at 1:25 pm
Aduh, ka hmangaih che.. i hria e..
Report this comment
March 12th, 2012 at 4:48 pm
Haha…in in te ka mitthla nia…ka la hmu tawp si lo a
Report this comment
March 12th, 2012 at 10:01 pm
Thuziak ngaihnawm tak ani,kan thenawm/chhungte heti’ang deuh hi rilru in a zawng ruai thei alawm,an awm tawp silo.
Kum a lo buai vel khi a tullo bon botolll…! 
Report this comment
March 12th, 2012 at 11:24 pm
Ka chhiar tawhah chuan ngaihnawm ka tih pawl tak a ni. Aduhi hi saptawngin a ziak bur bur a, tlanghriat a hlawhna tur a ni der si lo va, a talent ziak mi a nihna hi tawngkama danglamna a neih nen hian a dawnna mualah ngei han bung se la, a hralh a kal ngawt ang.
Report this comment
March 12th, 2012 at 11:46 pm
Chhiar a nuamin a ngaihnawm hle mai; rilru a dek hle bawk……..
Report this comment
March 13th, 2012 at 12:06 am
Ekhai! Hei chu i va ziak ngaihnawm em. Rilru a hneh tlat, hnuk a ulh ru. Tak tak ani tih i tawngkam atang hian a hriat tlat a, i thuziak chuan keini ang emotional deuh chu min vel mai dawn. Mateii chu khawiah tak awmin engtak ti ve ang maw??
Report this comment
March 13th, 2012 at 12:32 am
A ngaihnawm khawp mai. Thu lungkuai ruih leh lungrun kur ngei nguai a ni lem lo naa, i thuziak hian ngaihnobeina riau a nei tlat (ti deuh duah ila!) A taka thleng ngei a nih hmel a, phuah chhunzawm leh la, chhiar a chakawm khawp mai.
Report this comment
March 13th, 2012 at 8:38 am
Mizoramah kan tetlai zawng zawng khan Butter tlanglian lerhlawrh leitur a awm pawh ka hre lo ve! treuh te pava 1 emaw tiat lel, Amulya brand bakleitur a awm ngai lo
Report this comment
March 13th, 2012 at 8:53 am
Aryan #35, Giu (Ghee) Dalda emni kha, ka duh thei khawp mai
Hmanni khan Dr.OZ showah chuan Giu (Ghee) hrisel zia an sawi uar phian mai.
Report this comment
March 13th, 2012 at 11:26 am
#31 vakul Mizo tawnga ziah hi ka ngamlo thin a, ka ziahtanna a la reilo. Blog ah khan English in ka thairang vel mai mai thin a. Mi in lo encourage ve liam liam a, a lawmawm e.
Report this comment
September 20th, 2012 at 1:03 am
What a sad sad story…ka van khawngaih, hnuk an ti ulh alawm le (zanin mood fuh vak lo nen
)
Report this comment