He naupang hian a nu leh pa te thar chhuah ngei mai fairel bel atangin faikhiat ° in thlangra ah a suak chhuak a, leikapui lam ah a lo phei pui a nih hi! Thlei thiam tak maw?
Thlei tum in a han sawih ve a mahse Thlangra ai hian a mah a in sawi nasa zawk mah ang ! La thiam lo pawh nise Khuanu’n a chawi lian ve em ang a, khawpui nula leh nu tamtak in an thiam loh a la thiam dawn a ni!
Mizo hmeichhe tam tak hian buh thlei leh thap thiam lo kan tam tawh hle in ka hria. Fai hawt chaw a ring Mizo hmeichhe tan chuan thiam ngei tur leh zir ngei tur chi niin ka ngai!
Tunhma Mizo hmeichhe naupangte kha chuan buh thlei kha an lo zir nasa thin a niang. “Kan kawm hnuaiah buh lem kan thap chiam a, Hmanrthangpa zai kel be lo iang e” Saikutin a lo tih kha. Tunah chuan buh thei thiam tur a zirna hun hi kan hmeichhe tam takte hian a nei ta lo em ni le?
( ° faihkiat hi hre lo kan awm nual tawh in ka ring Faikhiat chu kho te kan tih mai ang hi a ni e)
.
June 25th, 2009 at 8:47 am
Ka duh reuh. Nintendo/XBox play thiam aiin ka duh zawk.
Report this comment
June 25th, 2009 at 8:48 am
Trawng upa kan hriat belh lamah hian sawi ka tumlo buh thlei thiam lam hi kan sawi teh ang. Hmeichhia chu an naupan laiin buhthlei, puantrhui, puantah, chaw chhum, hmeh siam leh istiri nawh thlengin an thiam ngei tur ani. Thiamlo hi an lo tam hle ani awme, fate piansual tirtu chu nu leh pa kan lo ni reng mai a thiamlo te kha i dem ngawt lo ang u. Heihi basic mandatory reuirement a ni.
Abakah Kohran kalphung leh an hunlai fakna hla lar te sa thiam ngei sela, thil mawi leh trha pawh hria sela it kher lo se. Abak thiam tur sawisen loh thiamloh-a in-kim-kit na thiam avanga hlawkna awm lem lo thiam trha si hi a tam mai. Wine glaas ah RE leh White thli se a full ve ve in nge half full in an thlit ang tih thleng pawh hria se, a uihawm loh. Restaurant ah an kala zopa kut hi ka hmang thiam ber tih vanga bar puk puk pawh hi a trhing ka ti. Mi tihdan etiquette hi zawm ve mai tur net-tiquette thlengin a awm.
Mipa pawh lirthei hi chu khalh thiam ve vek hi a trha. Perek chhut thiam te ar puah thiam te, bike chhia siam thiam te computer basic problem han solve theih te hi thiam loh ai chuan thiam hi a lo trha thloits. Motor tyre thlak thiamlo khawpa zeilo nih te hi a trha lo. Keini ang ram riah nikhua a thingfawm chuh tlat chi hian hrehawm kan tih kan ngah teh ania. Vawk ril zut thlengin thiam hi a lo trha, XMas fatu nikhua ah sachan chiah thiam sa sat tu a tran ngam miah loh te pawh hi inzir theih vek a ni. Thiam kha hlawkpuina tak phei chu awm lem lo mahse thiamloh ai chuan thiam kha a trha hrim hrim.
Sap ho hi pitar putar te’n email thawn tal hi chu an thiam vek. Hei tak hi an sapna pawh niin a lang. Typing thiam te hi a va lo trangkai em :!: Kan dam chhung hian thil hi thiam sen chu ani lo mahse thiam ngei ngei chi hi an awm ve a ni. Mitlaw ai chuan tlaw lo hi inang rengah chuan an thlan nahawm ania. Ka lawme
Report this comment
June 25th, 2009 at 8:56 am
Tunlai Vai Buhfai chu thlei a ngai tawhlo, a hum tlem a zawng thlan fai a ni mai. A nih loh pawn Basmati hlir ei pui mai tur.
Report this comment
June 25th, 2009 at 8:58 am
Rice kher ei a ngai em ni. kei chuan noodles, pasta te hi ania ka duh
Report this comment
June 25th, 2009 at 9:06 am
Nia, Buhfai kherlo pawh hian a lo puar theih tho a. Entirnan, Maggi kan a chung a artui(Bull’s eye) han dah te hi chaw a tan chuan a tih chi ve lutuk.
Report this comment
June 25th, 2009 at 9:24 am
Chuti chuan hun a lo kal zel a, khawvel a lo changkang chho zel a. Keini Mizo pawh kan lo changkang ve chho ta zel a. Tun hma a Ramhuai be thin kha, Chritian-na ten min rawn chiah ta a, thawmhnaw hak nachang te kan hre ve ta a. Puan tah te kan lo thiam chho ve ta zel a, Mipa in puan kan veng a, Hmeichhia in puan bih te an han ching chho ta a. Chutia hun rawn kal chho zelah chuan Mipa te chuan puan ven ringawt nilo in, kekawr te, kawr te hak na chang kan lo hre ta a, Khawvel rawn in her changkang chho zelah chuan Hmeichhia te pawn puan bih ringawt loin kekawr hak te min rawn tawm ve ta a. Chuanin, tunhma a hlo thlo chawp a nitin eitur thawk chhuak thin kha, Khawvel changkang zelah chuan khawpui mi te chuan hlo thlo te chu an bansan ta a, kamding te an lo awm ta nual a. Khawvel changkang chho zelah chuan kan nun dan leh kan thil eiduh te chu a lo in thlak chho ta zel a.
Chumi a nih avang chuan, tunhma a kan thil tih thin te chu paih then a lo ngai ta a, mihring kan lo buai ta a. Tunhma a kan nun dan chuan kan nung reng thei ta lo a, a chhan chu changkang te kan duh ve sia, Khawvel chnangkang zelah hian rual awh te a lo na ve sia. Chuti chuan thil thar kan chaw lut ta nual a, kan thil tih thin thenkhat te chu paih thenin. A hun leh a hmun a zirin, kan Pi leh Pute’n eizawnnan a an hman thin kha kan hman ve tawh loh avangin, an lak a tang a kan zir thenkhat chu kan paih then a ngai ta a ni.
Chuti chuan kan Pi leh Pu te khan, tunlai a inleng kan neih a thingpui kan lo hlui thin ang hian ZU kha an lo hlui ve thin ni awm tak a ni, kan Pi leh Pu te chanchin ziak a kan hmuh danin. Ka ngaihtuah ve mai mai a, thildang in zirtir/chhawmnung zel a nih si chuan an ZU siam dan tui(tuihmel) tak tak kha tinge kan chhawmnun zel loh le. An han sawi dan hian a tui hmel thei ropui si. Zu hi lo khap lo se la chuan, Khawvel a hnam changkang tak takin an Traditional Zu tui tak tak an neih ang hian keini Mizo te pawn Traditional Zu tui tak kan lo nei ve mai tur a lo ni a.
Report this comment
June 25th, 2009 at 9:34 am
atta kan puar pawh thiam tur, lam pawh waltz thlengin thiam hi a pawi re re lo. Tui khawnvartui tin khat chhip chhuana vuan lova kalpui la la pawh hi thiam a pawi re re lo. Macaroni siam pawh thiam tho tur french leh black ho pasal nei duh tan trangkai ang, pudding siam poh thiam a trha, bai chhuan pawh thiam zel tur ka sawi seng lo thiam trul ang chi hi ka lawme
Report this comment
June 25th, 2009 at 9:37 am
India constitution article 317 G ii ah khan kan custom kha dah lal ber tur ni se, kan hranden zu zupui kan tih ang chi kha MLTP hian a khap tel em? Alcohol 15% below hi chu a khaplo tia a sawi te pawh hi an awm a, hrechiang kan awm em le :?: Zupui kawlawbel a dah vawh han zuk vang vang hi chu tui chu a tui a niang Naga ho rengin an khap tel phal lo
Report this comment
June 25th, 2009 at 10:00 am
Va post tha tei em! Tunlai NULA tam tak te rilruah poh a om toh lo emo chu o ka ti. ompui kan lo nei tlangpui toh sia ompui ten an ti vek jel a ?! Chempui neilo poh kan tam toh ngot ang………………..
Report this comment
June 25th, 2009 at 10:11 am
picture lam ah kal phawt ang. Thlalak siam kual vel chu a nalh khawp mai,a thlangra highlight hian a la zo lo hle tih a ti lang a,naupang hmel concentrate em em khian tum ruh na a ti lang bawk!An in tha vak tawh lo khian an dinhmun min ngaih tuah tir a, hausa leh rethei inkar zau zia rilru in a chhui tel thei nghal.Naupang kawr rawng khi duh aiin a saturate deuh em aw ka ti mai mai,a nih loh leh colour hran ni thei se.Engpawh nise pic. tha tak a ni!
A dang:Mizo te tan RICE hi kan chaw a nih miau rih a vang in then khatin lo substitute thei mahse tam takin kan thei rih lovang.Chuvangin hmeichhe tan chuan buhthlei hi thiam ngei a tha.Fanu nei tan chuan thiam tir ve hrim hrim chi mawle :!:
Report this comment
June 25th, 2009 at 10:22 am
Buh thlei thiamlo tih vel mai mai, a ho e.
Report this comment
June 25th, 2009 at 10:23 am
mzvision sawi ang hian Mizo naupang chuan thiam neih vek hi a tha ka ti hrim hrim. Dik tak chuan vai hi an zei lo deuh vek a; Mizo naupang erawh chuan engkim hi kan thiam deuh vek thung. Entirna pakhat : Academy pakhatah chuan sakawr chung chuan zir tur a ni a. A dan dik tak hmanga an zirtir chuan chawlh kar khat vel kaih kual phawt, a zin phah, chutiang vel chuan an ti a. Mizo tlangval ve erawh chuan a ni hnihna atangin a kawdawmin a tlanpui nghal thei. Chutiang chu Mizo tlangval chu an ni thin.
Mizo hmeichhiate pawhin la deh an thiam deuh vek. Khawiah pawh awm se cross stitch tih leh la phiar hrim hrim te hi an thiam fur thin. Chutiang chu Mizo nula awm dan dik tak a ni. Buhthlei pawh tul vak lo mahse thiam vek a tha.
Report this comment
June 25th, 2009 at 10:38 am
@XaiA a hmasa in lawm thu ka sawi e! Naupang kawr rawng khi duh aiin a saturate deuh em aw He thu hian thil pawimawh deuh sawina hun a awm hlauh mai. Thlalak a che leh che lo khawih thin te tan hian kan khawihna khawl pawimawh zia hriat a tha! Monitor dik loh vang a ni e. A dangah ka en leh a ka duh thu a sam bik hauh lo a nia.
Report this comment
June 25th, 2009 at 10:59 am
thlalak nalh leh ril tak a ni e. Buh thlei chungchang hi, kei chu – buh ka ei duh avangin buh thlei thiam lo chu ka tan a rem lo.
Thenkhatin oven-a sa kan ur hming lai hian fridge tui vawt in phak lo, fan vir hnuaia thu ngai miah lo (AC te chu a hriat pawh an hre lo) leh meihawl istiri hmanga thawmhnaw nawt mar thin hi Zoramah hian tam tak an la awm a; kan hmasawnna hi a kairual lova, zuankhum a la tam lutuk tih he thlalak hian a tilang chiang hle… ngaihtuah a ti thui.
Report this comment
June 25th, 2009 at 11:05 am
Diktea_Pa Kei chu a che chi ka khawih thiam reng reng hlei nem!A che lo pawh hi ka risk kual thei nasa lutuk,mahse monitor hi calibrate fo tur an ti a,PS 3 ka hmang a,Monitorah chuan CFT ka hmang;plasma,LCD tih vel hi chu a colour reproduction hi a fuh vak thin lo an tia lawm! Kei aiin i thiam daih kha le! Lo zin hunah sawi ho a chakawm khawp mai.
Report this comment
June 25th, 2009 at 11:19 am
XaiA CRT chu game khel thin tan leh thlalak sawp thin tan chuan a tha fe zawk. Kei chuan photoshop chu 6 ka la hmang! Eizawnna kawng a ni lem lo a, ninhlei khawih ve mai thin ka nia!
Hei hi tuna pic original link https://farm3.static.flickr.com.....09.jpg?v=0
Report this comment
June 25th, 2009 at 12:03 pm
Diktea_Pa ,A original pic.analh khawp mai, keipawh hetiang deuh hian ka experiment nual tawh a, tunah ka kawl mai lo,zanah emaw ka rawn link.dawn nia :lol:
Report this comment
June 25th, 2009 at 12:54 pm
A duhawm reuh hle mai ! :WhiteVoid_1:
Report this comment
June 25th, 2009 at 1:55 pm
Diktea_Pa,i thlalak chuan kei Zopa mawl,buh duh,lunglai a kuai hle mai. Saikuti hla kan sak thin dan leh i han tarlan erawh chu a inang chiah lo.Ka hre diklo zawk pawh a niange.”Kan kawmcharah buh lem kan thap chiam a,Hmarthang zaiin kel be lo ang e” tiin a kel rawl a kel rawlin kan lo sa ve thin.
Report this comment
June 25th, 2009 at 2:41 pm
Ka nu hian kan naupan deuh laiin buhfai bag te khat hi a rawn chhawpchhuak a,vawiinah lo thlei rawh u a tia,tichuan min awfis san daih a.
Buhhum kan thlang phawt a, a hnuah chuan kan sawi kan sawi a, atirah chuan mawng kan tihsawih nasat bakah a bua pawh a tam, a rei deuha a awm ang ve telh telh a,chuan buh kan thlei thiam chu ani ve mai. Buh ka thlei thiam nachhan chu ka nu vang ka ti lo thei lo!!
Report this comment
June 25th, 2009 at 3:31 pm
a letling zawng chuan a mawi hauh lo!!
Report this comment
June 25th, 2009 at 3:38 pm
https://maipawl.co.cc/
Report this comment
June 25th, 2009 at 3:49 pm
ka aizawl haw lai khan nula nen buhfai kan thap/thlang etc. nuam ve overs. hehe.
Report this comment
June 25th, 2009 at 5:16 pm
Buh hi ka thlei rei tawlh tawlh a ka thiam tawlh tawlh anih hi kei chu
Report this comment
June 25th, 2009 at 6:38 pm
Diktea_Pa – “Kan kawm hnuaiah buh lem kan thap chiam a, Hmanrthangpa zai kel be lo iang e” tih khi ka lo hriat ve dan chuan “Zawlbuk hnuai-ah”tih a ni a, tin, Hmarthanga Zai tih ni bawkin ka hria.
Saikuti leh a thiante hian Zawlbuk hnuaiah buh lem an thap a, chutih lai chuan Zawlbukah Hmarthanga hi a zai a, a thiam lo khawp a, a hla sak thluk chuan Saikuti hian he hla hi a lo phuah ta a ni tiin kan zir thin.
Irre sawi ang khian kei pawh ka Nu zarah buhthlei chu ka thiam ve, ka nu hi Mizo Nu-ah chuan buhthlei thiam pawl tak a ni, a ri a mawi thei lutuk.
Report this comment
June 25th, 2009 at 10:13 pm
@riangtleii sawi hi a dik leh zawk si! ‘Zawlbuk hnuaiah” tih tur a ni tak e.
Report this comment
June 25th, 2009 at 10:38 pm
hmeichhia nih chuan thlei thiam ngei ngei tur….kan culture in a ken tel a nia …thlei don kher lo mahse thiam chu thra ve hrim hrim…
Report this comment
June 25th, 2009 at 10:44 pm
Diktea_Pa, hei a link ah hian lo thlir ve mai mai ta che. https://img81.imageshack.us/img.....pycopy.jpg Ti hian a tha tho em? https://img233.imageshack.us/im.....b3de99.jpg :!:
Report this comment
June 25th, 2009 at 11:02 pm
Naupang colour thiam :!: :roll:
Report this comment
June 26th, 2009 at 6:04 am
Chhungte thawh ve hma a buh thlei mahni a kan zir mai chuh! Eng ri nge ni ta tih hriat tumin an rawn tho sap sap mai alawm :grin: Zirtir hran pawh awm lovin ka in sawi thiam chho ve mai bawk a :smile:
Report this comment
June 26th, 2009 at 7:38 am
Hmeichia nilo pawh hian eirawng bawl ngun chuan a lo thiam ve theih khawp mai. Min zirtir lem lo na a, mahni koah a lo tlak chuan a awlsam tur leh hun heh lo zawng a thil tih duh chuan, a lo tih ve theih zel. Aizawl nula tam tak aiin buh thlei chu ka thiam ka inring ve tlat.
Report this comment
June 26th, 2009 at 7:55 am
Thingtlangah pawh nula buh thlei thiam lo an tam ve lutuk. Vai buh kan ring tawh a, buh kem a awm mang lo. Buh hum leh sehrep tlem azawng then a ni mai a.
Report this comment
June 26th, 2009 at 8:39 am
Buhthlei hi kan naupan lai chuan Rap ah buh kan pho tranga, chu chu sum-ah kan deng trhin. Buh den hi a mala den a awma, pahnih inrawn a awm, pathum inthumrawn a awm bawk. Chu buh-hum densawm chu Favai te, buhkem te, buhfai te buhhum te in an inthrena. Chu an han trhap phawta a vai tla fai thei tur ang berin, Heihi buh trhap kan ti. Chumi zawhah a hmu leh a fai leh a kem thliar turin an thlei. Hei tak hi buhthlei chu a ni. Chuan a favai zingah buhkem hi an chhawk trhin. A buh-hum ho hi buh-hmu bawmah an dah. Chumi zawha a hmu la awm an han zawng leh a tichuan Fairel bel ah buhfai hi an chhung trhin a ni.
Buh densawm a nih ang ang hian zu ah an um trhin. Zupui kan ti tui tak a ni. Ka lawme
Report this comment
June 26th, 2009 at 9:54 am
Hmeichhe buh thlei ri chuan,
Kan kawmchhak a sekhupthur,sekhupthur,
Ka rai hun a ka ei tur ,ka ei tur,
Chheng, Chheng, chheng” a ti e, an ti :lol:
Report this comment
June 26th, 2009 at 10:05 am
Ka benga a rik ve dan:
“Siki-Duli Siki-Duli
Ka Hisapa ka hlauh thrak”
Report this comment
June 26th, 2009 at 10:27 am
@mzvision, i rawn sawi zau takah chuan naupan lai min va ti hrechhuak ve. Keini lamah chuan, Buhdengkhawl lian tak sawrkar siam, tuiso tha ring, favai kha tui ti so tuah an hmang nghal a. Private buhdengkawl te deuh chi pawh nei an awm nual a.
Sawrkarin Leiletpa ho hnehah tihluihna a buh sawrkar a chhun tur an chhun zawh hma chu, buhdengkhawl reng reng an khar vek a, sawrkar phalna nei lo a buhdeng chu man an ni thin a.Buh hi zem leh pher hlai & sei pui puiah hian nisa-ah kan pho thin a, ar ven hi a ngai thin a. Eng nge maw chang chuan ar te hi kan perh thi palh leh zauh zauh thin nia.
Kan kawmthlang & chhak te hian Tui-buhdengkhawl an nei a, sum & suk 12 an vuah a, tui tha ring a deng tluk tluk thin a. Chupawh chu sawrkarin an khar sak thin a, zanlaiah a rukin kan deng thin a, buh kan va hai let zawng hian kut kan lak vat loh chuan kan kut hi kan in den tir zauh zauh thin a na duh fu. I sawi ang hian kan trhap a, kan hri a, kan thlei a, a hum la tam deuh chu kan deng nawn leh thin a.
Tuibuhdengkhawl hi a suk te hi sawrkarin an man sak vek a, tui a tlem tawh chuan, Cheih Trhu kan ti mai a Kawl tawng a ni a, kuta buh herna khawl(rua, bawkek, tlakhlum, pawl te nen a siam) hi kan hmang thin a, Buhherkhawl hi kan inchan loh chuan rahbukah(sum & suk rah buk chi) hian kan deng ve thin bawk a.Kut Sum nen hi chuan chhawhchhi te hi chu kan deng ve thin a, sum lian pawh a ni ngai lo, sum te ve deuh hi a ni thin.
Ka lawm e.
Report this comment
June 26th, 2009 at 10:28 am
Mizo mipa hian buh thlei thiam hi kan ngaisang tak tak a nih chuan hmeichhiate hian thiam duhna thinlung an nei turah ka ngai. Mahse tunlai nulate hian thiam tumna an nei em em hran lo niin ka hria. ‘Buh thlei thiam lo chungchang’ sawi hi tunlai nulate helh zawng tak a ni leh nghal. Chuvangin hemi kawngah hian mipate hian kan zir tawk lohna a awm ve lo maw ka ti mai mai… Diktea_Pa engnge i ngaih ve dan…?
Report this comment
June 26th, 2009 at 11:54 am
@muantea diklo lai dik lo bawk in i lo sawi a ni maw! Lehkhabu hlui en miah lovin ka hriat dan kan ziak ngawt a nih kha!
@riangtleii ka lawm e nizanah primary zirlai bu hlui ka zawng a ka en nawn ngat!
@XaiA a nalk khawp mai. Ka en e, ka save hmak!
@mi_sual i di dik khawp mai, buhthlei thiam lo nupuiah ngei lo ngam thak thak ila chuan an thiam vek ang! Mahse buhthlei thiam kher kan duh chuan kan mizo nulate hian Mizo mipa hi min hlat tulh tulh si ang tih te pawh a hlauh awm ve tho bawk sia lawm!
Report this comment
August 11th, 2009 at 12:10 am
A art a sâng kher mai! A mawi thlàwt.
Report this comment