A lu chu steel wool hman hrep tawh ang maiin a pawr hre hru a, a hreu bem bum a; pheikhawk dum, siai pek loh ang maiin a hil da rup a, ni thlarah te chuan kuhvarah kawr páwl mah mah a mawi lo hian a ther paw thuk a! A mitmeng chuan hnuk chat mai tur mit dul raih mai te min mitthlatir uarh2 a. A hmelah chuan mithianghlim lawra fel inti ve tak, lak chhoha awm ve ta si lo hmel a lang fiah kalh a!
Ka bul a rawn thlen chuan tui chhunga liluh leh mai tur ang maiin thawk a la kawk2 a, a thil put chu a nghat chawrh a, a hah a ni.
Ui chawm hneh loh ang maia sarang rik ruala beng tun hra leh, mitmu sawn kual ruala zuk leh hmuam rawn ban thin ka thianpa chuan sarang ri a hre leh ta pawh a ni lo; kan mi hmuh chu a bia a:
“Engnge thil awmzia?”
“Tawng rang, tawng thei, tawng ring leh tawng zak lo zet kan kawmchhaknu-in gas bur 3 ka hma-ah a tlar a, ka chang lo chiah chiah a, point dangah ka’n tlan leh chhin a nge.”
Kan ngawi vang vang a. Nau páwm chawma nitin inhlawhfaa chhuak thin a ni a, a hman mang lo a ni. A sum thawh chhuah tlem tak chu thil danga hman a thiang tawh lo, rei tak an nghei tawh gas chu a lak a ngai a ni.
A kut pawr hrap chuan gas bur tlang chu a chelh a, a dar ki takah chuan a nghat ri bawl a. A kal liam hnak2 chu kan thlir zui reng a. A kawr hnunga Bible chang chul tawh tak chu kan chhiar bauh bauh a:
“Nangmah i inhmangaih angin i thenawm i hmangaih tur a ni.” (Leviticus 19:18)
March 22nd, 2012 at 3:32 pm
First ka huah a nia 🙂 ka la chhiar hman lo
March 22nd, 2012 at 3:36 pm
A van khawngaihthlak em! ;-(
March 22nd, 2012 at 3:41 pm
I thu chheh a nalh e. A tawi e..
March 22nd, 2012 at 3:54 pm
A mawi kher mai i thu chheh dan chu, ka like e
March 22nd, 2012 at 4:00 pm
Tum loh lam atanga min dek chu le! I phuahchhuak thiam hle mai… (Y)
March 22nd, 2012 at 4:08 pm
Thu hi in thiam hlawm thin mang e aw, misual ho hi. Dek nalh hle mai.
March 22nd, 2012 at 4:33 pm
(Y) . Para khatna hi Justify det la chuan……. 🙂
March 22nd, 2012 at 4:38 pm
(Y) Gud Post. Tuaitea post “Mizoram-ah mirethei 21.1 percent-in an pung” tih nen a va “in-chaw-be” ve le! Zirtir a nei tha-in, a Real-Life Expe khawp mai. Mahse, “gas bur tlang chu a chelh a, a dar ki takah chuan a nghat ri bawl a” tih a, “ri bawl” tih lai tak erawh hi chu…ka tawng thiam tawk loh vang nge ni? :-S
March 22nd, 2012 at 6:02 pm
Ziakchhuak nalh phian. (y)
March 22nd, 2012 at 6:05 pm
Ngaihtuah tithui! (Y)
March 22nd, 2012 at 6:08 pm
Luka 10:25-36 chho kha kan en chuan dan hretu tuemaw-in chatuanna nunna a chan theihna tur kan Lalpa Isua Krista a zawt a nih kha. Thupek ropui zawm tawh nia in ngai dan hretu hian VENGTE(thenawmte) concept a lo man lo nasa mai! Thupek ROPUI- a zawng zawnga Pathian kan hmangaih mai bâkah, mahni kan inhmangaih angin kan vêngte kan hmangaih tûr a ni—tih hi sawifiah nan tehkhin thu, kan tana tangkai tur min hlui le ta!
‘Vêngte’ (neighbours) tih hian, kan bul hnaia awm, kan kawmchhak emaw kawmthlangte emaw rilruah a lang fo. A nih loh pawhin, kan chipui leh hnampui, kan Râlte-pui, kan Sâilo-pui, kan Chawngthu-pui, kan Mizo-pui te hi emaw kan ti mai thei. Isua tehkhin thua suamhmang tâwk hi Jerusalem khuaa chêng niin a lang a, Juda a ni ngei ang. He tehkhin thua puithiam leh Levia chi mi nên hian hnam khat, Juda vek, Jerusalema chêng vek an nih hmêl. Mahse, an hmuh veleh kawng dangah an hêl daih. Hnam khat, khaw khat leh vêng khat an ni chungin kawng dangah an hêl tlat!. Amah tanpuitu leh khawngaihtu(VENGTE) chu hnam dang leh khaw dang, Samari mi a ni. Hnam khat, vêng khat, inkawmchhak-kawmthlang nih kher hi chhûngril lama ‘vêng khat’ (neighbor) nihna a ni lova, inlaichinna siamtu pawh a ni ber lo; hnam hrang daih, khaw hrang daiha chêng pawh ni ila, in mamawh huna kan inphatsan loh hian vêng khat dik tak kan lo ni reng zâwk—tih hi Isuan min zirtir a tum niin a lang.
Isua hian eng vangin nge SAMARI MI hi a hman kher tih hi ka ngaihtuah fo thin. II Lalte 17:24 lama inziak dan chuan Assuria leh Juda inthlah pawlh niin Samari ho hi a ngaih theih. Thuthlung hlui hun laia Judate ten em em leh hmusitte kha an ni. A chhan pawh hnamdang nena innei pawlha Pathian thu awih lo an ni miau a. Amah Isua ngeiin Samari hmeichhia a titi pui tum pawh khan an innel vak lohzia chu a hriat reng mai. An inbe lai a zirtirte lamin an lo hmuh pawh khan an hawi PHAWK hra a nih awm kha maw(John 4:1-33).
Heta tanga ka hmuh theih lian tak chu hnam khat, vêng khat, thlah khat, chhûl khat chhuak kan nih avâng ringawta bial zîm têa inngaihsak tel tel ringawt lovin, hnam dang daih, vêng dang leh khaw dang daiha chêng pawh ni se, vânduaina leh harsatna an tawh avânga tanpui ngâi an nih phawt chuan, kawng danga hêl mai lovin kan tanpui ang a, a tûl ang zêlin kan sum leh pâi pawh kan insêngso tûr a ni—tih hi Samari tehkhin thu atanga Isuan min zirtir a tum pawimawh tak niin a lang.
Mahni mihringpui tanpui ngai ngawih ngawihte peh hel phahna khawp tur rawngbâwlna pawimawh a awm lo tih hi Isuan min zirtir a tum pawimawh tak a ni bawk. Kan mihringpuite pumpelh zawng leh pehhel zâwng leh nek zawnga Pathian rawng kan bawl a nih chuan a dik tawh lo. Pathian rawngbâwltu dik tak chuan a hnampui ni kher lo pawh, a mihringpuite chu panin a thutchilh a, an pemah te hriak leh uain hnawihin an tân a tul anga insenso a huam thin a lo ni.
En liam mai mai lovin article ziak thei khawp hialin i thinlungah a tla naa, tin Bible thu tha lutuk pawh i lo quote phah bawk a, a ropui hle mai! Midangte tana malsawmna i nih zel theih nan duhsakna ka hlan mawlh mawlh a che. Misualte leh tanpui ngaite hmangaih-a tanpui hi Ama rawngbawltute tih tur a ni… (Y)
March 22nd, 2012 at 6:21 pm
ekhai aw :-O
March 22nd, 2012 at 6:49 pm
Ei rawngbawlna tur takngial pawh kan intodelh thei lo ania!!!!! a thlawn a sem pawh ni bawk si lo. Ngaihtuah chian hi chuan sawrkar hian enge a tih! tih mai hi a awl khawp mai. Delhi-ah te petrol pump tinah deuh thaw ah duh hun hun a lei mai theihin a awm sia! Direct supply te kha an ti tawh em?
Minister vengva, mipui te tan a hnathawk hi chu kan mamawh ani e. Sawi thui lo ang, ka thinrim dawn tlat 🙁
March 22nd, 2012 at 7:42 pm
#11..good post (Y) Post aiin a sei. 😛 (pil nghal)
March 22nd, 2012 at 9:42 pm
Good post (Y)
March 22nd, 2012 at 9:43 pm
Keima’n Computer/Mobile phone screen-ah thu sei deuh chhiar ka peih loh vang mai2 maw leh ka ziah sei peih loh!
Humour-ah ka sang vak lo nge a then2 lai inman loh nachhan hi? 😀
March 22nd, 2012 at 10:44 pm
i dek nalh hle mai, thinlung a fan ngaih mai (Y)