“Mein Kampf la chhiar hawt si lovin Hitler-a ka ngaisang e te i ti vei a. Ngaisang tawh suh ka tih che leh, ngaihnep a nih theihna chhan tur min zawt a. Ka sawi leh, mi chhiatna lai hlir pholang a tumah ngaihsan loh tur tih Zirtirtu Ropuia inchan tumah min puh a. Ka thian i ni a, thlirna hrisel neihtir che ka duh tih hrethiam lovin thil inti-hria a kaihhruai tum che-ah min puh thul.
A ni ve viau bawk tak a, midum lukawlh kan hmuhin ‘A va ziat kawlh angreng ve!’ kan ti mai a. Mingo lukawlh kan hmuh ve thung chuan, ‘Ehe! Hei chu tuaithar-nazi (neo-nazi) a ni ngei mai! Skinhead, weiss und stolz!’ kan ti leh lawi a.
Kawng lehlama thlirin mizo nula midum tlangval zui kan hmuhin, “Hurherhna hian kan ram a va chim pil hneh tawh em!” kan ti a, thalai hruaituten a mualpho thei ang bera kan ram lama an thawn haw theih nan kan bei a. Ram leh hnam hmangaih bertu ni awm takin kan che a. Kan beih lem loh paw’n a sawipuanah kan ramtang a. Mingo tlangval kawp Mizo nula kan hmuh leh thung chuan, “He nu hi a va changkang reuh ve!” kan tih loh pawhin, “Globalisation hian min chim hneh tawh khawp a, engmah hi dan theih tak tak a ni tawh lo”, tih zawng emawin kan sawi leh daih a.
Midum e, mingo e chu sawi tawh lo ila. Intluktlànna hi kan zawn ber tùr zawk a ni. Chumi a nih avang tak chuan Hitler-a hi, a thiltih that lam i ngaisang a nih pawhin, i ngaihsan thu sawi tawh suh. Khawvêl leh i tana a thil tha tih sawi tùr kei chuan ka hre lo. Hmanni mai khan, “Aw! Indopui II-naah khan Zermanho kha lo chak ta sela chuan Hitler-a hi misual tawngtawraw ang ni lovin Hnam Pasaltha angah kan han hmu mai tùr hi a niah!” te kha i ti a. I va kaw lo tehlul em! Chak sela a tumna a tihpuitlin loh i ring nge, a tumna i hre lo? Nationalsozialistische Rassenhygiene kha i hre lo em ni? Nang hi mingo hnam chu sawi loh, Asia chhim ram chengker tlangmi hnamchawm i ni tih i hre lo vem ni? I thlahtute experiment tih nan lo hmang ta se i lawm viau dawn a ni àwmah! I lo pian ve i ring em? Piang pawh ni la tun aia a nawm zâwk i ring em? Ngê, khawvel hi hnam thahovin lo luah se, keini chu kan thlahtute atangin min lo nuai chimit vek law law se a pawi lo i ti rilru zâwk?
Chutiang thil duh zâwk mi, khawvêl tana tangkaia inhre lo mi bothläu i lo nih chuan … sawi tùr ka hre lo. Kan nunna, ni lovin kan nundàn, te chu keimahni thu thu alawm! Chuvangin nangpawh i thu thu le!
Ka thianpa nèn hian khumah kan muzal dun a; a lam ka va hawi nâk chuan ka thusawi pakhat mah a hre lo tih hriat fahran hian a lo hnar bawrh bawrh a. Ka muhil vè ta ringawt a.
March 24th, 2012 at 9:33 pm
Chhiar ang hmiang.
March 24th, 2012 at 9:37 pm
OT: ka thiannu facebook account an hack sak a… deactivate dan a awm em… a mangang khawp mai a… puih dan in hriat chuan ka lawm ngawt ang…. rhil thalo deh deh a post kual vak a
March 24th, 2012 at 9:38 pm
OT: ka thiannu facebook account an hack sak a… deactivate dan a awm em… a mangang khawp mai a… puih dan in hriat chuan ka lawm ngawt ang…. thil thalo deuh deuh a post kual vak a…
March 24th, 2012 at 9:57 pm
tu maw puih tur? Hitler a maw..? Huis..week end tak hi chu aw.. Ka komen pawh a buai nuai mai a..haha..
March 24th, 2012 at 10:01 pm
Ka comment chak tawh lutuk a, chhiar pawh ka chhiar tha hman lo. Hitler hi ka duh tops, hmm! Pride of the nation hi kan mamawhhhhhhhhhhhhhhhhhhhhh! 😉
March 24th, 2012 at 10:48 pm
(Y) Gud post. I Message a chiang kek-kawk khawp mai. Hitler-a hi chu ka ngaisang hauh lo na a, I “Comparative Research Findings” (Vai vs Sap, etc) erawh khi chu a dik ka ti lutuks. Zofate hian Ngaihtuahna kan sen tak tak chu a hun tawh khawp reng a ni. (L)
March 24th, 2012 at 10:51 pm
Tleirawl lai i ti ngaihawm hle mai, Hitlera chanchin hi ngaihnawm ve pangai 😛 😀 . Jewish chunga a thil tihdan hi chu tha lo ve pangbal.
March 24th, 2012 at 10:54 pm
1st world war hnu kum 20 lek chhunga khawvel cho leh ngam tur khawp a mipui rilru an hneh thei mai hi chu pa ropui chu a ni ve alawm
March 24th, 2012 at 10:54 pm
Post ka chhiar miah lo! Hitler a hi ka mi nghaisan pawl ani tlat anih chu maw le. a thil tih chu ka ka duh lo mahse a mentality hi gandhi the beggar ai chuan ka ngai sawng fe!!
March 24th, 2012 at 11:13 pm
lrp-a nen hian hmanah kan sawi dun tawhin ka hria, Gandhi kha kei pawh ka chuti tehchiam lo;
Hitlera ideology mawl si, ril si, tawi si, fiah si kha an hnam tan chuan a hlu ka ti.
March 24th, 2012 at 11:47 pm
Lamea#35: hetiang ho hi an ninawm ve pangbal……………tunah pawh sawn ka thlalak an like vel ka account atangin, ka account ah an awm tih an theih nghilh aniang 😀 😀 ………… turu lo thei a nia (N)………..hmeichhia te an lo be vel thin mawle, buaithlak thin khawp mai.
March 24th, 2012 at 11:57 pm
The Rise Of Evil ka en zo chiah. Hmuhnawm rups 😛
March 25th, 2012 at 12:12 am
mu hmeks te’ng..
March 25th, 2012 at 12:17 am
Hitler anga mimawl nilo, Hitler anga mi tum ruh kan mamawh.
March 25th, 2012 at 1:08 am
Chuvangin nang pawh i thu the le! tih zawhah khian khàrna ” awm tùr. :p
March 25th, 2012 at 1:48 am
Ti daih ila Germans ho hian “Nazi Germany” kha chu an zahpui ve khawp mai.
March 25th, 2012 at 2:13 am
@ 10, Pu Vakul..ni tak e.. 🙂 Ka la hre reng! Gandhi ka ngaisan loh thu ka sawi a, min rawn chhan tak kha maw le.
Ka ngaisang ve tlat si lo a 🙂
Mihring te hi violent tak tur a duan kan ni ve hrim hrim a. Kan lungawi lohna midang hnen a ti lang ngam lo khawp a dawizep leh mahni rilru pawh puang zar ngam lo hi kan awm teuh awm e.
Ka ngaihtuah mai mai a, white supremacy chungchang te. Engvangin nge Mingo ho hi an superior bik em em? IQ ah chuan India te hi kan sang zawk daih si a! Asia rau rauah pawh a var leh zual Japanese te hi khitah an awm daih a, lei rawng ang a piang hi khawi khawvelah pawh a hnuai hnung kan ni zel mai.
History lam ka hre hauh lo a, vun var ho hi an lo chuhhelh viau nge maw ni le te ka ti mai mai..Hitler, Napolion tih vel ho hi an rilru put phungah chuan an ngaihsanawm khawpin ka hria! Dawih dei duai ho hi ka ngaisang ve vak lo e 😀
March 25th, 2012 at 2:52 am
a va hot lo eeee..chemtea leh TSa an awm loh hi chuan hot pawh hi a hot tak tak thei lo e 😛
March 25th, 2012 at 4:59 am
Naziho kha ka ngaisang lem lo khawp mai.
March 25th, 2012 at 9:47 am
Nazi ho kha an uniform, an march dan leh an inenkawl da atha ka ti. A dang zawng zawng ie: an nunrawn dan etc ka ngaina lo khawp thung.
March 25th, 2012 at 10:13 am
Nazi emaw…ni lo emaw, i Mizo tawng ziak a tha-in thu i thiam. (Y)
March 25th, 2012 at 10:50 am
Pu HV naupan deuh lai kha chuan SS cap a ruhro lem chuang kalh te kha nalh ka ti thei rup 😛 😀 .