Mizoram atanga hla ve ang reng deuhvah kan han khawsa a. January atanga kan nghahfak Masi a rawn inherchhuah dawnah Kolkata atangin kan thlawk ve nul nul a, Lengpuiah him pialin kan tum a. Dec 22 a ni. 22 zanah rilru bet lo zetin Aizawlah riah a ngai a. A tukah ngam tawka chakin kan khua, khua nuam ngei mai pan khan kan inkhalh haw a. Khaw thim dawn ruaiah paw thurin kan han thleng a. Dec 23 a ni. 24-ah chuan Saitual velah te inchei zuar chungin nula kan rim mai mai ang chu ti rilru neuh neuh chungin kan mu a.
23 zanah thianpa Dina te Bawng Pu a han dam lo chiam mai a. 24 tukah te chuan Bawng chaw han phur thei zia zang a ni ta si lova. Masi daih ngei tur bawng chaw phurh a ngai a. Mahni chauhva thiante Bawng chaw phur tura liamtir ngawt chu tiin a kuma kum tam kan lo hum tawh loh chemtum kan han lekchhuak a, iptepui leh nghawngkawl nen kan han infam ap mai a. Rilruah Coffee Day tih vel a lang tawh lo. Coffee Day aiin Chempui a pawimawh zawk. Khua atanga hla fe-ah kan kal a. Nike pheikhawk chhe zet bun chungin Nauthak kunga lawn tumin kan indawm a. A har. Nike leh Nauthak a inmil lo. Nike leh KFC ai chuan KZP a pawimawh.
Pheikhawk kan phelh sawk sawk a, KeZungPui tha zawng zawng hmang chungin Nauthak kung kan han pumbawh chho a. Mi’n motorbike vela chak fe fe-a min tlanpelh lain Nauthak hnah kan han phur pur pur mai a. Zan lamah chuan nula kan rim ve anga, Ar te kan kang ve ang chu tih nak alaiin, kan han thak vak mai a… Bawng te hi zawng, ka vulh duh teuh lo em mai!
(Reh rei manah tawite ka han post a nia :D)
(Y)
April 2nd, 2012 at 5:51 pm
Bawng vulh la cowboy i ni mai alom
Report this comment
April 2nd, 2012 at 5:57 pm
I rehrei tih poh kanlo hriatloh chu..
Report this comment
April 2nd, 2012 at 6:10 pm
Naupang te kan nih lai, pawl hnih vel kan ni ang chu..ka thiante (kan thenawm) bawng chaw hi kan lak pui thin a. Pawisa min pe ve thin. Ka va lawm thei tak, kan thenawm te kha kan chhungkaw hrechiang leh min duhsak tu an ni a. Ka pa hlawh kha a tlem em a, kan chhungkaw tan a tawk lo tih an hria a, an huan hnim lem lo te kha ka nu leh ka u hmeichhia te hlawh neiin an thlawh tir thin. An va fel tak em!
Pawl hnih ka zir lai pawh khan khang kha ka hrethiam em em tawh ani.
Report this comment
April 2nd, 2012 at 6:33 pm
Heheh..ee..ka lung i ti leng reuh tuk..school chawlh hmanga haw ve chang pawh hian atuk tangin chem pui nen in ah chhuah agai a..
Report this comment
April 2nd, 2012 at 7:01 pm
Christmas Eve hmang tha pawl tak i nih chu, ti daih teh ang. Nauthak chu a thak ngawt tak ang, a hming atang rengin a thak hmel emai
Report this comment
April 2nd, 2012 at 7:22 pm
Hmanah Masi bawng kai turin Aithur khuaah kan kal a, chho kal kan lo in fit lo tlang a niang, zing dar 7 velah kan khua atangin kein kan chhuak a. Tuichang kan pel, Aithur tlangah kan lawn chho ngat ngat a 10.00 AM velah kan thleng thei hram a………..Kan let leh lamah keiin pakhat ka kai a, thiante hmaah ka kal a, Ka bawng kaih kha a kaihna hrui a chat ta hlauh mai!! Ka um loh chuan ramhnuaiah a bo ang tih ka hlau si, thiante an rawn lang mai silo…… ka um chak leh a tlan chak tulh tulh mai si………kal lama darkar 2 chuang kan kalna kha kan tlan thleng mai chu(h), Tuichang kamah Bawng ka kuaha kan thaw hle hle mai maw le…. Bawng pawh a chau ve a niang, tui ka hleuh kai pui naah ka thlauh palha tuiin a len thal thla hual hual mai han hmuh kha chuan, kan masi ruai tur ka tibo anga kan kohhran upa te hawihai hmel tur ka mitthla uai uai thei :-P. A thlang Liah thian ten an zuk la chhuak leh ta hram a…….. Kei pawh, Bawng ka kai leh ngai tawh lovang.
Report this comment
April 2nd, 2012 at 7:27 pm
A bul tranna a hot vei nen i va chhuah tawi ve!!!!
Bawng vulh chua ka chak khawpmai kei hian
Report this comment
April 2nd, 2012 at 7:42 pm
kha hetah hian awm ve r’u
Bawng Vulh Lama Tui Mi Te
nuam lutuk
Report this comment
April 2nd, 2012 at 7:45 pm
Cowboy tura piang i nih hmel loh.
Report this comment
April 2nd, 2012 at 9:23 pm
a va ngaihnawm ve aw. Bawng chu a thu in vulh ila a tha fe zawk chaw zawn a ngai lova
Report this comment
April 2nd, 2012 at 9:41 pm
Awke vulh a hlawk!
Report this comment
April 3rd, 2012 at 12:13 pm
Bawng vulh kher hi chu… thingtlang tak takah loh chuan a hautak tawh em mai, vulh lo mai rawh. Mi vulh sa kha, zingah a thin vel leh a ti tha tha te kan va lei mai dawn nia.
#6 Ruata, Post-tupa thawnthu aiin ka tuipui zawk. Uluk deuhvin, chipchiar takin rawn post teh, “i Bawng kuah lai” mawlh kha a full-story ka hre chak raps. Bawng khan ‘thil sawite a nei ve em?” tih te ka hre chak, hihi
Report this comment
April 3rd, 2012 at 6:53 pm
Lal Isua zui leh bawng vulh chu a in ang an tia lawm… inthlahdah a ngai thei lo!
Report this comment
April 3rd, 2012 at 7:52 pm
Hmanlai hian an tia lawm… Aizawl a zawrh turin zokhua atrangin pa pakhat hian Bawng nufa a kai a, vanduaithlak tak mai in suamhmangin an suam a, a bawngpui chu an kaihsak ta daih mai a. Amah pawh chu saruakin kawngsir thingah an phuar bet a, a bawng no nen. Zin vei vak an awm lo nen, zankhua thrak maiin a tang a. A tukah khualzin veivak ten an hmu hlauh mai a, a phuarna an phelh rual rualin a bawng no chu a vaw ta awrh awrh mai a. A chhan an zawh chuan “Nizan zan khua in i nu ka ni lo ka ti ka tih paw’n a rawn hne dawk dawk reng a…….
Report this comment
April 4th, 2012 at 11:38 am
@14, hahahahaiii tha lutuk..
Mahse, a tawi deuh a ni. Bawng vulh chakna erawh i ti chhuak lem lo a nih hi. 
Post ngaihnawm e.
Report this comment