Sakramen leh Zu………..

April 8th, 2012 11:00 pm by malsta27

A then chuan in ning viau maithei mahse ZU kan zuar leh lawk teh ang, ka rilru a dam thei tlat lo.

Hmanlai kan pi leh pu te hun ah khan Zu tha tak2 sawi tur an mahni siam ngei mai an nei teuh tih chu kan hre theuh awm e. Mahse khang zawng kha sual a puh sak an ni a, kohhran hmanga a in a te pawh sual a puan an lo ni ta zui a. Hemi in a mihring rilru a nghawng dan chu tu pawn kan hre theuh tawh a nga, psychological leh sociological anga mi a tih chhiat dan chu hman deuh tawh ah khan kan sawiho thin tawh kha. Civilization in a intoxicating drinks an neih vek thu leh mihring nun a bet ve a nih thu te thlengin sawi nawn ngailo tur ah dah ta i la, Hemi in a a khawih tel loh theih loh Total prohobition a pawh hi misconception avanga awm a nih pawh sawi zau tawh lo mai ang.

Hei hi kohhran/Pathian rawngbawl tute sawisel na lam nilovin, misssionary thenkhat in an thu hril hlawhtlin tir an tumna lutuk avanga thil tlemte an tih sual zinga mi hi kan siam tha thei a ngem? tih lam rilru pu a ziah a ni tih hre hmasa phawt ila a tha awm e.

Tun a ka sawi tum tak zawk a chu, Zoram chhunga kohhran a lo din chhoh tirhte atang khan Lal Isua thihna leh thawhlehna champha hi kan hmang(observe) chho ve reng thin ah dah ta ila, kristianna laimu ni a ka hriat avang in. Hetah hian loh theih loh vin Wine hi a tel chho ve reng anga ngaih theih a ni. Wine(kan hman thin) tih hi mizo tawng a han leh dawn chuan, theitui emaw, ser tui emaw han tih ngawt dawn chuan tuna theitui leh sertui kan neih ang ho nen hi chuan khai khin rual lova chuvang chuan Sap Zu chikhat ti in dah ta ila a fiah deuh maithei e.

Thinrim thlak lai tak ka tih leh kan pi leh pu te bum an lo nihdan tur awm a ka ngaihtuah hian rilru a na deuh tlat thin. Indian (ti mai teh ang) kan tel love tih lam nilovin, ram culture pui zawk te an vuak chhiat theih loh avanga an hausakna ruk chhuah sak a, tih retheih a, an chunga ro an rel dan hi chu dah tha ta ila. Zu tha khati zozai nei si a sakramen atan a hman sak chu soiloh, khap sak an nih a, kristianna laimu ber leh zah taka hun hman na kristianna serh leh sang(rituals & rites)a an mahni Zu chikhat an hmang leh tho si hi chu hre lo te in bumna ah pawh a nasa chu ka tilo thei lo a ni e. Anmahni Zu chikhat, grape atanga siam a ni emaw, eng atanga siam pawh lo nise, Buh leh vaimim adt adt atanga zu kan siam te leh in thin te nen enge a danglamna chuang??? Tin, Lal Isua’n hei hi min hriatreng nan ti thin ang che u, a tih khan alcohol content lampang kha a soi om thom pakhat mah ka hmu lo mole.

Chumi piah lamah chuan keimahni zu in thin a te chu vanram kai lo tur hial ah an chhuah a, an zu Wine ngei mai chu hmun leh hun thianghlim ber biakin ah sem a kan rinna leh thlarau chaw lakna serh leh sang zinga telh a ni leh lawi si hi hriat thiam chu a har ka ti in, ka helh khawp mai, enge in ngaih ve dan le????.

Amaherawh chu hemi avang hian kristianna ka hneh chhiah e tihna lam nilovin, Lal Isua kan tan a a thih a a thawh lehna cham kan thlen mek lai hian, kan tan a a tawrhna te ngaihtuah chuan lawm avanga mittui luang lo thei tur chi hi chu kan ni in a lang lo. A tana kan tawrhna te a nep zia leh kan chan ngam te tlem zia ngaihtuah phei chuan kristian han in ti ngam tur chi hi ni in ka in hre lo rum2 thin. Mahse kan sualna te ngaidam a min tlanna hi chu a ropui in lawm lo rual kan ni love.

18 Responses to “Sakramen leh Zu………..”

1
Ruata Pachuau Says:
April 8th, 2012 at 11:20 pm
.
Report this comment
2
TuaiSialA Says:
April 8th, 2012 at 11:27 pm
First duh loh hnuah thingpui sa tawk in chungin chhiar ila…
Report this comment
3
Chemtatrawta Says:
April 8th, 2012 at 11:30 pm
Zu, Uain tha sangsawm hmangin sacrament nitin ei mah la, i pianthar loh chuan vanram i lut chuang lo ang.

Zu hi a tha i ti em?
Report this comment
4
lrpa Says:
April 8th, 2012 at 11:30 pm
Pumpui chakna kan tih, enge a hming phei chu ka hre lo, a pink, thin vak ngai chi kha..sakramenah an hmang tawh ani awm e..wine a ang deuh ber an ti ani mai thei!
Report this comment
5
lushai_er Says:
April 8th, 2012 at 11:33 pm
A sawi fel aiin in fel mai ang!
Report this comment
6
pepe Says:
April 8th, 2012 at 11:47 pm
dik chiah…… full support
Report this comment
7
zualbonez Says:
April 9th, 2012 at 12:37 am
in zawh vek tur
Report this comment
8
lrpa Says:
April 9th, 2012 at 1:03 am
Tak tak a, he post hi a ril ru riau a..culture leh ethnicity a rawn hrut nasa viau a. Kan sap missionary te khan an ti sual em? Nge an tisual lem lo!!? a bikin zu chung changah hian!
Sawi zel ila…zu in hrim hrim vs zu ni ngai lo!! tunge ‘a’ zawk!! chungcang te pawh kan la sawi zel ang chu..haha
Report this comment
9
zualbonez Says:
April 9th, 2012 at 1:12 am
e//awke
Report this comment
10
lrpa Says:
April 9th, 2012 at 1:21 am
Zu chungchang hi Christianity perspective zawng hian mumal takin kan sawi ngai lo a..a MLTP zawng hian erawh kan chai ngun nangian mai!. Hei hi mumal deuh a sawi ho chu a tha khawp mai!! mahse misual member te hi ..dik taka sawi chuan thu tak tak sawi pui tlak lo a min ngaitute vek in ni bawk sia!!
Mahni ngaihdan dan hi mahni ngaihdan ni tlur mai teh sem!!
Report this comment
11
Keimah Thingtlangpa Says:
April 9th, 2012 at 2:40 am
Khawnge ahooma_???
Report this comment
12
triplestar Says:
April 9th, 2012 at 7:36 am
post tha khawp mai.

RV local hi dal deuh hlekin sem ve ta mai ila, a nih loh po’n good friday thlen hma kar khat velah kohhran nu ho in hntlangin bilh mup mup mai sela, mahni kohhran siam ngei mai tuitling eng deuh kak mai kha han sem ngei bawk ila, tih chi fu ang a
Report this comment
13
Chhuaklinga Says:
April 9th, 2012 at 7:43 am
@4 lrpa, Aromatic a ni tain ka hria i sawi khi, kan Biakin chokidar hian an inbang hi ketli-in a rawn khai haw teuh a, kan in nghek zel mawle,lunglenthlakin

Post ka thlawp e.

tren tren
Report this comment
14
malsta27 Says:
April 9th, 2012 at 9:06 am
@trawta#3: Zu tha hi tha ka ti a ka piantharna a tih chhiat ka hre lem lo, vanram ka kalna tur a dal lo bawk ang. I piantharna a tih chhiat theih a, a tih sual theih che chuan ringtu nghet lo tak/naran tak zawng i ni ve ngei ang . Zu hi sual i em? I ti a nih chuan mahni sualna pawm ngam lova, thildang/midang vanga sual a in ngai tlat chi ang tho i ni ang. .

@Lrpa#10: Zu chungchang bikah hi chuan culture(kristianna nena in kalh lo)leh tradition pakhat a nih thu leh an paih ta hi chu an ti sual a tih theih chiang e. Kan kohhran hruaitu te hian leh sorkar hruaitu te hian hei hi hmu ngam seng chuan an hmu khawp in ka ring……..sociological,psychological,political, anthropological adt adt ang zawng pawn en ta se a dik zia hi an hmu ang.

@Chhuaklinga@13: Sakramen hi Missionary hovin An mahni WINE(sap zu chikhat) sen tak ngak mai min lo pek thin vang kha nge, a sen tak lampang rawng ani tur a ni tih hi kan rilru ah, TRADITION ang reng deuh in a awm tlat tawh mawle mak deuh a a ni , chuvang chuan a nia tun hma deuh khan khatiang kha an hman thin……. ………hei hi chu thlak dawn ta ang se mi zawng2 deuh tho hian a ni lo hu mai an ti vek tawh ang mawle, zu rawng ang chu kan duh tho tih a lang reng hahahaha
Report this comment
15
Zaithiamlo Says:
April 9th, 2012 at 3:06 pm
Biakin a wine tlem i in khan thlarau ah pawh hlawk ta sawt in i inhre maithei mahse RV ah rakzu no 1 i in pawh in i sual lutuk tawh, kohhran mit ah lek phei chuan. eng nge a danglamna zu theuh theuh.
Facebook ah hman deuh ah kan inhnial a, a chunga mi khi ka tanchhan a, thianpa pakhat khan wine zawng zawng ah zu a tel hleinem a ti a, a tuk ah, kan veng bar leh wine shop ho ah ka kal kual a, alcohol tel lo wine ka zawng mai chu min nuih vek, pakhat phei chuan hetah chutiang lo zawng suh juice shop ah i duh ang chu a tam mai a ti.
Chuti a nih chuan a haw bertu kohhran mi ho pawh hian hun pui ah te chuan tlem te te chuan zu chu kan lo tem ve lep lep tho a nih chu a.
Wine Mizorama sacrament atana an sem hi ka thianpa chuan, damdawi pakhat tui pawlh ngam deuh mai a ti. Eng damdawi nge phei chu ka hriatpui lem lo a.
Report this comment
16
malsta27 Says:
April 9th, 2012 at 3:35 pm
@Zaithiamlo#15: Ni reng a sin, kan pi leh pu te khan alcohol tih lampang kha an hriat a rinawm lem loh. Chumi piah lamah chuan Lal Isua erawh kha chuan alcohol tih lampang kha a sawi lem lova mahse hriat chu a hre hneh khawp ang, Rakzu i in avang khan sual ta viau ah chuan lo in ngai tawh suh :-D.

Biakin ah chuan ni teh reng mai, rilru leh thinlung tak zet a Pathian bia a amah hriat reng nan a sakramen kan ei a kan in hi chuan thlarau ah chuan min ti chak chiang a lom. Chuta keimahni zu sual a min chhiar sak a an zu thlum ber heng hun pui a an hmang leh tho hi chu hriatthiam har ve tak chu a ni.

Zu in chhuanlam a thil ti sual a nih chuan a mihring a sual vang a ni zawk ang ka ring. kei chuan sual ka ti lem lova nia, a nihna dik tak ah chuan intih changkan vang emaw hawizau vangah te hian an puh mai thin mahse ka hawi zau in ka changkang hauh lo, thil dik a nih vang erawh chuan ka tran reng thung. Zu kan in vang leh zu vang ni lovin, thil sual kan ti anih chuan kan sual vang a ti kan ni mai tih hi hriat a pawimawh khawp mai.
Report this comment
17
Dr Mahminga Sailo Says:
April 9th, 2012 at 5:53 pm
Sakramen atan tal zu kan hman loh te, zu inna chance ka nei nang…
Report this comment
18
sheldon Says:
April 9th, 2012 at 7:23 pm
Sacramen atan wine hmang lovin juice engpawh hmang mai i la? Alcohol chhete tel pawh kan duhloh kha! Hairehai…
Report this comment