Thuthlunghlui ah hian wine/zu/uain hi chi kua lai mai sawi rik a ni a. Chung te zinga panga chu han en hmasa phawt teh ang:
1. yayin– Wine lar ber ti ila bible ah chuan sawi rik tam ber a ni. Vawi 143 zet a ri a ni. Alo lan hmasak berna chu Nova ah khan a ni. Nova ruih kha yayin hi a ni(Gen 9:21). Wine pakhat mi lungngaite hnena pek thin pawh kha yayin tho hi a ni(Thuf 31:6). Ruih theih anih avangin inchin tawk hriat a ngai(Isa 28:1. Gen 19:32. 1sam 25:37. 2Sam 13:28). Lal Samuela rui lo tura an tih zu kha yayin hi a ni a, dan theihnghilh tir tu a ni(Thuf 31:5). Nuihza bura siamtu thin zu kha yayin hi a ni bawk(Thuf 20:1).
2.tirosh– Septugiant ah ve thung chuan “oikos” tih a ni ve thung. Tirosh chu hebrai tawngah “sawr chhuak” tihna – yarash atanga lo kal a ni. Chuvangin grape tui sawr chhuah hlim, ruih theih a nih hma a nih hmel a ni. Authorised version leh Revised version chuan “uain thar” tiin an leh leh kherna pawh hi a sual tamin a lang lo.
Revised standard version chuan hmun 34 zetah “uain” tiin a dah a, hmun 4-ah chuan “uain thar” a ti ve tho bawk(Hosea 4:11.9:2). Talmud- ah ve thung chuan “tirosh” hian fak a kailo hle mai a; “engvangin nge ‘tirosh’ an vuah? A in thin te chuan an retheih phah thin a vangin(Talmud: Joma 76:2)” a ti kher a ni. Talmud lamdan atang hi chuan “retheina” tihna a nih hmel a, chuvangin “tirosh” hi chu a that vak a rinawmloh ani taksa tan.
3.shekar– OT- ah chuan vawi 23 lai mai lamrik a ni. English bible chuan“strong drink” tiin a let a. Mizo bible chuan “zu/zupui/rakzu” tiin a let thung a ni(Thuf 31:6; Deu 14:26; Isa 24:9). Hebrai tawngah zu rui sawina chu “shakar” hi a ni a. Chuta tang chuan “shekar” pawh hi lo piang a nih a rinawm a. Ruih theih zia a ni tih a hming atang pawh hian a rinawm bawk a ni.
4.khemer– OT ah hian vawi 2 chauh a ri a ni. Deu 2:14 ah chuan “grapes thisen uain” ti a lehlin a ni a. “Thisen” entirna grapes pawh a tihtheih awm e. Isaiah 27:2-ah pawh hman a ni a. Mahse mizo bible hian uain ang zawngin a letlo thung. Aramaik tawngin vawi 6 lai mai a ri bawk a(Ezra 6:9; 7:22; Dan 5:1). Belsazara ruihpui chiam pawh kha “khemer” hi a ni(Ezr 6:9). A ruih theih a ni he zu pawh hi.
5. khomez– Mizo bible ah chuan “uain thur” tih a ni. Nazaret mi tan in thiang a ni lo(Num 6:3). Chuvangin Isua pawh khan kros lera an khai kan laia sipai pakhatin pek a tum pawha a in duhloh chhan kha a ni(Mat 27:34; mak 15:36)
Thuthlungthar ah ve thung chuan chi 3 sawi rik a ni a. Chungte chu hei hi an ni-
1. sikera– Luka 1:15 a “uain leh zu reng reng a in tur a nilo” tiha “zu” hi sikera chu a ni.
2. gleukos– Penticos day a “uain thar an rui a niang” an tiha “uain thar” kha a ni(Tirh 2:13).
3. oinos– NT ah hian vawi 28 lam rik a ni. OT lama yayin nen khan angkhata ngaih a ni a. Kanaan khua a Isua’n wine a tihpun pawh kha oinos hi a ni(Joh 2:3).
ISUA’N A THIH DAWN ZANA WINE A SEM HI A RUIH THEIH EM?
Isua hian bible ah hian vawi 1 chu chiang em emin zu a in thin tih a lang a; mi ho chuan “uain ruih hmang” an ti a ni((mat 11:19). He a wine in thin hi Kanaan khua a wine a tihpun ang kha a nih a rinawm hle a. Kha wine kha hebrai ah chuan “oinos” tih a ni a. OT lama yayin nen khan a inang ti ila a sual hmel loh. Kha wine kha Nova ngei pawn ruih chhiat pui nan alo hmang tawh a, in tam luat chuan “thil theihnghilna” leh “luakna” thlentu a ni tiin salomona chuan a sawi(Thuf 31:5; Isaiah 28:7).
Mahse Isua’n hemi zana a sem ve thung wine erawh hi chu “thisen” aiawh tihna a ni. OT hian “thisen” aiawh wine an hman thin awmchhun chu “khemer” hi a ni. Chu chu Belsazara pawn alo ruih pui chiam tawh kha a ni nghe nghe(Ezr 6:9).
Hemi zana Isua sem wine hi ruih pui theih ngei a ni tih a rinawm em em ta a. Dik takah chuan Juda ho nun ah hian wine hi a bet nghet em em zawk a. Mahse rui buai khawpin an in ngai lo a. Zan riah kilna ah an telh fo a. Ruih pui khawp a in chu mi insumtheilo tiin an ngai nep em em thin a ni.(Mizo kohhran- “khapbur sakhuana” nen chuan inanglo fia fia tak a ni. Kan divine institute hi Jerusalem(Judaism) a nih fo loh chuan kan buai fo dawn a nih hi)
Similar Posts:
- Wine (zu) hi Kristiante hian kan in duh ang em?
- Wine is Wine! Grape juice is grape juice!
- ZU HI SUAL A NI LO, A IN A TE PAWH AN SUAL HEK LO
- Missionary hmuhchhuah zu!
- Wine bars in Bangalore
August 9th, 2012 at 9:38 pm
1st
Report this comment
August 9th, 2012 at 9:44 pm
¡ǝ ıu ɐʞ ɐuɥıuɥɐd
Report this comment
August 9th, 2012 at 9:51 pm
3rd(?)
Report this comment
August 9th, 2012 at 9:52 pm
A tha hle mai..exerpt anih loh phei chuan i buaipui ve viau a ni chek anga..taima hlemai…
Report this comment
August 9th, 2012 at 10:05 pm
Zu hi in sawimawii in fak..etc… ti an awm thin…
Zu ruih sawimawina leh fak mawina, zu hi in theuh ang u, ka fate pawh zu in turin ka fuih.. zu ruih hi a va tha tak em… tia sawi hi ka la hre ngai lo.. kei chu..
Zu ruih fak mawina leh in theuh tura infuiahna, tu leh fate tan pawha thil tha a nia.. ti a, fuihna leh in tura in zirtirna post emaw, komen emaw.. hria chuan khawngaihtakin min lo hrilh teh u..
Zu ruih hrim hrim hi kan sawi mawi ngai lo… he ti lo deuh hian kan ti mai zawk a ni.
inhnial ka cho tih na ni lovin ka va chak ve…
Report this comment
August 9th, 2012 at 10:15 pm
#6
i chhui tha khawp mai
Report this comment
August 9th, 2012 at 11:02 pm
Chhui peihin a ngaihnawm phian mai. Wine um 5 vel chu ka la kawl tak asin. Tunlai mikhual neih a khat a phawrh a khat hle mai.
Synod in an block mai tur che ania hairehai
Report this comment
August 10th, 2012 at 1:35 am
Wine te chu kei mahah chuah a serh zing a mei ang a ni
Report this comment
August 10th, 2012 at 8:33 am
“Kan divine institute hi Jerusalem(Judaism) a nih fo loh chuan kan buai fo dawn a nih hi”
Eng tihna tak chu ni ang maw!!
Report this comment
August 10th, 2012 at 8:43 am
“Lal Samuela rui lo tura an tih zu kha yayin hi a ni a, dan theihnghilh tir tu a ni(Thuf 31:5).”
Bible-ah Lal Samuela an lo awm reng emaw ni le?
Report this comment
August 10th, 2012 at 10:44 am
#10
Art-a
Kum 1891 atang daih tawha mizo tena kan chin thalo leh kan hnam thanmawh bawk chu mahniin problem solve thei silo a mi tihsa lo sawisel leh a dik zawk sawi ngam silo a lo chiar lo chiar hi a ni mai e. Hei hi kan hnam bikin a kan natna, kan inkaichhawn. Hnam than theihlohna, education ah kan sanloh zia pholangtu, politician dawrawm leh mi tak tak an chhuah theihlohna a ni.
Pathian thu pawn engtin nge a tih kha, “hrethiamlo ten an sawisel thin” a tih kha:-P
Report this comment
August 10th, 2012 at 10:48 am
#10
Art-a
Kum 1891 atang daih tawha mizo tena kan chin thalo leh kan hnam thanmawh bawk chu mahniin problem solve thei silo a mi tihsa lo sawisel leh a dik zawk sawi ngam silo a lo chiar lo chiar hi a ni mai e. Hei hi kan hnam bikin a kan natna, kan inkaichhawn. Hnam than theihlohna, education ah kan sanloh zia pholangtu, politician dawrawm leh mi tak tak an chhuah theihlohna a ni.
Kawng tam takah hian hnam huaisen leh chik mi, midang tih sawisel ngawtlo a, “chutiang chuan ni zawk se” ti thei mi thalai leh parawntlak hi tam ila kan education, philosophy, ethics leh moral education zawng zawngah hian kan sang tawh ngawt ang.
Mahni tapchhak atanga lo phun ve hmuar hmuar a, mahniin ngaihtuah duh silo a mi tihsa lo kher vak vak hian engmah a hlawhchhuahloh zia heti zat kum ni ve tawh kan ram hruaitu politician ho te, cult ho leh pitar/putar kam tam atang hian man a hrefiah awm tawh zawk tak si hi tunthlenga kan la thusawp hi chu in enlet kan ngai hle a ni e.
Pathian thu pawn engtin nge a tih kha, “hrethiamlo ten an sawisel thin” a tih kha:-P
Report this comment
August 10th, 2012 at 10:53 am
ka han tileh hram…
Juda pa tarmit atanga zirtirna nilo theology leh doctrine, khristian na in a ken tel anga kan ngaih ho lo inzirtir ve fo hian kan rinna leh kan kristian moral hi a vawchhe fo ang.
Report this comment
August 10th, 2012 at 11:05 am
hahaha.. thil hi hrethiam chu i inti ve mawle tiraw.. bo fiiii si hi.
Engmah ka sawisel hran lo a thuhrimin.. “Bible-ah Lal Samuela an lo awm reng emaw ni le?” ka ti mai a nih khi.
Mahni thiltihsual admit mai hi a finthlak.. phun ning neng reng lo in
Report this comment
August 10th, 2012 at 11:18 am
Nia, ka hrefiah a lawm. Ka hriatfiahloh ka sawi ngai hlei lo bawk a. Ka lo sawi ta anih pawn ka pawm mai zel e..spelling mistake anih phei chuan sory lehzual.
Report this comment
August 10th, 2012 at 11:37 am
Bengvarthlak e
Report this comment
August 10th, 2012 at 11:48 am
lt..ni e…samuela khi ‘lal’ han tih kha a phung lo deuh va zawlnei tih hian a ngaihdam theih ang a…roreltu a ni ber zawk a.
Report this comment
August 10th, 2012 at 12:06 pm
A LE tur kha a SA palh alawm mawle
Report this comment
August 10th, 2012 at 6:20 pm
Bible ah hian :
the word – wine – appears 231 times
the word – winebibber – appears twice
the word – winebibbers – appears once
the word – winefat – appears twice
the word – winepress – appears 15 times
the word – winepresses – appears 3 times
the word – wines – appears twice
Source: https://wiki.answers.com/Q/How_.....z239ANh32W
Report this comment