Kan ka chhung hi….

April 14th, 2012 6:00 pm by Asteric

(Post khat hle mai a)

Hmanni chu ka ha khi(crack) ah thil a tan theih avangin ka tan tir a, a root a khawih a, a hawlh thuk deuh aniang a na ka tih avangin patling zan thum zet ka muhil ṭha thei lova(peel-pal bleeding vang atia, a na kher mai ka thlan zawih zawih thei a ni). Chumi zan chuan thil tam tak ka ngaihtuahna ah lo lut a. Ka ha ala hrisel ve viaua ka hriat avangin kei aia ha hrisel lo, ka chhung ṭawp leh bal zawk te ka ngaihtuahna ah lo lang a. Mizo ho kan ka chhung balh zia leh tihfai peihloh ṭhin zia te hi kan in zirtir tam tawk loh vang emawni chu aw tih ka ngaihtuah tam ber a. Doctor te pawhin public awareness lamah ṭan an lak a ngai nasa lehzual in ka hria, a hnam anga sawi pawh in ‘Ka chhung uluk lo hnam’ ti a sawi theih kan ni hial awm e. Ka chhung bal hi kan hnam inpumkhatna lai ber pawh niin ka hre deuh a, lehkhathiam an ni emaw nilo emaw Mizo hrim hrim hi ha bal/sen ah hian kan in lungrual tlang viau a ni.

Khawi kawtthler leh office ah pawh North East Fruit (Kuhva hring) hi a hralh a tla em em thei zel maia. Phai ram ah pawh nise Mizo thlenkhawmna ṭhin a Kuhva a awm loh chuan a kim lo riauva, ‘kan la tlangnel tawk lova kuhva an la zuar lo a nih hi’ tih te pawh a entir thei dawn dawn a ni. Foreign thleng in he kan Favorite Fruit hian mian umzui zel a, chutiang khawp chuan kan hnam nun ah hian a bet telve ta tlat tawh maia, kuhva hring thlen tawhna ah hi chuan kan tlangnel thei zel a ni. Kan khawpui thlir ila hmun lun lai a thir ban leh bang te hi han en ila keite ze ṭial ang maiin chinai a de var ṭhat hlawm zel a ni. Stick No Bill in a huam telve bawk si lova, a vel ah te kuhva funna leh chil sen a pik na hnuhma hi thler tin deuhthaw ah hian hmuh tur a awm leh mai ṭhin.

Meizial, Sahdah, kuhva, khaini, tuibur, kan hmuamin kan ṭhial pawng pawng a ka chhung kan tifai leh peih si lo, kan thaw rimchhe tur te hi kuhva hian kan chhilh hnan leh mai mai ṭhin ni te hian ka hria. Ka chhung ah hian bacteria a insiam chak em em a chumi avang chuan thaw a rimchhia a “Ka ka a tui lo” kan tia, ka tui lo tihreh nan tihfai a hnekin kuhva in kan han chhilh hnan leh hmiah zel maia, hrisel ngaihna hi chu a awmlo a ni. Zan kan mu a, zing ah chuan kan thaw hi a rimchhe em em ziah a ni. Heng hi bacteria lo in siam ṭeuh vang a nia. Chawlhni chhuna Vawk sa han hmeh a, puar peng pawng a ṭhutthleng seia ṭhut a kuhva hring han seh thi sawk sawk pah a meizial han pak khuk laih laih mai hi chu kan duhthusam pakhat chu a ni ve a ni. Mahse a tihfai leh lam hi kan ngaihtuah thleng tawh ṭhin lo.

TV ah te ka chhung bal lutuk a thu sawi te, chanchinthar a lo lang te leh reality show a an kawm te ka chhung han hmuh hian sawi ṭha viau ṭhin mahse an hmel hmuh a ti nuam lova, mi a ti zahawm lo ṭhin bawk a ni. Zial kan zu a kuhva kan duh hle a nih pawhin ka chhung tih fai leh hi peih ila natna tam tak kan pumpelh dawn a ni. Korean ngaisang ta rau rau chu an incheina ah ringawt nilovin heng faina ah te hian entawn ta zawk ila, an vun mawina kan awt a, a lang sar leh pawn lang chauh kan en ṭhin (Mizo zia), heng vun nung leh eng nei tur hian kawchhung lam tih thianghlim te angai a ni.

Ha nawh kan thatchhiat nak alai hian kan han nawt uluk lo thei em em mai bawk a, kan nawt puat a kam kan ṭhuaha kan duhtawk mai ṭhin. Ha kar leh a kawmkil hi kan hawl kim lo ṭhin, vai ho rengin an nawt rei in an uak ring thei mai, chuvangin ha nawh te hi hman hmawh lova kim taka nawh fai ṭhin tur a ni.

Kuhva te, zial zuk te hi sim ngawt harsa kan ti a nih pawhin a ti ve ngailo te aiin kan ka chhung a thianghlim dawn lo a ni tih hria ila a tihfai leh tal hi chu uluk ila, tui in tam bawk ila kan hriselna atan pawh a tha viau awm e.

36 Responses to “Kan ka chhung hi….”

1
ahooma_ Says:
April 14th, 2012 at 6:04 pm
Chhiar i la
Report this comment
2
ChhanaPa Says:
April 14th, 2012 at 6:21 pm
Post thianghlim tak a ni.
Report this comment
3
saint sammoo Says:
April 14th, 2012 at 6:22 pm
good post. Hman deuh khan marpara damdawiin ah kan kal a, ban leh bang remchang laiah hian lehkha an bel a, ‘chinai tat suh’ an ti dawn emaw ka tia.. ‘chinai tat rawh’ an ti daih. Lehkhaah chauh khan tah an phal a, a khah hunah an pawt thla a, chinai tat rawh tih bawk an tar leh thin..haha..
Report this comment
4
sheldon Says:
April 14th, 2012 at 6:23 pm
Post tha khawp mai. Mizo te hi chuan kan ka chhungah hian thil chi hrang hrang kan hnawhlut tam em bawk ani. Naupang te hi ha muat lo an awm pawh ka hrelo. Sahdah, Kuhva, adt nghei lah hi a har hlawm em em mai sia. Kei ka vannei a, ka ha ka sawisel lo hlauh.
Report this comment
5
sheldon Says:
April 14th, 2012 at 6:34 pm
Tunah pawh kuhva ka ei chak leh vung vung tawh. Nghei ka duh, ka thei bawk silo…huiz
Report this comment
6
ultimate Says:
April 14th, 2012 at 6:39 pm
Kei pawh kuhva hi chu ka ei a, a dang ho hi ka ti miah lo. Ka ha ka kher fai zeuh thin. Ha ah ka buai lo hlauh.
Report this comment
7
malsta27 Says:
April 14th, 2012 at 6:42 pm
Thianghlim tak hle mai a, post tha tak ani, chaw ei kham kuhva, thingpui hang leh sikret nen chuan a in mil lo top mai……..

Mahse TV a thusawi te han zah lohna chhan em tur chu a ni a ngem aw ka ti deuh, tin an ka chhung a fai avang khan an zahawmna pawh chu ka hmu chuang hlei law, an thusoi a kha a poimoh lai zawk a nih hmel si a. Kei chuti zawng chuan ka lo thlir ve ngai mang lo, tu pawh, eng ang mi pawh, eng ang pawn in chei se an thusoi lai a kha a poimoh ber tur ah ka lo ngai deuh va……….a dik em phei chu ka hre lova, an zahawmna an hloh na ah ka ngai lem lo.
Report this comment
8
PKfanai Says:
April 14th, 2012 at 6:50 pm
Meizial leh Sahdah hi chu ka ti theilo hrim hrim mai a, Mahse, chawhmeh uih ngainami ka ni si a, Kuhva hi chu Mouth Freshner atan ka hmang zauh zauh mai. Chu pawh mi hmuhlohah chauh. Mi hmuh dawn chuan kamthuah fai hmasak phawt zel a ngai.
Report this comment
9
caribou Says:
April 14th, 2012 at 7:12 pm
Kuhva hi chu nghei a har em a ni.
Report this comment
10
Soberboy Says:
April 14th, 2012 at 7:26 pm
Kuhva hi ka ei ve lo tlat
Report this comment
11
beethugs2 Says:
April 14th, 2012 at 7:41 pm
POst tha hle mai a..A postupa ha ka en chak e..a var sar duh hmel

Zanraih eikhawm, vawksa hmeh zana Kuhva hring thial chuap chuap pah a meizial pak khuk luih luih, TV en pah a thian hova han titi chuan ha nawh vel hi peihawm loh deuh mai nia anih..
Report this comment
12
Lamji Says:
April 14th, 2012 at 7:43 pm
Tha khawp mai; har khawp mai!
Report this comment
13
esh Hauhulh Says:
April 14th, 2012 at 7:49 pm
Van dik ve, paws tha e
Report this comment
14
Princess Ilefam Says:
April 14th, 2012 at 7:52 pm
Kuhva ka ei lo a, ka ka chhung poh fresh viauin ka hria. Post tha khop mai.
Report this comment
15
lrpa Says:
April 14th, 2012 at 8:13 pm
Kuhva eina ka chhung, ha dum thuau mai doctor hma a han an bui mai chu a inthlahrun awm duh khawp mai..
Kuhva hi chu ka ei peih reng.
Report this comment
16
lrpa Says:
April 14th, 2012 at 8:21 pm
Ha var sur, thaw rimchhe deuh hi a tha chuang miah lo..sap ho pawh hi tlai lam deuhah hi chuan min biak pah hian an in hup deuh tat zel, an confi bik lo..hmeltha pui puite hi belhchian an dawl vak bik lo ania..pum tan a hlauhawm lo chin a kuhva thial zeuh te hi chu ka sapawt zawk mah mah mai..
Report this comment
17
paeia Says:
April 14th, 2012 at 8:42 pm
Kuhva hi ka ei ve thin a. Ha erawh a chhunglam a sendum bet tha duh khawp mai. Ha nawh regu viau pawhin nawhfai phak loh hi awmzelin ka hria. Paws tangkai a ni.
Report this comment
18
burgerstud2005 Says:
April 14th, 2012 at 8:44 pm
ha tih fai peih a ngai khop mai..a mawi lo ka chhung bal deuh chu. kan colege kal laiin kan thianpa chu a thaw a uih thin lutuk a, ek tum a hmuam kan ti tawp zel..chhuah dawn hian kan thaw te hi a rim chhia nge rim chhe lo tih a check theih vek.tan i la ang u,
Report this comment
19
hlimthla Says:
April 14th, 2012 at 8:52 pm
Doctor ten Thlaihring hi a hrisel an ti, Chuti chu Kuva hring hi thlaihring dik tak ani, a Hnah pawh a hring, a Rah pawh a hring. .kan thenawmpa’n ati thin
Report this comment
20
sheldon Says:
April 14th, 2012 at 8:56 pm
Maisek a online hian kan phuisui khup
Report this comment
21
aduhi Says:
April 14th, 2012 at 9:04 pm
“Ka ka a tuilo, kuhva ka ei/meizial ka zuk/sahdah ka hmuam loh chuan” an tih hi a lawm a mak ka tih chu. Kuhva/meizial/sahdah hi ka ei/zu/hmuam lova, ka ka a tuiloh em em pawh ka hrelaw.
Report this comment
22
aduhi Says:
April 14th, 2012 at 9:07 pm
Mizo te hi zuk leh hmuam ti nasa kan ni tih kan hriatna chu thlalak ah hian. Hmui emaw lei sen tawk (kuhva ei sen), meizial lo keng hi hmuh tur an awm tlangpui.
Report this comment
23
aduhi Says:
April 14th, 2012 at 9:11 pm
facebook ah te leisen deuh chhuah hluia thlalak an lo post thin hi a nice lo ka ti. Aste a post chu tha hle mai ka vei zawng tak a ni. Nalh deuha inchei vura ha bal deuh sen deuh chu a hit lo tawp.
Report this comment
24
burgerstud2005 Says:
April 14th, 2012 at 9:13 pm
Aduhi sawi khi full support..mipa hian zir tur kan ngah zual.
Report this comment
25
Maisek Says:
April 14th, 2012 at 9:17 pm
Sheldon, ka online reng alawm… mai mai che hian kuhva ka ei ve thin… tunah tak hi chuan ka ei ta vak lo, ha sen hi mawi lo ka ti em ani….
Report this comment
26
Soberboy Says:
April 14th, 2012 at 9:29 pm
Kuhva ei tuam tuam office vel a an lo thut hi chuan an zahawm loh zo vek in ka hria
Report this comment
27
zualbonez Says:
April 14th, 2012 at 9:33 pm
ei ila…
Report this comment
28
sheldon Says:
April 14th, 2012 at 9:35 pm
@Maisek, online ringawt lova i rawn comment hian

Ka chhung fai ka duh, mahse kuhva te hi an zuar zel a
Report this comment
29
Dr Mahminga Sailo Says:
April 14th, 2012 at 9:40 pm
Kuhva ei avanga he sen ho hi chuan, ha an nawt uluk lo ve bawk, heh over tan erawh nawhfai reng a har mai thei.

Mautam documentary film (Nat Geo)-a Mizo scientist (?) khan kuhva a hmuam rengin ka hria… (NOI)

2008 khan kan thawhpui Mizo nu pakhat pawh, a thiannu’n, ‘Thiani bluetooth i nei em’ tiin a handset chungchang a zawt a. Ani fiamthu duh leh kuhva heh nawk si chuan, ‘Redtooth chiah ka nei’ a ti ve hmiah. Redtooth hmang chuan hla an inthawn thei ta lovin ka hria…
Report this comment
30
Dr Mahminga Sailo Says:
April 14th, 2012 at 9:49 pm
# 29..* ..bawk si chuan…

Ha tihvar nan, kuhva hi ka ei zeuh zeuh…
Report this comment
31
Asteric™ Says:
April 14th, 2012 at 11:36 pm
Kuhva hi ka ei lo tluk a nia, mahse ṭhianten min han ṭheh hi chuan ka ei ve leh zauha ka ti ve thei zel thova. Zial hi tun thlengin ka la zu ru bawk a Ka ha erawh ala var ṭha viau in ka hria. Zan men rei leh chaw ei mumal loh ṭhin avangin ka pumpui hi a chak vak lova, ka ha pawh hi a nghet lo mai thei, mahse ka rimchhia/thaw rimchhia hi ka nei ngai lo reng reng. Hnai tak tak a mi biak pawh ka la inthlahrung lo
Report this comment
32
pepe Says:
April 15th, 2012 at 2:05 am
kawmen chuh…. chil in ti put
Report this comment
33
kawlhawk Says:
April 15th, 2012 at 2:49 pm
Zuk leh hmuam i tih nasat PAUH leh a vuak let avangin ila inchhir ang
Report this comment
34
Asteric™ Says:
April 15th, 2012 at 7:46 pm
#33@zang-fâk-awm leh
Report this comment
35
Dr John Says:
April 16th, 2012 at 5:54 pm
Gud Post. Kei pawh 1989-a ka Pianthar atang khan Zuk-leh-hmuam hrim hrim (kuva, sadah, meizial etc.) ka sim hmaks. Rawngbawlna kawngah hian min ti-hnawk tlat-in ka hria a, piangthar tih atan ka duh lo. Hun leh hmun leh pawisa a heh bawk si, thiante bulah (a ti ve lo tan) a in-thlahrunawm duh si, Vawiin thlengin chakna ka nei ta hauh lo nia! (chuan Zu pawh) Ka Lawm E.
Report this comment
36
Asteric™ Says:
April 16th, 2012 at 9:31 pm
Correction (tumahin in lo hmu nange) Peel-pal bleeding tih khi Pulpal bleeding tih tur a ni e
Report this comment