Hmanni chu sms pakhat hi ka dawng a, “In lam ten an rawn hrilh tawh che em Pi Dengkungi boral tukin 11 vel ah” tiin. Kei chuan “la hrilh miah lo mai… A va zia lo ve aw…” tiin ka chhang let a. Tlai lamah ka nu in min rawn phone leh in, ka pi Dengkungi boral thu leh an in a han kal a, a haw mek thu min rawn hrilh a.
Ka pi boral hi mi thenkhat tana fiamthua an sawi “hmelhriat loh pitar thi” satliah ang mai a ni lova, Pathian mi ropui, kan kohhran nu nih tling a nih avang hian a chanchin hi kan tarlang ve ang e.
Eng tianga ka pi ve nge:
Pi Dengkungi hi ka pi ka ti tak na a, thisen a inzawmna kan nei hran lo. Mahse, kan pi ve em em a ni a. He pitar ropui tak hi Mizo hla tha tak phuah thin tu, Reckson VL Pachuau leh zai thiam Gracy te pi (a pa nu) a ni zawk mah a.
A tu leh fa te ka hre tam vak lo, Mahse ka hriat chhun chu tun hma lama, Home Guard hotu pa thin, Pu Malsawmliana nu kha a ni. Kan tet lai chuan Home Guard a Lal ber kan ti ve mai thin, chu mi nu chu a ni a. A tu leh fa te dang changchin hi ka hre tam lem lo.
Ka pi hi kan naupang laiin a in hi kan tal tam ve na a ni a, an naute nen kan in kawm avangin kan leng lut awl lova. Biak in bul a nih avang hian len luh mai hi a rem ve reng bawk a ni. Tin, ka pate-a te thenawm chiah an nih avang hian anni pawh hian min ti chhung in keini tan pawh kan chhung ve ngawih ngawih a ni thin reng a ni. Ka pi hian keini chhungkua min ngaisang ve tu, kan chhungkaw FAN zing a mi pakhat a ni ve tlat in ka hria a.
Kan tan chuan a uihawm zual a ni. Kan lehkha zir chawlh haw te hian ka nu hian “I pi Dengkungi nen in in hmu tawh em” tiin min zawt fo thin. Biak in kawtah hian min chibai in min lo lawm der ve thin em em a. A tu te Delhi awm te hi a sawi chhuak ve thin. Nikum lam Masi hmanga ka haw pawhin a tu te nen kan in hmuh thu te, kan kohhran a rawngbawltu pawimawh an ni thu te ka hrilh a.
Ka u pasal neih pawhin kan in a hla deuh a, a rawn kal thei lova, ka nu phei chuan Taxi a han hruai thlak a rawt hial a. Mahse, kan buai nek neka kan ti ta lem lo. Mahse, inneih chhang chu min lo pe ve dawn nia ti ngat a. Ka pu (ka nu pa) kha a in leng ve pa khat a ni a. Tun hma lam atang lo in hria an nih avang khan ka pu Aizawl a lo zin hian Pi Dengkungi hi a tlawh ve ziah thin bawk.
Pathian mi ropui ka pi te kha:
Ka pi hi pitar naran a nilo ka tih tawh kha, a tu leh fate ropui leh lar lam aiin Pathian mi ropui a nihn ni ka uar duh a ni. Kan kohhran lawina a nu nih tling, a khaiding tute zinga mi mi pawimawh tak a ni a. Kan lawina kohhran Zotlang-a Presbyterian Biak in hmun tur hi an pek a ni a. A pasal boral ta Lalliana hriatreng nan Biak in hmun tur an pe a, chu mi avang chuan Zotlang, vai veng an tih thinah Pathian Biak in ropui tak a lo ding ta a ni. A Biak in hmun zawng zawng hi an pek vek chu a ni hauh lo, mahse, Pathian tana Biak in hmun an pek hi a ropui tak zet a ni. Zotlang a mi hmasa an nih avang hian tun hma lam a mi la tlem lai phei chuan Zotlang khawtlangah hian nu leh pa chan an chan chang pawh a tam awm e.
Tin, ka pi hi rawngbawlna lamah pawh a phak tawkin rawnga bawl ve zel a. Kum 8 lai a zawnin Kohhran hmeichhe Chairman hnaa chelh hnuah kum hnih Vice Chairman a ni bawk a, Kohhran hmeichhia tan chuan nu chang a chang hle thin a ni. Aizawl kan luh ve hma hian Aizawlah ka pute bulah Masi kan hman pawh hian an in hi Masi in a ni tlat in ka hria a.
Tin, ka pi hi zing tawngtai inkhawm peih tak a ni bawk. Zing tawngtai inkhawm member te phei chuan an va ui dawn tak em. Tar chak lo tak a nih thleng hian inkhawm hi a la peih em em a. Amah ang bawk a tar chak tawh lo te nen hian kohhran hmeichhe thutna tlar hma lam hi an lo luah lum tha em em thin. Tunah chuan ka pi chuan Van kohna chhang in, an veng pa, Pu C. Thangkuma, hla tha tak “Zing thla zarin” tih phuahtu te “Inkhawm pui tiak tawh lo” hmang turin a han zawm ta bik a ni.
Ka pi, aw ka pi te kha :
Ka pi te kha vairamah ka kal leh dawn te khan a tute chawhhmeh thawn a duh thu te min hril a. Mahse, ka kal dawn chuan in a tute chu Delhi atanga an zin chhuah lai a lo nih vangin a thawn ta lova, lehkhathawn leh cheng 100 min rawn thawn tel a. Lehkha leh pawisa hi ka unaupa (cousin), an thenawma mi rawn thawn a. Kalkawnga ka thingpui man a cheng za min lo thawn chu “Aw a ngai lo sin le aw” tiin thawn let leh dawn pawh ni ila thil tih chi a ni silova, lawm takin ka la ve ta nghe nghe a.
He lei dan in kum a tam a, a lo chak lova, rim taka a rawng a bawl thin Krista kohna chhangin min lo liam san ta a. Kohhran ang leh khawtlang angin pawhin a uihawm em em a, mahse natna te hriat ngai tawhlohna ram a kal ta si. Pathian zarah dam takin Mizoram te kan chuang chhuak leh thei a nih ngai chuan Biak in kawt a min lo chibai tu tur, ka pi kha a awm dawn ta lo. A va hrilhaithlak dawn em. Zing tawngtai inkhawm pawh kal ila a fapa te chhungkua hmel bak hmuh tur a awm dawn ta lo. Biak in a thutna thin pawh a ruak dawn ta si a….
Similar Posts:
- Open letter to Rev Vanlalzuata by M. Lalmanzuala
- A lo ni ta em?
- Min vei ve la
- Khawtlang nun siam thatnan inkhawm
- Bangalore Titi
ps. Model ngawr2
April 24th, 2012 at 7:22 pm
1st phawt ila. Chuan ka chhiar ang.
Report this comment
April 24th, 2012 at 7:32 pm
Lalignatia a ten Chhim mi hrang Rev HS Luaia chanchin an dahna bul a, ka pi chanchin famkim mang lo han dah ve chu ka in sit deuh roh ka ti. Ka thuziak hi a famkim lo bik em a. Mahse, Pathian mi ropui pahnih kan zalh dun ah ka ngai ve hmiah.
Report this comment
April 24th, 2012 at 7:39 pm
Report this comment
April 24th, 2012 at 7:55 pm
ka pi (ka pa nu, kan cheng ho)in sunday apianga cheng khat mi pai thin khan rual ka awt lutuk tur mi chhawk khawp mai, sikul bana bal mi chhum sak a tui theih zia te kha aw…..Gud post
Report this comment
April 24th, 2012 at 8:11 pm
Kapi ( Ka pa nu) khan a dam lai khan ka u missionary a awm bo nen hian min tawngtai sak thin a,kha tih lai khan ka u kha Damcherra-ah a thawk thin sia, an tawngtai tak tak mai chu kei pawh Damcherra college vel a kal ten min lo chham thin ni awm tak a ni….pi leh pu te in a kan lo zalen thin zia te kha ka ngai ngawt mai. Naupan lai khan Chawthing bar ngamna tak tak chu kan pi te in deuh chiah hi a ni asin.
Report this comment
April 24th, 2012 at 8:15 pm
Chhingdaite: I pi chanchin hi a ngaihnawm lutuk e! A hnathawh hi kohhranin an la tel dawn chauh ang. Malsawmna pawh a tu leh fa te tan a hnutchhiah teuh dawn a nih hi maw…
Good Post.
Report this comment
April 24th, 2012 at 8:19 pm
Etak a, Kan OT lawk aw Ignatia, Hmanni chu Vaivawm ka sawi a, tui ve viau emaw ka in ti a, mahse, Ignatia, a hei ka tluk loh in ka hria a ni chuan hlohtlawhna ah pawh a live commentary a ngaithla peih ka ti a. Chutiangin hlotlawhna ah ngaithla turin hlothlawh bachground a nei lo ang, Mizoramah live in ngaithlak tur a awm a mi an ti a. Engtin nge ka chhan dawn le….
Report this comment
April 24th, 2012 at 8:24 pm
Mi fel tak hi he khawvelah hian an lo awm ve zel thin reng a ni.
Report this comment
April 24th, 2012 at 8:27 pm
Eeee Chhingdaite a za hle mai. A za lutuk! ha ha ha
Kan topic nen a inpersan deuh mange. Mahse a hlimawm alawm tiraw.
I thiante chuan min lo hre ve deuh reuh em ni aw… hlo thlawh hi chu First term leh Second term exam zawh ka hawn apiangin ka hmaih ngai lo. Tin, AIR hian LIVE COMMENTARY or RUNNING COMMENTARY an pe reng thin a lawm, tunthleng hian. Live commentary an pek thin avang hian AIR News puan hun pawh hi a buai fo thin reng a ni. Tin, AIR Delhi hmehchhuah hi Aizawl Station hmehchhuah ai paw’n a awl zawk.
Ka chhungte leh ka khua lama mite pawh hi Cricket lamah chuan keima baptist vek an niin ka hre ve. Pastor leh Upate lamin engtin mahin min chuh buai tur a ni lo… ha ha ha
Report this comment
April 24th, 2012 at 9:09 pm
I rilru a a tlak nat dan tur chu ka hrethiam e. Hetiang mi rilru thianghlim hi Mizo zingah hian engzat percent nge la awm ang le. Hetiang mi, an vanram kai leh kai loh tur a inhnialna leh rinthu sawi ngai miah loh tur ang chi hi…
Report this comment
April 24th, 2012 at 9:51 pm
Ingnatia ka lawm e, Awle post a comment zui theih tawh ang…………
Report this comment
April 24th, 2012 at 10:16 pm
Report this comment
April 24th, 2012 at 10:56 pm
Vanduaithlak takin ka pi te ka pian ve hmain an boral a, mahse “Pi” dang Pathian in min pe teuh!..
I pi hi a ropui hle mai. Inkhawm na ah hian tar ho an thu tham thin hi inkhawm an ti nuam. I pi thutna thin ruak ta chuan lungatileng khawp ang.
Report this comment
April 24th, 2012 at 11:14 pm
Chhiar a va nuam em!
La dam te hian he lei hi thlahlel thin mah ila, kal hmasa te chuan an ngai awm tawp si lo…
Report this comment
April 25th, 2012 at 12:23 am
Khawnge lawmthu kan sawi leh teh ang, Ka post te min tan bun sak loh avangin Admin ho chungah lawmthu ka sawi nawn leh mawlh mawlh e. A tawngkam dik lo te siam th silova tan bun kha ka haw tlat a……
Report this comment
April 25th, 2012 at 12:53 am
A ngaihnawm e. I pi pawh pi ropui tak a ni e. I thisen zawmpui ngei phei chu a ropui lehzual dawn a nih awm hi maw… ‘uihawm’ ni lovin, ‘uiawm’ tih tur, ti hram teh ang.
Report this comment
April 25th, 2012 at 1:08 am
Sori ri… Tuaisial, a mak deuh chu article hi za chuang dawn chu ka tuk pum ve tawh a, mahse Mizo tawng hi ka ziak dik thei der lo, Min hauhna tam ber a ni e. Min hrilh zel rawh u.
Report this comment
April 25th, 2012 at 2:18 am
Hetiang chi hian rilru a khawih duh riau. Hawn changa min lo ngaisang ve tu leh min lo kawm keuh keuh tute an han kal pheuh pheuh mai hi chu a khawhar thlak duh thìn khawp mai.
Report this comment
April 25th, 2012 at 8:09 am
Rawngbawla chhuah changa Pitar thlarau-mi tak tak, thuhriltute min ngaihlu em em ten ‘artui’ 1/2 lek rawn hum a, min rawn chibai thin te kha a va hlu em! I post ka chhiar hian ka hrechhuak vawng vawng mai!
#3 sawi ang khian, Kum upa-ho hian ‘lam tual leh Pathian fakna’ hi an lum berin ka hre bawk. Zing tawngtai-te hlei hlei hi…
Report this comment
April 25th, 2012 at 11:11 am
I pi chanchin a ngaihnawm e. Kohhrana mi tangkai leh hlun tak an han boral a, Biakina an thutna thin a han ruak hiai mai te hian lung a tichhe thin a sin! I pi hi mi tha, hriatreng tlak a niin ka hria.
Kei pawh hi pitar awm seilen zinga mi ka ni ve a, i pi chanchin hian ka pi kum tam tak liam taa min boralsan ta kha min ti hrechhuak rum rum mai. Good post.
Report this comment
April 25th, 2012 at 11:14 am
A ngaihnawm dap dap hle mai
Report this comment
April 25th, 2012 at 6:24 pm
Tar chak lo zawk te hmangaih a ngaihlutna chang hi Mizo te hian kan hre ve deuh deuh niin ka hria…..A lawmawm tak zet zet a ni.
Report this comment