YMA chuan ‘Khawtlang nun siamthat’ kumpuanah a nei mek a. YMA hi a dintirh chuan Kohhran nena inngheng tlat a ni a, ‘Kristian nun dan tha ngaisangtu’ pawl a nih avang leh YMA-in ‘Khawtlang nun siamthat’ kumpuana a neih mekah ‘Kohhran Inkhawm ngaih pawimawh’ hian nasa taka kawngro a sut theih avangin ‘khawtlang nun siamthat nana Kohhran Inkhawm pawimawhna’ hi theih tawkin kan sermon ve teh ang.
Kohhran Inkhawmin eng nge an tih ? Pathian hminga ringtuho inpawlkhawmna, Pathian biak, fak leh chibai bukna Inkhawm a ni a; Pathian ram a zau zelna tura ringtuho intuaitharna, nun dan tha nei tura ringtute intihchak tawnna leh Pathian thu atanga nun dan tha zirna hmun pawimawh ber a ni.
Khawtlang nun siam thatnan inkhawm uar ! – Miin nun tha a neih theihnan Pathian thu a awih a ngai a, Pathian pawl tam lo chuan sual thlemna a tawng hnem a, a hneh lo nge nge thin. Pathian thu awiha, nun dan tha nei tur chuan Pathian kan pawl hnem a ngai a, kan intihchak tawn a ngai thin a ni. Pathian hminga ringtuho inpawlkhawmna Kohhran Inkhawm hian ringtu chu nun dan tha a kawhhmuh a, a zirtir a, a tichak thin.
Chuvangin Kohhranho Inkhawmnaa telten Pathian thu atangin he khawvela nun dan tha leh chatuana nunna thlengin an zirin an chang thin a. Chu nun lo par chhuak chuan mimal nun atangin chhungkuaah, chhungkua atangin kan khawtlangah chenhona nuam a siam thin. Khawtlang nun siam thatnan a chhunga chengten nun tha nei turin Pathian Biak Inkhawm kan ngaihpawimawh a, kan uar zel a tul hmasa ber a ni.
Inkhawm ngaipawimawh Vrs ngaipawimawh lote – Mihring tumah tha famkim a awm theih loh; hetihrual hian a tlangpui thuin Kohhranho Inkhawm ngaipawimawh tlat mi chuan inkhawm ngaipawimawh lote ai chuan sual thlemna a tawk tlem nge nge thin a, sual do kawngah a chak zawk thin. Midangte tana harsatna thlentu nilovin malsawmna thlentu nih theihna kawng dik a zawh nge nge thin bawk. Midangte tana harsatna thlen thintute hi kan khawtlang nun ti nuam lotute chu an ni.
A tlangpui thuin inkhawm ngaipawimawh lo chhhungkua aiin inkhawm ngaipawimawh thin chhungkua an hlim a, an hmuingil a, chenhopui an nuam a; sualna te, harsatna te leh buaina tein an chhungkuaah hmun a chang tlem zawk thin. Inkhawm ngaipawimawh tlat thin chhungkaw keh darh ta sawi tur an vang hle, inkhawm tlat thin chhungkua-ah innghirnghona boruak sawi tur a tlem em em a. He chhungkaw hrang hrang awmkhawm hi kan khawtlang siamtu an nih avangin khawtlang nun siamthatnan chhungkaw tinten kawng dik kan zawh a tul a; kawng dika min hruai theitu Kohhran Inkhawm hi chhungkuaa kan ngaihpawimawh hmasak a tul a ni.
Kan khawtlangah tunge Lal ber? Lalbera kan neih, kan nun min thunun thintu hi tunge/enge a nih tih kan inzawh fo a ngai. Kan khawtlangah hian Krista’n Lal berna hmun a chan loh chuan engti kawng zawng pawhin bei thin mah ila ‘khawtlang nun siamtha tur hian kan hlawh chham thin ang’. Khawtlang nun siamthat duhtu Kohhran mipui, tlawmngai pawl, mimal leh chhungkua zawng zawngten bul tanna dikah bul tan tha ila, kan nunah Krista Lalbera nei chunga kawng dik zawh tur leh intuaithara, chakna la thin turin Pathian Kohhranho inpawl-khawmna Inkhawm i uar thar ang u.
Similar Posts:
- Inkhawm ti tlem ila!
- Val-Upa
- Kan kohhran hruaitute
- Kan kohhran hruaitute
- Khawtlang leh Kohhrana hruaitu nikawp te
August 8th, 2010 at 8:48 pm
1st ah chuan…post thra tak ani!
Report this comment
August 8th, 2010 at 8:51 pm
K edit thei miah lo!
Report this comment
August 8th, 2010 at 8:52 pm
Mi tam takin ‘inkhawm tlut tlut pawh hi engmah a ni lo’ an ti fo fahran a; inkhawm loh tlut tlut hi engmah a ni lo lo zawk lo maw?
Report this comment
August 8th, 2010 at 8:53 pm
Khawtlang nun siamthat nan chuan inkhawm chu tangkai tak a ni.. In zirtirna hmun a ni si a. Pathian hi kan nunah first phawt se a tha. Chhungkaw tinte in lama zirtirna tha hi a pawimawh zual berin ka hria.
Report this comment
August 8th, 2010 at 8:53 pm
Fanghmir cylinder pu ang mai ka ni,ka hul hiau mai
Report this comment
August 8th, 2010 at 9:32 pm
A dik khawp mai..Inkhawm ban trawngtrai (tawngtai tih ai chuan ka duh zawk ) rualah Sual tura thlemna ah min hruai lut suh ang che…Misual lakah chuan min chhandam zawk ang che…Ka dam thrat lai khan inkhawm hun laia ka inkhawm loh lai hlirin thilthra lo ka tawng nia…!!
Report this comment
August 8th, 2010 at 9:37 pm
Inkhawm chu a pawimawh viau laiin; chhungkaw in enkawlna tha hi a pawimawh zawk in ka hria.
Report this comment
August 8th, 2010 at 9:41 pm
#8 .. trawngtai tih ai chuan tawngtai tih hi a tha zawk lo maw
#9 chhungkaw in enkawlna tha tak hnuaiah inkhawm thin ta ila i tihna a ni maw ?
Report this comment
August 8th, 2010 at 9:43 pm
A dik khawp mai chhungtin te hian inkhawm uar in Pathian hi zah tlat ila chhungkaw tin ten kan chhungkua theuh atangin kawng engemaw tal in kan khawtlang kan siamtha thei ang.
Report this comment
August 8th, 2010 at 9:48 pm
Amen, ThaiBoy and Siakzapauva!
Report this comment
August 8th, 2010 at 9:52 pm
Tun dinhmunah Mizo Kristian-te tan chuan Kohhran inkhawm-a tel tam tluk hi chu a awm lovin ka hria.
Inkhawm apiangah tel thei kherlo mah ila Sunday-ah tal hi chuan chhungkuain inkhawm dial dial thei ila a la hlu ber maiin ka hria …
A tlangpui thuin chhungkaw pa leh nu ber atanga inkhawm ngaihsak tlat lo chhungkua chuan sual do tur a ngah nge nge chuan ka hria. Inkhawm tlatte pawh sual chuan a bei lo chuang lo …
Report this comment
August 8th, 2010 at 9:58 pm
#Thaiboy @9 dik deuh dawn dawn a,
(nupui fanau nei tawh leh la nei tur te tan)fate inkhawm leh rawngbawl a chhuahsan reng lovin a theih ang rawngbawlna kalpui leh inkhawm pui hi a thra ang..
Report this comment
August 8th, 2010 at 10:02 pm
#14 a dik khawp mai …
mahse kan ti hram teh ang rawngbawlna leh activities hrang hranga nu leh pa chhuah tam lutuk hi chu ngaihtuah chian a ngai khawpin ka hria … mahse kohhran inkhawm nen chuan a dang tlat
Report this comment
August 8th, 2010 at 10:15 pm
Inkhawm hi peihlo hle mahila, ka tan bawn tawp. Ni 6 chhung mahni hna kan thawka, ni khat lek tal Pathian tana hman hi chu ithlahthlam lo hram ang u aw, kan hnam hi chuan.
Report this comment
August 8th, 2010 at 10:18 pm
#lzboi khar@10 trawngtrai tih hi kum 100../Kum 1000 a lo liam leh hunah thrangthar ten an chhiar fuh theih nan ka ti ma le..!!/!!!
Tin, comment 9-na i’n tuihnih zauhna khi ka pawmpui bawk a che..!
Report this comment
August 8th, 2010 at 10:27 pm
Post thra tak a ni a, mahse a effective chiah chu ka ring lo….
Report this comment
August 8th, 2010 at 10:35 pm
#15 hetiang renga sms language !!? nena kan kal reng chuan i sawi khi a dik hun a la thleng mahna … chutih hunah chuan Mizo tilovin Mizhou-te pawh kan la ti mai thei a ni
Report this comment
August 8th, 2010 at 11:12 pm
A tlangpuiin inkhawm mi chu inkhawm ngailo ai chuan an lak tlak deuh nge nge thin…
Mahse khawtlang nun siam that tan na tur chu chhungkua hi ni in ka lo hre ve deuh a… :inthlahrung deuh in:
Report this comment
August 8th, 2010 at 11:14 pm
Inkhawm hi a va tha in a va pawimawh em? Inkhawm hian nun hi vawn chin a nei khawp mai. Inkhawm hun laia, khawlaia naupang vak del del emaw, in pakhat a, puitling, lo indeng leh carrom lo pen luih luih hi, rirua kan ngaihdan chu a dang ngawt ang. Mahse inkhawm hi ka va han harsat tak em… ‘Inkhawm leh inbual hi a dawnah a peihawm lo a, mahse a zawh hnu chuan a in chhirawm loh’ an lo ti hi a dik ngawt in ka hria…
Report this comment
August 8th, 2010 at 11:52 pm
Inkhawm khat deuh pawh ni ila, inkhawm chhunah hian hlawk ngei tum tal ila, a tha. Inkhawm khat naka laia inkhawm chhuna mutthluk kuit vek mai hi chu a fuh lo.
Inkhawm peih loh pawhin mi inkhawm lai tal hi chuan lo in khawm lo bawk ila.
Ka chung ami ka sawi chhan :lol: NOI
Report this comment
August 9th, 2010 at 12:08 am
Kawnga…hahaha… Inkhawm lai, a bik tak in ‘sande sikul’ lai hi chuan, misual a lo luh hi chu ka insum hram hram zel… :lol:
Report this comment
August 9th, 2010 at 6:58 am
Mitilreh kha a inkhawmna a hla tham khawp. Ethiopia ram atangin Jerusalem Temple-ah a inkhawm. Engmah a pawchhuak lo.
Hawn kawngah hmuh fiah tur a hmu fiah ta chauh a nih kha. Inkhawmna hrim hrimah hian Krista hmuh fuh hi beisei vak chi pawh a ni chuang lo. A kaida te hi a awm ve tlat!
Report this comment
August 9th, 2010 at 7:36 am
Inkhawm pawh hi a tha, Kungfu pawh kha a la tha ta fan chuan ka hria a….
Report this comment
August 9th, 2010 at 7:38 am
#23 … Kungfu kha keipawh ka la fuh lutuk tlat … Solfa pawh a pawimawh kha
Report this comment
August 9th, 2010 at 7:58 am
Sundaya kan inkhawm hi a tha e. Hei baka zanlam inkhawm leh Kohhran Programme tam lutuk hi kan ram tan hian a thalo ka ti khawp thung.
Report this comment
August 9th, 2010 at 8:18 am
Mizote anga inkhawm ngaina/taima an awm chuang dawn em ni! Thalai inkhawm taima tan Chawlhniah vawi 4 a awm! Thawhtan zan, Nilai zan, Inrinni zan…..
Zirlaite hi inkhawm tlut tlut lo a mahni zirlai ngaipuimawh zawk turin fuih ila, ‘Khawtlang nun siamthat’ nan a tha zawk lo’ng maw???
Report this comment
August 9th, 2010 at 9:23 am
inkhawm tam chu tha ve tho mai,kar khat chhung a inkhawm hun hi thalai nih phei chuan tam deuh ania,KTP tawngtai inkhawm te nen phei chuan,thilsual tih nan hunawl awm lo deuh nge nge…
Report this comment
August 9th, 2010 at 11:15 am
Ka post a bo daih. Tu thaibo nge? Ka ziah chu inkhawm lama kan problem solve chi ani lo, Corrpution kan do phawt a ngai.
Report this comment
August 9th, 2010 at 11:33 am
@ Sony: i ziah laklawh lai a bo (submit hma) nge a in publish tawh hnu a bo?
Report this comment
August 9th, 2010 at 11:36 am
Sadnman pawh hi Sairangah Balu an la thin a, chuta tang a rawn in ti Sandman chho vel mai mai chu a lawm le a nih le.
Report this comment
August 9th, 2010 at 11:43 am
@ sony, Sandmana zing tho fuh lo in alo delete palh anih kha
Report this comment
August 9th, 2010 at 2:03 pm
Sandmana chu a zung zo tawh em?
Report this comment
August 9th, 2010 at 7:20 pm
Inkhawm hi a tha a lawm, mahse tihluihna avanga inkhawm chu tha lo hlein ka hre thung.
Zaipawl atan phei chuan Zirlai inrawlh tir loh hrim hrim hi a tha ber in ka ngai……….
Chhungkaw Nu ber inkhawm uar lutuk pawh hi inchhungkhur lam an thlah thlam chuan a tha chuang lo.
Nula/Tlangval inkhawm bang hla zir thin hi nu leh pa te’n kan chhuizui fo pawh a tha ang. An hlabu/bible dah thain Party-na lamah an kal fo thei. Inkhawm chhuanlam a hmang hi kan thalaite zingah an tam mai! Inkhawm paw’n chhungkuain ni thei se la…..
Report this comment