«
»

Thawnthu ho mai mai..

April 24th, 2012 6:30 am by LaMea CâcTùs FLh

Karthum kalta:
Zan dar 10 a pel tawh a khawlaia mi veivak pawh an tlem pharh tawhin vengthlang lam in pakhat pawh chu a ngai te a dingin a reh thiap a, tukverh atanga eng chuai tak lo eng chhuak riai riai chuan chu in maldin te chu ati khawharthlakin lungleng mi tan chuan Zirsangzela hla “Luahloh run” tih ngaihtuah chhuaha hnuk tihulh mai te pawh awl tak tur ani. Chutah, kawngkhar a rawn inhawng thuai a,
“Zothanpar, chawei siam teh. Mahse, ka ei dawn chuanglo”
“A rawn rui leh ta kati, a mak thei em mai”
“Ka duh leh ka rui anga, ka duhleh ka rui lo ang’
“Ninawm lutuk, mama te school fee pawh pek a ngai tawh a, pawisa ka neilo i ti leh anga. Ruihna tur chu nei reng si, em em lutuk”
“Hmeichhia si, iva tawngthei e. Ka beng hawi sawk dawn che mawni le, nge ka ma mai tur che asin”
“In office a, i bialnu nen in intihthinrim apiang lah hian inchhungkhurah i tuan ziah leh nghal a. Tiang reng reng chuan ka peih rei pawh ka ring love”
“ Enga i sawi a, hmeichhia zawkin inthen i cho alo, i duhleh chhuak nghal rawh”
“Inthen ka cho kati ami. Aw, i duh phawt chuan ka chhuak nghal ang”

Karhnih kalta:
“Mami, i lung te a leng em”
“Ka Pa hi a, leng teuhlo mai. Hei vawin chu mama school kalna tur kava en a”
“I va hmanhmawh ve, Mami i rilru chu ka hrelo a. Kei chuan inthen hlen chu tha kati miahlo, mahse kan fanu ina ka nei peihtawhlo i tih chuan ka nawr luilo ang che”
“Nia, ka Pa ka hre biklo. Zu rui reng bula awmchu ka ning thin alawm. Tunah rih chuan haw leh chakna pawh ka neilo hrim hrim”
“A dik alawm, Lalngaihawma hi hetiang ani tih a tlangval lai khan lo hria ila ka neihtir lo ang che. Ka fanu i ni a, hreawm i tawrh chu ka phallo. A tul leh i Pute ka bia anga, a rang lamin bungrua lak tur ani”

Veng lehlamah
“Mama, i Pa nen kan titi dun a, Partei hi kan ko leh mai dawn ami”
“A ka Nu, a duha chhuak ani a, ka ko lo ang. A hrim hrimah inthen a cho teh arh lutuk a, a hmeichhia zawk si”
“Aw, i thiamlo ve bawk alawm. Zu te hi in in nasa lutuk a. Tu hmeichhia in nge tlin ang”
“Ninawm, atu te pawh hian mi hi indem vek a. Heihi alawm kan buaina, in tan zawk tihhi a hre teh ar lutuk a, a pasal pawh min zah tawhloh hi. In duhleh neileh ru, keichuan ka ko dawn lo hrim hrim”
“A mak vak vak, i thu thu le.. mahse inthen hlen chu ka remti miahlo ania. Bawihpuia a fahrah tur kan phallo”

Karkhat kalta
“Thiannu i awm maw, enge i tih a”
“ Ka awm mai mai, iva ngaihawm ve, leng reng rawh, tunlai chu ka khua a har ania”
“A niang, thiannu inhruai leh mai ru. Hei kar 2 lai ani tawh a. Inthen hlen te kha inlo tum ange”
“inhruai lam pawh a langlo, bakah ka Pa hnenah kut min thlak te kha nizanah ka hrilh a. A thin a rim lutuk, kir a ngai tawhlo. Bazarah dawr ka lei sak ang che nga, Bawihpuia pawh shillong ah kan dah dawn nia ati’
“Thiannu chu, tinge i hrilh a. Thinrimna hi chhungte hrilh vek a ngailo.. Keipawh ka tlan duh tawhlo.. Kar hnih a liam a, lung a leng tan a chhungte an thinrim tan dawn chauh si, a buaithlak ania”
“Ha3, thianu hi. Taktaka, U Ngaiha hi chu a rilru te a tha a, a zu in hi ani mai. Keipawh hi ka thinchhe lutuk alawm mawle”

Nizan
“Ka Nu, Partei chu va hruai tawh mai ru. Lunglen vang pawh anilo, Bawihpuia ka ngai tlat”
“Nia, i Putea te leh Pa Sawia te va kal rawh se. Zu te hi nghei tumla, fate tih fahrah hi a thalo”

Tukin zing
“Mama pa, kha i thingpui tur. I vat ho harh hma zawk ve. Nizan i chet nasat nen  “
“Mama nu thin hi a, ka che nasa nge i che nasa aw  “
“I chhe hek huk  “
“Vawin chu office kan bang hma ang, bazar te i duh em. Bawiha khan JCP control theih kha a awhna a rei tawh riau mai a. Bakah i thawmhnaw tur te pawh kan lei dawn nia”
“Ka hrelo, school ah kava kalpui phawt anga. In office ah ka rawn sawm phei ang che”

Thlahnih hnu
“In mu tawh alo, Zothanpar chawei rawn siam teh. Tinge ka office bang pawh min nghahloh”
“A rawn rui leh ta, ninawm”
“Ka duhleh ka rui ang, ka hlawh ania ka thu thu”
“Tiang reng reng chu ka peih rei lo ang”
“a hmeichhia zawkin inthen i cho ziah le, i duh leh haw rawh”

Similar Posts:

Recent Posts:

This entry was posted on Tuesday, April 24th, 2012 at 6:30 am and is filed under Fiction, HAHAHA. You can follow any responses to this entry through the RSS 2.0 feed.

37 Responses to “Thawnthu ho mai mai..”

  1. 1
    Dave Chhangte Says:
    April 24th, 2012 at 7:07 am

    Hahaha…

  2. 2
    PKfanai Says:
    April 24th, 2012 at 7:13 am

    Buaithlak awm hle mai. Hetiang hi an la awm tak tak angem le?

  3. 3
    Sãñgpüîípã Says:
    April 24th, 2012 at 7:21 am

    a post tu hi nizan i che na chiang. :-P

  4. 4
    saint sammoo Says:
    April 24th, 2012 at 7:22 am

    i tih sual hi a langsar bik tlat zel..haha.. eg. lo leng rawh… tih turah ‘leng leng rawh..’ adt.. ELKL.. Gud post..

  5. 5
    khirhkhak Says:
    April 24th, 2012 at 7:59 am

    Experiance ziak a ang e, ha ha ha.

  6. 6
    Master Kim Says:
    April 24th, 2012 at 8:02 am

    Hetiang thawnthuah hi chuan a character hi veng tin deuh thawah hian an awm ka ring. Nupa inthen zing takte tihdan tlangpui a niin ka hria.

  7. 7
    sheldon Says:
    April 24th, 2012 at 8:12 am

    Hahaha!

  8. 8
    pichu Says:
    April 24th, 2012 at 8:42 am

    ka nui e

  9. 9
    Dr John Says:
    April 24th, 2012 at 8:49 am

    (Y) A tak tak-te pawh chu a ang deuh roh e,

  10. 10
    buh-duha Says:
    April 24th, 2012 at 9:21 am

    I ziak kawi nuihzatthlak thiam hle mai

  11. 11
    Dr Mahminga Sailo Says:
    April 24th, 2012 at 9:26 am

    (Y)

  12. 12
    aduhi Says:
    April 24th, 2012 at 9:46 am

    Lalngaihawma hi chu aww…. rilru a van tihah thin tak.

  13. 13
    Dr Mahminga Sailo Says:
    April 24th, 2012 at 10:02 am

    Dik chiah, Lalngaihawma hi, a ngaihawm lo ve chiang a nia… :-D

    Kan veng ami, Pu Vala (fam), zurui kha chu a’n awlsam em em thung khawp aaa(h).

    Zanriah la ei miah lovin, Zu rui chungin lo haw se; chaw bel a’n hawng a, chaw a lo awm loh chuan ‘e, chaw ka ei tawh a ni maw’ a ti mai a. A mu mai zel. Chutiang bawkin, chaw ei khamah lengin, zu in mah se; a tihdan thlak chuang lovin in a thlen vel leh chaw bel a hawng a. Chaw a awm chuan, a ei mai a. A duh tawk mai thin.

    A dam chhung zawnga a nuih thui ber erawh ‘HEHE’ tih chiah a ni! :-D

  14. 14
    zawlpala Says:
    April 24th, 2012 at 10:29 am

    Hahaha. Hahthlak awm ve aw…

  15. 15
    Levi Says:
    April 24th, 2012 at 11:16 am

    Buaithlak ve…a hlim awm phian. Tukin zing khi… :p :p

  16. 16
    lrpa Says:
    April 24th, 2012 at 11:50 am

    :-)
    A thawnthu hrim hrim chu thudang nise, hetiang style hi a standard a sang ka ti khawp mai (Y)

  17. 17
    LaMea CâcTùs FLh Says:
    April 24th, 2012 at 11:54 am

    Lrp nixan i chena ve em :-D

  18. 18
    lrpa Says:
    April 24th, 2012 at 11:56 am

    17 Lame..na e, kg 80 chunglam hi chu a lapaw chet theih tak tak loh.. :-D

  19. 19
    CFL Says:
    April 24th, 2012 at 11:58 am

    Entir a nei tha hle mai. Good post. (Y)

  20. 20
    mr.Duhlova Says:
    April 24th, 2012 at 12:02 pm

    Thawn thu ho mai mai a ni lo, zirtirna leh in enfiah na tur tha tak a ni in ka hria… (Y)

  21. 21
    Jacka Pi Says:
    April 24th, 2012 at 12:32 pm

    A va tha reuh e

  22. 22
    LaMea CâcTùs FLh Says:
    April 24th, 2012 at 12:36 pm

    Jacka Pi, “in pain chawei siam rawh, mahse ka ei dawn chuanglo” ati ve ngai em :-)

  23. 23
    Jacka Pi Says:
    April 24th, 2012 at 12:55 pm

    Lamea #22..naaahhh…chaw kher kher hi chu a duh ve em…a ei lo phal lo ;-)

  24. 24
    chhingdailova Says:
    April 24th, 2012 at 1:09 pm

    Tukin ah khian i ti tawp mai lo a lawm le aw…………

  25. 25
    bbney Says:
    April 24th, 2012 at 1:44 pm

    Ka nui. (Y)

  26. 26
    malsta27 Says:
    April 24th, 2012 at 1:55 pm

    Zu an va buaipui chhungkua ve, Zu in a tih buai theih a nei a ni maw? :-D :-D .

  27. 27
    LaMea CâcTùs FLh Says:
    April 24th, 2012 at 2:44 pm

    Chhinga, Tukinah khan kanlo titawplo ani. Nizan i ngaihtuah ani chiang

  28. 28
    Dr Mahminga Sailo Says:
    April 24th, 2012 at 3:27 pm

    Thuziak kualkawi dan i thiam ngawt mai… (Y)

    Pu LaMea CâcTùs FLh, ziak fet thiam bawk si. I zei ngawt ang.. :-D

  29. 29
    LaMea CâcTùs FLh Says:
    April 24th, 2012 at 4:14 pm

    Dr.Mahminga :-D ka zeilo anh hi, nang chauh titu pawh kanla tawnglo

  30. 30
    lr hlonchhing Says:
    April 24th, 2012 at 6:31 pm

    Lamea le(h), ziak ngaihnawm nuihzatthlak ang reng bawk si a. Nakainah Mahminga hi nula kan la rimpui dawn nia. A in sawi zei lo vel a, a zei leh ei loh test nan :-P

  31. 31
    LaMea CâcTùs FLh Says:
    April 24th, 2012 at 6:38 pm

    Mahminga hi maw? A zei th ka chiang ltk. Sihphr nuthlawi pawhin a bem thluk theihloh anh hi. Keizawng, engmah kani lo

  32. 32
    Nguntang Says:
    April 24th, 2012 at 7:52 pm

    Kan vengah pawh nupa, pa zawk zu rui reng thin,nu zawk mihlim rui chi an awm a.A nupui chuan,”Chhungkaw pa ber si, rui reng ringawt mai…” tiin a hau a.A pasal ve thung chuan,”Nangin thlarau lam i rui a, keiin zu ka rui bawk a, kan rui ve ve; kan ruih a inanglo a ni mai alawm” a ti a.A nuihzatthlak ve duh ang reng phian!

  33. 33
    mr public Says:
    April 24th, 2012 at 8:53 pm

    ka’n nuìh huk chu le!lame-a nge2 ziak thiam hle mai!

  34. 34
    TuaiSialA Says:
    April 25th, 2012 at 1:32 am

    Khai, a va ngaihnawm ve! Ka nuih a za lutuk. :-) A tha phian bawk si a. Tunlai Mizoram nupa tam takte dinhmun leh nihna ngei a ni e. Nutling patlingte pawh naupangchhia anga an awm chang a tam thin khawp. :-D

  35. 35
    Chhinga Says:
    April 25th, 2012 at 8:19 am

    ava hlimawm ve… tukin zing reng mai ilaaaaa :-D

  36. 36
    LaMea CâcTùs FLh Says:
    April 25th, 2012 at 12:57 pm

    Chhinga leh, i H :-)

  37. 37
    Z.Hnamte Jr. Says:
    April 25th, 2012 at 11:27 pm

    Pa berin kawngkhar ahawn thuai zawha a thusawi khi ka duh riau.. (Y) ..

Comments are closed

This is an archived copy of mi(sual).com — new comments can no longer be posted.