He thu hi mimal ngaihdan mai a nia, a dik vek kher lo mai thei; mahse, awm ang ve tak chu a ni!
Kan mithiam hmasate khan thiam an zirna ber chu Shillong a ni a. An zirna mai bakah mita an hmuh leh hriatten engemaw chen a kaihruai tel lo thei lo bawk a. An zir zawh hnuin Mizoramah an lo chhuak leh a, keinin mithiam leh thil hre zau, an tih apiang chu mi changkang thiltihah ngaiin kan entawn bawk a. Tichuan, heng kan mithiamte hi lehkha an zirna hmun Shillong-a mite chezia leh khawsak danin a hneh/hmin (influence) a, Mizorama an khawsak dan chu keinin kan lo entawnin kan lo zir chhawng ve bawk a. Double Influence a ni ta ber a nih chu. Chu chu a ni ‘Shillong Influence’ ka han tih ve tak ngawt chu
Shillong Influence hi thil tam takah hmuh tur a awm a, a chiang zual nia langte thil pathum lek lo tarlang ila :
1. Hmeichhe hnathawk : Eizawnna chi hrang hrang – dawr leh office, rantalhna hmun thlengin hmeichhiate kutah kan innghat a ni ber mai. Tunhma Mizo nunphungah chuan Eizawnna thilah hmeichhiate an thawk ve tho nachungin mipaten hma hruaiin sul an su thin a. In lam hna erawh chu hmeichhe kuta awm a ni. Shillong-a cheng Khasi ho hi hmeichhe lalna (chhungkaw pa ber?) an nih vang nge, hmeichhiate an chungnung hle. Hei hi kan entawn ni ngei tur a ni, ti taka hmeichhiaten pa chan an chan tak nachhan hi.
2. Kuhva hring : Kuhva hi engtik atangin nge Mizoten kan chin tan kei chuan ka hre miah lo, kan hriat ve phak chinah chuan kuhva ro khawr 3 siki (25paise) in kan lei thin a. Hei pawh hi puitling zawng zawngin an ei lem lo. Tunah erawh chuan Mizoram hmun tinah, a khaw nawtin kan buaipui a nih tak hi. Shillong Influence?
3. Kawngpui hnaih/vantlang ram neka In sak : Kan mithiam leh hausa hmasaten In leh lo changkang zawk an han din a, chu chu a ti ve thei hmasaten kan entawn zel a, chung mite chu sorkarin a ngam lo kan ti dawn nge, khap thei dinhmuna dingte hetianga titu an nih vang, tuna kan dinhmun chu kan hriat vek hi. Kan in sak dante hi Shillong In sak dan nen kawngpui hnaih lamah a inzul hle a, anni aiin kan tlangnelin sorkar pawh kan hlau lo zawk niin a lang.
Shillong Influence avang hian kan hnam hian kawng tam takah hma kan sawn a, chutih rualin tuna kan tarlanah bik hi chuan a chhe zawngin kan society hi a her danglam a tih theih awm e.
Similar Posts:
- Khasi nu hmingin Mizoram sorkarin Shillong ah thlanmual a lei..
- Aizawl leh Shillong/Guwahati inkara Maxi Cab Service chungchanga Joint Statement
- Lai Students’ Association , Shillong thuchhuah
- Lai Students’ Association, Shillong General Election Result
- No quota for NE students at IIM Shillong
(Y)
April 29th, 2012 at 11:47 am
ok
Report this comment
April 29th, 2012 at 11:49 am
Dik tho mai! †
Report this comment
April 29th, 2012 at 12:44 pm
Anih hmel fu mai. Sap hla kan uar a Mizo hla kan ngaithla tlem tlat te pawh hi..thil sawi nuam ani lem lova mahse I sawi takah chuan sawina remchang ti mai ang.
Report this comment
April 29th, 2012 at 1:10 pm
Anih hmel viau mai. Tlangramah rau rau pawh kan ram hi chu alo chhengchhe em mai a, kawng hi kan hnaìh lo theilo ni te hian ka hria. Tlang dung kawng kual laiah te hi chuan kan hlat ve tho lo maw?
Report this comment
April 29th, 2012 at 1:16 pm
Dik reng mai…
Report this comment
April 29th, 2012 at 1:24 pm
A ang viau mai. Mahse hmeichhe hnathawk hi chu shillong lam pawha ni lo, hmeichhia te hian hma an sawn nasa em a ni.Zirlai result atang hian a hriat reng mai. Matric ah phei chuan kum tam tak hmeichhia in an dominate tawh a ni a. Chuvangin sorkar hna ah pawh an tawm zawk reng a ni.Eizawnna chungchang ah pawh hmeichhia hian thahnem an ngai tahei deuh zawk a, an dawh thei zawk bawk a, tin mipa te hi kan lo thatchhe zawk bawk a ni mai ah ka ngai.
Kuhva hring hi chu shilong influence a ni e. Sawi tur a tam lo khawp mai.
Kawng hnaiha insak pawh hi a ni thei e….(Y)
Gud post
Report this comment
April 29th, 2012 at 1:29 pm
A dik mai thei…a vai khian
Report this comment
April 29th, 2012 at 2:10 pm
1. Ka ring lo. Mipa te hi kan taimak tawk loh vang mai2 ni in a lang. Khasi ho kan copy pawh ka hre lo.
ChuanE……… Eng hna pawh thawk ila, thiamna in ang ah chuan mipa te hian kan tih that peih chuan hmeichhia aiin kan chungnung zawk hrim2.. Chu2 Pathian min siam dan pawh a ni.(NOI)
2. Kuhva hi chu a nih ka ring. Khasi kuhva chu a tui ka ti lo.
3. Hei pawh thil ni thei tak a ni.
Report this comment
April 29th, 2012 at 2:43 pm
Thui tawk ka type hnu ah kan hmehbo chu le! Ti nawn peih tawh lo mai teh ang.
Report this comment
April 29th, 2012 at 3:04 pm
Nih hmel ve viau tho mai, a zir chhuak tam zawk te hi NEHU chhuak an nih miau si chuan influence chu a awm lo thei lo turah ngai ta ang i la, kan mithiam te zingah pawh hian shillong in a tih danglam miah lo khawvel dang nundan pangai anga nung an awm ve teuh in a rinawm tho……….
1. Kan mi thiam hmeichhia te pawh kha shillong chhuak an tam ber tho a nih hmel a chung chuan nunphung an rawn chhawm lut a nih hmel tak2 riau mai.
2. nih hmel
3. Kawng hi chu kan nei tawk a nih hmel kan tlang tet dan leh a awih dan atang hi chuan.
O.T An sawi pakhat ka hriat( a dik em phei chu ka hre lova) Presbyterian leh baptist in thenna pawh hi shillong zu ti teh tlat a mawle.
Report this comment
April 29th, 2012 at 4:05 pm
Kuhva hring bak hi chu a ni kher dawn em ni?
Hmeichhe hnathawk an tam tak em em na chhan hi chu mipain mipa an nihna anga an mawhphurhna hlenchhuak hleithei lo, zu leh ruihtheih thil danga in tlak ral mai mai hi an tam tak em vang zawk a ni deuhin ka hre ve mai mai
Kawngpui hnaiha insak hi chu tlang ramah chuan a ni deuh vek maiin ka hria
Report this comment
April 29th, 2012 at 9:41 pm
Kuhva tih loh khi chu ka ring lemlo…
Report this comment
April 30th, 2012 at 4:22 pm
kan va duhtok hma ve..comment petu hi a lunungin kan tam lo riauin ka hre ta..comment tam tum poh hian comment nawn awm tam vang a nih hmel. Ni e, he post hi mimal ngaihdan, innghahna nei lo a nia, inhnial theih tak a ni. Ma’rawhchu, he ngaihdan hi ka la tan tlat, tunhmain hmeichhiain sumdawng turin mahnia hla tak zin chiah an ngai ngai lo va, a nachang hriatnain tihngamna a pe a, hei hi direcr/indirect influence a nih hmel. Tunhmain kawngpui hnaih, mi aia pawng bikin in an sa duh ngai lo a, tutenemaw min influence hnuah kan heti ta a, min influence tute tdang an ni thei lo…
Report this comment
May 1st, 2012 at 9:53 am
Ka hmelhriat pakhat pawh, Shillong Influence hi a tina hle a, thusawia a din tawh phawt chuan, “Shillonga kan awm lai chuan…” a tih loh leh, “Shillongah chuan….” tih hi a sawi tel lo thei lova, a lawmawm-in a nuihzat-thlak ang reng thin!
Report this comment
May 1st, 2012 at 11:40 pm
Bakthak ho influence na hnuaia om chu kan standard a va hniam hmel ve,,, post khi chu a dik tho mai….
Report this comment