Hmangaih ber pawh nei theilo a min siamtu ka chung leh khat,ka nu leh pa te hi ka van haw tak em. Ka kawppui tur a ka rilru milpui ka thlan chu an chhungkua an han lepse tak tak a,neih tlak loh ah min chhuahsak ta tlat mai le. Ka zan mu te hi muthilhna zunzam hian min kalsan bik ni te hian ka hre thin, mittui sur zung zung a engmah sawi ngam silo a ka tuarna te hi engtikah tak reh ang maw.
Het, zialo ngei mai kei misual hi ngaihtuah loh loh tur kan ngaihtuah chu, ka suangtuah na ram atanga in thin harh hnuah pawh ka tawn emaw tih mai tura chiang hian mi thing tlat si.Tu emaw hlimsang deuhin sawi lo thei ka ni lo an tih ang deuh in thu thiamlo hle mah ila han puak leh pawp mai teh ang.
Suangtuahna mah nise a taka thleng a ni miau si.Ka vela ka duhsak ngawih ngawih leh ka hmangaih ngawih ngawih ten chhungte avanga inkawp rem theilo a lungthlu zan lo a hmangaihte then a midang chhungte duh zawk nupui/pasal nei an awm ka hmuh te hian ka ngaihtuah na a ti thar leh thin. Ziaklo thei ka ni lo.
Hmanlai atang tawh in kan mizo nunah milian leh mite inthliarna avan na tak em, hnamchawm nula/tlangval tan hmangaih in duh hle mahse milian fa beisei a thiang silo. Kan in ti changkan viau emaw tih pawhin kan la in thliar cheu si. A tu a te pawh hi han in chui han in chui ta ila kan iai awm vek lawng maw? A nu chuti khati, a pa chuti khati tih vanga kan fate/kan nau te hmangaih ngawih ngawih kan han then tir thin hi sim a hun lo maw?
Han ngaihtuah ve teh u,amah a thalo e tih vang nilo a an chhungte duh loh vanga kan han duh loh ve ngawt mai hi zawng a hnam mawl zia deuh a ni. Kan pi/pute hunlai chuan an in zawng fimkhur narawh e, tun hnuah leh zel kan chhawm hi a thalo e tihna ni lo in, a mihringa kan neih tur ber kha a fel phawt chuan enge a chhungte kan va buaipui daih hi a chhan ni ta ang? Chapo vang niin ka hria kei chuan.
Nu leh pa leh aia upa thu zawm tura in zirtir hnam kan ni, Kan rinna pawhin Nu leh pa thuawih turin min zirtir, an thu kan awih loh chuan Pathian thu awih lo angah kan in ngai, Hmangaihna pawh Pathian min pek tho a ni, a eng zawk nge kan dah pawimawh ang le? Ziaklo thei ka ni lo.
A tawp ber ah chuan, keipawh engtik emaw fanau neiin ka la awm anga, Pathian zara an lo puitlin a an hmangaih an hmuh phawt chuan Hmangaihna aia hlu awma hrelo tu hian pawmpui ngei tum turin tunah ka rilru ka siam tan e.
Similar Posts:
- Ka hmangaih ka fawp
- Thikthu tel lo hmangaihna !
- ‘Bik’ kan ni em?
- Suangtuahna Huaisar !
- Chhanlet loh hmangaihna
(Y)
May 16th, 2012 at 5:26 pm
ehe
Report this comment
May 16th, 2012 at 5:26 pm
Report this comment
May 16th, 2012 at 5:50 pm
Ni khawp mai. Tumah hian belhchian kan dawllo selna in zawng chung kan inchik chian ngat phei chuan. Mahni sualna hi hmuhhmaih a awla midang that lohna kan hmuh hmaih ngai si lo. Ka farnu te pawh hian an duh a nih chuan hmaibal niu niau leh rui kawi chhi chhe pawh ni se hmangaihnain chutiang a thliar ve lo tih hrechiangtu ka nihna angin ka namliam zung zung maaai.
Report this comment
May 16th, 2012 at 6:03 pm
A dik khawp mai. Chutih rualin fimkhur tluk erawh a awm lo ve…
Report this comment
May 16th, 2012 at 6:16 pm
Mizo te’n, “Aia upa te zahthiam-in, an thute awihin zawm fo rawh,” kan tih chhan hi ka upa tulh tulh a ka chiang tawlh tawlh niin ka inhria.
Upa na na na chu naupang zawkte aiin lehkha thiamlo zawk pawh nita sela, an dam hun chhung rei tawh zawkah khan keini aiin khawvel kalphung, mihring zia leh thil awmdan nasa tak maiin anlo hre tawh zawk tih hi ka chiang hle. Naupang zawk te’n an hmuh leh an chhiar atangin inti hre takin khawvel kalphung leh her danglam dan an hre viau maithei, mahse a nihna tak tak hretur erawh chuan nunchilh (experience) tawhte hian anlo chiang zawk fo mai!
A tlangpuiin kan nu leh pate hian kan tan a tha tur nia an hriat min hrilh thin. Chutiang thu chu an thinlung taka an sawi ani fo tih kan hriat a pawimawh. Kan nulat/tlangval lai hian kan intifing thin em em a, upa zawkte aiin engkim hrezawk angin kan inngai thin. An thurawn min pekte chu, “An mawl vang,” kan ti rilru a kan ngaihdan lova ro min relsakin kan thinur hle thin.
Nu leh pa thurawn la lovin “ka hmangaih/min hmangaihtu” ni ngei a ka hriat ka neisual nawk tawh. Vawikhat mai a nilo. Tunah chuan an thurawn la-in ka nei ta a, inmil takin kum 8 na kan thleng ta.
Tin, nu leh pa in (home) a kan khawsak chhung chuan kan thu thuin kan khawsa turah ka ngailo.
Nupui/pasal neihin nu leh pa in a lawi tir loh te hi tum ahun tawh.
Report this comment
May 16th, 2012 at 6:32 pm
#5 Pu HV
Nu leh pa te hian an lo hre dik tlangpui. Chhungte pawhin an duh ngei neih hi a tha ngai. Post tu nu/pa tunah chuan i rilru a na a ni maithei mahse khuareiah i nu leh pa te dik zia kha i la hrechhuak ngei ang. An duhzawng ngei chu nei la i hlim ngei ang.
Keini ve i duh duh nei rawh min ti chung pawhin kan la hmuzolo a nia, tiraw Dr Mahming?
Report this comment
May 16th, 2012 at 6:48 pm
@aduhi, ka nuna thil thleng nilo in ka vela thil thleng ka hmuh theih mai,eng ka tih theih si loh ka rawn au chhuah pui a ni e.Pu H.V sawi dik khawp mai,mahse ka hmuh erawh nu leh pa thu lak vanga kumkhuaa nun hlim lo tur a ni tlat mai le,a nun a chan ti ila a sual tampui lo ang.Nu leh pa thu chu kan zawm tur a ni na meuh mai, mahse an chhungte an that loh avanga thlalo tura han rin sa ngawt mai hi zawng keia ngaihtuah naah chuan a tha ka ti lo a ni.
Report this comment
May 16th, 2012 at 7:11 pm
Ekhai! He post chu ngaihtuah chian a va tul ve. Thinrim leh rilru na a rawn inhrithla ani maw. Kan chhiar nawn leh teh ang.
Pu Hv @
Report this comment
May 16th, 2012 at 7:18 pm
#7 a kumkhua tur ivan hre thei vele!!!
love comes and goes… time heals. Hmalam panna chang hrelo chu an tuar tlek tlek zel mai reng asin. A upa deuh anga a inhrechhuak ve mai ang. Chutiang turah chuan ka FANU pawh ka ngai!
Report this comment
May 16th, 2012 at 7:20 pm
Kristian ram nih a chakawm ngawt mai ti rawh u.
Report this comment
May 16th, 2012 at 7:29 pm
An in neih that te chuan tha viau tho mai. Mahse keimah ah chuan ka ti hauh thung lovang le, min thlan sak lo bawk anga
. ………rethei/hausa tihvel hi ka buai lohna lam tak ni ve leh tlat, an mahni an fel chuan tu pawh ni se tha ka ti viau zel mai.
Report this comment
May 16th, 2012 at 7:57 pm
Fapa ka neih chuan a kawp pui tur duhzawng thlang thiam thei turin puitlinna kawng ka zirtir anga, fanu a nih chuan ka ngaihtuah pui ang….hairehai
Report this comment
May 16th, 2012 at 8:02 pm
Ka hul tlat, nu leh pate pawh hi an rilru sukthlek a inang lo nasa hlawm si. Fel tak a thu vuakthlak thiam har ka ti.
tren tren
Report this comment
May 16th, 2012 at 8:10 pm
Tunlai ah hi chuan chhungte an in chhui nasa khawpmai, arrange angreng hi a tam. Kawppui tur lamah chuan ka’n lungngailo em em khawp aah. chhungkaw khawsak dan tur leh eizawnna lam hi ngaihtuah hmasak phawt hi a pawimawh ani. Eizawnna te neiin han stable phawt ila kan duh kan neih chu tuman min dal theilo ang. Mahse an chhungten minlo iai vel anih chuan KIRI animai. hehe
Report this comment
May 16th, 2012 at 8:13 pm
Kum tam apiang an fing chuang lo,
Upa apiangin an hre fuh chuang hek lo. Joba 32:9
Mihring ah hian a in nghat ve a, chhungkaw dinhmun leh khawsak te, rilru sukthlek te a in ang lo ang bawkin hetiang ah chuan Thurawn hi mi zawng zawng tan in angin a pek vek theih in ka hre lo. Mipuitling tak, mahni inthunun zo leh an rintawk chu ni la i duhzawng thlan ah i chhungte an inrawlh thuk kher lo maithei, chuvangin nangmah kha in enfiah rawh
Report this comment
May 16th, 2012 at 11:09 pm
HVa sawi hmasa ber hi ka thlawp thlap.
hmangaihna tia kan changchawi pawh hi enfiah dawl lo fe fe chu a tam ang. hmangaihna tak tak lo pawh a tam.
chhungte an dam tlan hi a lo tul khawp mai, a mal-sawm bawk. chhungte ringawt an dam a kan dam si loh pawh a tha chuang lo va, kan rilru dam dunna tur ngaituah a tul a ni mai.
Report this comment
May 17th, 2012 at 8:02 am
Pu HV, tunah 1 chu a nun chhanchhuah ngaihna awmlo in kan chan mek a nih si hi,an nu leh pa pawh in kan lo ti sual a ni e an ti tawh,Pathian lamah lah an hul em em khawp a,chuan tunlai ka hmuh leh chu “Midang rilruna a siam duhlo tu,an duh dan anga nun tum tu te hi chu khawvela mi Lonely ber an ni ti tu a ni.Kun senior ve tawh tak an ni e,hahahhaha.A dawngsawng tu ber a hi ka ipik ngawih ngawih thin.In en ang hming an chhungte thlansak hi an lo tha phian thei a,an mahni nun kan chan phah erawh zawng in hlawk lo teh ang chu. Taka naute pawh a thlalak ka hmu a lian reuh khawp mai.
Report this comment
May 17th, 2012 at 8:36 am
Naupang lutuk, a chhia a tha ngaihtuah thiamlo leh dawn tawi lutuka nupui-pasal neih hi a fuhlo ang. Tin, mahni duhzawng thlang thei tur khawpin intodelh tum ila, puitling chin tawhte chu ran leh property hralha inhralh te chu hnial fithlak ngam ve bawk tur a lawm. Post tu sawi ang chi hi keipawh hriat pakhat/pahnih chiang tak ka nei. (sawi thui lo mai ang. An nu leh pa te pawh an inchhir khawp mai, khawngaih hnuhnawh viau mah ila, nupui fanau neih tawh hnuah chuan tihngaihna a awm tawh tak tak si lo)
Report this comment
May 17th, 2012 at 11:27 am
Last paragraph khi tha khawp mai… Inngaizawngte in duh ve tak a tu emaw zawk chhungte in an han in then tir nat zia ka hre ve tlat
…Fimkhur chu a tha e, mahse Dinhmun inthlauh avanga inthen tir te hi a tuartu tan chuan a na thei dawn e mai.. A inkawp a te berin nun khaw chhuah an huam a hnu innei pawp pawp se ni mai… 
Report this comment
May 17th, 2012 at 11:39 am
A tha khawp mai a… Mahse nu leh pa te hian an lo hre ber zel e …
Report this comment
May 17th, 2012 at 12:53 pm
Kan rawn ziah leh tak hnua ka rilru a awm chu misual.com ka lo ngai hle mai,ka regular lohna pawh a lo rei ta.
Report this comment
May 17th, 2012 at 3:11 pm
Hmangaihna chu a pawimawh khawp mai. Chhungte duh zawng kher kha kan lo duh lo ve thei a. Sawi thiam a har e. Ka tawng ve tawh bawk a.
Report this comment
May 17th, 2012 at 4:17 pm
Chhungte duh zawng ngei neih chu tha tho ah.. Mahse a nei tura te hi induh phawt se a tha. eng nge maw chen in chhui hi chu a tha a, mahse chhui lutuk erawh a tha ber lo ve thei tho. Mizo hi chuan love hi kan la ngaipawimawh deuh a. Nupui pasal nei lo kan tam sawt zia en hi chuan arrange te pawh kan ching chho hret hret hmel a. In chhui hi chu kan ching zui zel tur ah a ngaih theih. Fimkhur chu tha khawp mai. Damchhung daih tur ni bawk sia.. Kawppui tur hi chu hmeltha phawt maise..
Report this comment