mi(sual).com

He thu hi Facebook a mi lawilo pakhat Rema Vanphawng in uluk taka zir chianna a neih na atanga a ziak ani a, in lo hriat ve loh ka hlau emai a, ama phalna in ka rawn post e. Misual dawt khawm ah pawh hian a awm a, mahse a nick ka rawn dah lo mai ang. Kan tih tak tak hma in vawih lo chhuahna bulpui ber chu mawngkua ani tih chiang hmasa phawt ang u.

Vawih

By Rema Vanphawng

Vawih hi vawih a ni tawp mai.(A ni chiah lo, vawih hi tai in hlap ri ani- sangpuiipa) Kanthil eite hi pumpui lamah pai tawih phawt an ni a, chung paitawihte atang chuan boruak awm thei ang ang kha an in hmukhawm a, hmel hmuhtheih silohin (thlarau??) vawihah an lo piang ta a ni.

Vawihah hian Nitrogen a tam ber a, chuan, carbon dioxide-te pawh awmin, methane leh hydrogen-te an awm tel bawk, a thente phei hichu an kang thei hial a ni. Mak dangdai ve tak mai chu vawih zawng zawng hian methane an pai lem lo thung. Mihring puitling pakaw ek zirchiannaah chuan panga ekah khan methane lo awmna (insiamna) chauh hmuh a ni thung.

Vawih hi a rimchhe tlangpui a, gas chromatography khawl hmanga zirchiannaah chuan a rimchhiat chhan hi, heng bawlhlo, methanethiol, hydrogen sulfide (artui uih rimnam) leh dimethyl sulfide te an tel vang nia ngaih a ni a, heng bawlhlote hian sulphur an pai a ni. A rim hrim hrim hi hrikte reuh tete (bacteria) tam tak an awm vang emaw ek them, ek chhuahna kaw lama an awm vangte pawh nia sawi a ni bawk.

Vawi khat vawiha bawlhlo awm zat tlangpuite chu:

*. Nitrogen: 20–90%

*. Hydrogen: 0–50%

*. Carbon dioxide: 10–30%

*. Oxygen: 0–10%

*. Methane: 0–10%

VAWIH RIN ZAWNG: Vawih hi, kan thil ei kawchhunga lutte ang bawka hnuai lam pan an ni a. Tichuan, Vawih rin zawng chu hnuai lam pana, rila, a kalchak dana zir emaw, alo chhuahna lama tisa awm tight that leh thatloh a zirte emaw vang a ni. Tin, taksaa thau leh tui awmte pawn kawngro an su bawk. Inrin loh lai taka vawih theih a ni bawk a, heng hahchhiau, khuh, tawlh thluk, leh adangte avang hian vawih thut theih bawk a ni. Mi chesualte hi dem ngawt theih an nih bik loh avang leh mahni chung ngeia vanduaina thleng thei a nih avangin, tumah hi I in hmusit lo hram ang u.

VAWIH TITAMTUTE: Vawih titamtu han ti mai ila, heng kan nitin ei lehin than em emte hian vawih an siam tam a ni. A siam tamtute chu bean, bawnghnute atanga siam thilte, purun var, alu, purunsen, wheat, buluih, kawlbahra, parbawr, chhangthawp leh adangtam tak te an ni. Thu lawmawm tak erawh chu, buh (rice) hian boruak a siam lo nia sawi a nih avangin, buh ei teuh vanga vawih teuh phah an awm lo nia rin a ni bawk. An vawih teuh tho a nih chuan, an chawhmeh ei tel kha dem em em zawk tur a nih hmel.

ENKAWLNA: Pangngai taka I vawihtheih chuan hlim rawh, lawm hle bawk rawh, natna avanga vawih theilo an awm asin. Mahse a pangngai aia I vawih tam emaw atlem erawh chuan I ngaih ti tha em em thung lo la. Heng kan thil eite paitawih puitu atan hian damdawi tha tak tak an awm lehnghal asin. Alpha-galactosidaseenzymes,lactase, amylase, lipase, protease, cellulase,glucoamylase, invertase awmna damdawite hianvawih zing lutuk tur leh tam lutuk turte an veng a, a chhan chu pumpui tanpuiin a thil paite kha an lo tih tawih pui ta thin a ni. Vawih danna lar tak pakhat, kan hman uar em em mai bawk chu digene hi a ni awm e.

VAWIH THIN HRINGFATE: Hnamtin mai hi vawih loa piang kan vang hle awm e a. Mahse vawih kan dawnsawn dan erawh a inang kher lo a, thenkhatin inthlahrung hauh lo a an download zawih zawih laiin, thenkhat thung erawhchu zak ngawih ngawihte pawh an awm ve tho mai. A bikin mingoho hi, inthiarnaah hian an inthlahrung lo thei thin khawp mai. Keini Zofate erawh chu triiit or treeet zawitea a han tih ringawt pawn kan hmai a sen awp awp zel thin. Midangte hriat hlau si, vawih lo anga lam tuma, ke han per rikte leh thil han khawih rikte pawh hi, he thu chhiartute hian vawi engemaw zat chu an lo ti tawh ngei ang. Tin,anmahni chauha an awm laiin vawi engemaw zat chu, inthlahrung hauh loin an Vawih tawh tih hi mipui vantlang pawm dan a nih hmel hle mai.

ZOFATE LEH VAWIH: Vawih hian kan pi leh pute hun atang khan kan zingah hmun a lo luah fo tawh tih a hriat a. Heng, ‘Vut laka vawih’ ‘Mahni vawih nilo, vawiha inpuh’ ‘Leng tuaitirtei mawng ar ang khuang..’ tihte leh leh adangtehian awmze ril tak an nei a ni. Awmze ril tak neite hi an hlu em em a, chuvang chuan Vawih hi I ngai hlu tlang ta ila, kan hnam rohlu zinga kan telh phal lo a nih pawn ngaisang tal ta ila, keini thalai, nakin lawka kan ram enkawltu turte hian kan tu leh fate tan chhawm tur thil hlu kan neih phah dawn a lo ni.

Vawih nuam vek ule.

Similar Posts:

• Vawih Thawnthu
• Vawih
• Vawih
• Mawng chhuichianna
• Ka Vawih

Recent Posts:

• ZU HI SUAL A NI LO, A IN A TE PAWH AN SUAL HEK LO
• Like!
• LUNGHNUR
• SADHU SUNDER SINGH-A CHANCHIN ROPUI CHU:
• KA ṬAHPUI LEH SI ṬHIN

This entry was posted on Saturday, May 19th, 2012 at 1:00 pm and is filed under Health. You can follow any responses to this entry through the RSS 2.0 feed. You can leave a response, or trackback from your own site.