Tlangval kum la upa tak chu ka ni lo, ka phaktawk hna thawkin nitin pisa ka kai ve thin. Thalai pawl ah in hmangin hruaitu dinhmun te chelh in nitin eizawnna nen buai ve thin tak an tih ang hi ka ni. Ngaihzawng han buaipui chawt ka nei hran lo a, mahse ngaihzawn em em mai chhai ngam si loh a kum tel ka lo vei tawh chu ka bansan thei tlat lo thung, thian thenkhat te min hmuh danah chuan nupui tur hial hual a ngaihzawng nghet nei turah te min ngai a, in kawm khawm a in fiam pah a ‘Ngaihzawng ka nei lo’ ka tih te hian dawt sawi chingah min chhuah phah lek lek fo thin.
A nih na takah chuan tlangval dawihzep tak ka in ti dawn nge ni, kum kha leh chen ka lo vei ruk em em thu pawh hrilh ngam lo in ka awm leh lawi si.
Ka ngaihtuah let thin, ka boihi tia mi hriat hlau taka ka koh fiam thin ka vei tan tirh lai boruak te kha, aw hun hi a liam zel mai si a ka dawihzep luat a ni e han ti thin mahila ka dinhmun hian a phu mawlh si lo a ka hriat avang hian a ni he ka thinlung a awm pawh hrilh ngam lo a hei chen ka lo in up bo ni. A ni chu kum lamah chuan kan u pa ber pawh in ka u a tih ngawih ngawih tur a kum lamah chuan rual u ve tawh tak a ni, vengkhat nula fel tia an sawi thin a ni zirna lamah lah High school kan kal lai a Master degree lo nei daih tawh a ni lawi si.
Chhungkaw khawsak lah harsa lo chhungkaw pangngai zah phur tur a rawngbawlna kawngah pawh mi in hmang chhungkua an ni a. Kei ve zawng Broken Family atanga chawr chhuakin zirna sang tak pawh kai lo in eizawnna kawng phaktawkin kan zawh nghal a tul si, kei chuan nu leh pa leh chhungkua ah chhuan tur pakhat te mah nei lo in ka in hria a dik reng bawk a.
A ni chu han cho pha rual hi ka ni si lo mahse engvang nge kei hian ka vei a ka thiehnghilh theih loh ka bansan thei hauh si lo, ka tum fo thin phuloh chhai tum chu khua kan tlai mai mai tiin he ka thinlung hi ka hua a zan mut paha val hian rilru fim hmang nia in hriain ‘ka ban san tawh ang’ tih in thu kan tiam a mahse maw a tuk zing khawvar engmawi tak chhuak rual a ka boihi zun zam rawn par chhuak ve bawk chuan bansan chu sawi loh ka tumni aia nasa khan a zual zawk a maw tih tur hi a ni ta si thin.
Thalai pawl ah in hmang ho kohrran khat a lawi za rawngbawlna kawng hrang in ang zawh chho ta chu kan in hmu fo mai , ka thlir ning chuang hauh lo . Ka tisa hi a in sum thei lo ka ti dawn nge a,a in thunun zo thin lo zawk ni min chik tak tan chuan an hriat theih ang tih tur hian chu nu bula ka awm chuan ka hmel landan leh ka engkim hi a dang thin. Ka sawi tawh ang khan keizawng chhungkaw zahawm a seilian pawh ka ni lo, cho rual loh zunzam ah ka tang a, he ka thinlung in a bansan theih hauh loh na hi HMANGAIHNA an tih chu a ni lo maw?
Hun a liam ve zel hnu chuan thup vek sen a ni lo, khang kum tam kha ka dawihzep luatah ka in thupna lamah he rilru hi a piangsual lo chauh tawh si a, A hriat hunah a rawn awm ve ta, a thiannu hnenah zah pawh dawn zo lo a ka in puan tak avangin, chu ka kam chhuak chu a hriat chuan eng tak kan boruak ni ang maw tiin BEISEINA in ka thlir. Ka hlauhthawn ruk em em hnawl na chu ka dawng ta ngei e, beisei a bo nun ram a chau thinlung a ngui zo ta, khawvel hian min hnem thlawt lo, nun khawhar taka nun belh chhah turin he hringnun hian min hmuak ta zel zawng a ni.
Hmangaihna in a dawhthei a ngil a nei bawk thin an tih kha ka chungah hian a thleng ve a nih chuan kei fahrah in ti hian hnem tu ka neih dawn a vangin he khawvel khawhar takah hian BEISEINA chauh lo chu ka tan chhuan tur reng a awm ta lo.
Similar Posts:
- Mizote hi hnam dawih kan ni (?)
- Malsawmna Nge Anchhia?
- Thinlung Bawng In
- Paws mai mai
- “Kal mai teh” tih a tawk lo, “Kal mai te’ng” tih ngam a hun ta!
May 19th, 2012 at 4:33 pm
A va reh ve, a khawharthlak
Report this comment
May 19th, 2012 at 4:45 pm
Ni e
Report this comment
May 19th, 2012 at 4:59 pm
a va tawk tiu teu e. Ka tlangval tirh hian nuthlawi zahpuiawm khawpa hmeltha ngaihzawng (ruk) ka nei ve tawh. Harsa ve fat fat tak a ni. Mahse Pathian hi a tha a, theihnghilh thei tawh lo mah ila, tunhma ang chuan min tur ta ut ut lo deuh.
Report this comment
May 19th, 2012 at 5:20 pm
Rilru a khawih. Mihringin beiseina tak ngial pawh a neih tawh loh chuan a hmabak a thim hle. Enganga na leh dinhmun hrehawmah pawh awm ila BEISEINA kan hlauh tur a ni lo.
Report this comment
May 19th, 2012 at 5:32 pm
‘Mau pu khat leh Nupui pakhat’ an tia ni lawm ni? Mi dang an tam e mai; indawm kun mai teh suh.
Report this comment
May 19th, 2012 at 5:34 pm
A va’n na lungrun em..hmanah khan lo hlan tawh ni la..nau ang i tah khua a sei lo tur.. Lungngai suh FAHRAH te LALPA leh PATHIAN i lamah a tang a nia, rawngbawlna te thlahtlam hauh lo la..tunlai khawvel changkang atawhah zirna pawh chhunzawm dan tam tak a awm ta..ila upa lua lo turah ngai ila. Chona THA an ngai hmalam BEISEINA NUNG nei huaisen taka kal turin ka duhsak a che. LALPA’N i kawppui awm mi ape mawlh ang che
Report this comment
May 19th, 2012 at 6:25 pm
Zam reng reng suh. Lehkhathiam, chhungkaw zahawm atanga seilian mah ni se tun thlengin a duhthusam duhtu a la hmu bik lova a leng senior ve hle tawh a nih hi hre reng rawh. In in upat hleih em a a thiannu kaltlanga i han bem hian ‘aw’ a ti mai lovang tih chu hriat sa a ni. Beidawng miah lovin bei tang tang rawh khai. Insawi khawngaihthlak leh mittui tihtlak tam te hi nula senior hneh nan a tha teh a nia aw. I la chhai thlu thei hrim hrim tih hria la tan han la thar teh khai.
Report this comment
May 19th, 2012 at 6:47 pm
Ni e. Han bei fan fan la…
Report this comment
May 19th, 2012 at 6:59 pm
nep de de em mai ka tihsak ang che i paukhauh nan.
tlangval fel tak phak tawk hnathawk i ni i future a bright. nula, rilrua tlangval fel zawng ngar ngar an tam a nia…ani aiin an tha kan ti lo vang a, an chhe chuang hlawm lo tho a nia.
mi pangngai hi chu thawkkhat thinlung kehsawm tawh deuh vek an nih hi…tuar sual bik tur a ni ngai lo ve.
Report this comment
May 19th, 2012 at 7:23 pm
Beidawng duh lo in hel char char la, a tlem berah kum 2 tal. I rilru chu pek tum chuang lo la. A rilru i hneh theih ve leh midang i melh san hmak tawh dawn nia.
Report this comment
May 19th, 2012 at 7:48 pm
i dinhmun hi ka thianpa dinhmun nen a inang khawp mai, chuvangin ka sawi duh chu engati nge mipate hian hmeichhia hi phulo ngawih ngawiha in inhriat thin le! hei vang hi alawm hmeichhe inzir sang leh mahni induh ve tawk chin ho in hnamdang mipa an ngaihzawn fo ni. Mizo te hi ‘caste’ neilo hnam kan ni, hausa leh mi hlun tak tak chu lo awm mahse society ah la inthliar hrang tak tak thei kan ni lo, kan vaiin tribal vek kan ni tawp. chuvangin mizo mipa diktak, mahni intodelh leh khawsak phung pangai nih chuan tribal hmeichhia tumah hi bem hreh loh tur, nula senior ve tawh tak an nih phei chuan pasal tur an van ve telh telha, kherhthluk hun chu ila nei em em ang, ngam sarh khan han ‘try’ char char mai teh.
Report this comment
May 19th, 2012 at 7:59 pm
Tlangval la upa tak chu ka ni lo, tih ai chuan tlangval upa tak chu ka la ni lo ti in bul han tan la aw. A ngaihnam hle mai, i vei em em leh i duh em em thu a thiannu hnen a i han puak chhuah phawng zawhah chuan i rilru a thawl ve hawk chuan ka ring. Mahse a chana i han hriat meuh chuan hriatthiamna thui tak nen pawi i tih ve vawng vawng chu ka ring. Mahse tang fan fan rawh, hmeichhia leh uite chu a chulnel peih peih an tih kha
Report this comment
May 19th, 2012 at 8:48 pm
Tangval hi, mai mai lo chuan, eng a ti lo tak takah. Beidawnna atangin beiseina thar lo nei ngei ang che.
tren tren
Report this comment
May 20th, 2012 at 10:30 am
E khai, tan lak sauh sauh tur nge lengdang an tam em tihsan mai tur em ni ang aw, ka va hriatthiampui lo che ve.. Mahse, beiseina neiin “bei la bei nawn rawh” tih a nih kha. I try nawn ngat dawn nih pawhin beiseina sang tak nen aw… A nih loh vek a, i bansan a nih pawhin tlangval fel pangngai tak chuan nula fel tak chu i va hmu dawn rua em!
Report this comment
May 21st, 2012 at 9:32 pm
Hmeichhia in an duhloh che chuan nih pui la,ban thut rawh!!!
Report this comment