Mihringa mipat-hmeichhiatna (a inti-Mizo -ṭawng-thiam tam tak chuan hmeichhiat-mipatna tih tùr an ti; a engapawh chu ni sé, kan hriatthiam tlàn theih hi a dik chu a ni mai, tùn atán chuan) sakhúa a lo indin chhoh ṭan dàn bï chu hetiang hi a ni:
ka bï – – – mawng bï – – – phawhrît bï – – – … adt. (Hêng thumalte hi i hriatthiam loh chuan Mizo thufiahbu lo en la)
Mihringte hi kan naupan lái aṭang tawh zahmawh ringawt ngaihtuah kan ni a, chumi tùr rënga piang chu kan ni. Phat rual a awm lo. I nun han inbihchiang la, zahmawh ngaihtuah emaw, ti emaw, sawi emaw lova i nilèn ni chu kutzung thliah tham lek a ni mai lo maw? A ni. A dik. I pha thei lo. I hrisèl pangngai ni a ni, ka zawh che ni. Hei hi zahmawh a ni lova, thudik a ni. Chutia ka sawi tâk vànga thil dang zawng zawng aia zahmawh dah pawimawh (tùr) ka ni tihna em ni? Hnai lo ve, mipat-hmeichhiatna aia dah pawimawh neite hi khawvêlina mifing kan tihte chu an ni, lawi si a’na! Nang?
Bi dang khi chu sawi lo mai ila, phawhrît bï bîk khi lo sawi ta ila. Hei hi kum 3 leh thla ruk, leh kum 6 kan nih lai inkár vêla kan paltlang rahbi pakhat a ni a. Kan mipat-hmeichhiatna thlarau nuna pawimawh ber leh kan nun pumpui hriltu pakhat a ni. Hetih hun lai hian kan (a nu a pain) châkna thahrui chu kan kaphma báwrah a insawrbing a, a hnuleha kan nun pumpui a hril thuizia leh vàn sanzia chu râpthlâk tak a ni. Hemi rah chhuah chu mipaah chuan Œdipus-a rilru putphung a lo chhuak a, hmeichhiaah Elektra-i rilru putphung. Mipa leh hmeichhe taksa sìam a inang ta si lova, a rahchhuah chu hetiang hi a ni:
Hmeichhiaah
- Kaphma lama châkna thahrui a insawrbing lai hian hmeichhia chuan a nû a ît thuai a
- A nu nèn chanvo dik inhlàn tawna inpàwlna hunserh hman a rem lo tih a hre chhuak a
- A nu inpàwlpui thei tùrin phawhrît leh a entir thiltihtheihna chu a awt ta a. Hei hi hmeichhiaah phawhrît awhna (Zerman ṭawngin: Penisneid, english: penis envy) tih a ni.
- A chhànna a hmuh hmasak ber chu a pa phawhrît awh a ni.
- Chumi azarah chuan a pa chu mipat-hmeichhiatna hmanpui a châk.
- Hei vàng hian hmeichhia chuan a nu a dem (engahnge ka pain nang hi a lo ît bîk che a, kei min ît ve loh le? tiin a thîk).
- A nu nuaibo duh hialna a rilruah a lo piang!
- A nu tihdàn zira luahlan a duh a, a nu entawnin a inzir nasa hlë.
- Hmeichhe naupang të reuh chuan hêng a châkna te hian hremnaah a hruailût thei tih a ring (a nu a nuaibo chuan adt. tih vêl a ngaihtuah ve).
- Hêng, a nu thîka a pa ît ringawt hian ram ropui a thlen dawn lo tih rinna a nei deuh roh va, chuvangin a pa ît aiah mipa tawhphawt îtnaah a khurbing lût ṭan.
- Hei hi hremna leh tlâkchhiatna laka a invènna pakhat a ni (mahni pâte ît chuh! a ti ve deuh).
- A dam chhúngin mipa hìpna tùar har a ti chho tawh a, tichuan tâwkfangah a lo thi ta a ni, kan hmeichhia-i pawh chu.
Mipaah pawh phawhrît awhna hi a thleng ve tho va, sìam a danglam avangin a hnuleh pawh a danglam a ni.
Hë chhuidawnna/thuvàwr hi atirah chuan pawm hlawh tak ni mah sé, thuvàwr hrang hrangin a rawn luahlan zo tawh a. Hmeichhia ni lova minu nih duh pawlho phei chuan hë thuvàwr hi an haw hlë. Hë thuvàwr kaihtawina awlsam ber chu hei hi a ni: Hmeichhiain mipa (mutpui atana) a îtna chhan ber chu, a naupan láia mipa neih ang neih a lo châk tawh vàng a ni.
——————————————————————
Kan nun hi mipat-hmeichhiatna leh a chhehvêl thunun fài vek a ni a. Kohhranin bei satteh ṭhin mah sé, a sâwt tak tak thei lo. Phùar an tam thlàwn ringawt a, sim a awm hleih theih sï loh a ni. Mipat-hmeichhiatna kawnga insum theihna leh hman dàn thiamna hi inlâk-sâp-ṭawng-thiam leh inlâk-kohhran-mî ringawta reh thei a ni lova. Chung Pathian chu ring ve ṭhin sateh mah ila, kan thinlung leh taksa kan hneh loh hun a awm ṭhin. Chung Pathiana lah chuan min puih zái rél lovin kan kutah a dah hmiah a nih mai hmèl si a!
Ṭawngṭai duah hluah aiin inzirfinna a chhawrnahawm zâwk. Hei hi Zofate hian hrethiam vè tawh tùr chu kan ni a, inlâksakhawmina süal thim chhah ber (hei aia mawlna thim chhah hi a awm thei lo) mai chuan min la tüam tlat si a ni.
Tihèna kan awm hun tùr hi ka nghâkhlel êm êm a. Ka thlir ngawih ngawih ṭhin.
A ni, ka ṭap hial ṭhin a ni.
Thulâkna: Sigmund Freud-a thuziak
- Über die weibliche Sexualität
- Drei Abhandlungen zur Sexualtheorie
Similar Posts:
- MIZO TAWNG CHUNGCHANGA ZAWHNA PAKHAT
- PAP SMEAR FOR WOMEN
- Heiham huiham !
- Tar Hur!
- Mipa leh Hmeichhia-II
(Y)
June 5th, 2012 at 9:21 am
.
Report this comment
June 5th, 2012 at 9:30 am
zahthlak eee..
Report this comment
June 5th, 2012 at 9:41 am
CALLING @Kawlhawk!!!!!!
Report this comment
June 5th, 2012 at 10:10 am
Thuziak dangdai tak a ni
Report this comment
June 5th, 2012 at 10:31 am
chhiar phawt ang
Report this comment
June 5th, 2012 at 11:12 am
ka hrethiam teh nuaih lo ve leee…chhiar nawn leh ngat ang..
Report this comment
June 5th, 2012 at 11:43 am
A thupui chhiar dan min han zirtir phawt la mawle…
Report this comment
June 5th, 2012 at 11:45 am
Hepa(Sigmund Freud) hi Psychologist turu bera ngaih leh rin ber ani si; Mipa thluak lem a han ziah dan te chu hmeichhe saruak lem ngat a ni(mipate ngaihtuahna luahtu ber chu nula saruak a tìhna). A fing ziktluaklo ka tihna chu, Pathian tihna avanga insumtheih leh invawn thianghlim tlat hi a inchhìrawm loh a ni tih hi a hmu phak tlat lo. Nulat-tlangval laia sex hman khawloh hian a khawìhpawi thui thei teh mai a nia. Invawng thianghlim tlatte hi an inchhir vak ngai ka ring lo.
Report this comment
June 5th, 2012 at 11:46 am
Houdini chu leh. Khawlam finna maksak deuh deuh phawrchhuak nge i nih aw? Sigmund Freud hian a lo hre dik lo nual tih Johnson & Marshall pawn an proof lo maw? Chu a chhapah Sigmond hian Mrs Freud a rawn hran lo ni awm takin an sawi leh nghal.
Report this comment
June 5th, 2012 at 12:19 pm
A ril tlat, mahse awih loh tam tak ka nei
Report this comment
June 5th, 2012 at 12:23 pm
Report this comment
June 5th, 2012 at 12:25 pm
Mizo thufiah bu en tur ka vin duh e…
. Ka hre thiam ve lo.
Report this comment
June 5th, 2012 at 1:57 pm
Hei chu hmeichhe comment ah khek ang! Anni’n han prove chiah se.
Report this comment
June 5th, 2012 at 3:17 pm
Proper noun ah mipa hming a hmasaa, hmeichhe hmingin a zui ṭhin (eg. Romeo and Juliet, Zawlpala leh Tualvungi, Jack and Jill); Common noun-ah hmeichhe hming a hmasaa, mipa hmingin a zui (eg. ladies and gentlemen, pi pu chhuah tlâng, nulat-tlangval, nupa etc.)
Amaherawhchu, “mipat-hmeichhiatna erawh ‘exceptional case’ a ni a, ‘mipat-hmeichhiat’ hi a dik ngei e” an ti ve tlat!!! (upa ho ka zawh hian)
Report this comment
June 5th, 2012 at 3:28 pm
Mipat hmeichchiat na hi chu mihring pangngai ah chuan a awm ngei tur ani. mahse mihring hi (Kan nun hi mipat-hmeichhiatna leh a chhehvêl thunun fài vek a ni a”ti a i sawi khi) sex hmang tur leh sex in a control vek tur kan ni lo, kan pian chhan pawh a ni bok hek lo. Hun awl ngah lutuk ho hian thil nepnawi/lawilo/non-produtive mai2 ngaihtuah an ching. Ni khat ah darkar 12 vel hna thawk ziah la i hrethiam ve mai ang.
Mihringah sex hman chak na chu a awm chiang mahse nitin, darkar tin ani lo tih ka rawn sawi tumna mai ani e
Report this comment
June 5th, 2012 at 5:51 pm
Report this comment
June 5th, 2012 at 7:05 pm
#14 Nundika Hnamte, Tlingi leh Ngama tih hi?
Romeo and Juliet i sawi daih chu Mizo ṭawng a ni mang si lova, i fiamthu em ni aw ka ti deuh
.
Tin, Zawlpala leh Tualvungi ni lovin Tualvungi leh Zawlpala a ni. Chutiang bawkin Lasiri leh Lasara, Thangsira leh Thangzaia ((
, mipa ve ve an nih chu le! )
I hriat sual palh hlauh a ni e.
15 whotalk, a dik khawp mai
Report this comment
June 5th, 2012 at 7:17 pm
Carl Gustav Junga’n Neo-freudian psychology hmanga Electra Complex leh Oedipus Complex a rawn chhawpchhuah hi thil ni ve thei, awihawm tak leh rilru kaihruai thei tak zawng a ni ngei mai. Sociologist ho pawhin he a ‘psychosexual development stages’ te hi an pawmpui a ni. Mahse kan hriat reng tur chu heng (s0-called) complex te hi mihring hunbi tirlam, chu chu kum 3 atanga kum 6 inkar, vela thil thleng anga ngaih an ni a, nausen chhia leh tha hriatna hmang thiam mumal lo kan nihlaia thleng a ni. Mihring nun hi psychosexuality (rilru leh tisa chakna inzawmna) hmanga hrilhfiah vek tum chu thil theih loh bur a ni.
Mihring pangai chu kan lo seiliana, kan sex diktak milin nunphung kan dina, kan puitlin hnan thin. kan sex (mipa or hmeichhia kan nih) milin kan chanvo pawh kan hrechiang chhova, chumi rem chuan kan rilru pawh a thang puitlinga, tisa nawmna (erotoc pleasure) ringawtin kan rilru puthmang a sawifiah tawhlo, rilru pangai diktak kan nih chuan kan nu leh pa te chungah phei chuan ‘khatiang ngaihtuahna dukdaklo’ kha kan pu lo hrim hrim tawp, incest taboo vang pawh ni lovin.
Freud-a theory, mipain hmeichhia a awhna (castration anxiety) leh hmeichhiain mipa nih a chakna (penis envy) hi ‘homosexuals’ ho case chauh hrilhfiahnan a rintlak ka ti. Chubakah hei pawh hi Freud-a’n a tum anga psychoanalysis chauh hmanga hrilhfiah erawh a kimin a fiah tawk tak tak thei ngai lovang. Freud hi a thuhrimin ‘hysteria’ chungchang leh thildanga a ngaihdan avang te pawhin politician chu ni se “Idealist” a ni ka ti ang, a theory te pawh hi “utopian’ ka tihsak ngei ka ring
Report this comment
June 5th, 2012 at 7:33 pm
#18 Charice_mizo
.
Phawhrît awhna thuvàwr hi chu paihthlâk a ni tawh deuh hrim hrim a (thuziak 12-na zawha hläwm hnihnaa ka sawi khi), a aia thuvàwr ṭha zâwkin a luahlàn tawh a ni.
Jean Piaget-a leh Erik Erikson-a te’n abîk takin an chal tauh nasa bîk.
Mahsé hriat a awlsam vàng te pawh a ni ang, hriat hlawh ber pawl chu a la ni tho a nih hi.
Tin, hë chhuidawnna hi a dangdài ve hrim hrim a, ngainat a hlawh riauvin a hriat theih.
Report this comment
June 5th, 2012 at 9:55 pm
Consciousness chungchangah hi chuan a theory ho hi rntlak ve khop mai………….sexuality tihvel ah thung chuan a ti fuh lutuk bik lo a ang thin……
Report this comment
June 6th, 2012 at 1:52 am
sigmund a hi chuan psychology hi sex hmang hian a thlir nasa ve hrim hrim a leh…tunlaiah phei chuan dik tih ai mahin ngaihnawm tihna a lian zawk tawh a nih hi maw.
Report this comment
July 25th, 2012 at 5:13 pm
Ka han chhiar thar leh vêl a, a ngaihnawm hi ka tia… ha ha ha!
Report this comment