Isua thlanah lungthu ka kim

June 15th, 2012 11:45 pm by chhana

Nimin khan kan Lalpa Isua Kriste thlanah ka va kal leh thei a; ka lawm ngei mai. Ṭum thum lai ka kalna a lo ni ve ta hi ka lawmna ti zual tu a ni.

A awmna hmun hi Jerusalem khawpui mawitu, Dome of the Rock bul mai a nih zia hriat nan

A bul kawngpuia signbord hi tarlang ve mai mai ang

A peng, tihian kawngsir mai a awm a ni. Chuan, a hmalam khu a chunglama thlalak ho awmna lam a ni e.

Thlan kawngka leh a tual tlem langin

A kawngka hi a inhawng huau reng bik lova; kawngkapui awm ve in mipuiin an lawhloh lai chuan khar a ni ve ṭhin. Tichuan, hei hi a kawngka chhung lama thuziak a ni e.

Hetah a awm tawh lo. En mah teh u, an zalhna hi.

Luruh hmun an tih chu

Thlan chhinna lung, hmeichhe pathumin kal an huphurh nachhan ber, lumsawn sak tu tur haihchhama an awm laia kil khata lo awm daih mai chu. A bulṭhuta ka ṭhutin kan inchen tawk vel

He Isua thlan hi Eden huana min thlahtuten sual an khawih avanga an thlahte chhandam tura Lal Isua lokalin a thiha an zalhna hmun kha a ni a; ‘The Garden Tomb’an ti a; a hungchhungah hian thing lian tak tak leh pangpawr chi hrang hrang phunin boruak a vangdai hle.

Hmun hrang hrangah thuziak an tar thluah a; a duh tan inkhawmna tur a awm bakah ṭhut khawmuannate siamin ṭawngṭaina hmun chapel a awm bawk.

24 Responses to “Isua thlanah lungthu ka kim”

1
Saitawk Says:
June 15th, 2012 at 11:52 pm
Eu!!! hei zet chu!
Report this comment
2
Ruata Pachuau Says:
June 15th, 2012 at 11:57 pm
..
Report this comment
3
chhana Says:
June 16th, 2012 at 12:12 am
Iau, thlalak lang ṭhiangte a’n awm chu le. Mahse, a pawimawh ber a lang ṭhiang a; a ziaawm e. Hei hi thlan kawngka chhunga thuziak lang, a nilo zawk ka lo paste tak na kha a ni e. (He in not here, for He is risen)

https://i50.tinypic.com/16gzp5h.jpg
Report this comment
4
megapixel Says:
June 16th, 2012 at 12:13 am
Inhmelhriat ni lo nafam chu kan Pu (?) Chhana hi eng ti tia Ram Thianghlima tap reng nge maw a nih le ka ti rilru fo…. Juda saphun lah ni bawk si lo.

BTW, post bvt e
Report this comment
5
mamboihi Says:
June 16th, 2012 at 12:28 am
Great post! A takin hmu ve lo mah ila hmu ve ang mai ka ni e.. I ti lawmawm hle mai post tu pa.
Report this comment
6
Saitawk Says:
June 16th, 2012 at 12:37 am
Ni chiah, @chhana hian Israel ah sabath chu serh se tun ang hunah a kawmen te pawh a awm dawn chai silo a!
Report this comment
7
Charice_mizo Says:
June 16th, 2012 at 12:39 am
Isua thlan chu ka tum angin ka hmu hauh lo mai a.
Report this comment
8
kawlhawk Says:
June 16th, 2012 at 12:41 am
chhana nge2… hriatna mai piah lamah khaw hmuh a tizau lehzel a…
Report this comment
9
Saitawk Says:
June 16th, 2012 at 1:00 am
Nimin khan kan Lalpa Isua Kriste… ka hmuchhuak chiah! hahaha
Report this comment
10
Lamji Says:
June 16th, 2012 at 1:24 am
A va hlu in en ava manhla ve K’u Chhan, in nu a tha zel ang chu maw.
Report this comment
11
chhana Says:
June 16th, 2012 at 2:49 am
Aw tha zel e, thlatharah rawn chhuah ka tum.
Report this comment
12
TuaiSialA Says:
June 16th, 2012 at 3:03 am
Huiham…Israel ka va kal châk tehlul em! Isua leh a zirtirte chettlatna hi ka hmu châk ngawih ngawih. @Chhana, i lo chhuah hunah, i kal leh hunah min hruai ve teh!
Report this comment
13
H.Vangchhia Says:
June 16th, 2012 at 6:38 am
Remchang a awm chuan dam manah vawikhat tal la tlawhve theih chu ka chak khawp mai, ka tum bawk. I nihlawh bik e, ka thik tep che a ni.
Report this comment
14
chhiartu Says:
June 16th, 2012 at 7:14 am

Report this comment
15
cotdarz Says:
June 16th, 2012 at 9:40 am
A vahchak thlak thin bik bik e. Kal chak tak tak a dam chhunga kal ta lo tur kan tam ania. Vannei hle mai.
Report this comment
16
sheldon Says:
June 16th, 2012 at 10:13 am
I nihlawh bik hle mai. Tahna Bangah te khan i tap ve em? Israel ram hi chuan Mizo te lung a len.
Report this comment
17
malsta27 Says:
June 16th, 2012 at 11:22 am

Report this comment
18
Kher Kher Says:
June 16th, 2012 at 11:29 am
Post en leh chhiar nuam tak a ni
Report this comment
19
PKfanai Says:
June 16th, 2012 at 1:05 pm
Chhana chu i awhawm thin bik hle mai. A video uluk taka hrilhfiah ka nei ve a, ka roh hle. A hmuna hmu ang deuh thaw chu ka ni e.
Report this comment
20
Ku Muanga Says:
June 16th, 2012 at 1:25 pm
A ngaihnawmin a hmuhnawm hle mai. Kan veng pa ang khan, “Thlanah a lo awm ta…” tih hla kha zu thlang ve pawh ni la, mitthi lumenna a ni ve lo bawk a, a inhmeh viau tho dawn a nih hi.
Report this comment
21
CFL Says:
June 16th, 2012 at 2:00 pm
“mipuiin an lawhloh lai chuan khar a ni ve ṭhin. “
“a hungchhungah hian thing lian tak tak leh pangpawr chi hrang hrang phunin boruak a vangdai hle.”

A awmzia ka hre teh nuaih lo ve a.
Report this comment
22
chhana Says:
June 16th, 2012 at 5:07 pm
21
CFL@

“mipuiin an tlawh loh lai chuan khar a ni ve ṭhin. “

“a hungchhungah hian thing lian tak tak leh pangpar chi hrang hrang phunin boruak a vawng dai hle.”

Ka lo type uluk lo deuh a ni, sawri.
Report this comment
23
Benny Says:
June 16th, 2012 at 5:26 pm
Isua thlan leh sulhnu hmun hlui hote hi an chei danglam nasa lutuk a, rilrua lunglen leh hmuh chak ang hi a ni meuh tawh lovin ka hria, thlak leh video vel han en hian.
A hmuhnawm khawp mai
Report this comment
24
zodin Says:
June 17th, 2012 at 2:46 am
Isua kha bethlhem ah a lo piang miah lo Beit Jala ah a lo piang daih Bethlhem bul a ni e, tun ah hian Beit Jala khua ah leh Jish khua ah Isua tawng Aramaic an zir thar leh mek, an teacher hming chu sawi lo mai ang.
Report this comment