Khu hluai hnam

June 16th, 2012 11:30 pm by H.Vangchhia

Mizote zia tlemte (fuih nan nise):

Mizote hi thil ṭha hre ve angreng tak leh rualawh tina ve thei tak kan ni awm e. Kan awh zawng chu engti kawng pawh a neih theih dân dap kan hrehlo fo ṭhin bawk. Zahna hun turah kan zakloh fo laiin zah lohna turah kan zak leh ṭut ṭhin. Mahni nihna aia lan ropui leh nei anga lan kan tum fova, kan huamhauh em em a, kan vervek hle a ramri pawh ṭha taka hung a ngaih bakah ṭhenawmte ram nêksâwr sak hrehlo khawpin kan zak theilo fo.

Mite hlawhtlin naah a langin kan lawmpui a, an hmuh lovin rel zui kan hrehlo fo (rel leh tur chuan fak loh law law mai awm!). Rualpuite emaw kan mihriat te’n mifak hlawh sela,”Engemaw a nih bik vak le, tun hma chuan…” tih zui mai kan hrehlo. Tun hma aiin tun hun a pawimawh zawk tih kan ngaihtuah lo fo. Tu emaw eng thilah emaw hlawhtling sela, chumi tih ang chu tihve kan tum a, mahni a ngaihtuah chhuah tum vena nei theilo khawpin kan rilru hi a vervekin a thatchhia niin ka hria. Tichuan hlawhtlinna hmutu pawh khan a hlawkna tur a hlauh phah a, a tu amah an hlawkloh phah ṭhin.

Tualthahna emaw awm sela kan khuk pui hluai a, misual an man mai loh chuan, “dan kengkawhtu te’n an chhui chhuak em, an man ta em, engtin nge an kalpui zel,” kan ngaihtuah leh peih tawh ngailo fo. Green Mizoram kan ti emaw, aurinna te a inkokhawmin emaw thing kan phun ve nual a, a len thleng kan ngaihsak leh peih silo. Ramdang mi tu emawin thilsual ti sela amah misual mai tuar tir lovin, khami misual te ram mi reng reng vaihma kan hrehlo. Kristian angin kan awm a, Kristian nundan tur a nung erawh kan tlem hle awm e.

Mizoram hi khawvel a ram awmchhun emaw ti niawm takin kan ram chhungah kan inti uicho huaisen hle a, ram pawnah kan huai leh ngam mang silo. Mimal hauisen a huaisen kan tam viau a, thil ṭha ti turin ṭangrual a huaisen ngam kan awm leh lawi silo. Kan ṭanrual ngamna fo erawh, YMA emaw VDP lamin dan kalh a thil an tihin man tawk sela, dan lova chetu chu ṭanin kan khukpui hluai ngam lawi si!

“Phullen lamah hêl lem chang an awm” an tihte kha an man chhuak ta em le, hrem anni em? Engpawh nise, Mizote hi a nawlpui a han en chuan, mimal huaisen/dawizep emaw kan nih laiin ram ṭhat nan a ṭangrual ngam leh inhuikhawm erawh kan harsat hle niin a lang. Eiru kan tihte leh hnathawk ṭha peihlo kan tih, kan rel sep sep fote hi ṭangrual ngam ila chuan an reh duak maiin ka ring tlat a ni. Internet chaklo thleng hian a pawttute inthurualin “internet min tihchak sak duhlo em mai,” tiin thlakhat emaw han pawtlo ngam sela chuan, “A muang lutuk engmah a tih theih loh,” kan ti kan tiin ka ring lemlo.

Mizoram mihring kan tam tak tak hma, tun a hun tlem ala awm chhung hian ṭanrualna lamah leh engemaw khukpui hluai a thamral leh mai lovin thil kan tih a ngai hle niin ka hria.

24 Responses to “Khu hluai hnam”

1
Saitawk Says:
June 16th, 2012 at 11:31 pm
Dik hmel hlawm fuk fuk mange, chhiar phawt ang.
Report this comment
2
chhana Says:
June 16th, 2012 at 11:31 pm
Like
Report this comment
3
Lamji Says:
June 16th, 2012 at 11:50 pm
”Tu emaw eng thilah emaw hlawhtlingsela, chumi tih ang chu tihve kan tum a, mahni a ngaihtuah chhuah tum vena nei theilo khawpin kan rilru hi a vervekin a thatchhia niin ka hria.” ka thil vei ve ber pakhat ani.

Entirna ka’n pe chhin mai mai.. Cyber cafe a rawn lar hluai a,a ngaihtuah chhuak tu ten neilo chung chung in an siam a(?),mi hausa fa tih tur hrelo(ka tawn tu’n lo haw lo se) ten an rawn siam ve leh ringawt a,hlawk tak tak chuang si lovin,midang eizawnna tichhe thak khawp in. Tin,ka experience atang mai mai,kan high school kal laiin Sairang Tlawng a thian zahova tuichen a kal hi kan hrat viau mai a,sumo service awm tirh kha ania. Fare pawh Rs.20 ala ni tah mai,10 pawh service an la awm tling lovang,an hlawk a,an rawn ti ve leh ta sup sup a,an tam chuan a fare pawh san nghal a ngai pang. Mahse an hlawk tawh tak tak ka ring lo. Miin hah taka eizawnna an ngaihtuah chhuah hi inzah sak nachang hriat a tha khawp in ka hria.
Report this comment
4
CFL Says:
June 16th, 2012 at 11:53 pm
A dik hlawm ngei mai.
Report this comment
5
houdini Says:
June 17th, 2012 at 12:10 am
A dik fäi vêl vek.

Beidawnthlâk angreng deuh chu ‘ni, a hnam anga inngaihtuah chuan.

A hnam pum ngaihtuah lova mahni khawsak saka khawsak mai te hi a ṭha mai lo mâw aw? ka ti hial.

Mahsé ṭhahnem kan ngaih luat vang a ni thei ve mai thei bawk.
Report this comment
6
Saitawk Says:
June 17th, 2012 at 12:15 am
A mipui % leh a state economics dinhmun anga chhut pawn Mizoram hian Mobile handset hi kan ngah berin ka ring hial a ni.

Classless society kan nihna hian thil tha a thlen rualin thil thalo thenkhat pawh a thlen ve tho in ka hria.
Report this comment
7
kilung Says:
June 17th, 2012 at 12:38 am
A va han dik tak em!!
Kohhran upa, thenawm ram khapkhat vel lek pawh it em em lah kan tam. Rethei zawk te dawmkan chu sawiloh, kan rap bet xawk a… Mit ngei a han hmuh hi chuan amak tih bak sawi tur ka hre lo.
Report this comment
8
sisen Says:
June 17th, 2012 at 12:44 am
A sur nasa leh ta hle mai, an chawl em lovang chu maw…
Report this comment
9
kilung Says:
June 17th, 2012 at 12:50 am
A van goal har em em…
Report this comment
10
LaMea CâcTùs FLh Says:
June 17th, 2012 at 12:54 am
He thu hi vawin ka ngaihtuahna ah alo lut a, ilo ziak hlauh bawk a.
KZP
Report this comment
11
chhangteval Says:
June 17th, 2012 at 2:13 am
Mizote hi a nawlpui a han en chuan, mimal huaisen/dawizep emaw kan nih laiin ram ṭhat nan a ṭangrual ngam leh inhuikhawm erawh kan harsat hle niin a lang. Eiru kan tihte leh hnathawk ṭha peihlo kan tih, kan rel sep sep fote hi ṭangrual ngam ila chuan an reh duak maiin ka ring tlat a ni. Internet chaklo thleng hian a pawttute inthurualin “internet min tihchak sak duhlo em mai,” tiin thlakhat emaw han pawtlo ngam sela chuan, “A muang lutuk engmah a tih theih loh,” kan ti kan tiin ka ring lemlo.

A va han tha em!!
Report this comment
12
Kawhterenga Says:
June 17th, 2012 at 8:35 am
Hetiang thil tha lo hi kan ching thin a nih chuan i sim tlang ang u khai!
Report this comment
13
sheldon Says:
June 17th, 2012 at 9:32 am
Vawin chu ka inkhawm thei ta lo rau rau, misual tluk tluk mai ang aw!

Post a tha. Kan mize diktak i rawn phawrh chhuak. Tualthah, pawngsual, rukruk, eirukna, engpawh mai hi kan han sawisel hluai a, dan in a chungah ro a rel em kan ngaihtuah zui lo.

Hmanni maia hmeichhe naupang Sarah-i te kha, kei ngei pawh hian ka lainat em em, mahse tunah enge a dinhmun? A khawih tu kha engtinnge an tih tak ka hrelo fai vek. Ka awmhmun atangin ka vei ve ringawt. Heihi Mizo ze thalo tak ani.
Report this comment
14
H.Vangchhia Says:
June 17th, 2012 at 9:37 am
sheldon #13 ania sin
Report this comment
15
zosanga39 Says:
June 17th, 2012 at 10:19 am
Vai zia pawh hi achhe lai lai kan la niin ka hria han pawr hlut leh inlak milen etc ah te hian..
Report this comment
16
sheldon Says:
June 17th, 2012 at 10:32 am
Nun zia ah hrim hrim hi chuan kan changkan hma, kristian kan nih hma nunah khan dikna a tam zawk em aw ka ti.
Report this comment
17
Atom c Says:
June 17th, 2012 at 12:49 pm

Kan ram Lu lam roreldan a langchiang tulh tulh a nih ber hi. A ruk hian kan nawi niai a, thikthu kan pe chhe hlur bawk a, buaithlak ve tak chu a ni. Tun generation hi a liam hunah chuan kan zia-awm ve maithei a sin. Beisei phawt ila…..
Report this comment
18
lrpa Says:
June 17th, 2012 at 1:59 pm
Post dik khawp mai. Thu dik deuh deuh phat theih si loh ani tlat hlawm mai. Mahni leh mahni a principle nghet kan nei lo hi hnam naupang zia ani em aw ka ti rilru thin. Dik chu dik, dik lo chu dik lo hi nun pui ngam ila a tha tur ania, mimal sualna chu thudang nise, midang lakah tal hian a dik, a tha, a fel in awm thei ila a tha ngawt ang. Sawi leh sawi hnu, Dan hi tan bur hlawm ila chu chuan hnam ze puitling ah min hlang ngei ang.
Report this comment
19
TuaiSialA Says:
June 17th, 2012 at 2:13 pm

Report this comment
20
malsta27 Says:
June 17th, 2012 at 3:35 pm
………..ni khop mai, mahse kan ti teh ang, thil tamtak hi a fuhlo tawh chuan zawi2 a in siam leh theihna hun hi a hun a awm a ngai thin,vawi leh khata tih fel zawh vek theih loh ang chi hi chu hriathiam a ngai thin in ka hria. Chutih rual chuan a chhe lai ringawt kan hmuhna hian a thalai awmte hi a hliah khuh ta vek mai thin a hi chu thil tha lo tak ni in ka hria.

Thildang tam aia kei ka lo vei ve chu chhungkaw 20-30 bawr vel compensate tur avanga Project lian tham, mi nuaih sawm chuang tana thiltha tih theih lohva a awm thin hi a pawi thin ka ti……….tun a i sawi nghawng te pawh hi ni maithei e a. Tih luih theihdan kawng te hi awm thin mai se ka ti rum2 mai thin lo ti ve ngot mai teh ang……..hehehe
Report this comment
21
H.Vangchhia Says:
June 17th, 2012 at 4:44 pm
lrp #18 “Dan hi tan bur hlawm ila chu chuan hnam ze puitling ah min hlang ngei ang.” ka rindan leh kan zia a bet atan a ka awh leh duh em em a ni.

malsta27 #20 Zawi zawi a siamthat theih leh tih tur ni e, mahse zawi zawin kan chhiat telh telh zawk si avangin kan nihna phlolan angai ta ṭhin alawm. Kan chhiatna lai ka pholang a ni lova, a tlangpui a lak a Mizo zia ni maiin ka hria. Ram/hnam adt. hi a tlangpui thu a lak a sawi a ni ṭhin.
Report this comment
22
malsta27 Says:
June 17th, 2012 at 5:11 pm
@Pu HV#21: Pathian remruat ka ti dawn nge, Pathian in min hmuhtir ka ti dawn nge phei chu ka hre lo.Thil tha, mi tha tamtak chu awm mahse, ka rindan mai piah lamah a tak-in kan ram/hnam zia chu ka hmuchiang thawkhat in ka in a hria a, i sawi ang hi a dik ka ti, mahse ka la sawi ngam loh i rawn sawi a lawm le. A chhan chu tamtak hian kan nihna hi vawi leh khatah hian kan dawnsawn zawh ka ring lo deuh thin. ………..chumi chu nia zawi2 a kan tihna chhan chu. .
Report this comment
23
H.Vangchhia Says:
June 17th, 2012 at 5:14 pm
malsta27 #22 i ziah dan khi buai a awl deuh alawm mawle (confusing) hairehai
Report this comment
24
missetlar Says:
June 18th, 2012 at 1:43 pm
ka chhiar tlai viau na’ng comment ve tho teh ang…Pu vangchhia..post tha tawp.. aggresive ve deuh angai hmasawn tur chuan…kan phun lungawi chhung chuan hma kan sawn muang zel dawn tih na ni mai…dan tan chhan in huaisen takin tangrual ngam ila chuan Mizoram mi tlem te ah hian hmasawn in kan zuang dawrh thei ang maw le…
Report this comment