A chang chuan min tilungngaitu a ni a,
A chang chuan min tilungawitu a ni.
A chang chuan min tithinrimtu a ni a,
A chang chuan min tihlim ṭhintu a ni.
Min tilungngaiin lungchhiain ṭap mah ila,
Min tihlungawi tumna aw nêm ka dawng fo.
Min tithinrimin lunghnurin tau mah ila,
Min tihhlim a tumna thil tih ka tawng fo.
Ka ṭahin ka mita mittui hru lo mah se,
Ka mitin a inchhir hmel ka hmu ṭhin.
Ka lungngaihin duatin min pawm lo mah se,
Ka mit hian a tlâwm lai hmel a hmu ṭhin.
Mite chuan anchhia an lawh a — an pa te,
Kei chuan hmangaih thu ka hrilh fo — ka pa chu.
June 17th, 2012 at 7:37 pm
Vawiin chu ka pa ka biak sak kha!
June 17th, 2012 at 7:57 pm
June 17th, 2012 at 8:13 pm
Hey Tuaite, i va dek nalh ve. Tupawh mai hian in ti thei zel mai a. Kan ti ve chhin dawn mi awww.. mahse Saint te ho in min chin leh sak tur kha ka ngaingam bawk silo..hairehai
June 17th, 2012 at 8:20 pm
Kan tetlai-a, “Ka nausenin tunge mi kawl? Ka nu, ka nu duhtak chu…” tih kan sawirual dal dal thin kha min hriatchhuahtir tlat.
A mawiin a ropui e.
June 17th, 2012 at 9:40 pm
Tha hle mai
June 17th, 2012 at 10:03 pm
ka va awt e.. ka duh chi.. a sâp ch*u zaih mai..
edit :
An pate anchhia an lawh thin – mite chuan,
ka pa chu hmangaih thu ka hrilh thin – kei chuan.
ni zawk ta se..
June 17th, 2012 at 10:25 pm
A tha thupui fun ve fu tho e
June 17th, 2012 at 10:37 pm
June 17th, 2012 at 10:42 pm
@sammoo, ka lo nghak deuh char char che a. Ka lawm e.
A dik zaih mai. Mahse, a tlar tawpa ‘mite/kei’ tih hi a tlar bulah a awm nghal vek tawh a, a rem teh ṭeuh lo alawm. 
June 17th, 2012 at 10:43 pm
A thlazar hnuai a ka awmlai khan ka hrethiam ngailo. Ka upa tawlh tawlh a A hlutna ka hre chhuak zel. Ka pa, engkimah ka lawm e.
June 18th, 2012 at 12:18 am
A ropui e.