mi(sual).com

ZoFooty.com: 

Mizoram Premier League (MPL) khel thei tur zawnna, playoff chu July chawlhkar thumnaah hian Aizawlah khelh a ni dawn a, hemi chungchanga mawhphurtu Mizoram Football Association-a Technical Committee-te chuan club-te inbuatsaih turin an hriattir nghal a ni.

Lawmman Rs 18,76,000 awmna MPL hi kumin September vela tan hman tum a ni a, team pariat tel thei tur zinga pali chu an chiang tawh a, anni bak team dang pali hi MFA-in tehna (criteria) a siam zawm theite atanga thlan an ni ang.

Tunah hian season hmasa lama first division team Mizoram Police, FC Kulikawn, Dinthar FC leh Luangmual FC-te chu MPL khel thei tura tih an ni tawh a, anni bakah hian team pali dangin MPL hi an khel thei dawn a, heng hmun ruak palite hi MPL khelh tum teamte an inkhelh kual chhuah hnua a sang paliin an hnawhkhat thei ang.

MPL Playoff khel thei tura MFA in criteria a siamte chu:

Mizoram Football Association Executive Committee meeting, May 29, 2012-a thukhawm chuan 2012-2013 season-a MFA-in football league a buatsaih tura club tel thei turte tehnaa hman turin a hnuaia mi ang hi a pawm.

1.    CLUB CRITERIA

1.1    Club chu Firms and Societies hnuaiah a in register tur a ni.
1.2    Club chu commercial entity a ni tur a ni a, fan-based a ni bawk tur a ni.
1.3    Club neitu nihna 100 zela 51 (51%) tal chu Mizoram chhunga mi ngei thuneihna hnuaiah a awm tur a ni.
1.4    Club in bank balance Rs. 4,00,000/- (Nuai li) tal a nei tur a ni.
1.5    Season khatah Rs. 50,000/- (Sing nga) aia tlem lo sponsor tu a nei tur a ni.

2.    SQUAD

A.  Club tin hian players 20 aia tlem lo leh players 30 aia tam lo squad an nei tur a ni a. A hnuaia dan hi an zawm bawk tur a ni.
2.1    Foreign players (India ram pawn) 2 bak lak theih a ni lo a, hei hian Zo hnahthlak a huam lo ang.
2.2    State dang (Mizoram pawn) players 3 bak lak theih a ni lo.
2.3    U-19 players (Local Players) 3 tal an awm tur a ni.

B.  Match apiangin Squad-ah hian players 20 bakah Coach, Asst Coach, Manager leh Physio (20+4) an awm thei ang.
2.4    Foreigner pakhat bak playing XI ah an tel thei lo ang.
2.5    State dang (Mizo nilo) players 2 bak playing XI-ah an tel thei lo ang.
2.6    Playing XI-ah hian U-19 player pakhat tal a awm reng tur a ni.

C. Team tinin Team officials a neih zingah a hnuaia mi ang hi an nei tel ngei tur a ni.
2.7      Team Manager.
2.8      Coach (AFC ‘D’ License emaw a tluk pui tal emaw, NIS diploma nei emaw a ni tur a ni) leh Assistant  Coach.
2.9      Physio (Recognised University hnuaiah diploma nei chin emaw, MFA in team physio training a buatsaih tur paltlang emaw a ni tur a ni).

3.    PLAYERS CONTRACT

3.1      Club-in a player zawng zawng contract a ziahpui ngei tur a ni.
3.2      Mizoram team (Senior – Santosh Trophy) tana khel tawh chu (Santosh Trophy an khelh dawt leh season zelah) a tlem berah season khata Rs. 10,000 talin contract a ziahpui tur a ni.
3.3      Player dangte chu a tlem berah Rs. 3,000/season in contract a ziahpui tur a ni.
3.4      Player in club tana contract a ziah chuan a ziah fel atanga darkar 48 chhungin a finfiahna nen club-in MFA-ah a thehlut ngei tur a ni.
3.5      Player pakhatin club pakhat aia tam tana contract a ziak a nih chuan season khat chhung a khel thei lo ang. Contract a ziahna clubte hnenah a hlawh tur ang zat a chawi bawk ang. A chawi duh loh a nih chuan tiam chin awm lova football khel thei lo tura hrem theih a ni ang.

4.    PLAYERS TRANSFER

4.1   Season khat chhungin transfer window pahnih – first leh second window a awm ang.
4.2   Player contract nei lai transfer a nih dawnin player remtihna in a contract neitu club leh a insawnna tur club te a in be rem  tur a ni.

5.    YOUTH SYSTEM

5.1  Club in Under -14& 17 team a nei ngei tur a ni.
5.2   Under 14& 17 team-ah hian player 18 aia tlem lo an register thei ang.\
5.3   Under 14& 17 player te hian first team tan pawh an khel thei ang.
5.4   Under 14& 17 player te hi chu contract  ziahpui kher a ngai lovang.

6.    EQUIPMENT/KIT

6.1   Team tinin first choice colour an nei hrang tur a ni. Club hian Jersey pahnih (Official Jersey leh Spare Jersey) an nei tur a ni a. Heng jersey pahnih te hi a rawng  (colour) a in ang tur a ni lo.
6.2    Jersey number chu 1 to 50 inkar a ni tur a ni a, jersey no. 1 chu Goalkeeper-in a ha tur a ni.
6.3    Player in season chhungin Jersey number ngai, in register-na a an tarlan chauh a ha tur a ni.
6.4    Team Jersey-ah chuan team logo, MPL logo, Main Sponsor hming/logo, Jersey siamtu company hming leh player hming bak a chuang thei lovang.

7.    TEAM TEL TURTE:

7.1    He  football league-ah hian team 8 an awm ang. Heng team 8-te hian a chunga inkaihhruaina te khi an zawm vek tur a ni.
7.2    2011/12 a MFA first division a awm, Dinthar F.C., F.C. Kulikawn, Luangmual F.C. leh Mizoram Police (1^st Bn MAP & 3^rd Bn MAP) te chu a chunga inkaihhruaina ang hi an zawm thei a nih chuan an tel thei nghal ang. Mizoram Police bik hi engemaw chenah hriatthiam an ni ang a, an club kalpui dan turah Mizoram Police hotute nen inbiak rawn a, ngaihtuah zui leh theih an ni.
7.3    A chunga inkaihhruaina zawm thei Mizoram chhunga awm football club-in hmun ruak dang chu an hnawhkhat ang. Hmun ruak awm zat aia tam football team an awm a nih chuan, playoff hmangin MPL-a khel thein tur hi thlan an ni ang.

8.    TEAM KAISAN DAN TUR:

8.1    Division hnuai atanga Mizoram Premier League kaisang thei turte chu district tina Champion leh Runner up team-te chiah an ni ang a, anni hi inkhel kualin an tihthat dan azirin a chung lama hmun ruak awmah an kaisang thei ang. Anni pawh hian  Club Criteria an zawm ngei tur a ni a, Club Criteria zawm thei lo club chuan kaisang tur thlanna inkhel an hmachhawn thei lo ang.

Lawmman awm turte:

League Winner : Rs 5,00,000/-
Runner Up : Rs 3,00,000/-
Participation Prize : Rs 50,000 x 8 teams : Rs 4,00,000
Match Fee: Rs 3,000 (Winner) + Rs 2,000 (loser)

Hetia nih chuan Champion team chu sawiloh pariahna pawn Rs 50,000 bakah match fee Rs 28,000 (chakloh vek angin chhut ila) an dawng thei dawn tihna a ni a. Chutia nih chuan a tlem berah Rs 78,000 an dawng dawn tihna a ni.

Pawisa dang dawn tur ala awm cheu!
Rs 78,000 hi chu an dawng ngei ngei tur a ni a. Hemi bakah pawisa dang dawng tur an la nei dawn a, chu chu Gate Fee a ni. Gate Fee hi chu fans kal that dan ah a inghat thung a. Entu an tam poh leh an dawng tam mai dawn tihna a ni. Gate Fee a Club te chan tur percentage hi mumal taka siam la ni lo mahse club te dawn tur percentage a tha thawkhat hle niin sawi a awm bawk. Engpawhnise, League mumal tak a awm dawn tih a chian bakah club leh players-te tan pawh pawisa a awm dawn tih a chiang e.

Similar Posts:

• Draft Proposal for Mizoram Premier League (MPL)
• Football fan-te tan!
• Mizo club tel lohna 2nd-division I-league final round
• Fantasy Premier League
• Mizo footballer ten India tan an thawhhlawk

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Sunday, June 17th, 2012 at 4:30 pm and is filed under Mizoram, News, Sports & Games. You can follow any responses to this entry through the RSS 2.0 feed. You can leave a response, or trackback from your own site.