Hman zan chu ka thil tawn ve tawh zinga rapthlak ka la tih ber pakhat ka tawng a. June 20 zan kha a ni.
Euro football khel en tur a awm loh zan tak a ni bawk a, MOS (Urban Development) Prof. Saugata Roy-a te nupa leh an official ṭhuihruai te, an vaiin mi 15 vel zanriah ei-ah kan sawm a. Turkish nu valai pakhat a rawn tel bawk.
Zanriah ei khama kan titi mam mam laiin Minister chuan mi dang zawng chu ngawi turin a ti a, amah a lo ding chhuak a, thu ṭha tlem min fah hlawm dawn a niang chu tia kan lo thlir ṭhap lai chuan chutiang lam reng a lo ni lo. Tihtak te-in zai turin min han sawm ta tlat mai a nih chu maw le! A nupui lah chuan ‘zai la, kei ka lo lam ang’ a lo ti mauh mai bawk si. A va’n manganthlak tehlul ngai em!
Chhun lama kan inzuinaah Minister-in Mizo mipa chuan ṭingṭang an perh thiam deuh vek tih a hriat thu a sawi te khan chhuang fein ka lo ‘amen’-pui vel tawh kha a nia. Ṭingṭang ka neih leh neih loh min zawh lah khan ka neih thu te, mahse thiam vak lo chunga electronic piano ka khawih tam tak zawk mah thu te ka lo sawi liam vel mai mai kha a nia. Chutiang lam sawi zui thui lo-in politics lamah te kan pakai a, president thlan lo awm tura an party dinhmun te kan sawi ta zel kha a nia….Mahse mihring hian kan hma lam hun hi kan lo va hre lo-in, ka thil sawi te kha a lo va han ṭul lo tak! Chawhreh leh theih a ni tawh si lo.
Chaw ei hma pawh khan ‘i zai ngaithla ila’ a ti a ti tawh a. Chhuanlama ‘ka ṭingṭang hrui pahnih ngawt a chat a, ka la thlak si lo a, tih ngaihna a awm lo’ ka tih chu a awih ve mai emaw ka tih laiin a lo awih tak tak awzawng lo chu niin! Minister berin chutia min sawm takah chuan midang zawng chuan min thlir ṭhap a, min nghak ta ṭhuap mai bawk sia. Khuk ral mai theih ni hek lo le, ka nupuiin ka ṭingṭang, a hrui pawh kim thlap chu a rawn phawrh ta nge nge a.
Chhungte bak hnaivaia an awm loh laia ka hla sak ve awl awl ṭhin te kha ka’n ngaihtuah chhuak dawn ngial a, a bo duak mai. Mizo hla leh sap hla pawh hriat alawi ka nei ta mang hlek lo a, ka chawmawlh deuh huih ni berin ka hria. Ṭingṭang hrui herh mil sa vek chu ka herh ka herh a. A tawpah zawng a kel rawl a kel rawlin eng hla emaw ni ber chu ka’n rum chhuahpui ta ngal ngal a!
Ka tlin ang tawk, nalh lem lo taka hla pakhat ka sak zawh khan an duh tawk mai ang chu tih nak alaiin…khawi lamah! ‘A dang’, ‘a dang leh’ an la ti tak deuh deuh a, hla pathum ngawt ka’n mualphopui ta hial a nih kha! Minister nupui pawh chu a intiam ang ngeiin a lam ve thliam thliam a. Midang te pawh lam turin a kai chhuak vel. Ka zai zawh khan kut an beng ve dar dar ni khan ka hre riai ruai a, mahse ka hre mumal lo. Thangkura pu, Pu Lawmtea’n ‘a va rapthlak em!’ a tih sek ṭhin kha ka hrethiam ta uar uar mai.
‘Mipui’ hmaa ka solo vawi khatna a ni. A hnuhnung ber a nih ngei hi ka beisei nghet tlat bawk. A tuk zing thleng khan ka la ṭim deuh er er reng mai. Ka khua a sik deuh em maw ni hial ni?!
Similar Posts:
- Thang Part I
- UDA candidate chesual thelh
- Kih hnawk aiin hrui hnawk
- Ka GMI zinkawng
- Chief Minister hi maw???
June 23rd, 2012 at 9:03 am
First keuh teh ang….khuarei hnuah..
Report this comment
June 23rd, 2012 at 9:06 am
Hi2…i hlasak pakhat tal chu han sawi ve la maw le Post tupa.
Report this comment
June 23rd, 2012 at 9:07 am
‘I am a disco dancer’ tih kha i sa tel lo maw! haha…
Report this comment
June 23rd, 2012 at 9:09 am
Report this comment
June 23rd, 2012 at 9:11 am
Hetiangah tak hian lawm mizote’n hnam dang kan tluk lohna chu, hnamdang ho chu an thiam emaw thiam lo emaw, an aia thunei zawk ten ti tura tih an nih chuan phur takin an ti nghal mai zel
Post tupa chu an ngenna i ti hlawhtling a
Report this comment
June 23rd, 2012 at 10:00 am
A va adventure awm tiah tiah tak ve lee…
tren tren
Report this comment
June 23rd, 2012 at 10:05 am
Thil rapthlak tak tak i tawng emaw ka tia. I sawi ang circle ah te chuan a zahthlak vak loh chu. Audience an tlem em chu. I zaithiam tih ka lo hrelo reng reng
Report this comment
June 23rd, 2012 at 10:20 am
Ka ngai thla ve chak hle mai.
Report this comment
June 23rd, 2012 at 10:27 am
A va rapthlak em!
I zai ngaihthlak a chakawm hle mai. Hlatekhua atanga ngaihthlak turin, remchangah misual-ho thlir theih turin rawh post ngei teh…
College kan kallaiin, a thu thiam chiang hman lovin; Bon Jovi hla “Always” tih kha solo competition-ah ka sa ve ringawt a. Chang khatna ka sa zo dawn tihah, mipui lamin min rawn zawm ta dual dual mai si! A satu ber ka confi ta lova, stage atangin ka tlanchhuak daih
Ka musician te’n hrilhai deuhin min rawn zui chhuak ve tawp… 
Report this comment
June 23rd, 2012 at 10:44 am
ha ha haa ha haa….. kei pawh PG class kan kal tran tirh hian intro kan neia, Mizoram tranga lokal ka ni kan tih khan, kan prof khan hmmm Rock Music or football..??? anti nghal thruai maia…a pa2 in kan tia…!!! min han zai tr tral mai a….. Eagle ho hla engber ne se tohlo kan rak pui ve siah2 mai chu vai hoin ka ang phuangin min en mai alom…!!! guiter minzir tir rawh an ti chhen mai tawh maleee…
Report this comment
June 23rd, 2012 at 10:52 am
Hmakhawsang a leng
Chhurbura kha
Zaiin ka hril dawn e…….
tih hla kha sa em?
Report this comment
June 23rd, 2012 at 10:53 am
Zai huaina a awm alawm. .
Report this comment
June 23rd, 2012 at 10:59 am
shylo@2, a hrui ka herh ka herh laia ka rilrua lo lang te chu ‘Liandote unau, unau’, ‘Aw Lalpa, chaw leh thil tinreng’, ‘ U-a-ma’ tih te a ni nuai a, han sak chi em a ni hlawm mang si lo a. Mahse ka nupuiin ‘Tunge hril zo ang ka suihlunglen reng hi…’ tih kha a rawn thlang ta hlauh a, ka’n ti ta al al a nih kha. Sak lah chu a lo har erh lehnghal.
sheldon@7, hetiang hunah hian audience tam leh tam loh pawh a ni vak lo. Ka tawn ve tawhah chuan mipui tam tak hmaa thusawi aiin mi tlem rem rawm, fip deuh theh thawh hmaa sawi hi a zamawm duh daih zawkin ka hria.
Report this comment
June 23rd, 2012 at 11:11 am
dik sa reng pawh han herh vel hi a awl ru riau. mizote min hriat dan hi guitar perh thiam a ni ve tlat a…vaiho kan hriat dan ve thung chu cycle chuang thiam.
i zai chu ngaihthlak a va chakawm ve..zoram ngaih hla kha i sa lo nia.
Report this comment
June 23rd, 2012 at 11:13 am
I zai lai kha a video i nei reng sia, rawn post tel tur ania
Report this comment
June 23rd, 2012 at 11:16 am
A zai lai thlalak ka dil a, a phal miah lo….
Report this comment
June 23rd, 2012 at 11:36 am
A va rapthlak tak ve..kei pawh Zai tur a insawm thut hi ka rap zawng tak ani. Biakin a mipui zai ah pawh zai ri ngam ngailo kha, 1st year kan nih laiin senior te hmaah Solo an ngai tlat thrin kha chu!! Ava han hahthlak thrin tak em..Sap hla pa1 mah ka thiamlo ka tia, min zai tir apiangin..”Thlangkhawr vaia, truantrul vanga i liam ni khan e” tih leh “Pialral ramnuam” kha ka sawisa ngun khop mai.haha
Report this comment
June 23rd, 2012 at 11:58 am
Ngaihthlak ve chakom hle mai a, midang zai tur awm loh avanga zai ngawt ai chuan a hrehawm loh zawk dawn hi….
Report this comment
June 23rd, 2012 at 12:11 pm
Ka va han hrethiam tak che em. Tumkhat old delhi ah khuan ka classmate hlui naga pakhatin vai pasal a nei a, Kristian a lo ni ve nghe nghe a. Devotion uluk tak an nei thin chu lo niin. Inneitupa chuan “Kan zai anga, hei kan zingah Mizo a awm ve a tumah dang guiter pek chi a ni lovang” an ti mai chu(h). Ka buai teh asin. Mahse vaiho zai chu Steve Vai pawh khan chuti takin a perh rem that ka ring bik lo. Kan bei tak tak mai a, a tawplam ah chuan guiter solo in ka khar tep a ni.
Report this comment
June 23rd, 2012 at 1:17 pm
Hahahahahaha….i solo chu ka va han ngaithla ve chak tehlul em!
Report this comment
June 23rd, 2012 at 1:42 pm
A rapthlak lutuk a ka chhiar liam puat
A ngaihnawm lo lutuk hi a rapthlak ni ta berin ka 
hria
Report this comment
June 23rd, 2012 at 1:47 pm
A hnam anga inen dan hi a awm a, kan KS thenkhat thlenghla deuhte avangin Mizo hmeichhia zawng zawng sihhnip leh buanchaklo tura min ngaih laiin Football thiam vek tura ngaìh kanni te, zaithìam leh guitar perh thìam vek tura ngaìh kanni te, kungfu thìam vek tura ngaìh kanni te hì a tha ngawt mai. Chhawm nun zel pawh a tha e. 2002 khan Aizawl state guest house ah khatìhlaia Edu.minister khan sap khualtha ho lawmna inkhawm a buatsaih a, kan college (theological college)male voice kan zai a, Gaither vocal band ho hla Satisfied leh Yes i know kha kan sa tain ka hria. Kan Sapmikhualte aiawha thusawitu chuan, khawvel huap pawhin korean, Naga ho leh mizote chu zaithiam kannih thu leh chung zingah pawh chuan mizote chu zaithiam min tih beq thu a sawi a. Amaherawhchu pawi tih em em a neih thu a sawi a; chu chu kan tlem lutuk hi ani a ti. “Crore 2/1 tal lo ni ula chuan, tunai hian khawvel hi a nuam deuh tur” a ti ve hial a ni. Nang pawh thiam an tih tak tak che ka ring.
guitar te ilo perh thiam ngei bawk si a.
Report this comment
June 23rd, 2012 at 1:53 pm
Tum khat chu YMA day intihsiakna ah kan section pakhatna kan nih kan lawm a. Section ob ho solo turin min request a, a hmasa ber ah ka zai pek a. Inbuatsaihna awm lova ti thut kan ni bawk sia, kristian hlabu kan keu phawk mai a. Ka zuk keu fuh ber ‘Naupang te tak te ka ni’ tih hla kan sa mai chu pui tak ani. An haw haw hluah hluah mai mawle.
Report this comment
June 23rd, 2012 at 2:17 pm
Ka comment alo lut miah lo. Ka type peih tawh lo #22 ang khian.
Report this comment
June 23rd, 2012 at 2:18 pm
Ha ha ha, nuam chem cham ang chu..
Report this comment
June 23rd, 2012 at 2:21 pm
Ava rapt
hlak em
Report this comment
June 23rd, 2012 at 2:21 pm
Ava rapthlak em
Report this comment
June 23rd, 2012 at 2:22 pm
Ava rapthlak em
Report this comment
June 23rd, 2012 at 2:55 pm
Ha ha ha!
A va han ṭha ṭhuai ṭhuai êm!
Han tih tâkah chuan Mizo hi ṭingṭang thiam (ve ṭâwk ṭâwk tal pawh) kan tam tak tak a aw! Zà-a 70 kan tlin ka lo ring hial a, a-mik-a-mak tal hria hi. A làwmawm hi ka tia…
Mi hrilh zël tùr. Wikipedia-a mizo chanchin version hlui-ah kha chuan “almost all mizo boys can play guitar” tih angreng deuh kha a chuang ṭhin a, a lo bo ta daih zâwk a; thulâkna hnár rintlâk sawi tùr a awm loh vangin an paih tâ ni awm tak a ni.
Report this comment
June 23rd, 2012 at 3:02 pm
keipawh vai hostel awm lai kha chuan a duh duh hian duh hun hunah zai rawh min ti ringawt zela, zai hma chu min nghak tawh thin si a, hah deuh lai phei chuan ka thin a rim thei ania aw…Mizo tawh phawt chu zaithiam tura ngaih kan ni tawp te hi a lawmawm hranpa ve reng reng a nia
Report this comment
June 23rd, 2012 at 3:21 pm
#22 khi a ṭha ka ti ve e
. Zahthlâk deuh chú ‘ni.
Pawi ka tih ve chu, Pu Lalliana Mualchin sawi ang deuh khan, scientific seminar leh zirbinghona ilova mithiam tir lova lám tùr, zái tùr tih ang vêl mai mai kan tír ṭhin hi a ni.
Hnam fing leh hmasawn ni lova zai àwl àwl hnam kan ni ringawt hi chu a lawmawm fahran lo.
Report this comment
June 23rd, 2012 at 5:15 pm
Tribal rau rauah hnam fing leh hmasawn ber pawl niha, zaithiam hnam tia hnam dangte hriat leh ngaihsan nih bawk si hi a van nuam em
mizote hi chuan kawng tinrengah talent hi kan nei tha a ni 
Report this comment
June 23rd, 2012 at 5:42 pm
Nang meuh i han zai chuan a ‘rapthlak’ dawn tih a chiang reng mai
Vai ho chuan engtiang takin dawngsawng ang maw? Sawm man awm an ti nge sawm fuh lo an inti ang le?
tak taka, vai kel rawl ho ai chuan i thiam hrim hrim.
Report this comment
June 23rd, 2012 at 7:56 pm
Ti ṭha ṭhuai ṭhuai ve hairehai
Mipui hmaa din hi mi tamtak awm mahse, hmuh phe deuh ruai an awl teh ania
Report this comment
June 23rd, 2012 at 8:48 pm
Zai zel rawh khai. Hla sak tur ah buai suh hei a phuah mi pawh kan pung zel ania ehhh
Report this comment
June 23rd, 2012 at 8:57 pm
Report this comment
June 24th, 2012 at 12:42 am
Hmmm a va ngaithlak chakawm ve aw. youtube lamah a awm ngei ngei ang, tun lai chu hmasawnna a sang tawh a, a awm thei zel a Hahaha. Kei pawh kum 2004 khan Lucknow ah khuan kan solo mai a nih kha, mizo shawl ka veng a, ke lawng leh kawr ha lovin Lengtu pui hi kan sa ve mai a, ka ngaituah let hian ka zak chem chem mai. Mahse, Mizo dang an awm velo hlauh a.Hahaha
Report this comment
June 24th, 2012 at 3:59 am
Kenny G hla kha……..!
“You picked a fine time to leave me Lucille…”
kha chu Er. Mat****te kha chuan thawh thut request-ah pawh hian an sa thin asin maw le!!!!!
“Hmel hriat loh hmel hmuh ka nuam in ti…
Lalawithangpa chawmkhuang bengah min tir e..
Muvanlai ……..val va lam rawh le..!” tih te kha chu a tel ve ngei ang chu maw?
Report this comment
June 24th, 2012 at 4:03 am
btw, Hlatekhua hi kan MI pui dawn emaw kan ti a….mahse khuanu ruat loh ‘D’ an tih ang deuh khan sik leh sa te’n a bumro nasa si a…a programme a cancelled deuh duah kha a lo tul ta si a…! Bete bawk velin kan MI ta lo..!(pawi fu)
Report this comment
June 24th, 2012 at 4:06 am
Mahse, ” Lam ang ka lo let leh ta e…Vala, Min lo hmuak dawn lawm ni chhuahtlangah” kha a rawn thlan hunah chuan “Achtung” kan ti thei ang chu maw?
Report this comment
June 24th, 2012 at 7:44 am
Mizo tlangval chu tingtang perh an thiam vek, Bangladesh tlangval chu tuihleuh leh lawngkar an thiam vek, Vai tlangval chu Thirsakawr khalh an thiam vek. an tia lawm
Youtube ah te rawn upload ve la, hmuh chakawm lawm le. ziak ngaihnawm thiam khawp mai
Report this comment
June 24th, 2012 at 12:39 pm
Report this comment
June 24th, 2012 at 12:46 pm
Mipui hmaa din chhuah harsat lutuk ka ni, chhunginkhawmah pawh ka ding khur lo chauh thin a nia. Rapthlak tak karah i zai tlingtla thei a, i turu hle mai.
Kungfu lam in sawilan takah chuan, hmanah vairam kawtthler pakhatah khuan zan thimhlimah ka tei mai mai a, kawngsir a vai dawr pakhat atang hian min lo ko a, ‘lo kal vat teh, hei TV-ah in film a chhuak’ an lo ti a. Kan en chian nak chuan chinese kungfu film lo ni pekin, a changtupa lah a lo thlawk fua fua lehnghal
Report this comment
June 24th, 2012 at 4:28 pm
lushai_er, ngawi tak rawh, kan dam anga, rei lo deuhah kan la rawn hrut leh dawn khawp che u a nia. Kan la inhmukhawm ngei ang chu.
Ka zai lai video chu nichin mai khan a vawikhatna atan ka’n en chhin dek dek a, han youtube chi ziazang niin ka hre lo! Vaiho thenkhat khan an camera khan an la ve lehnghal a, an chhiar zat zata leisaka nawhreh hial a nia ka duh ni!
Report this comment