Nizân chu ka thianpa pakhat nên kan in text mai mai a, eng eng emaw kan sawi hnuin an vêng nula thenkhatin min * (star) tih a sawi ta! Ka ka hau mai maw le! Ka awih chiah lo a, ka awih lo phal bawk si lo, ‘a nuam e, a hrehawm’ an tih ang deuh hian ka awm!
Isua ka an vêna lai tak “piahmang thatna leh hmêl mawina rêng rêng a nei lo va; amah kan hmuha amah kan duhna tûrin mawina rêng rêng a awm lo” tih ziak ang mai khân mawina leh thatna rêng ka nei lo a, mite min duhna tûrin keimahah hian duhawmna rêng a awm bawk si lo. Nulain min * theihna tûr khawpa hmêl tha ka ni lo tih chu ka thiante pawhin min Amen-pui thlap. Mahse, vêng thenkhata nulate chuan min lo * ve khang lang a nih chu.
Ka tân zawng a bâka lâwmna hi a awm thei hauh lo. Mut ka tum a, ka mu ngei alawm, mahse muthilh te chu khawi lamah. Zîng takah ka tho a, ka hawiher te chu zâng tak a ni, zâng tak. Tihtûr awm ang ang pawh phûr takin ka ti zo duak nia maw le! A chhan ni âwma ka puh thlûk tâk ber chu ‘Nula-in min *’ miau alawm. Nuam veng veng tak a ni!
Nula/tlangvâl kan * a nih chuan hrilh mai hi a lo finthlâk ber mai. Min *-tute pawh khân min hrilh zak tlat a, hun rei tak chhûng chu ka hre hauh lo. Chu chuan eng nge awmzia a neih? Ka hriat chiah khân min *-na khân awmzia a nei chiah si a. Chuvangin mi kan * emaw, hmêl tha kan ti emaw, duhawm kan ti emaw, zei hawi kan ti emaw a nih chuan hrilh mai hi a lo fuh ber. A zahthlâk hauh loh. A chhan chu tu mân fakna tawngkam (a der leh uchuak lutuk a nih loh chuan) hi kan haw ngai lo mai pawh ni lovin kan lâwm êm êm zâwk thin.
Zêp tlat ai chuan tlang taka hrilh tawp mai hian rah tha a chhuah zâwk thin. Chumi avanga inngaihzâwn emaw zuam êm êm tûr emaw tihna lam a ni lo. Mi puitling chuan lâwm takin an lo dawngsawng ang a, kan inkârah inpawhna (relationship) tha a awm zâwk ang. I mi ngaihsân, nalh tih, zei tih, hmêl tha tih leh fel tih êm êm kha zâm hauh lovin hrilh tawp rawh. A haw dâwn hauh si lo. Huat a hnêkin a lâwm zâwk dâwn zuk nia! A fel viau phei chuan thil a leisak/eitûr tui hnai tak a treat hlauh thei che asin! 
Similar Posts:
- Pathiana mihringte dinhmun;
- Aw min hrilh rawh zaninah ngei (updated)
- Thianghlimna 135
- ‘D’ Zunzam
- Lunghlu!
June 29th, 2012 at 5:42 pm
.
Report this comment
June 29th, 2012 at 5:50 pm
A lo ni tak ang a!!!!
Report this comment
June 29th, 2012 at 5:55 pm
Ngaihdan tha tak a ni…
Ka’n hrilh nghal te’ng…
Mahse…, har ve deuh a nia.. 
Eng dang a ni lo, Post-tupa hi a luck bik ee…
Report this comment
June 29th, 2012 at 5:57 pm
hrilh thruai teh ang
Report this comment
June 29th, 2012 at 6:16 pm
Luck bik nang, kum 30 dawnah *-tu ka’n hmu ve hlauh mai a, ka lawm phelengin ka rawn tarlang ve mai ania. Mite chuan an hne zawk maithei sia
Report this comment
June 29th, 2012 at 6:25 pm
Star ka nei nual mai a’h
Ka’n hrilh nghal sup sup teh ang
Report this comment
June 29th, 2012 at 6:47 pm
@ Awmtea.. I post chhan khi a tha khawp a nia..
@ Mx… Kei paw’n ka ngah lutuk, hrilh hmasak tur ka buai..
Report this comment
June 29th, 2012 at 7:31 pm
NUam awm bik ve aw, hrilh pop chi………..a ruk a star neih a a ruk a ban leh daih pawh nuam tho hahahaha
Report this comment
June 29th, 2012 at 7:39 pm
He post chhiartu min star deuh sawi chhuak ngam lo in awm chuan rawn apply vat teh u
Report this comment
June 29th, 2012 at 8:18 pm
tlangval ho khan nula rilru dik tak hi hria ula chaun tun ai hian a let 29 velin in huai phah ang maw le….haha..
Report this comment
June 29th, 2012 at 10:04 pm
Ka hrilh mawlh mawlh mai… ngaiah a neih tawh zawk emawni leeee?
Report this comment
June 29th, 2012 at 10:09 pm
Awmtea chu karleh atang chuan 6-10pm chu misual ah a reh raih dawn ava nih mai hmel ve.
Report this comment
June 29th, 2012 at 11:04 pm
Ka hrethiam ve lo
Report this comment
June 30th, 2012 at 12:41 am
Ka hrilh tawp mai ang che…kei pawn ka star che…eh
Report this comment
June 30th, 2012 at 7:23 pm
Tu hial nei tawh pawh an la zah chuan, kei ve te hi engtin tak chuan han sawi ve i maw!!!!
Report this comment
July 2nd, 2012 at 11:22 am
Hmeltha si lo hi min star leh viau thin a…Kan englai hi nge an lo star ang le tih mai a awl ania..Hahaah
Report this comment