Fiamthu hi ka thawh ve ngai lo va, ka chem kalna lam pawh a ni bawk hek lo. Nuih erawh ka nui ring thei phian! Fiamthu thiam hi ka ngâisâng a, TuaiSialA (lo inla celeb nghâl ngawt lo sela) phei hi chu ka * tlat! A hmêl hrim hrim hi ‘nuihza’ an tih ang hi a ni! Chuvangin kan lungrual tlânna a nih dâwn phawt chuan ‘K’u’ title pêk ni se ṭha ka ti. ‘K’u TuaiSialA’ a han ni mai tûr hi chapopui thiam chu a tling alawm.
1. Ka post 65-na a ni a, 29th January aṭang khân ka post ṭan a, chawh rualin ni 2 ½ -ah pakhat zêl post ang ka ni.
2. Mi pakhatin a nupui ni tin a vaw ṭhin a, pakhat chuan ni khat danah a vaw ṭhin a, pakhat dang leh erawh chuan a vaw ngai miah lo va. Chawh rualin kâr tin an nupuite mawng an vaw zeuh zeuh ṭhin.
3. Tûnlai mite hian thawmhnaw ṭial an uar lutuk a, chawh rualin zebra ang mai an ni.
4. Mi pakhat chu a fing êm êm a, pakhat chu a ṭha mâwl tawp a, pakhat dang leh erawh â tak a ni a. Chawh rualin huih hmawk ṭham ṭhen ang vêl an ni.
5. Ni khatah a ṭhenin dârkâr 10 chuang hna an thawk a, a ṭhen an awm mai mai a, a ṭhen erawh an mu nilêng deuh thaw a. Chawh rualin an lêng mai mai.
6. Mizoram mipui zât aiin piangthar zât an tam a. Chawh rualin ṭhenawm te nau pai, a lo puitlin huna rui chunga la chat thla tûr nên lam piangthar tawh ang an ni.
7. Pakhatin chaw a ei ṭeuh a, pakhatin a ei mang lo va, pakhat dang leh chuan a ei miah lo va. Chawh rualin an ṭâm chhâwl lo chauh.
8. Pakhat a hrisel ṭha êm êm a, pakhat a dam lo va, pakhat a thi a. Chawh rualin thi fa hnukchhat ang an ni.
9. Pa pakhat nupui chu a tlân (chhuak) chhên mai a, pakhat nupui chu a tlân ve zeuh zeuh a, pakhat nupui erawh a tlân ngai miah lo va. Chawh rualin nupa inngeih lo tak an ni.
10. Pakhat chu a hmêl ṭha êm êm a, pakhat chu a hmêl ṭha lutuk lo va, pakhat phei chu hmêl chhe tak a ni a. Chawh rualin Kher Kher ang vêl an ni!
Bonus: Chawh rualin sisen & Charice_mizo hi hmêl ṭha reng ang an ni a, sheldon hi duhawm reng ang a ni a, aduhi hi thu ber reng ang a ni a, Sandman hi zahawm reng ang a ni a, Dr Mahminga Sailo hi ‘bauh leh miau’ reng ang a ni a, H.Vangchhia hi fing reng ang a ni a, TuaiSialA hi nui reng ang a ni a, malsta27 hi mi hnial reng ang a ni a, chhana hi dairy ziak reng ang a ni a, houdini & lr hlonchhing hi bengvâr reng ang an ni a, PKfanai & Lamji hi luangliam reng ang an ni a, Kher Kher hi nawi reng ang a ni a, hnam sakhua hi ‘the other side’ reng ang a ni a, Maisek & Asteric hi emoticons reng ang an ni a, century child hi CK reng ang a ni a, saint sammoo hi fimkhur reng ang a ni a, Chhuaklinga hi ‘tren tren’ reng ang a ni a; midang zawng chu ka sawi lan ve lêm loh avanga vui hmui pu deuh vu reng ang an ni!
PS. Thil chawh rual leh ngawt ṭhin pawh hi a fuh ber kher lo maithei!
Similar Posts:
- Rualkhai deuha kalpui ni se
- Pawi ti miah suh!
- Nupui neih hmain engmah ka post lo
- Blog bo bonus
- Misual May (2013) Bihchianna
(Y)
July 11th, 2012 at 11:32 pm
Hets………..Houdini: sawipun awih loh
Report this comment
July 11th, 2012 at 11:32 pm
Chawhrualin za… 100
Report this comment
July 11th, 2012 at 11:34 pm
chawhrualin edit tawh lo mai ang…
Report this comment
July 12th, 2012 at 6:18 am
E heu… malsta27 leh Charice_mizo te chu chawh rualin inkhal nep nep reng ang an ni
Tho tawh r’u… chawh rualin 2/3 zel hnar ri kuk kuk ang in ni
Report this comment
July 12th, 2012 at 4:48 pm
chawhrual in nitin misual hi vawi thum ka lut tlang pui. mahse ka comment ngai vak lo, chawhrualin comment ngai lo ang ka ni. Mobile atang phei chuan ka comment ngai mang lo, ka peih lo ting tang. chawhrual mobile atang in
in ka la comment lo
Report this comment
July 12th, 2012 at 4:51 pm
An lo la chawkrual ka ti…
Report this comment
July 12th, 2012 at 8:51 pm
Chawhrualin zanin chu ka mut a chhuak tlat mai
Report this comment
July 12th, 2012 at 8:55 pm
# 107, Sheldon, Chawkrual la Mu daih rawh… “Mang Tha, Muttui Le”
Report this comment