Chawh rualin…

July 10th, 2012 8:00 pm by Awmtea Leo Khiangte

Fiamthu hi ka thawh ve ngai lo va, ka chem kalna lam pawh a ni bawk hek lo. Nuih erawh ka nui ring thei phian! Fiamthu thiam hi ka ngâisâng a, TuaiSialA (lo inla celeb nghâl ngawt lo sela) phei hi chu ka * tlat! A hmêl hrim hrim hi ‘nuihza’ an tih ang hi a ni! Chuvangin kan lungrual tlânna a nih dâwn phawt chuan ‘K’u’ title pêk ni se ṭha ka ti. ‘K’u TuaiSialA’ a han ni mai tûr hi chapopui thiam chu a tling alawm.

1. Ka post 65-na a ni a, 29^th January aṭang khân ka post ṭan a, chawh rualin ni 2 ½ -ah pakhat zêl post ang ka ni.

2. Mi pakhatin a nupui ni tin a vaw ṭhin a, pakhat chuan ni khat danah a vaw ṭhin a, pakhat dang leh erawh chuan a vaw ngai miah lo va. Chawh rualin kâr tin an nupuite mawng an vaw zeuh zeuh ṭhin.

3. Tûnlai mite hian thawmhnaw ṭial an uar lutuk a, chawh rualin zebra ang mai an ni.

4. Mi pakhat chu a fing êm êm a, pakhat chu a ṭha mâwl tawp a, pakhat dang leh erawh â tak a ni a. Chawh rualin huih hmawk ṭham ṭhen ang vêl an ni.

5. Ni khatah a ṭhenin dârkâr 10 chuang hna an thawk a, a ṭhen an awm mai mai a, a ṭhen erawh an mu nilêng deuh thaw a. Chawh rualin an lêng mai mai.

6. Mizoram mipui zât aiin piangthar zât an tam a. Chawh rualin ṭhenawm te nau pai, a lo puitlin huna rui chunga la chat thla tûr nên lam piangthar tawh ang an ni.

7. Pakhatin chaw a ei ṭeuh a, pakhatin a ei mang lo va, pakhat dang leh chuan a ei miah lo va. Chawh rualin an ṭâm chhâwl lo chauh.

8. Pakhat a hrisel ṭha êm êm a, pakhat a dam lo va, pakhat a thi a. Chawh rualin thi fa hnukchhat ang an ni.

9. Pa pakhat nupui chu a tlân (chhuak) chhên mai a, pakhat nupui chu a tlân ve zeuh zeuh a, pakhat nupui erawh a tlân ngai miah lo va. Chawh rualin nupa inngeih lo tak an ni.

10. Pakhat chu a hmêl ṭha êm êm a, pakhat chu a hmêl ṭha lutuk lo va, pakhat phei chu hmêl chhe tak a ni a. Chawh rualin Kher Kher ang vêl an ni!

Bonus: Chawh rualin sisen & Charice_mizo hi hmêl ṭha reng ang an ni a, sheldon hi duhawm reng ang a ni a, aduhi hi thu ber reng ang a ni a, Sandman hi zahawm reng ang a ni a, Dr Mahminga Sailo hi ‘bauh leh miau’ reng ang a ni a, H.Vangchhia hi fing reng ang a ni a, TuaiSialA hi nui reng ang a ni a, malsta27 hi mi hnial reng ang a ni a, chhana hi dairy ziak reng ang a ni a, houdini & lr hlonchhing hi bengvâr reng ang an ni a, PKfanai & Lamji hi luangliam reng ang an ni a, Kher Kher hi nawi reng ang a ni a, hnam sakhua hi ‘the other side’ reng ang a ni a, Maisek & Asteric hi emoticons reng ang an ni a, century child hi CK reng ang a ni a, saint sammoo hi fimkhur reng ang a ni a, Chhuaklinga hi ‘tren tren’ reng ang a ni a; midang zawng chu ka sawi lan ve lêm loh avanga vui hmui pu deuh vu reng ang an ni!

PS. Thil chawh rual leh ngawt ṭhin pawh hi a fuh ber kher lo maithei!

108 Responses to “Chawh rualin…”

1
lr hlonchhing Says:
July 10th, 2012 at 8:10 pm
Chawk rua1 i1a
2
Mx Says:
July 10th, 2012 at 8:14 pm
Haha (Y)
Vui hmui pu deuh vu reng ang ka ni ve ani maw :p
Paws chawhchawrawi tak ani 😀
3
drake Says:
July 10th, 2012 at 8:15 pm
chawhrual lohin denpawlh ta la, engnge ni ta ang
4
saint sammoo Says:
July 10th, 2012 at 8:21 pm
chawhrualin comment lo ang ka ni..lol.. 😀
5
lr hlonchhing Says:
July 10th, 2012 at 8:23 pm
Bengvar tih tak khi chu ka title a ni lo, chawhruala thu ho të të chaw tak khukpui hi ka title a ni zawk mah.

Pu Awmte..U Sheldie hi duhawm leh hmeltha vuah vuah tak a nia. A fel bawk, Kolasib ka zin khan a inah ka thleng a, nuam tak a ni. 😀
6
Jacka Pi Says:
July 10th, 2012 at 8:31 pm
(H)
7
muantea Says:
July 10th, 2012 at 9:44 pm
Kei chu chawh rual mai mai chi ka ni lo 😀
8
Maisek Says:
July 10th, 2012 at 10:11 pm
9
sisen Says:
July 10th, 2012 at 10:16 pm
comment dan tur pawh ka hre lo :-O
post tupa hi (C) khilai mai teh ang 😉

Ka hnuaia mi hi inthlahrung awm ngawih ngawih a ni, thenawm inah a leng nasa em lom!
10
Soberboy Says:
July 10th, 2012 at 10:16 pm
misual ah hian ka inthlahrung dêk mawle 😀
11
Liampuata Says:
July 10th, 2012 at 10:25 pm
a van ni thei dawn chiang hlom ve le (Y) Nau Sisen hi a mu thei long a 😀
12
Asteric™ Says:
July 10th, 2012 at 10:30 pm
Chawh rual in vawih hi a uih dan a dal chuang miahlo an ti :-O
13
Dr Mahminga Sailo Says:
July 10th, 2012 at 10:36 pm
ka bath dawn nge? (&) ka miauuu dawn le.? (@)
hawh u, inchawkrual mai ang u… 😀
14
Saitawk Says:
July 10th, 2012 at 10:38 pm
Chawhrual-in nikhat ah darkar 2 tal sual reng ang ka ni! Darkar 22 chhung chu ka fel thlarh! 😛
15
ɪ̣uɪ̣pnoɥ Says:
July 10th, 2012 at 10:42 pm
Ha ha ha!

Min va chawkrual nasa mai mai ve 😛
16
ɪ̣uɪ̣pnoɥ Says:
July 10th, 2012 at 10:46 pm
Mi fâte hi chu in tuihnäng bîk ngawt mai; ni hnih leh a chanve-a thuziak pakhat zël thawh thei han nih pawh chu, ropui khawp mai. (Y)

Inneih champhaphâk 65-na kha Blue sapphire an ti em ni kha sâpho khan? (*)
17
Asteric™ Says:
July 10th, 2012 at 10:47 pm
TuaiSiala chuan mizo nula ho hmui hi a chawkruala tumahin hmui an nei lo a ti 😉
18
TuaiSialA Says:
July 10th, 2012 at 10:59 pm
Chawhrualin Asteric hian second hnih dan zelah ReMpY ngaihtuah reng ang a ni.
19
century child Says:
July 10th, 2012 at 11:23 pm
Chhei raw 😀
(Y)
20
PKfanai Says:
July 10th, 2012 at 11:33 pm
Chawhrualin ka mu tawh dawn. 🙂
21
Awmtea Khiangte Says:
July 11th, 2012 at 12:01 am
Chawh rual, pawr pheng phungin ka rawn lut ve hman chiah e…
22
H.Vangchhia Says:
July 11th, 2012 at 12:04 am
Ka nui vun vun 😛 (Y)
23
Lamji Says:
July 11th, 2012 at 12:07 am
Chawhrual rau rau chuan phuihnam leh uisa bawk hi alo tui. 😛
24
Jacka Pi Says:
July 11th, 2012 at 12:08 am
Post tupa hi amah hrim hrim hi chawhrual tham a ni (H)
25
vakul Says:
July 11th, 2012 at 12:18 am
Nau malsta chu in va tikhawngaihthlak e awwwwwwww ani chauh tal hi chu chawkrual ve teh suh u.
26
Kher Kher Says:
July 11th, 2012 at 12:27 am
Awmtea kher kher chuh!
27
Lamji Says:
July 11th, 2012 at 12:36 am
E khai aw…vawiin post comment ho ka en a,ka buai ber niin K’u Chhana’n min lo au ruai mai anih hlawm khu. Ka va inthlahrung ve aw. Chawhrualin darkar 3 chawl lova min ko a au char char ang ani. 🙂 (OT dalah!)

Sorry aw ka u. Tluang takin ilo thleng dawn nia.
28
Kher Kher Says:
July 11th, 2012 at 12:45 am
An mathe teacher pawh khan class roomah lung lian deuh hi a rawn chawi lut a, a table ah a nghat chawrh a, lung chu kawh pah in rum zet hian ‘Chawkte ru’ a ti e an tia lawm.
Ka fiamthu thiam loh dan em em hi awww…tumah ka ti nui ve thei ngai dawn lo a nih hi. :*
29
ɪ̣uɪ̣pnoɥ Says:
July 11th, 2012 at 12:52 am
#28 Kher Kher, ka va nui nasa tehlul êm 😀
30
Kher Kher Says:
July 11th, 2012 at 1:20 am
#29, ka awih lo i ti lui niag:D
31
Atom c Says:
July 11th, 2012 at 1:39 am
😀
32
Mx Says:
July 11th, 2012 at 3:17 am
A va reh e…!
Zing ‘zu’ ka’n in ve daih teh ang 😛
33
Chhuaklinga Says:
July 11th, 2012 at 5:11 am
Eheu, Awmtea chuan min lo chawkrual elo maw!! hahaha 😀

Khawnge chawhrualin ka’n inbual ang e. (&)

tren tren
34
Awmtea Khiangte Says:
July 11th, 2012 at 6:33 am
#28 @Kher Kher mahni chauha ka nuih huk chu le 😀

@Chhuaklinga pawh a rawn tren tren leh ta 😛
35
Awmtea Khiangte Says:
July 11th, 2012 at 6:56 am
Soberboy, Jacka Pi, vakul, muantea, Atom c, Saitawk ho hi ka lo chawk rual ve miah lo tih ka inhre chhuak :-O

Anmahni lo inchawk rual ve tawh mai sela tha ang 😛
36
TuaiSialA Says:
July 11th, 2012 at 8:52 am
Chawhrualin ka zun a chhuak hle.
37
sheldon Says:
July 11th, 2012 at 8:56 am
Tukchhuah nuam vek u le (L)

Chawh rualin net a muang lutuk a, ka comment hlei theilo.
38
Dr Mahminga Sailo Says:
July 11th, 2012 at 9:24 am
Chawhrualin, tukchhuah nuam vek u le… 😀
39
bbney Says:
July 11th, 2012 at 10:09 am
Chawhrualin sheldon hi “Tukchhuah nuam vek u le” ti deuh reng ang a ni. 😀
40
sheldon Says:
July 11th, 2012 at 10:15 am
@bbney, chawhrualin ‘Tukchhuah nuam’ tih hman loh ni ka nei 😀

Chawh rualin vawiin chu hna ka ngah vak loh hmel. Recent comment ah Mahminga’n hat trick a siam a, kan comment ve chur chur teh ang 😀
41
Dr Mahminga Sailo Says:
July 11th, 2012 at 10:20 am
@ sheldon… chawhrualin, misual ho hi zanah an meng rei nge zing an tho hma zawk? :-O. Zing dar 9 vela ka comment tan hi chuan, ka hming a lo tlar leh dul thin… 😀
42
Awmtea Khiangte Says:
July 11th, 2012 at 10:48 am
Chawh rualin sheldon hi a hmeichhiatpui te aiin a duhawm lehzual (tukin zing telin) 😛

Chawh rualin mi(sual) member te hi zanah perhpawng anga meng rei leh bengchheng, chhunah thereng anga hram ring an niin ka hria. Han chawh rual tak tak chuan addict tihna an nih mai hmel 😀
43
malsta27 Says:
July 11th, 2012 at 10:51 am
😀 😀 nih duh hmel tak2 hle mai a…………a chawh rual chuan mi an hnial a ni zawk mah (H) 🙂 .
44
Awmtea Khiangte Says:
July 11th, 2012 at 10:54 am
mi hnial hi chu chawh rual lem loh pawhin kan hrat hlawm hrim hrim a ni awm e 😛

chhana hian diary a ziak leh tawh em ni??? 😀
45
Dr Mahminga Sailo Says:
July 11th, 2012 at 10:58 am
Misual ho hi, chawhrualin kan rual lo… 😀 😛 (nawi viau mai te’ng, min chawkrual vek tho alawm le.. 😉 )

Chawhrual eng ang hnuah paw’n, chemtatrawta’n inhnial a hrat ber… 😛
46
malsta27 Says:
July 11th, 2012 at 11:04 am
Pu Vakul a pawh hi hrat ve tak chu ni 😀 😀 ……
47
Awmtea Khiangte Says:
July 11th, 2012 at 11:06 am
chawh rual dawn rau rau chuan kei tel lovin aw ni ang 😛
48
ChhanaPa Says:
July 11th, 2012 at 11:08 am
Chawhrualin ka comment khat khawp mai!!!
49
Jacka Pi Says:
July 11th, 2012 at 12:47 pm
Vawiin chu chawhruala a lum lam hi insem zai chi a ni
50
Awmtea Khiangte Says:
July 11th, 2012 at 12:55 pm
Hmanni-a Taliban love triangle kha hei a video en tur a awm e, han en teh u. Rapthlak khawp mai
http://www.youtube.com/watch?v=_IHpGmQbfck&feature=player_embedded#!http://www.youtube.com/watch?v=_IHpGmQbfck&feature=player_embedded#!

51
Dr Mahminga Sailo Says:
July 11th, 2012 at 1:00 pm
Khaw lum in sawi elo? Khawlum chawhrualin, min rawn pe then ve teh u… 😉 Tukin ka walk (insawizawi changkang chi.. 😀 ) tirh phei chuan, ka khur bauh bauh asin.
52
Awmtea Khiangte Says:
July 11th, 2012 at 2:00 pm
chawh rualin office atanga chhuak tur angin ka awm… ka chhuak teh ang 😉
53
Jacka Pi Says:
July 11th, 2012 at 2:24 pm
Chawhrualin tuna ka kawng kham lutuk hi vai thirchhe zawng kawng ni zawk se ka ti khawp mai! 😛
54
Awmtea Khiangte Says:
July 11th, 2012 at 2:29 pm
Chawh rualin Jacka Pi avatar hi tleirawl reng ang a ni!
55
Charice_mizo Says:
July 11th, 2012 at 3:02 pm
Chawhrual hi ka thiam ve lo mahse’ng…chawhrualin kher khertea hian Mr Bean a ang ka ti hahah
56
Kher Kher Says:
July 11th, 2012 at 3:23 pm
Charice hian Mr Bean atchilh se ka van ti dawn chuan ka hria.
57
malsta27 Says:
July 11th, 2012 at 3:29 pm
@56: 😀 😀 ……….Mr bean nih ve te pawh a chakom rum2 dawn lawm le 😀 😀
58
Kher Kher Says:
July 11th, 2012 at 3:33 pm
@malsta27, mahse a tawp ah khian a nui huah huah a, ngaih a la tha zan lo.

Tunah khan Chhana ka hmu, Pu Chhana aka Diary kha 😀
59
Awmtea Khiangte Says:
July 11th, 2012 at 3:44 pm
Keipawh mr.bean nih ka chak rum2!
chhana chuan eng diary emaw a ziak mek em ni?
60
Kher Kher Says:
July 11th, 2012 at 4:00 pm
A thuam fakim nen a rawn thawk ni ngei tur a ni, a bawr khawp mai. Min hre ve der si lo a hahaha
61
Awmtea Khiangte Says:
July 11th, 2012 at 4:02 pm
A hmuhnawm ngawt ang chu, a thla te lo la la tha tur nia! Mizo(ram) diary tih bu a keng hial lo maw???
62
Kher Kher Says:
July 11th, 2012 at 4:15 pm
Lamji inah a thleng a ni awm e. Israel rim a la nam cham cham mai, ziah tur a ngah tawh ngawt ang.
63
Charice_mizo Says:
July 11th, 2012 at 4:21 pm
Chawhrualin Israel ramah ka kal ve chak.. (*)
64
ZerO Says:
July 11th, 2012 at 4:31 pm
Ka chawk rual vek mai dawn che u amawn le….
65
lrpa Says:
July 11th, 2012 at 4:34 pm
A chawrual in Misual member te hi MA vel kan ni!..a chawhrual in kan ti ti..under matric..haha
66
Charice_mizo Says:
July 11th, 2012 at 4:39 pm
Chawhrualin JNU hi India rama University tha ber a ni (according to NAAC) (F)
67
chhiartu Says:
July 11th, 2012 at 4:40 pm
😀
68
Awmtea Khiangte Says:
July 11th, 2012 at 4:41 pm
lrpa hi kan la chawk rual ve lo tih ka hre chhuak. Han chawk luih luih teh u!!!
69
Dr Mahminga Sailo Says:
July 11th, 2012 at 4:42 pm
Inchawk rual chiah ila… 😛
70
ɪ̣uɪ̣pnoɥ Says:
July 11th, 2012 at 5:40 pm
#68 Awmtea Khiangte chhanna: lrpa (*) (arsibel tihna) hian chawhrualin Mizote mäwl ti reng ang a ni 😛

Thulâkna: Tuna kan inhnialna kal mék hi 😀
71
saint sammoo Says:
July 11th, 2012 at 5:42 pm
chawhrualin ka comp. A chhia..sob.. Fone te atangin komen..sob..sob..
72
Awmtea Khiangte Says:
July 11th, 2012 at 5:43 pm
😀 😀

Chawh rual dawn rau rau chuan Dr Mahminga Sailo thiannu nen hian min han chawk rual chiah ula, fuh awm vei 😛
73
Kher Kher Says:
July 11th, 2012 at 5:48 pm
@Dr Mahming, i chet vat loh chuan hei Awmtea’n a remchanna piangah a lam sek tawh mai nia. 😀
74
Dr Mahminga Sailo Says:
July 11th, 2012 at 5:51 pm
Ekhai a, helamah ka thiannu chawhrual in lo tum elo? Fair lo hle mai… 😀
75
Awmtea Khiangte Says:
July 11th, 2012 at 6:24 pm
A chawhrual theih chuan ka ti mai nia… chuti anga rilru chhia pu ka ni hran lo. hehe
76
awmawmpuia Says:
July 11th, 2012 at 8:04 pm
Han chawhrual ngial pawhin City Bus chhunga nula mawng dep hrat ber chu Awmtea Khiangte hi zu ni tho a!!!! 😛
77
Tcn khiangte Says:
July 11th, 2012 at 8:05 pm
Rare jokes…. (Y)
78
ɪ̣uɪ̣pnoɥ Says:
July 11th, 2012 at 8:28 pm
Han ti ta daih ila, Dr John hi a va reh ta êm êm ve…?
79
sheldon Says:
July 11th, 2012 at 8:44 pm
@awmawmpuia #76 haha 😀

Chutia Dr John in sawi takah chuan, a post pakhat ennawn duh deuh ka nei a, a topic ka hre tawh lova,eng thla a mi nge pawh ka hre tawh hek lo, ka lo save si lova, engtinnge post zawn dan min han hrilh teh u 🙁
80
Awmtea Khiangte Says:
July 11th, 2012 at 9:01 pm
Bus-a nula mawng dep kha chu aaaaaa……….. a hrehawm nuam veng veng nia 😛
81
ɪ̣uɪ̣pnoɥ Says:
July 11th, 2012 at 9:02 pm
#79 sheldon, Dr John post zawng zawng i en duh chuan hetah hian hmet rawh le (F) (K) 😛

(Fiamthu lo)
82
sheldon Says:
July 11th, 2012 at 9:22 pm
Monsieur houdini, thanks mawlh mawlh. Ka duhber ka hmu a, ka save ta hmak e. Chawhrualin i chungah ka lawm e (F)
83
ɪ̣uɪ̣pnoɥ Says:
July 11th, 2012 at 9:25 pm
#82 sheldon, kei deuh asin läwm ni (F)
84
Charice_mizo Says:
July 11th, 2012 at 9:33 pm
Chawhrualin ka lung a leng, hun lo la kal tur ka ngai (O)
85
Awmtea Khiangte Says:
July 11th, 2012 at 9:42 pm
Eh.. sheldon & houdini chu chawh rualin rose par sen ang an ni!

Dr Mahminga hi alawm, min chawk rual duh miah lo nia….!!!
86
sheldon Says:
July 11th, 2012 at 9:42 pm
Ka nuih a za deuh, han in chawhrual ngawt mai chu. A then kan lawm a, a then kan lung a leng a, a thenin inhnial nuam kan tia, a then ‘the other side of midnight’ ang an nia 😀
87
Charice_mizo Says:
July 11th, 2012 at 9:49 pm
#86 🙂

Chawhrualin malsta hi mi hnial reng ang ania tih khi ka la fuh tlat, insum tak, hlauthawng tak chungin ka’n nui lawk…hahahah
88
Charice_mizo Says:
July 11th, 2012 at 9:49 pm
#86 🙂

Chawhrualin malsta hi mi hnial reng ang ania tih khi ka la fuh tlat, insum tak, hlauthawng tak chungin ka’n nui lawk…hahahah
89
Awmtea Khiangte Says:
July 11th, 2012 at 9:55 pm
Zanin chu ka ngaihtuahna, rilru, taksa leh thlarau hi chawh rualin “ngaih deuh nei” ang vel ka ni! hahaha
90
Dr Mahminga Sailo Says:
July 11th, 2012 at 9:56 pm
In lo la inchawk reng elo? 😛

Chawhruala Aizawl city bus tawt chuan nuam ti ber… Awmtea 😛
91
Charice_mizo Says:
July 11th, 2012 at 10:02 pm
Chawhrualin……………………aaaaa ka sawi tur ka theihnghilh 😛
92
ɪ̣uɪ̣pnoɥ Says:
July 11th, 2012 at 10:05 pm
#91 Charice_mizo khi keimah min sawi a tum reng sia 😛
93
ɪ̣uɪ̣pnoɥ Says:
July 11th, 2012 at 10:12 pm
Chawhrualin 93-na ka ni mék.
94
bk Says:
July 11th, 2012 at 10:28 pm
Chawhruala tham then leh ang vel ka ni :-O
95
Awmtea Khiangte Says:
July 11th, 2012 at 10:40 pm
#91 Charice chu min tih nuih huk chu a..

Tunah hian min chawk rual ta ula mutchhuak reng ang ka niang..
96
ninja Says:
July 11th, 2012 at 10:47 pm
Ka chawk pherh vek dawn che u mawn le
97
malsta27 Says:
July 11th, 2012 at 10:49 pm
Awmtea Mathe thiam lo lutuk hi lawm le, keyboard hmeh ang ngawt ni lo niang 😀 😀 . Charice nui chhuak pawp2 rawh a ho lutuk…………insum deuh khan i hrehawm zawk ka ring. keipon ka hnialhrat tak2 emaw te ka inti hman trep mule 🙂 🙂 🙂 ………….
98
Charice_mizo Says:
July 11th, 2012 at 11:19 pm
#97………..ala ti zui, biru nghal 🙂
99
malsta27 Says:
July 11th, 2012 at 11:24 pm
@98# ……nui bawrh2 rawh i in up reng chuan i lem mai2 zawk ang. 🙂 🙂
100
ɪ̣uɪ̣pnoɥ Says:
July 11th, 2012 at 11:29 pm
Eu! Charice_mizo leh malsta27 te an lo inkhalfál ṭan ka phâwk 😛
101
malsta27 Says:
July 11th, 2012 at 11:32 pm
Hets………..Houdini: sawipun awih loh
102
VaiVa Says:
July 11th, 2012 at 11:32 pm
Chawhrualin za… 100
103
VaiVa Says:
July 11th, 2012 at 11:34 pm
chawhrualin edit tawh lo mai ang…
104
Awmtea Khiangte Says:
July 12th, 2012 at 6:18 am
E heu… malsta27 leh Charice_mizo te chu chawh rualin inkhal nep nep reng ang an ni

Tho tawh r’u… chawh rualin 2/3 zel hnar ri kuk kuk ang in ni
105
puipuia pa Says:
July 12th, 2012 at 4:48 pm
chawhrual in nitin misual hi vawi thum ka lut tlang pui. mahse ka comment ngai vak lo, chawhrualin comment ngai lo ang ka ni. Mobile atang phei chuan ka comment ngai mang lo, ka peih lo ting tang. chawhrual mobile atang in
in ka la comment lo
106
Charice_mizo Says:
July 12th, 2012 at 4:51 pm
An lo la chawkrual ka ti…
107
sheldon Says:
July 12th, 2012 at 8:51 pm
Chawhrualin zanin chu ka mut a chhuak tlat mai
108
Dr John Says:
July 12th, 2012 at 8:55 pm
# 107, Sheldon, Chawkrual la Mu daih rawh… “Mang Tha, Muttui Le”