Keinin Mizo kan huam zautir tum lutuk thin hi mi pawi sawina mai zawk ani ta in ka hria, Khawi lekhabu emaw chhuan lama zohnahthlak ani lo tih ve ringawt mai te, keinin Zohnahthlak anni kan tih te hian an pawm ve kher em le? Tehkhinnan Kuki te hi Mizo anni kan han ti leh ringawt thinna, mahse anni lam version hi kan hriatpui leh ngai mang silo. Burma/Myanmar a Kachin/Chin/Karen ho hian Mizo te nen hian thlahtu hnaivai tak kanni anti mai thin, Mizo anin ti ngailo, chutiang bawk chu Kuki ho ngaihdan ani in ka hria, Mizo tih hian Mizo inti duh zawng chauh hi huamtir mai atha in ka hria.
Kan thil chin tha lo em em leh kan sim vat tura ka duh chu : Kan unau hnamdangte an hlawh tlin viau vanga Mizo Nula MC Mary Kom tih hial hmanga headlines a lo chhuah ve ringawt te hi sim vat chi niin ka hria, KAN UNAU MARY KOM tih te hi hmang zawk ila a tha phian zawk lo maw, MC Mary Kom hian Mizo a inti ngai lova, Mizo kani pawh ati ngai lovang, achhan chu “KOM” hnam ho hian Mizo an in ti ngai lo, mahse unau/thlahtu thuhmun kan ni tih chu an pawm viau thung.
Engpawh nise “MIZO” tih hi kan unau tamtak hian an pawmve ngai lova, mahse kan inunau na hi zawng an hre ve reng tho tih hi hria in, “UNAU ZAWNG ZAWNG TE HI DUH HUNHUNAH MIZO”, a hlawhtling zual deuh phei chu tih Mizo lehzual tih vel hi chu sim hmak chi ani. Tun tuma UPSC exama hlawhtling Nl. Anne Rammawii Haokip te kha Mizo Nl. UPSC hlawhtling tia Mizoram local news thenkhatin an chhuah tih a hriat khan a lawm lo khawpin an sawi, kanu Mizo ani ati hmiah, Mizo nula tih ai khan Kan Unau Kuki Nula tih kha han hmang zawk ta ila chuan a lawm hle zawkin ka ring.
“MIZO HI HUAM ZAUTIR LUTUK TAWH LO ILA A HIM BER IN KA HRIA” – Mahse keini “MIZO” inti te hi “VUL RENG ANG U” chutih rualin kan unau te hi hrethiamin “MIZO” tih tum kher tawh lovin a inunau reng theih tho tih hi i hre theuh ang u.
Similar Posts:
- Mary Ralte(updated)
- Zofate kan nihna
- Pi Mary Kom tan ang aw…
- Mizo nih hi!
- Ngaihzawng neih hi a tha em?
August 7th, 2012 at 8:47 pm
Ekhai hei chuh….va tha angreng phian lawi si ve (Y)
August 7th, 2012 at 8:52 pm
Hnam inpumkhatna duhtu ka ni. Mahse, i sawi ang rilru khi ka pu ve leh ‘det’ thin. A chhia chhia hnawl a, a tha tha ‘kan Mizo nula/tlangval/nu/pa’ tih ching kan ang dawn dawnin ka hre ve thin.
Mizo tih ah hian kan lungrual tlang dawn lo tih hi ka pawm ve deuh tawh a. Hun a kal zel ang a, kan inmihran tulh tulh dawn ni pawhin a lang. Keima mimal tak chuan lak nat viau loh ka zir deuh tawh. Kan inunau hnai hle tih erawh, i sawi angin, kan pawm tlang.
August 7th, 2012 at 8:59 pm
Burma a Karen ho khian Mizo te nen thlahtu hnaivai tak angin an sawi ngai ka hre lo. Anni khi Sino-Tibetan language group hmang an ni a, Tibeto-Burman group zingah tawng group dang hmang anih mai bakah anmahni sawi dan chuan Meosopotamia atranga lo chhuak angin an in chhui a ni.
August 7th, 2012 at 8:59 pm
Ni viau mai
August 7th, 2012 at 9:07 pm
Mizo intih an duh emaw duh lo emaw, kan pawm emaw pawm lo emaw, Mizo tih thumal hian a huam tel hrim hrim. Mizo inti lova Kuki tih an duh zâwk tlat paw’n a pawi lo.
Sâpho khuan sâp nih an duh emaw duh lo emaw, sâp an ni tho tho; Mizote’na an hming kan pêk ve dan mai a ni. An pawm leh pawm loh lam ni lovin a thumalin a hüam zâwk a ni.
Tin, an hawiher a zau deuh ang a, kan inmihran lo tial tial zâwk ang. Tünah chuan kan Manipur lam unaute khu mäwl bet ve tak tak an la nia, Mizo nihna lo chu dam khawchhuahpui theih an nei lo. Vaiphei, Kom tih angreng ringawt khu chuan an tënau lutuk a an dam khawchhuak lo vang.
Mizo chhungkawpuiah hian lungawi ve hle hle rawh se. An të chai chai êm mai.
An inla-tam ve rawk ang e, Mizoram mizote hmun sawma ṭhena hmun khat pawh tling lo ṭhiau an nih lek khu.
AN DAMKHAWCHHUAHNA TUR AWM CHHUN CHU MIZO CHAUH!
Mizo mah tlém intih tawh nâk-a-laia, inlahranga Vaiphei, Paihte tih vêl nihte chu zah pawh a zahthlâk e… Mizo vek kan ni; Pawi (Lai) pawh mizo. Hnam tlém lutuk hnam ropui leh ngaihsan hlawh an awm ngai lo. Kan damna tùr mizovah hian lungawi hle hle tùr.
August 7th, 2012 at 9:08 pm
Pu Hva’n lo chhang teh se… 🙂 Kei chu he inhnialnaah hian ka tel peih teuhhh lo mai! 😀
August 7th, 2012 at 9:11 pm
Hnam(tribe)leh nihna (identity) lamah hian ngaihdan a kal ai chuan a dik tak pawm hi a finthlak ber fo ang.
Mizoram a awm te kha Lusei vek emaw min tih vangin Sap ho khan Lushai min ti ṭhin a. Kan nih vek loh a vangin, Lusei, Hmar, Mara, Lai, Paite, Thadou leh Ralte leh an chipengte reng reng huam tu atan MIZO tih hi phuah a ni ta a ni. Chumi hmang chuan Lushai Hill District (CHANGE OF NAME) ACT, 1954 hmangin Lushai Hills tih pawh thlak a ni ta a ni.
http://i47.tinypic.com/25unnmu.png
Chumi hma daih, kum 1947 khan kan hruaitu hmasa te’n Zohnahthlak te zawng zawng aiawhin British leh India sawrkar hnenah tute nge kan nih a, tu tu te nge Mizo tih chu chiang takin an lo thawn tawh bawk. Chumi copy chu UN ah kawl ani nghe nghe a, a copy phek khat lek ka’n thawh ang e:
http://i49.tinypic.com/33f6vm9.jpg
Zohnahthlak te hi kan awmna ram leh hmun a zirin a hlawm a inkoh dan kan nei ṭhin. Inkohna a danglam avangin midang erawh kan ni hauhlo. Hetiang lamah hian Red Indian te hi an entawn tlak khawpin ka hria. Canada, USA leh Mexico etc ami te hi kumtin an inhmu khawm ṭhin a, National Powwow an nei ṭhin. Hming hran nei leh hmun hran a awm an nih an hailo, mihrang ang erawhin an inen ngailo reng reng.
Mary Kom tih a, “Kom” tia a sipel hi, Ralte Kawlni ṭhenkhatte inziak Colney ang hi a ni mai. Kawm hnam hi Hmar niin, an tamlo viau a, Vaiphei a saphun pawh an awm nual bawk. Duh leh Zo pawh lo inti sela, duh leh Vaiphei pawh inti sela, a duh leh Hmar pawh inti se, Zomi leh Mizo te pawh. Kawm hnam a nih chhung chuan Aizawl lam a kan ṭawng tualleng pawh hmanglo mahse, mihrang a nilo reng reng tih kan hriat a pawimawh.
Mizo a nih loh pawhin, Vaiphei emaw, Hmar emaw, Zo emaw, Zomi emaw chutiang engemaw ber a inchhal ngei ngei ang. A inchhal a chu Mizo tih huam chhung ami a nih tho si a vangin a in kohna lo dang pawh nise, “Mizo a ni,” a tih loh theih loh.
Mizo hi sap a nih theih lova, Zomi te, Zo te, Zomi te, Chin, Kuki/Thadou te erawh chu kan nihna sa reng a ni e. Hei hi thudik chiang bal a ni tih ka puang e.
Ka lawm e.
August 7th, 2012 at 9:13 pm
#5
houdini sawi pawh chu dik ka ti tho mai.
Thu inkalh anga lang si, a sawi tu leh sawidan azira dik ve ve si a awm thei a nih hi.. ka ti ta (&)
August 7th, 2012 at 9:16 pm
“KOM hnam chu Mizoram atanga Manipur pan an nih thu leh, Mizoramah chuan Chawngthu hnam an inti niin a lo hrilh a ni a ti.”
source : MizoAw, Aizawl, July 31. 2012.
Chawngthu leh KOM hi hnam thuhmun tih hi ka vawikhat hriatna. Mahse an thlahtu te ah hian SHONGTHU tih chu zu hawn awm a!!!
August 7th, 2012 at 9:21 pm
http://en.wikipedia.org/wiki/Kom_people_(India)
August 7th, 2012 at 9:23 pm
#7
H.Vangchhia (Y)
Bei tha thuai2 ve. Documentary proof nen thlap hun reilote chhungin i rawn chhawp rap mai a.. a fiah tha hle mai.
Ka ngaihdan ka thlak leh ta pek .. lolzzz
Ni lo mahse an ni tho tho a nih ber mai chu. Duh lo mahse Mizo tia sawiduhin an sawi chuan a dik a nih chu.
PS: Mizo hnam hmingah hian ‘anal’ zuk awma.. lolzz.. tu huatthu suh ah, a laklawk eee
August 7th, 2012 at 9:26 pm
Art-a #11 “Ni lo mahse an ni tho tho a nih ber mai chu. Duh lo mahse Mizo tia sawiduhin an sawi chuan a dik a nih chu.” a dik thlap e. (Y)
August 7th, 2012 at 9:31 pm
Arunachali nulain khiiitah hming chher se, china-in ‘kan chinese pui chuti khati..’ rawn ti chiam se, chutiang vel mai2 chu a niin ka hria.. :-S
August 7th, 2012 at 9:33 pm
i va han ziak tha em, hmana tanga ka vei ve thin ani a, MIZO hnam tih len tum lutuk hi a tul ka ti lo khawp mai. Va ti unau vak pawh ni ila an inti Mizo ve duh chuang lo. Hmingchhiat naah chauh MIZO an in ti a, Hmingthatna ah chuan HNAMDANG an ni daih.
August 7th, 2012 at 9:35 pm
#13 century child (*) , i tehkhinna a kàràkîk mah mah. Thil inkàrkîk lutuk tehkhin hi a fuh lo.
Chainamiho leh Arunachali te inlaichinna leh keini mizote inlaichìnna chu inthlau deuh mai a nia…! Kan mit a zím tih ang mai mai a ni ve lo.
#7 Henry Vangchhia, Kom hnam hi Hmar hnam a nia, i tih khi a dik lo em aw? ka lo ti mai mai a. Kawm chu Thado/Kuki péng pakhat niin ka lo hre zâwk a…
August 7th, 2012 at 9:35 pm
century child leh lark77, #7 na khi a link nen khian han bih chiang teh u khai.
August 7th, 2012 at 9:37 pm
Mizote hian khawvel leh ramkhat huap pawhin mi lar leh hming chher tham hi kan la nei tlem em a, kan duham hrih khawp. Hnama kan chian leh chian lohte, kan pawm leh pawm lohte chu thuhran ni se. A tawpkhawk saseh ah hi chuan kan inensan tak tak thei miah lo ania. A intei te zawng leh chi-bing zawnga hma la an awm thin hi a pawi. Chutihlaiin, tawngkhat kan hmang thei lo hian ‘gap’ a siam nasa lutuk. Hei hi kan mu-tan pakhat a ni.
August 7th, 2012 at 9:38 pm
Opinion is appreciated, but not knowing who is who on what we already are…. straight up stupidity period (N) ;-( (sawi chhan ka nei lo) (B)
August 7th, 2012 at 9:39 pm
i va han ziak tha em, hmana tanga ka vei ve thin ani a, MIZO hnam tih len tum lutuk hi a tul ka ti lo khawp mai. Va ti unau vak pawh ni ila an inti Mizo ve duh chuang lo. Hmingchhiatna ah chauh MIZO an in ti a, Hmingthatna ah chuan HNAMDANG an ni daih.
August 7th, 2012 at 9:40 pm
#7 khi uluk takin chhiar ula, a la hrethiam lo hram in awm chuan a ngaihna in awm lo tawp tihna a ni mai hairehai 😛 😀 (F)
August 7th, 2012 at 9:43 pm
#17 Sasaks, a dik chiah. Mahsé a tlángpuiin Mizo ṭawng hi kan thiam hlawm a, zia deuh a ni. Hë tüna kan ṭawng hman hi Mizo ṭawng tih phu hliah hliahin hnampéng dang ṭawng (ent. Pawi ṭawng, Hmar ṭawng adt.) a híplût hnem bawk a, an tán pawh thiam a har lo ni ngei tur a ni, ka hmélhriat ve tawh chuan an thiam deuh sawih sawih vek. (A lawmawm ka ti)
Kan zaithiamte leh kan ziakmite zarah kan ṭawng hi a lär darh nasa a, beiseina lìan tak a neih theihin ka hria kei chuan.
August 7th, 2012 at 9:45 pm
lolzzz #20
Mizo an ni tih chiang taka ziaka awm na na na.. mak thei ngei
August 7th, 2012 at 9:46 pm
Mizo hnahthlak dik tak kha anni miau mai a, mahnia tawng hrang nei annih avang leh mizotawng an thiamloh avangte hian kuki(Thadou) nih hi an duhtawk deuh mai thin niin a lang. Keini inpui luahlumtu te hian an duh emaw duhlo emaw pawm hmiah mai ila, an lungfing tial tial ang a, kan la inpumkhat tial tial mai thei a sin. Arunachal district 2 a nagaho hian Arunachali intih ai chuan naga an inti reng a, manipura naga zozaite khuan manipuri intih ai chuan naga an inti ngat ngat asin maw le.
August 7th, 2012 at 9:46 pm
ɪ̣uɪ̣pnoɥ #15 Zohnahthlak te hi hnam hrang hrangah inziak thei kan tam khawp mai (SAPHUN). Ka ṭhian hlui pakhat KAWM hnam chuan Hmar a inti a, ni e, Thadou/vaiphei a inchhal pawh an awm tho awm e. An tlem renrawm em a, tun hma a ṭang khan inchhun luhna an nei nual maithei. Tripura Hrangkhawl ho pawh hian an unau tho vin an sawi a, Hrangkhawl chu Mizo chikhat tho a ni. Vuangtu pawh a ṭhen chu Lai (Pawi) an inchhal an awm laiin a ṭhen chu Mara a inchhal an ni hlawm. Hualngo pawh Zimpui khua velah chuan Mizo a inchhal lemlo an awm nual maithei, Mizoramah chuan Chhakchhuak niin Lusei an ni a, Mizo an ni leh tho.
Inkohna a danglam avangin kan nihna a danglam tihna a anilo tih hi kan pawm tlan a pawimawh.
August 7th, 2012 at 9:50 pm
#6 TuaiSialA, inhnial a ngái hlei nëm hetiangah te chuan. Mi thil hre deuhte’n an han sawi a, kan vár uar uar mai aläwm.
Mi thil hre vak lote’n thil tihkhawlhkham an ching a, facebook-ah te an aupui vak vak a, hei hi kan buaina awm chhun a ni mai. Inhnial buai ngai lova thil chiang sa a ni.
MZP-ho hi hnamah hian an chiang a, sawiselna tam tak karah pawh Churachandpur lamah te ZoFest te an zuk buatsaih ṭhin a, an fakawm hlë.
Chutih laiin facebook pawl pakhata ka chhiar tawh chu, MZP-ho ZoFest hi Thahdo/Vaiphei… adt. chuan Luseiho tiin an nuihzat ṭhin tih hi a ni.
Hë chian lohna hi chu a la awm ve deuh reng tho mai thei a, mahsé a la bo ve ngei chu ka beisei: Unau vek kan ni tih hi kan pawm chho tial tial.
August 7th, 2012 at 9:52 pm
#25 (Y) (F) (B)
August 7th, 2012 at 9:56 pm
@H.Vangchhia:- Keini lamah chuan Hmar nen pawh kan inti unau vak tawh lo asin…. Kawm tih chhiah a lang a, KOM tih a lang lo. Link #7 a om hi fabricated ani lo tih engtin nge i sawi theih. Photoshop pon ka siam thiam ang chu…. Charter pawh ani pha ami???
August 7th, 2012 at 10:02 pm
lark77 #27 zawhna ṭha leh tih ngei tur chi a ni e. Ni e, chian hi a pawimawh a ni, mahse a dik loh ka ringlo. UN a ṭanga la chhuaktu (inti) ngeiin, ka paper present dawn a ka mamawh a vangin ka dil a, copy siam a sem a tan a min pek a ni. Pu James Dokhuma (Padma Shri) damlai a ni a, a ni kha ka zawt a (phone in ka chhiar thiak thuak a) a dik niin a hre bawk. A copy tluan chu hetah hian page 1, 2 … tiin click hawn theihin ka dah e:
http://www.misual.com/2009/01/20/mizo-memorandum-submitted-to-his-majestys-govt-and-the-govt-of-india/
Chang of name act of 1954 khi chu a kum ka hriat loh vangin ka Google chhuah a ni thung. 🙂 (B)
Unau pianghmun (Nu leh pa inang) pawh inrem loh chang a awm ani lawm ni, inhuat tak tak thlenglo thei hram sela! Lungte a invawm hi a ṭhalo teh asin. Invawm laklawh tawh chuan invawmna tur a awm reng a, invawm duh miah loh a fuh ber. 🙂
August 7th, 2012 at 10:05 pm
#15, 🙂
#16, mizo a ni lo ka ti reng2 lo ania.
August 7th, 2012 at 10:11 pm
Kan hriat angin Manipur chu hnam intih bingna hmun a ni a, hnam tlemte, Kom angte pawh mahni hnam bil identity-a dinchhuah tum zel an ni a. Buaina a awmin mahni sahim nan a hlawm lian zawkte an bel leh lo thei lova. Chuvang chuan Kom tam tak pawhin Naga ah an inchhal phah a, Vaiphei te pawh Churachandpur buai meuh chuan Zomi Council ah an inziak lut ve mai a, an inti Zomi tak tak chuang lo. Mahni hnam bil an ngai pawimawh ber theuh a, thlah khat kan nihna erawh chu an pawm viauin a lang.
Mizo tih Duhlian tawng hmang ho hian kan inti tatu em mai a, tam takin a hmang ve lote kan hmu Mizo thei lo rawl nen, bakah Duhlian tawng hmang, a hranga Mizoa awm an lo awm ve tho bawk si a, an tan chuan intih Mizo chu a har ve deuh maithei.
An hnam bil feeling titho lo zawnga Zohnahthlak vek kan nih zia thu hriattir tam ve deuh chu a tulin ka hria…
August 7th, 2012 at 10:12 pm
ɪ̣uɪ̣pnoɥ #15 hnuai ber ami khi kan awi belh leh lawk 😉 Ka nu chhang chiah ka nu Peki pasal kha PK Singson (Thadou) a ni a, Guwahati Mizo Welfare hruaitu a ni fo. Link (#7) ah khian a chiang thovang chu. Mizoram ex-minister Pu F.Lawmkima pawh Thadou tho. Singson an inti a, an ni pawh a nihna takah chuan Singsuan a ni daih thung. Ni lova ziak kan hmang lutuk hi a la pawi ang mawle aw!! :-S
August 7th, 2012 at 10:14 pm
John Cena pawh mizo 😀 Khasi ho pawn Michael Owen kha khasi an tih tak kha maw le
Kawm hnam in drugs lo zuar emaw tual lo that se mizo tih kher ka va ring lo e 😀
Mary Kom is Indian hehehe in lungawi em 😛
August 7th, 2012 at 10:15 pm
bk # 30 (Y) (Y) (Y)
August 7th, 2012 at 10:21 pm
32
drake … haHAHAHA
John Cena mizo TI TU kha chu ka la haw reng. LPS-ah kan en a.. mak ti si, oih chiah si lo khan tui deuhin kan en ve a aw.. patling hi min ti zak lutuk.. sahhlaaa :-$ :-$
August 7th, 2012 at 10:23 pm
#31 H.Vangchhia, (Y) .
Inziah danglam chu kan hrât khawp hlawm tak mai, Wrenthley, Sylo, Shylo, Colney, Tlysun adt. adt. Han inkhap ngawtna tùrin dàn a awm meuh si law… 😀
August 7th, 2012 at 10:29 pm
Ka ril a ṭam ta, ka kalsan mai teh ang che u.
August 7th, 2012 at 10:36 pm
A nihna tak sawi dot ila, Manipur a Zohnahthlak ho hi hlawm 3 in a infinkhawm – Hmar Inpui, Kuki Inpi, Mizo Peoples Convention leh Zomi Council tiin. Zomi Council a tel tribe 9 te – Paite, Vaiphei, Zou, Kom, Mate, Thangkhal, Tedim Chin, Gangte, Simte. An tribe pumpuia tel an ni vek lo mai thei. Mary Kom chu Zomi zinga mi tihna a nih chu. Manipur ah G group an tam ber ang bawkin Zomi ah tribe an inhuikhawm hnem ber. A mimal tam zawng chuan Kuki (Thadou) pawm an thahnem ber. Eng pawh nise hnam (nation) khat kan ni nang nation khata inhlawmkhawm kan la ni lo, hnam hming pakhat pawm tlan theih kan la nei lo a nih chu.
August 7th, 2012 at 10:43 pm
Filed under “Opinion” category ani bawk a ngaihdan tawk thiam angai a, Mizo zawng zawng ngaihdan ani kher lo. Tin, a ziaktu hian engmah evidence emaw reference emaw anei lem lo anih hmel, a ziak lang lo bawk a.
Mi chimlim leh chhuizau peih Pu HV a leh midang ten reference leh document te nen thlap in rawn sawifiah a, post tu ngaihdan tanchhan nei lem lo ai chuan a rinawm in pawm a hahdam zawk in ka hria.
He kan inhnialna ah hi chuan kan dik lo ve ve in ka hre ve mai mai. Mizo hnahthlak kan thenawm state a awmdarh tam tak te pawh hian hmingthatna leh hlawhtlinna sang an chan hian Mizo an inti tha duh miah lo. Tin, Mizorama cheng Mizo te pawh hian mi hmingtha leh hlawhtling annih hian Mizo nula/tlangval tiin chanchinbu ah kan chhuah chuai chuai a, a bakah erawh kan ngaihsak leh chuang silo hi a pawi khawp mai.
August 7th, 2012 at 10:50 pm
Zofate Insuihkhawm duhtu Pi Mary Kom !!
“Hmun hrang hrangah awm mah ila, Mizo vek kan ni a, Kristian vek kan ni bawk sia a, insuihkhawm chu a tha alawm,” – Mary Kom
(source: Zozam weekly December 12-18, 2006
(He thu hi MZP ten ZOfest an neih tum a, Aizawla an nupaa an lokal tuma ZOZAM WEEKLY editor Lalhruaitluanga Chawngte in a interview tuma a sawi a ni e.
CHANCHINTHAR GROUP atanga ka lak ani e
August 7th, 2012 at 10:52 pm
#38 (Y)
August 7th, 2012 at 10:58 pm
Post dik lutuk! a bak ho mizo alawm dededeidei ti duh phen ho hi chu mary kom manipur mi ani tih sawi a ngaih vanga support ngaihna hre ta lo tawngkam mai2 ni in ka hria. a tha vek e – rilru tawi/zim, mahni ramri pelha hmangaihna nei thiam lo hriat hran theih na ni mai 😀
August 7th, 2012 at 11:01 pm
#39 Soberboy, (Y) (Y) .
#41 Peer Gynt chu i thusawi tum hriat a har hlë mai! :-S
August 7th, 2012 at 11:05 pm
“Hmun hrang hrangah awm mah ila, Mizo vek kan ni a, Kristian vek kan ni bawk sia a, insuihkhawm chu a tha alawm,” – Mary Kom
(source: Zozam weekly December 12-18, 2006) via Facebook (Zoram Thlirtu)
August 7th, 2012 at 11:06 pm
# 39 (Y) em em
Mawl chin-tawk a awm a, intihre tak chut ngat hi chu an hahthlak teh e hairehai 😛 😉 (B)
kan ek san daih teh ang che u, ka puar ling leng tawh bawk a 😛
August 7th, 2012 at 11:07 pm
Mary Kom chu Mizo a nih a chiang bal e.
No more argument 😀
August 7th, 2012 at 11:15 pm
Posttupa chuan, “MC Mary Kom hian Mizo a inti ngai lova, Mizo ka ni pawh a ti ngai lovang, a chhan chu “KOM” hnam ho hian Mizo an in ti ngai lo” a ti ngawt a, amah Mary Kom chuan, “Hmun hrang hrangah awm mah ila, Mizo vek kan ni a, Kristian vek kan ni bawk sia a, insuihkhawm chu a tha alawm,” a ti ve thung a. Thil hrechiang lovin post a rawn siam a nih hmel ta ber e :-S
August 7th, 2012 at 11:16 pm
Pa pakhatin nu hrang hrang lakah fa a nei ta duah mai a. A fate chu nu in enkawl seilianin tul pui ta se la. Ka pa a ni an ti duh vek kher lo ang. Tin, a pa pawh chu lo ropuiin chhungkaw awp khawm tum leh mah se, a fa hnuhnung, a chenpuite chuan an unau tha duh kher lo ang.
Chutih laiin a fa hmasa te zingah drugs addict emaw ruihhlo zura khawtlang endawng lo awm se, unau tih chu kaha se a ni mai. Amaherawhchu, thenkhat lo kam dingin mi ropui takah lo chhuak ta se la, thenawm khawveng hnenah pawh hei hi kan unau dik tak a nih hi ti a au lawm lawm tawk an awm ang, mahse “A chan tha chauh hi unau kan ti a…” ti tawk pawh an awm reng tho ang.
A pawimawh khawp mai, intih Mizo leh zo loh chungchang hi khel sual a zarah kan political party thenkhat te chuan advantage ah an lo la mek bawk a. Nationalism redefine an tum sa teh thin. Kan duh emaw duh lo emaw, Zohnahthlak te hi unau kan ni reng dawn!
Kan ngaihdan hi kan duhdan a ni vek kher lo ang bawkin kan duhdan hi midang ngaihdan ani vek kher lo…. (B)
August 7th, 2012 at 11:23 pm
Peer Gynt chu a sawu tum hriat a har hle mai, a ril viau loh pawhin a nawi viau ang. 😀
August 7th, 2012 at 11:29 pm
Kom ho hi Manipur rama kan Synod sikul ah khan tribal quota kan nei ve thin a, chumi hmang chuan seat reserve sakin muslim te nen tlem a zawng zirlai kan nei ve thin… Zohnahthlak an ni ve tih chu a chiang khop mai, mizo hla/Pathian hla/love song Doordarshan Regional TV vela an lo thlir atangin an thiam zung zung mai… Mizo an tih ka hre ngai lova, hmar hnam pawh annih ka hre lo, kuki/thahdou an nih pawh ka hre lo, kom an ni ve tawp mai. Zohnahthlak ang zawnga chhut tak tak chuan ‘meitei’ ho nen pawh khian in hnaih deuh mai kan la ni, kan tawng(thumal) in ang ala tam nasa mai… (N)
August 7th, 2012 at 11:38 pm
Mary Kom ber in MIZO ka ni a ti nanana a ani lo lo tih luih ve talh te chu a :-[ :-[
**Zozam ami khi dik turah ngai ang :-$
August 7th, 2012 at 11:42 pm
Mary Kom Reaches Semifinals
https://www.zogam.com/news/news.....inals.html
August 7th, 2012 at 11:43 pm
JUDA ho chu kantluklo vaivai hle maimaw? An nichu, an hnam leh an sakhuain a phut anga, tive duhlo a piangchu, an chi leh kuangte lak ata tuithlartur a ni tawp mai. Chu vangchu ani ngeiang, an hnam nihna zahpui lova an ngheh emem ni. JUDA pa fa pawh nirawh seksek, JUDA hnam kanilo tia, an iak an iaka, dawngdah taka, Jentel te anga awm te chu, an chipuiten JUDA mi ah anpawm ngailo. Chu chu, SAMARI mi te anten dan a tangkhan a hriat khawpmai. Ram hranghranga, tihdarha an awm pawhin, JUDA mi an nih an theihnghilh ve ngailotlat. Chu vangin, MIZO nih duhlo tute chu, eng vangin nge MIZO inni kantih duhbik lemang. Zo hnahthlak hnam nihna a, lungawi taka awm, thlahtu te chanchi ni thei awma, ka rin, tlem ka’n thailang ve zuai ange. Nih te pawh, ani mial mahna. Mizo history ziaktu pakhat, Pu, Hrangthiauva chhui danin. Chhinlunga’n Thlahpa a hringa, Thlahpa’n Duhliana, Taichenga, Hrumtunga te ahring ni in a sawi. Duhliana thlah te chu hnunglama sam zial ho( Lusei) anni a, Taichenga thlah te chu samphiarho (Paihteho) an ni a , Hrumtunga thlah te chu hma lama samzial ho ( Pawi) an ni ti in a ziaka. Hei hi kum AD 1350 bawr vel ni in a ziakbawk. A dik thawlhat maithei, A chhan ni a ka hriat chu, an TAWNG a in angdeuh thummai, an SAKHAW biak dan leh an serh leh sang neih a in ang deuhvek. Zo hnahthlak an nih napawh lungawi takin, an pawm tlang bawk ani. Heng hnam thum te a tanga, tai darh telo hichuan , eng tikak mah MIZO an in ti ngai lovang, MIZO an ni lo reng bawka. Hei ai a chiang leh zuala MIZO te min thlah tute chanchin, hriat a va chak awm em ! Hnama kan chian loh na chhan
August 7th, 2012 at 11:51 pm
Sihtea #52 Juda te Red Indian te… hetiang leh nungcha humhalhna lamah chuan an rualawh awm thlawt a ni e.
August 7th, 2012 at 11:53 pm
‘Lei hi a phek’ ti tlat kan awm hial lo maw misual.com ah hian ?
August 8th, 2012 at 12:22 am
#54
August 8th, 2012 at 12:46 am
Mizoram nena inzawmna nei lo te hi ‘Mizo’ han pawngpaw tih ngawt hi a har ve khawp mai! ‘Ka pu, Ka pi, ka pa…te chu Mizoram atang a pem ania’ tih pawh nilo, thlahtu chhui a Mizoram nen in hnehnai ngai hlei lo te han tih Mizo tum ve vak hian awmzia a nei thui lo. Heng mite hian Mizo/Mizoram a lunglenna pawh an nei hek lo! An hlim ve tho an awmna ah!
Mary Kom chungchangah pawh hian gold pawh lo la se, thiante bulah ‘Mizo in gold a la’ ka tih ka ring lo..ve tlat mai a..:)
August 8th, 2012 at 12:53 am
lrp #7 leh #39 khi i chhiar em
August 8th, 2012 at 1:02 am
Hei hi i chhiar ṭheuh ang u, Mary Kom chungchangah chuan
August 8th, 2012 at 1:04 am
@ 57..Pu HV, ka chhiar a lawm. Sap ho leh hman lai deuh a hnam hrang hrang, Mizoram a awmte list khan (entirnan Kuki zawng zawng emaw hmar zawng zawng emaw, Ralte zawng zawng emaw pawh nise) engkima huam thei lo ani. Khatih hunlai a Mizoram a awmte bak kha a huam tel thei chiah lo a, a dik bawk hek lo.
Hei vang hian Mizoram nena inzawmna nei lo te chu Mizo tih hi a harsa ka ti thin. Mahse kan blood chu an pu ve tho ani.
August 8th, 2012 at 1:09 am
Zawng nen thlahtu thuhmun kan ni emaw ka tia……..
@lrpa : Engtik khan nge Aryana-te khua-ah i chhuk re re a ?
August 8th, 2012 at 1:10 am
Jessica Simpson pawh Mizo ani lo. In comment ka chhiar vek hnan lo. Hei hi ka thawh ve theih chhun.
August 8th, 2012 at 1:18 am
@60, lushai_er, May thla khan, rawn haw kual loin ka direct a..december ah kan titi ho dawn nia..in haw loh chuan..
August 8th, 2012 at 8:12 am
Ka lut khat deuh a, tunah ka tlai bawk a, mahse he post hi tha ka ti hle mai, tunlai ka rilru a awm leh lian tak mai a ni a, chuavangin comment dang pawh chhiar lovin ka ngaihdan ka sawi ve phawng mai..
Mary Kom hi mizo a nilo tih kan chiang theih awm e, engtia ti mizo tlat nge kannih tih ka ngaihtuah fo thin a, post hial siam ka duh laiin ka ngaihdan chiah post a lo awm ta hi ka lawm hle mai @Whatever.. ka lawm e.
Mizo hnam unau chu a ni ngei mai mahse MIZO a nilo tih hi i chiang ang u. Chanchinbu lam te pawh in Kan mizo nule ti fo tawh suh se
August 8th, 2012 at 10:18 am
@HV: hei hi lo chhiar ve mai2 teh aw….debate a tan pawh ka ti lo a, He article ziaktu pa tan pawh hian ka ti ve tho:
https://www.lisindia.net/kom/kom_hist.html
August 8th, 2012 at 10:20 am
Heti em em a sawihlawh anih dan te hi hreve se Mak minti awmmange Mizo lulawk ho hi..Facebuk antia mawni,khatah phei kha chuan awi awi awi…
Kom hi an Population chu singhnih/thum vel choh niin asawi ,nizan ka mi kawm pa chuan..tin,..thlahtu lamah chuan inhnaivai kan nimahna..nimahsela Kom chu Kom kan ni ve mai..ati bauh mai.
August 8th, 2012 at 1:26 pm
Mizo chu keimah ang hi ni mai
August 8th, 2012 at 2:29 pm
Kom hi Mizo hnam a nilo
August 8th, 2012 at 3:25 pm
Mary Kom hi Mizo a ni kan ti emaw Mizo a ni lo kan ti emaw ni a enga pawh chu ni se world champion a ni tho tho…..
Olympic medalist a ni tho tho..!!.
hetia kan vei em em avang hian gold te hi India tan awrh haw thei se aw… ??(Y)
Ngawi teh u, amah hi ka la hrilh hlawm ange hetiang in sawihona zo zai hi…..
August 8th, 2012 at 6:25 pm
Tunah Mary Kom leh Nicola an in hnek mek.. mahse Nicola in point a hmu tha rih zawk.. Mary a chakloh hmel
August 8th, 2012 at 6:40 pm
He laiah in lo inhnial chiam a kan chak zo ta lo. Engpawh nise lawm tlang zel phawt mai ang! Devedra Singh a la awm a lawm le…
August 8th, 2012 at 6:52 pm
Mizo hi kan huamzau tir poh leh kan buai tulh tulh ang. HPC(D) ho atang hian i harh teh ang u. Tuallai fa lakluh phet tum chu chhungkaw buaina zakhua mai a ni.
August 9th, 2012 at 10:07 am
Pu HV a ka hnial hrep na anih hi. Marykom Wiki ah lah cuan mizo nu tih in ala thlak lo zui cu ania.. Facebook lama Special Report ah poh an ron chhuah toh kha. HV-a hi trang trung thin a. MIZO nu lo ni ta reng poh ni se Mizoram Sawrkhar hian Crore 1 vel cu pek ve om te ka t mai2..Mizo anih miau cuan.Pu HV enge i ngaihdan??
August 9th, 2012 at 12:00 pm
Mizo te hi Israel thlahte kan ni ti pawl an awm ang bawk hian hnamdang Mizo-a lo telh luih talh tum pawl pawh kan bang chuang thei dawn lo anih hi. #64 Comment hian thil dik tak chu a sawikimin ka ring. Mary Kom – Nicola Adams hneh lo mahla – KA NGAISANG HRIM HRIM CHE.
August 9th, 2012 at 12:12 pm
Sawi duah pawh a ngai hleinem le. Mizo hnahthlak an nih phawt chuan lo inti Mizo lo ek e bal e vel mah se, Mizo an ni tho tho alawm. Tin, chutiang em ema a intih Mizo loh pawh ka lo hre lo va, a inti Mizo ve viau emaw ka ti asin
August 11th, 2012 at 1:37 am
Nangnin mary Kom hi mizo anih leh nihloh in sawi thei lo, i mizo nih leh nihloh kha nanga thu ani lo, thisen atanga mizo ini zawk, in sawi mizo viau emaw insawi mizo loh ngawt pawh anilo. ka duh vanga mizo kanilova ka duh vanga mizo nilo ka ni heklo, min mizo inilo minti mahse, kathisen atang zawkin ka mizona chu a chianga, ka mizo lohna pawh a chiang mai. chuta tang chuan harh mai teh ka nau. “Mizo” tih thumal/tawngkam hi anaupang deuh ani e kan buaina chu. chutilam zawk chu intifing ho hian sawi zui teh u,
August 11th, 2012 at 1:50 am
Keini chu kan buai ve lo.
August 11th, 2012 at 2:03 am
Darwin-a pawlte chuan Zawng nen hian unau kan ni kan la ti fan………..
@Charice i inbox check teh pl.
August 11th, 2012 at 2:04 am
Kan comment chu bold tha duh hluk hluk ve…….Japan an chak dawn ta lo a ang ve !
August 11th, 2012 at 3:20 am
John Cena Pawh Mizo a nilo huhuh haha ( just kidding )
Ka Blog hi lo visit ve daih rawh u, https://www.mattyphotography.in