Science chu a tiha tih a ni tih kan naupan deuh laiin kan zir thina . Tawngkam lar tak a ni a, tha hi kan ti em ema, fiamthu nan te kan hmang thul; mahse tun hnua ka ngaihtuah let hi chuan kan thiannu pakhat astronomer nih tum pawl sawmpahnih pawh pass lova sawn pawm ta daih kha min hriatchhuahtir thin. Tunlaia Mizote thanmawh bawk, kan tlakchham ber nia ka hriat chu a tiha tih ‘practicality’ hi niin ka hria, engatinge niang le?
Kan hnam tlem leh naupan ngaihtuahin thu leh hlaah hian kan sang khawp maia, thangthar thuziak thatchhe ve tak tak turte pawh hi internet kan lo hmelhriat azarah facebook leh social networking site dangahte kan vei zawng kan ziak kur ngei nguaia, kan luangliam dup reng mai. Facebook lo awm hnu phei hi chuan khawtlang leh ram vei tak tak ’thinker’ leh writer kan pung nasa hlein ka hriaa, kan status te reng mai hi a ril thei hlawm. Thuziak thiltihtheihna pawh engemawchenah chuan kan chhawrbawk khawp mai, a then phei chu mi hriat hlawh leh ngaihsante an lo nih phaha, a tha e, an lawmpuiawm.
Mahse kan ram hian thuziaktu nge a mamawha a taka titu? A hman nazawng leh a type thiam nazawng heti zozaiin A AW B leh A B C zalenna hmanga duhtawka kan inhrikthlak hian kawng khat talin hmuh theih hmasawnna kan neih phah em? Chanchinbu leh magazine kan neih zozaite hi ziak leh chhiar thiam tamna State nen chuan inchawbe viau mahse a chhunga awm kan thuziak tha tak takte hi kan bawhzui siloh chuan enge a sawngsawhlawtna? Mizote hi hnam lungleng leh luangliam thei tak, thu lungkuai deuh leh thluaithlum deuh hlek hmanga awlsam taka hmin theih kan ni. Mahse thusawitu thiam takin sunday chawhma inkhawmah midangte tana malsawmna nih a thatzia a’n sermon a, an lo Amen hliah hliah anga, mahse, biakin sak tanpuina an han khawn meuh chuan pek an harsat leh em em si ang hi kan ni ber. Thil tha hriaa ti leh duh silo, Bible in a sawi ang deuh hi kan niin ka hria.
Kan hlathu te reng mai hi a rilin a pui hlawm. “Kan sakruang Mizoram tan ” tih sa chung reng hian kan ramah dan lova hnamdang lo lutte kan pui hreh lova, “Isua a laiah awm rawh se” ti reng chungin nupui/pasal kan in uire sana. Sap hlaah te hian tlangvalin nula tana ‘si-ar lak a inhuam thu’ sawina ka la hre ngailo, mahse anni chu thlaah an lawn daih tawh! Kan politician leh pastor te chauh kan dema, mipui mimir zingah hian sawi anga ti thlap thlap pa, ruahmanna bawhzui thlap thlap nu, hmatiam hlen thak thak nula/tlangval hi a nawlpui ang hian kan tam lo ngawtin ka ring asin! Kan sawrkar hnathawk eiru hrat deuhte hi an fakawm zawlel ka ti, ziaka awmsa kha a takah an chantir thin miauva, an tihdan erawh thil dik lo hul hual a ni mai pawha!
Zirlaite pawh hi semester tin ‘ka tang tawh ang’ emaw ’ka zir tha tawh ngawt ang’ ti reng chunga zan rei tak tak thil tullo tia menga , thiankawm, pawn chhuah, pawl thila inhawlh lawr etc tih nep phah chuang lo, result chhuah chang chauha insangphek thar leh thin hi kan va tam em ! Kan pianthar dan dazat lutuk leh Pathian kan rin duh dan hahdam leh ‘pialral faisa theory’ em em mai pawh hi, chhurbura sekibuhchhuak kan buaipui dante nen han ngaihzawnin a mak ka ti ta meuh lo. Hetiang reng chuan kan tlangvalten Mount Everest an lawnchhuah hma leh kan nulaten Olympics-a Gold medal an lak ve hma hian khawvel a tawp hman mai ang tih pawh ka hlauhlel love!
Kei zawng...
September 1st, 2012 at 12:32 pm
Good Post. Chinese thufing paw’n I hear and i forget, I see and I remember, I do and I understand a tih kha.
Thil tih tel lo chuan kan thiam leh finnate pawh engmah lo mai ani e.
Report this comment
September 1st, 2012 at 12:39 pm
A va dik em
Report this comment
September 1st, 2012 at 12:40 pm
Report this comment
September 1st, 2012 at 12:41 pm
Va ṭha êm, Charice_mizo nge nge, mizo hmeichhe puitling tak i ni e… kan hmachhuan tur… minungiat (=mizo feminist [mäwlmang pawl])-ah chuan ṭang ve lo hram hram la…
Report this comment
September 1st, 2012 at 12:42 pm
Ka tawmpui khawp mai che. A tak taka nunpui mai bakah hmala ngam hi kan tam thin lo. Midangte tihtura dah mai ching hi an awm nual awm e
Report this comment
September 1st, 2012 at 12:45 pm
Pialral Faisa Theory hi.. Ṭhuthluang theology..tiin ka lo au pui ve nasa thin… Pathian hian he leiah hian hnathawk turin min dah… Kapa, ka ning tawh,.. ka lo haw tawh mai dawn… ral tawh mai se … lei ninawm hi… ka hne..
I man fuh hmel riau… Vanram kawra hmanga nawmchen, hahchawlh thlahlel em em Mizo kristian te khawhar hla tam tak hi chu i sa tui bik miah dawn lo a nih hi..
deuh duah chuan a..
Report this comment
September 1st, 2012 at 1:05 pm
Mt.Everest a lawn thei,sponsorship chauh nghak tawk kan nei reng ania.
Gospel team te au hla thin,’Lalpa,keimah atang tan rawh.’ tih ang deuh khan mahni atang bul tan tura kan inhuam ve theuh a pawimawh awm si ve.. Thenkhat chu mahni tlatna mual a rinawm taka ti a mi te inspire thin tu an awm anga,thenkhat feh chhuak a a ti a ti mi an awm bawk tur ni awm tak ani. Movement engemaw nei tura mi zawng zawng inphut erawh a dik chiah ka ring lo. Thlawp tura moral education in pek a pawimawh khawp ang. 
Report this comment
September 1st, 2012 at 1:14 pm
ɪ̣uɪ̣pnoɥ : i seminar ve lo a mi..va kal ve ta che..
Naulai hrilh ..sakung phun tih vel kan sawi dawn..
Report this comment
September 1st, 2012 at 1:20 pm
Kan practical lo.
A chhan ni a ka puh, ka ngaihdan buluk leh tumtlang pui hetiang hi a ni:
Thil diklo a awmin mipui kan phunlungawi mai thin. A taka dodal tuma inpe kan awm thin lo. Kan practical lo.
Zirlai an inngaihtuah lungawi mai thin. Thiam an chak, hlawhtlin an duh, nih duh an ngah, mahse an tihlawhtling peih lo. An practical lo.
Mi(sual) bulah ka hun ka khawhral tam lutuk. Ka practical lo.
Report this comment
September 1st, 2012 at 1:20 pm
A tha em e.
Report this comment
September 1st, 2012 at 1:31 pm
nakinah duah deuhin ka la comment ang.
Report this comment
September 1st, 2012 at 2:24 pm
Va tha ve aw
Report this comment
September 1st, 2012 at 2:27 pm
“cal vak lo, cal tum hram hram ang u”
Report this comment
September 1st, 2012 at 2:47 pm
Report this comment
September 1st, 2012 at 3:07 pm
paws hi ka
e
sawi/ziah ringawt a lungawi lo hian misual te tal hian mahni tlatna mual ah bul han tan tlang ila, practical exam i nei nghal chur chur ang u lem.
Report this comment
September 1st, 2012 at 3:12 pm
In van ti lawmawm sap sap ve aw…practical exam chu tha viau tak anga…entirnan love lamah te hian, haha sawi lo mai ang
#7, lamji khi.. dik khawp mai
Report this comment
September 1st, 2012 at 3:19 pm
Good post
Report this comment
September 1st, 2012 at 3:20 pm
Good post. Post practical tak ani
Report this comment
September 1st, 2012 at 3:24 pm
Ziak tha e.
Ni e, a dik ani. Kan practical tur ani. Ram hruaitute mipui entawn tur in awm hmasa se. Thu sawi vak, umphak chu sawi lo, a mawngphe pawh hmuh hman lo hi kan hruaitute an ni reuh a, a buaithlak anih hi!
Huaisen te pawh hi angai a practical tur chuan..
Report this comment
September 1st, 2012 at 3:33 pm
lrp, ni ngawt mai, huaisen a ngai, adventurous te pawh a ngai, ziah tel awm tak hi ania, a sei dawn lutuka lolz hnam changkang zawkte hi chu an ‘practical’ bawka thil hmuhchhuah kawngah te hriatchhuah kawngah te an san em hi, experiment peih te pawh a ngai ti duah ila…
sheldon, thanks…
Report this comment
September 1st, 2012 at 4:35 pm
Khawvel a Mizoram a lal ber pakhat chuan switzerland of the east ah Mizoram siam a tum a, lal em em dang pakhat chuan eirukna a zung chawpa phawi a, phoro a tum bawk!!
Lei daw thei..non-practical!! haha..dawt sawi hi kan ngai zam ta mai mai chu ania! An sawi tur pawh dawt bawk..sawi sawi mahse dawt tho tho tur!
Ka rilru mithlanaah hian thil chiang em em chu..Mizoram hi kan buai tawlh tawlh dawn tih hi ani. Dawt sawi hmang ten min kaihhruai avang hian!
A nih nih ni teh sem!..
Report this comment
September 1st, 2012 at 5:19 pm
E heu va sawi tha ve!
‘Science chu a tiha tih a ni’ tih hi kan mi thiam hmasa Pu A Sawihlira’n Science a hrilhfiah dan a ni. Hemi a hrilhfiah dan hi a BOSS C Rokhuma kha ka zawt chiam tawh a, a sawifiah khawp mai. Science chu Social Science leh a dangte ang lo takin hriatna dik leh ril zawk – hmantlaka thiamna nei tur chuan keimawhni ngeiin kan tih a tul a ni a ti. Mizo te’n Science zirna mai ni lo zirna pangngai kan hmel hriat chhoh lai a ni a Science hrilhfiah dan khan kawngro a sut em a vangin hetiang hian an ti a ni.
Tunlai hun atan chuan a RELEVANT vak lo niin a lang. Science hi HYPOTHESIS, THEORY leh LAW hmangin a inham tang tawng tawng mai si a. Mahse awlsam te-a sawifiah dawn chuan hei hian a phawchhuak hneh ber tho mai thei e. Tin, i thuziak a tang pawh hian mizo RIL a REM ber thei bawkin ka hria.
Mizo fate tana Science leh Mathematics lehkhabu hmasa zawng zawng kha Pu A SAwihlira ziak hi a ni deuh vek. Sentence mawi tak – ” I han hmuchhuak dawn teh ang’ tih kha Science lehkhabu-ah a awm tam thin khawp mai, tun hma chuan. Kha pawh kha Pu A Sawihlira’n awmze nei taka mizo naupang Science zirlai rilru ti harh tura a dah a ni awm a ni.
Mizoram-a Secondary leh hnuai lam chinah hian PRACTICAL tha taka tih theihna leh tihduhna sikul hi a tam lo khawp mai. Hei hi a chhan ni-a lang chu keimahni mizo zia aimahin SCERT lama kan SCIENCE PROMOTION WING khi a ni thei mai thei. Laboratory bungrua an pekchhuah hian tullo tak tak a tam thin a. Chutih lai chuan hmanrua pawimawh tak tak an pe tello leh mai thin. Science Teacher Association, Mizoram hian enkawl daih sela zia-awm ka ring mai mai thin. Mahse a theih mai mai dawn si lova…
Report this comment
September 1st, 2012 at 5:54 pm
sekibuhchhuak ngaisang…hreipui khuaitu thei pawh tha a ngaih ngaih avanga thlang phal lo thawnthu neitu kan ni a…kan primal religion chu pialral theology.in a phuar vel a…chu pialralah chuan faisa ringa thawk lova awm der der kha a ni a.
kan thawnthuah pawh hian vanneihna hmanga hausak thut hi a ropui lai a ni a…thawh tek tek lam chu a ni lo…politics a lo lut a…tawngkam thiamna ringawtin an khel tana.. a tak taka thawktu chu an lang nawlh nawlh zawk a….
champhai phaizawl takte hi aw….tia mittui an titla kha ropui kan ti a…party dang nena thawh duna a hnu deuhva sawh thlak leh kha politics thiamah kan ngai a…kum 15 rorel hnu pawha ram tha zawka min hruai lut thei lo kan thlang lal leh a…kan beidawng tan a kum 10 chhunga engmah thawk lem lo kan sawimawi a…ekna ngaia ek kan sawimawi mai a ni.
kan sakhuana hi a phawvuak hle a…mihlim sakhaw mi tamna apiangah ramhuai hnawhchhuah tur an pung hlur a ..neuh neuh a tam ber. kristian nun mawi kan lan chhuatirna tur ber kan hnaah kan zawmthaw em em a, thuhriltu tam zawkin mipui mamawh aiin mahni tuipui an hril a, thuchah nei lem lova thuhril …boruaka tha pup ringawtin kan inawia…nun kawnga kan rah chet chet tur thuchah kan dawng khat khawp mai.
thawk lova awm mai mai tlangval chuan duhtu a hmu tam zawk a…hnathawhkawr mawi tak tak nei thalai rual hi thawkrimte an la hmusit miau va. thawh chhuah nei lo…thawkchhuak tlem hmusitin kan awm a…inneih tur thu kan hriatin monu mopa hnathawh kan zawt vat a….kut hna rim taka thawk chu eng ualah kan dah si lo.
huau huau leh puipunna hrang hrang kan insiam chawpa…chhiatni thatni nen…hna la na khawpin kan thawk hman lo…kan vantlang nun hrim hrim hi a chhehvelah kan hmanhlel lutuk…
eiruk hrem tur kan inzawnsiak a…eiru kan hmuh kan thupsak leh a…vantlanga mi zah kai turin sum a tul tih hriatna chuan min buan a…thawh vaka neih ai chuan thawk lutuk lova neih kan hreh ta lo va…kuthnathawktu pawhin kham khawp thar tumna an nei tawh chuang lo va…kan zoram zimteah hian thu chang a tam mai…khawvel chu sawi loh India ram fan chhuak thu leh hla tlachham hle bawk si hian.
kan…..
Report this comment
September 1st, 2012 at 5:59 pm
“…khawvel chu sawiloh India ram fan chhuak thu leh hla tlachham hle bawk si hian..” a van dik tak em, kan buaipui nasat ang huin kan thu leh hla te hian an thleng thui lo thin khawp mai..
Report this comment
September 1st, 2012 at 6:02 pm
Ziak dik lutuk
Chuvang a lawm, “The land of the great pretenders” ka lo tih fiamthu fo ni. Kan zia hi kan thlak tawp anih loh chuan kan hnaisai lo tawlh tawlh mai dawn a nih hmel e.
Report this comment
September 1st, 2012 at 7:51 pm
Ziak ṭha khawp mai. Vawikhata thil tam tak tih kan tum ṭhin hi a pawi a ni. Kan thil tihlai zel ah hian 100% rilru pe thei zel ila chu kan hlawhtling rang khawp ang.
Ṭhian kan kawm pawhin rilru zawng zawngin, hna kan thawh pawhin rilru zawng zawngin….Pathian chibai kan buk pawhin rilru zawng zawngin.
Vawikhatah thil tam tak ti tura rilru kan sen ṭhin hi kan sim a ngai a ni. Kan thil tihlai kha a rei leh reiloh aiin rilru kan pek leh pekloh ah a innghat thui hle….lehkha kan zir pawhin rilru zawng zawnga zir hi reilo te mah nise rei tak thildang ngaihtuah chunga zir aichuan kan thiam chiangin kan hre rei duhzawk bawk
Report this comment
September 1st, 2012 at 7:53 pm
Amen. A van tha tak em! He thu i ziah zawh hian i thâwl hawkin a nia ka rin ni.
Chutih rualin a takah tih chu a tha khawp mai a, a ri tam te, a chhuak tam te hian thatna mual mual chu a nei ngei ang le.
Report this comment
September 1st, 2012 at 8:19 pm
Class X ka exam zo hlim in Hollow Guitar ka tuk chop a, ka perh thin. Chu mi hnu thla 2 vel, Class XI admission kan tih hma in Electric Guitar ka tuk chop a, tichuan Distortion / zoom ilo lei na tur ka nei si lo a, ka nu leh pa te lah in Guitar ka perh an ning hlui bawk si a, dil ngam bawk si lo. Workmen te, Tape chhia te la hawm in, Circuit simple ber tih thei tur, ka design a, a bawr chuk mai (Hmelchhe ve tak chu a ni). Mahse chik ring ve thei ang reng.
Ka tih hun lai khan min fuih tu (kawh hmuh tu tha tak chu nei i la chuan)….KAN PRACTICAL E! ka ti ngam ang. Mahse, Mizoram ah hi chuan hmanrua te kan la nei kim thlip thlap thei lo a, buai thlak na chen a awm reng mai.
Class V ka nih in Soldering leh Metering, Circuiting te chu ka ti ve thei nawk tawh a, mahse Class 8 kan kai a, kan ho tan a, Mathematics (Part i & ii) hunlai ni bawk nen. Math chiah kha ka at chilh pek a….
Kan practical deuh chu a ngai a ni!!!!
Report this comment
September 1st, 2012 at 8:20 pm
Post tha khawp mai……………………..
Mizo te hi kan har a hun tak zet a ni!!
Report this comment
September 1st, 2012 at 10:07 pm
Post thar a va vang ve. Ka rawn submit e. Admn-te kha khaw nge in awm
Ka in advertise mah mah em aw???
Report this comment
September 1st, 2012 at 10:25 pm
E Heu..Charice chu a va ziak thiam e….
ka inhlan mai dawn e… 
Zawlnei nilo mah ila…i fate an la nihlawh dawn anih hi…
Report this comment
September 1st, 2012 at 11:27 pm
Post thar dilin kawngzawh ang u
Mu daih teh ang 
Report this comment
September 2nd, 2012 at 12:06 am
Puii chu leh, van ti lawmawm thruai thruai ve aw
Report this comment
September 2nd, 2012 at 12:14 am
Puii hian 2006 vel atang khan a tilawmawm thin asin aw…
Report this comment
September 2nd, 2012 at 12:51 am
post tha tak a ni. Mahse, kan ti talh teng: buh thar tur chuan a chi tuh phawt a ngai. Thu tha a nih phawt chuan tih hlawhtlin theih ni mai lo mahse kan tim mai tur a ni lo. Mizoram mipui za a sawmriat vel hi chuan ram veina an la pu pha lo reng reng tih hria ila.
Report this comment
September 2nd, 2012 at 12:57 am
Haha Tuaisial i sawi awmzia ka man e, Puii hi misual.com ah chuan ka pi hliah hliah tur a nih hmel e..
Siara, ka thlawp che
Report this comment
September 2nd, 2012 at 8:18 am
A tha viau mai. Amaherawhchu, kan hmanhmawhin thahnem kan ngai lutuk te pawh a ni thei. Inchhuih thluk palh te a hlauhawm ve tho a nia. Kei ni aia hnamfing hovin an tlawh pawh hmasak zawk daih Andaman thliarkarah pawh thawmhnaw hak nachang pawh hre lo te an la awm ve tho a nia.
tren tren
Report this comment
September 4th, 2012 at 8:02 am
He post thu hi ka lo vei ve em em, ka ziah chhuah ve thiam si loh a nia. Ka ngaisang hle mai, a ziak tu hi. Practical life han luh chilh meuh chuan a dang zar mai reng a ni. Mi tam tak hian an tlin lo….
Report this comment
September 4th, 2012 at 7:42 pm
He post chu ka comment in ka hre sia, ka lo practical lo a niang e…. Post tha tak a ni
Report this comment
September 5th, 2012 at 1:36 am
#38, thanks, a ziaktu ngei pawh hi ka practical tawk chuang bik lo, mahse vei zawng a ni ve miau sia..
Report this comment