Thianpa Marama (Lalramnuama) Nghilhlohnan..

June 17th, 2013 5:53 am by Pakak

Mim ang a pianna leilung ka dawn lo,

Tute nge a chun leh zua ka dawn hek lo;

Khawii vangkhuaah mah tual kan chai rual ngai lo.

Tukchhuakin kawltu chawiin ram tuan kan rel lova,

Siali helin chhailai Di run kan kai ngai hek lo.

Mit khap karin suihlung kan rual, mahse a rei si lo.

Mi hrai duh lengte hringnun ze pua chher turin zirna runah,

Kan tha leh zung, kan thiam kan finna luan ral tirin;

Khuangruah sur, turni sensa hnuaiah ar ang kan lawi za.

A thlum zawng ei lo mahila, a al erawh ei zain;

Ngur nun iangin chhun ni kan hmang liam thin e zirna runah,

Mit khap kar suihlung kan rual, mahse a rei si lo.

Chatuan Lal rorelna dal thei awm maw hringmi zawng zingah,

Tuan leh mang ata tawh tumah reng an awm si lo;

I sakhming chawi chhan LAL RAM NUAM a leng turin Lalnunnema’n,

Senlai nau iangin i chawnbanah a kai ta che maw.

I Van lenrualte chhing zo lo, i Lei lenrualte hian;

‘MANGTHA’ tih anka nem bak kan hlan thei tawh si lo che

1
chhana Says:
June 17th, 2013 at 6:03 am
A tha h1e mai.
2
Leo dtea Says:
June 17th, 2013 at 7:39 am
2nd
3
Leo dtea Says:
June 17th, 2013 at 7:41 am
Paws tha tak a ni
4
sheldon Says:
June 17th, 2013 at 8:00 am
Tukchhuah nuam vek u le
5
Awmtea Leo Khiangte Says:
June 17th, 2013 at 11:28 am
6
Joel Lrsa Says:
June 18th, 2013 at 12:26 am
A tha reuh. Hla thu hi a lo tha ngawt nia, tawng tluang pangngaia sawi teuh ngai kha hla thu tawite hmanga kan han sawi thei thin hi a funkim bawk si a, hlu tak a ni.
7
Dr John Says:
June 19th, 2013 at 10:13 pm