Tunhnaia kan MHIP zahawm takin pawngsual man chu pa thei lova siam ni se tiin rawtna an siam a ni awm a(misual.com lamah te ka lo chhiar a). Hei hi an ti lutuk te pawh an ti a, mipa lam atang pawhin inhnialna tam tak a chawkchhuak reng a ni. Amaherawhchu, ahma te pawhin pawngsualtu chu khaihlum te pawh an lo rawt tawh thin a, thlawptu an tam ang bawkin seltu pawh tun ang bawk hian a tam hle a ni.
Ka ngaihdan kan sawi ve teh ang. MHIP te hian pawngsualtu pa thei lova siam/khaihlum tura an beisei ang hi lo hlawhtling thei dawn ta se eng dan hmangin nge a tlawhchhanna an siam ang tih hi rilruah a lo lang hmasa ber a. Siam dawn ta sela, eng chin nge pawngsual an tih hi ni ta ang le???
Khawhring nei kan buaipui thin ang khan pawngsual hi kan buaipui leh angem?? Nula thenkhat sual deuhte’n an mi huat deuh leh an rilru tinatute “min pawngsual” ti ta se kan buai fu lawng maw?? A hmeichhia berin pawngsual a tih chuan kan tih hmel si a.
Damdawi lama finfiahna neih anih hnuah a tihtheih kan ti em?? Ni e, a ni thei tho mai. Evidence a tam poh leh hmundangah kan chanchin (Draconian law) hi a langsar mai dawn si. Zoram humhalh kan tum luatah kan timualpho zawk mai mai angem??
Pawngsual hi Hur luat vang a ni kan ti thei angem?? MHIP thutlukna/rorelna ang hi chuan “HUR” luat vang a ni ngei mai. Amaherawhchu, mithiam tam zawkte ngaihdanah chuan ‘piansualna’ a ni. Mi piangsual sa, kan piansual belh tir hi kan tifuh angem????
Pawngsualtu hi a ‘kap’ lam ai mah chuan a ‘lu bur ngaihtuahna’ a fuh loh vang zawk a ni tlangpui a. Chuvangin, MHIP hian pawngsual hi an haw tak tak anih chuan pawngsualtu ‘ngaihtuahna sufai’ tur hian Home te hi buaipui ta se. MHIP thiltih leh neuh neuha buaia nu ber chhuak fo lo hian inchhunga fate awplumin, pawngsual thatlohzia te sawiin an fate theuh rilru hi sufai ta se pawngsual hi a tlem zawk lovang maw.
Incheina hi kan han puh ngawt thin tak na a, ngaihtuah thuak chuan a dik hmel fu a, ngaihtuah cheuh cheuh chuan a dik lo cheuh cheuh mai. Mipa rilru fuh lo laklawhah chuan naupang itawmna nei lo pawh thliar lovin, vai sari kaih duah duah pawh ni se pawngsual a tum tho. Eden huana thei lova eitu hrem aia thei hung lo tu Pathian mawhchhiat tum ang vel a ni.
Similar Posts:
- Pawngsual hremna dan tur
- Pawngsual hi
- MHIP-in pawngsualtu ‘Pa’ thei lova siam rawt
- Pawngsual (Hmaituama, Brand New)
- Hmeichhiate Thlavang
(Y)
September 3rd, 2012 at 11:15 pm
hne thak khawpin Girls hostel vel han treat tir se, a zia phian lawng maw.
Report this comment
September 3rd, 2012 at 11:39 pm
#14. RESPECT.
Ka ngaisang che.
Report this comment
September 4th, 2012 at 2:02 am
Century in lo la vaw chhuak nange?
Report this comment
September 4th, 2012 at 4:48 am
@13, mizo tawng hi i pawngsual a ni ta berin ka hria. I ziak thiam lo pawh ni lovin i ziak tha duh lo a ni zawk hial lo maw? Tumah phei zawng thiam famkim kan awm hauh lova, nguntak a zir chuan mi puitling chin tan chuan mahni tawng na na na chu chhiar hahdam deuh a ziah chu a har lo a nia. Ziah zawm tur leh tur lo mai pawh ni lo, full stop leh comma dahna thleng pawhin ka mit a tikham thin khawp mai. Mahni tawng hi kan uluk/roh loh chuan tumahin min uluk/roh sak dawn lo. (i rilru tihnat ka tum hauh lo a nia)
Report this comment
September 4th, 2012 at 6:31 am
# 51. post tu pa rawt na khi ka pawm pui e.
Chhuaklinga te ang an lo awm leh zel hian, misua.com
hlut zia an ti lang chiang viau bawk in ka hria.
Mi hring chuan, kan tih dik lo lai te min hrilh hre tu tur
kan ma mawh reng a ni.
Chhuaklinga ka chhem ling a,
a ni’n min chhem vam thung.
Report this comment
September 4th, 2012 at 11:58 am
Thanks God, a reltute zingah ka nu a tel ve lo
Report this comment
September 4th, 2012 at 9:50 pm
pawngsual hi kan haw em em vek mai a kumtlinglo pawngsual phei chu kan haw leh zual,kumtlinglo pawngsual tu chu Police in an man hma a mipui in an man phei chuan kan chilhlum loh vek pawh in an lo na hman viau zel ani,chuvang in MHIP te thu rel hi tul lo ka lo ti ve khang lang ani,heng ai chuan pawngsual chakawm tak tur a kan hmeichhia te an inchei thin te hi vei zawk se ka ti,ka la vak zau vak lo a NE khawpui hrang hrang leh India ram hmun then khat ka kal tawh na ah Mizo hmeichhia leh Naga hmeichhia te tluk a fengchhing leh kawr nghawng zau hi ka la hmu lo
Report this comment