Tunlai chu Zoram khawvelah Piracy chungchangin sawi a hlawh khawp mai. He mi chungchang hi tun hma deuh atang khan kan buaipui viau mai a, tuna Khawnglung Run film an lo leak out avang hian kan sawi nasa leh hle a nih hi. Kan hriat angin piracy hi kan zaithiam leh film siam tuten an tuar hle mai a, abikin zaithiam ten an tuar nasa khawp mai. Tun hma ang khan an record siam an hlawkpui tak tak thei tawh lo.
Thil dik duh vanga Piracy chungchang do ngawr ngawr chu a tha vek lo mai thei, a chhhan chu Mizorama Computer zawng zawng deuh thaw hi chu a function thei lo ngei ang. Chuvangin kan ram din hmun thlirin leh kan hmasawn zel theih nan kan ram chhunga siam leh thil angah hi chuan kal phung mumal deuh zawk kan neih hi a tul hle a ni. Harsatna kan neihte a tihkian dan ngaihtuah siloa, kan harsatna lai kan buaipui vak ringawt chuan a tha ber lo ang. Harsatna kan tawh te hi inzir nan kan hman thiam a tul hle zawk a ni.
Chuvangin kan film siam tute leh kan zaithiamte tun aia an lo hlawk zawk theih nan rawtna kan nei ve mai mai a, thil tih theih a ni ang emaw !. Kan hriat theuh angin sumdawnna a thil pawimawh ber mai pakhat chu a market chungchang hi a ni ang a. Tuna kan zaithiam te record siam leh kan film siamtute buaina ber pakhat pawh hi a market chungchang hi a ni a.
Tunlai khawvel ah phei chuan Digital thil vek kan hman tawh avang hian piracy lah hi a awl em em mai bawk si a, hei vang hian an thil siam te hralh nan market mumal tak neih hi a pawimawh hle reng a ni. Hetah hian a bika market lam buaipui tur film industry ah leh Music industry ah te hian an awm a tul khawp mai. Mi ram anga man chawia internet atanga download tur ang chuan thil chi a ni lo ang a. Chuvangin man chawia mitin ten awlsam taka kan leive zung zung theih dan ngaihtuah a pawimawh hle a ni.
A hmasa berin heng film leh record zawrh nan hian a buaipuitu tur Market board awm sela, an hnuaiah hian hmana cassette zuartu awm thin ang khan CD/DVD record sa emaw a data a man chawia download theina tur zuar tur awm se, heng hote hian Market board thu ang chauh in zuar thei bawk sela. Tun lai chuan pen drive te kan nei fir ferin Mobile phone te kan nei deuh vek tawh a, album puipui anga lei vek loin single anga mah ni duhzawng download theih ni bawk se.
Tin film chungchangah pawh tuna Khawnglun Run film hmun hrang hranga chhuah tute ang hian, Market board kal tlangin hetianga chhuah duh/chhuah thei te tan phalna pek ni thin sela. Tin hla lei/download man hi single pakhatah to lutuk in ti lo bawk ila, Tin, Computer zuartute, Cable Network neitute leh Cell Phone zuartute hian phalna an neih loh chuan an hnen thil lei tute te lo pekchhawn thin hi khap ni bawk sela. Tin phalna nei lova mi hnena hetiang lo zuar chhawng tute pawh hi dan anga an chunga hmalak theih nan dan siam ni bawk se. Hetiang hian kal pui thei ila chuan tun ai hian kan zaithiam leh film siamtute an hlawkpui phah ngei ang ka ring.
He mi chungchangah hian ngaihdan a inchen lo mai thei, an lei tha duh tak tak chuang lovang a, an in copy sak mai mai ang te kan ti mai thei. Mahse, mi rinawm loh deuh kan tih pawh hi an rilru kan daikhalh thiam chuan an rinawm lo ngam thin lo. Tunah hi chuan mumal taka thil tih a awm lem loh avangin kan duh ve si chuan thil dik chiah ni lo mahse neih dan kan zawng lo thei lova.
Khawnglung Run film pawh kan khuaah entur a awm ve miau loh avang hian dik lo deuh pawh nise entur a awm chuan en ka hreh miah lo. Mahse, man chawia en theih mai emaw chu nise a to lutuk lem loh chuan man ka chawi hreh miah lo, hetiang tho hian Zai record chungchangah pawh a ni tho mai.
Similar Posts:
- Bethany Hamilton ‘Soul surfer’
- Internet Download Manager (IDM)
- Home made video
- A ruala perhkhuang tum tamah Mizoram record siam an tum
- World Record hming tur hi
September 5th, 2012 at 11:48 am
.
Report this comment
September 5th, 2012 at 12:03 pm
Good post
Report this comment
September 5th, 2012 at 12:16 pm
Rawtna thatak, a taka kanzawm theihloh turchi a nihkhi.
A vahan buaithlak thin takngai emve aw.
Report this comment
September 5th, 2012 at 1:55 pm
Rawtna a tha viau, mahse a taka tih a harsat ka ring. A pawimawh ber chu kan rilru hi mawle! Sum tam tak seng a mi’n an buaipui hi a thlawn a lo neih theih duhna rilru cheap lutuk hi kan tihbo a tul.
Kan mi ngaihsan te zai or film te hi a original ngat neih duhna rilru pu ve tawh ila, pirated copy en lo ngam i la.
Report this comment
September 5th, 2012 at 2:35 pm
Report this comment
September 5th, 2012 at 2:44 pm
cinema hall pangngai hi nei leh tawh ila a tha ang!..
Report this comment
September 5th, 2012 at 3:38 pm
post tupa hi a ril ania aw
Report this comment
September 5th, 2012 at 4:26 pm
Report this comment
September 5th, 2012 at 4:49 pm
Khawnglung an lo run kher kher kha chuan min va han tibuai rei tawh tak.!
-awih ho vang vek.!
Report this comment
September 5th, 2012 at 6:17 pm
Post tupa, hmanni khan i en ve nange? In khua-ah en tur a awm tawh reng kha
Report this comment
September 5th, 2012 at 6:24 pm
^ En ve lo. Ka zin daih alawm.
Report this comment
September 5th, 2012 at 6:25 pm
Thil tih theih loh a nih dan sawi thei kan awm em. Kei chuan kan tih duh leh duh loh a thu ka ti.
Report this comment
September 5th, 2012 at 8:45 pm
Post tha tak, Thil tih harsa tak ani. Mahse, i ngaihtuahna pawh i sèng hnem awm sia. Mahni khua a an chhuah laikhan en ve tur che nia. Tlangval…ha3
Report this comment
September 5th, 2012 at 8:46 pm
Kei chu Software vel chungchang ah chuan ka Order lehkha leh warrantee lehkha pawh a Original zia ka hmuh thlap thlap thei(Ka him viau)
Mahse Studio tam zawk ah ka ta ila, an Software hmang te hi check sak ta ila, a Original em? Chutihlai a an Film Copyright vel hi a dik ber em?
Khawnglung Run film ka sawi chhan na a ni miah lo a, mahse a tlangpui a kan in tih hmuh chu Software Pirate hman a ni a, chu tiang bawk in Flim Pirate en a ni lom ni.
So I just want to say that “Let there be FREEDOM, but a True FREEDOM”
India in Freedom tih ni lo in, western in FREEDOM an tih zawk a nia ka sawi !
Be fair and be honest, you will be treated the same way!
Report this comment
September 5th, 2012 at 8:47 pm
Tuna mi pawh an phallo chung a leak out hi. Tettut pa.ha3
Report this comment
September 5th, 2012 at 8:49 pm
HV ten anlo en ve tawh em le?
@Sisen. Hepa hi a ril maw?
Report this comment
September 5th, 2012 at 8:51 pm
Post tupa hian sum a neihloh avangin an khua a an chhuah pawh a enlo vèl
Report this comment
September 5th, 2012 at 9:31 pm
Mizorama mizote chu pirate chungchangah chuan tumah insawisel thei bik kan awm lovin ka hria
Report this comment
September 7th, 2012 at 4:51 pm
A disc ang chia thil siam a leak out fo chuan a bu ang zawnga kalpui leh mai hi a tha mai.
Kei, Khawnglung run film kha ka nei ve a, a chhuah zan khan mai chawiin en ve bawk mah ila, ka la hlut khawp mai.
Report this comment