Ho mai mai, ho miah si lo
A ni reng asin. Naupang Sunday sikula kan zir thin angin, thi lek lekin min sawisa kher lo mah se, min tanpuitu, ka tana Samari mitha erawh ka hre ve chiang. He hringnun kawng chhuk chhovah hian, chanchhe bik riau nia inhriat chang ka nei zauh zauh a. Chutih rualin, Pathian malsawmna ka dawn nasatzia ka hriat thar changin, lawma banpharin faktlak Pathian hi ka fak mawlh mawlh thin. Mifel leh mitha ka tawn tawh te zawng zawng ziak dawn ila, ka ziak seng hek lovang. Chuvangin, khualka chamna khawpuia rin loh taka min tanpuitu ka tawn mi tlemte te hi ka’n ziak mai a niang chu.
Kilometer khat chuang Scooty ka nawr hnuah…
Kumin Republic day khan, chawlh a ni bawka tiin, Mantri Mall-ah ka chhungte rualin ka kal ve a. Ka vanneih a siamin, tlai a nih chuan Mantri square-ah Femina Miss India South thlan a ni hlauh mai a. Nula chhelo tak tak ka thlir doh doh chuan zan dar 8:30 a lo ri der tawh a. Ka scooty dahna ka pan vat a, tihnun ka’n tum ngawt, a ke a lo thep vek mai niin!
Eng tin tin emaw ka innawr chhuak ve mai a. Nawr chak a har phian. Chu-a-chhapah, sawrkar chawlh ni a nih avangin dawr tam zawk an inkhar hma vek bawk. Engtin tak zanin hun hi hmang ang I maw? ti rilru rauh rauh chunga, thlan tla hluama Miss contestant chhe lo tak tak te theihnghilh thak khawp scooty ka nawr taih taih lai chuan, scooty nawr paha kilometer khat thuizia leh ka fit lohzia ka hre chiang hle.
Chutia, beidawng ang reng leh hmanhmawh rilru taka ka innnawr tawrh tawrh lai chuan, ka hnunga bike-a rawn tlan chuan, ka harsatna te min zawt a. Dawr awmna hnai min kawhhmuh thlap a. Nawrpui ka ngaih leh ngaihloh thu min zawt a. Dawr awmna min hrilh tho avangin tanpui ka ngaihloh thu ka hrilh a. Beisei loh taka dawr a awm tih min hrilh khan, ka va’n lawm tak em!
Maruti 800 ka nawr
Nikum khuangchawi thla khan, sum audit tura min ruat avangin ka thawhpui tur nen a maruti car (secondhand) lei tharin kan chhuak ve ngei a. A khalh zei lutuk loh avangin rilru nuam lem lo. Chutia kan tlan vang vang hnu chuan, ka zanriah tur kawng laka ka lei a ngaih avangin kan ding lawk a. Ka let leh chuan, car chu a nung thei ta tlat lo mai le!
Tihtheih dang awm hek lo, a khalh thiam lo zawk chuan car a nun theih tak mialin tiin ka nawr tan ta. Khuangchawi thla zan boruak a vawh tan avangin tiin kawrlum te ka inha ve ngei a. Hmalamah nawr rawh le a tihin hmalamah ka’n nawr tang tang hnuah, hnunglamah nawr leh lawk mai a tih chuan, thuawih tih takah a hnungtawlh zawngin ka’n nawr leh a.
Chutia, tlangval chak tak maiin maruti car ka nawr an hmuh chuan, rawlthar pathum hian kan harsatna te min zawh pahin, car chu min rawn nawrpui ta sawk sawk a. A chinchang hre deuh pakhat chuan, a’n en thuak thuak a. Tihnun a’n tum chhin a, car lahin nun a tum der lo. Mahse, thlantla phunga min rawn nawrpui hrim hrim kha, a nawrtu tan chuan lawmawm tak a ni.
Kan thiante an rawn thleng a. Reilote hnuah chuan a nung ve leh ta mai bawk a.
Zingkarah tui ka chawi:
Bangalore-a cheng e ti lovin, tui chawi a ngai leh zauh thin. Tun kar tir mai khan zingkarah tui chawi a ngai tlat pek a. Tui kan hnianghnar viau avangin tui dahkhawlna hi ka nei tha lem lo. Thatchhe arbawmkhaiin ka bucket neih chhun pahnih chu ka tawn kawp a. Scooty-a phur turin ka inpuachah a. Chutia, bucket-a tui ka dawh hnu a scooty-a ka dah dawn chuan phurh theih ziazang a lo ni lo.
Inremfel tuma ka chetbuai lai chuan, ka hnunga muslim putar pakhat chuan ka thil tih tum chu a harsat thu min hrilh pahin min rawn tanpui sawk sawk a. Kut leh ke khur ngar ngara ka scooty ka siamrem laia, a hun taka min rawn tanpui kha, ka lawm teh asin!
Scooty bawk
Kan kawtlai ah hian, hmeichhe naupangte, KG I zirlai sikul kal tur, a pa’n tuktin a thlah thin a. Tuk khat chu, ka scooty lak chhuah ka tum, ka dahna chhuat a khawh chhiat nual avang leh, bike hun ve dang te chu an dah hnawksak em avangin, ka chhuak lawk thei lova. Chutia ka chet buai lai chuan, chu pa chuan min lo hmu reng niin.
Ngawi rengin ka scooty hnunga vuanin min rawn pawhchhuahpui ta a. Lawmthu pawh ka hrilh hman hmain, a fanu bulah chuan a phei leh mai a. Ralkhat atang chuan ‘thank you’ ka va ti hram a, an pafain min nuih sak. Tun thlengin a fanu te hian min hriat phah.
Tawk phawt teh se, a thui lutuk palh ang… 
(Y)
September 6th, 2012 at 7:06 pm
.
Report this comment
September 6th, 2012 at 7:16 pm
Tuanzairela chu a tuan a va tha thei phat phat ve
Report this comment
September 6th, 2012 at 7:17 pm
A va ngaihnawm ve!
Lo post fo rawh.
Report this comment
September 6th, 2012 at 7:23 pm
A ngaihnawm thin teh e.
Report this comment
September 6th, 2012 at 7:53 pm
Patha tak i nih dawn hi, midangte thatna lai hre reng thin mite hi mitha tak an ni chawk.
tren tren
Report this comment
September 6th, 2012 at 8:04 pm
A ngaihnawm hle mai
Kolkata-ah ka pawisa a bo khan hotel manager 1 in Rs.2000 min puk tir tawp tawh, “I neih remchanah min pe leh dawn nia,” tiin. A hming chu Zuzar a ni. An hotel a Mizo dang te nen kan titi ho kha ka cheziaah hriat thiamna chen a nei ania’ng min zawt hlawl. Chaw eina man pawh ka nei lo,ka va’n lawm tak em!
Report this comment
September 6th, 2012 at 8:16 pm
@ ahooma.. Ka lawm e. Tunlai hi i reh riau..
@ Chhuaklinga… A mak khawp mai, Pathian hian mitha leh mifel tak tak hi, ka kalna apiangah hian min pe zel nia…
@ HV-a… I vannei hle tak mai. Chu’ng hunlaia Rs. 2,000 phei chu a hlu ngawtin ka ring…
Report this comment
September 6th, 2012 at 8:19 pm
Ka nun ram a chauh changa phur vak lo chunga misual han luh a,thu tha tak tak leh zangkhai tak tak chhiar tur a lo awm thin leh hnial pui tur an lo awm thin hi ka thlarau hian a ngeih a, min tanpui tu tha tak in ni e..
Report this comment
September 6th, 2012 at 8:26 pm
Dr Mahminga Sailo #7 Ka Mizo pui, sumdawng te’n “Puk tur ka neih lo tlat mai, avan zialo ve le aw…” an tih vawng vawng laiin, ka dil miah loh vaipa-in ka hmel a tangin a hrethiam a, min pe…. ka damchhungin ka theihnghilh leh tawh ngai lo vang.
OT deuh:
Nimin tlai, ka fanu allergy shot la tur ka hruai chu, an lo tam khawp mai a. Alllergy dâktawr clinic thuthleng kan chang lo va, kan pafa chuan kan ding ta ran a. Thu zing a sap naupang, a nu nen a thu chu a lo ding a, “Sir, khawngaih takin ka thutnaah hian thu zawk ta che,” nui seng hian min rawn ti reuh a. Kei chuan, “I van fel em em ve,ka lawm e, mahse thu zawk rawh khai,” tiin lawmthu sawi chungin ka thut tir leh ta zawk a. Ka mutdawn thlengin kha naupang hlim hmel pu tak maiin thutna min kian kha ka mitthla thei. Janis lah chuan, “Apa, khatiang kha good manners tiraw?” alo ti ve bawk a
Report this comment
September 6th, 2012 at 8:30 pm
Scooty hi chu i master ve tawh ngawtin ka ring, experience i nei hnem tawh bawk a
Report this comment
September 6th, 2012 at 8:32 pm
Report this comment
September 6th, 2012 at 8:36 pm
#9. Pu HV-a… A thupui khi, Samari mitha ka tawnte ka ti hman a, ka inthiam lo leh deuh a, ka thlak ta mai. Mak tak a ni. Rin loh taka mifel/mitha hmuh hi a hlu bik em a ni.
@ chhangteval… Scooty hi ka nei lovang tih a nia ka hlauh tak ni..
Kawng laka a chhiat changa, thinrim dawna ka nawr chang hian, a tawpah chuan engemaw zirchhuah tur hi min pe leh thin a. Mahni’n ka nui leh vur vur thin.. 
Ka hnuai chiah ami chu leee(h)..
Ka tlawh chawrh dawn maw’n le, Nula te min tih mai mai… 
Report this comment
September 6th, 2012 at 8:38 pm
misual nula fel Mahminga chanchin bawk lo ni in
Report this comment
September 6th, 2012 at 8:42 pm
log out si lova, luh leh dawna log in that ngai hi eng nge maw a awmzia le?
Report this comment
September 6th, 2012 at 8:57 pm
Report this comment
September 6th, 2012 at 9:04 pm
Mahminga hi i vannei thin a, vanneih i phu aniang ka tih tawh che kha. Lo vannei zel teh. A ngaihnawm e.
Report this comment
September 6th, 2012 at 9:10 pm
Dr Mahminga Sailo hian thiltawn neuh neuh pawh a lo ngah a nih hi… a sawi ngaihnawm thiam bawk si.
Report this comment
September 6th, 2012 at 9:21 pm
SSB interview tura rela ka chuan vawikhatna tuma sipaiho min buaipui kha ka hrereng thin. An zarah kei aia bo lehchhawng Japanese nula, ka rualpui bawk nipui sensa hnuaia rel second-class ah kan han chuan thlakpui kha rilruah a rawn lang roh roh alawm le..
Report this comment
September 6th, 2012 at 9:28 pm
Tha hle mai, a hun taka min tanpuitute hi chu an hlu a ni..
Report this comment
September 6th, 2012 at 11:01 pm
@ sheldon.. Ka lawm e. ‘Thilthlawnpek (malsawmna) ngun takin chhiar fo la‘ tih hi ka hrechhuak fo thin.
@ ɪ̣uɪ̣pnoɥ… Ka lawm e. Ka tawn ve chhun chhun hi ka tlangzarh pup pup mai zel si a. Ninawm ti deuh pawh an awm ka hlau ru thin. Mahse, thu leh hla dang pai vak si lo tan chuan, kan tlintawk ka’n ziak ve luai luai zel a nih hi..
# 18 & 19…
Report this comment
September 6th, 2012 at 11:28 pm
Tanpui kan ngaih em em laia min puitu Mahminga leh funny hi ka theihnghilh tawh lovang. Mi i tanpui thin avangin, Pathianin tanpuitu a pe thin che anih chu….
Report this comment
September 7th, 2012 at 12:56 am
Himachal khaw pakhat ah khian tuikhur tui vawt/hit lutuk avang a ka suk theihloh thawmhnaw bucket khat min suk sak vek tu ka tawng tawh. Ka ngen pawh nilo, ka chiah rual a ka kut duk khawng thiuh theuh a ka phawi leh zel chu min khawngaih ve ni tur ani. Hemi hmun ah bawk hian thlasik vanglai in khawvar hma in khua kan lut pek a, min hmuak tu turte anla awm silo, ka phone battery a zo tawh si, auto driver hian ka dil miahloh in phone min rawn hmantir tawp bawk. Keipawh heng mite hi damchhung a ka theihnghilh loh tur te an ni.
Report this comment
September 7th, 2012 at 1:33 am
#21 : A lo nih reng chu…….
Khawvelah hi chuan in mamawh tawn vek kan ni, lungpui pawh lungtein a kam ki loh chuan a awm thei lo an tia ni lawm ni.
Report this comment
September 7th, 2012 at 6:01 am
Kum 2004 ah Delhi ah min zai, keimah mai ka ni si, Delhi Mizo zirlaite an va han fakawm tak em. Dormatory aṭangin chaw ei turin chokaah min zawn thla a, min zawn chho leh. Kei lah ka ke leh kut ka che thei der si lo, an ṭawn khawng tlat mai bawk si. Room ka neih hran hnuah pawh min la riahpui hlawm. Chu mai ani nang, an in luahah min hruailut a thildang tih ngai an ngah awm nen khan min buaipui hneh hle mai. Inthlahrun ana dawn viau nangin, chutiang nei theiin min siam lo, an chhungkua ang ṭheuhin min en mai ni khan ka hria.
Chu mai ala ni lo, kei, kut leh ke che thei der lo kha min bual a, ka inthiar min vil bawk a, chaw min ei tir bawk a, ka va’n lawm tak em!
Delhi Mizo te chungah khami vang khan tun thlengin ka lawm, k lawmna hian ka dam chhung a daih bawk ang.
2004 a Mizo zirlaite zarah Delhi Mizo awm zawng zawngte chungah ka la lawm reng a ni.
Report this comment
September 7th, 2012 at 9:41 am
Nia, mamawh hun taka min puitute hi an hlu. Tumkhat, mi hriau ka pe a, an tan neih a har lai tak a lo ni nen, tun thleng hian fel min la tih phah. Beisei loh lama puitu neih hi a hlu zual. Retheih poh leh lawmna kan hmu nasa maiin ka hria.
Report this comment
September 7th, 2012 at 10:06 am
@ Nu Maisek… In lo kal kha nuam kan ti teh a nia, kan chaw ei man in pe vek zel erawh kha chu a nuam lo thin… In bula awm a nawm thu hi ka sawi fo a nia..
# 22, 23 & 25…
@ Pu HV-a.., Mifel tak tak i tawng a, i vannei mang e. Hmun dang chanchin ka hre tam law, Delhi leh Hyderabad Mizo felzia hi ka hre ta fo mai…
Report this comment
September 7th, 2012 at 11:05 am
Heti ang thil hi a lawmawm duh teh asin! Tanpuitu nih ve thin hi kan tihtur pawimawh ber niin ka ngai
Report this comment
September 7th, 2012 at 11:40 am
Mahming, pi maiseki chuan fel a ti bik che anih chu. keichu a engemawni te te ka ti LEAK out a sual min ti lutuk.
Report this comment
September 7th, 2012 at 12:58 pm
@ funny™.. Eng tak lo ti-LEAK bik che maw?!
Report this comment
September 7th, 2012 at 1:17 pm
#24…tattoo removal surgery la na ber
Report this comment
September 7th, 2012 at 1:52 pm
Zual..
a pa Maiseka hi zinah sawm ve chi anih hi..:-D
Report this comment
September 7th, 2012 at 7:39 pm
Tawta, bonez, funny, Mahminga…. mei mei…
Report this comment
September 8th, 2012 at 12:41 am
ngaihnawm leh phian mai… Dr kuthnu nge²…
Report this comment