Thuhma: MHIP Special Assembly 30th August, 2012-a neih chuan “Mizo khawtlâng nunah hmeichhia pasal sûn/then/vanduaina avanga kawppui nei lote hi nawmnah taka ‘nuthlawi’ ‘hmeithai’ tih hi chîn tawh loh ni se kan ti” tiin resolution an passed a. Eng vangin nge nuthlawi/hmeithai an nih avang ngawta mipaten an chhaih nawmnah ang a, an zuam bîk kher ang? Nuthlawi/hmeithai tih hming an put avanga zahawmna hloh ta angah an inngai em ni? ‘Nuthlawi’/‘hmeithai’ tih hi hmânlai atang tawha pi leh pute lo hman thin, hming mawi tak a ni. A hming leh nihna avang hian an hmuhsitawm hran lo va, an sih hnip ta viau lah a ni hek lo.
Nuthlawi/Hmeithai: Nuthlawi – Pu Buanga ‘Dictionary of the Lushai Language’-ah chuan “a young woman (especially one who has been a mother) who is either divorced or widowed; a young unmarried woman who has been a mother” tiin a indah a. Hmeichhe pasal sûn/then tawh emaw, pasal nei lova fa pawm; nu leh pa bul/mahnia awm ‘lêng leh’ kan tih ang chi hi an ni. A awmzia takah chuan pasal neih leh pawh inhuama ‘inti-nula tha leh’ pawh ti ila a sual lutuk lo maithei.
Hmeithai – Pu Buanga ‘Dictionary of the Lushai Language’-ah tho “a widow or divorced woman or spinster living by herself (i.e. without any adult males in the house)” tiin a dah ve thung. Pasal sûn/then tawh, fate nên/mahni chauha khawsa, mipa puitling midang rin tûr nei lote hi an ni. A tlângpuiin ‘hmeithai’ kan tih te hi chuan an fate an ‘tûlpui’ tlângpui a, anmahni chauha awm pawh ni se, an ban tlang law law duh tlângpui.
Eng ang mizia nge an nih? ‘Nuthlawi’ tih hming ringawt hian chêksawlhna, diriamna, zuamna leh dah hniamna a kâwk hran lo. ‘Eng ang mize pu nge an nih?’ tih hi a pawimawh ber fo. Nuthlawi an nih avanga chhaih nawmnah an ni hran lo a, an mizia avang zâwkin mipa thenkhatin an lo chhaih mai thin.
Mipa ten kan iai hran lo! “Nuthlawi mah ni la ka iai lo che, Lei mawina tinrêng paw’n an iai bîk lo’ng che” tih hlate pawh kan sak ve rawng rawng thin tak kha maw le! Thihna emaw harsatna eng emaw avanga ‘thlawi lêng leh te hi an nundânin a zir phawt chuan mipate hian ‘fate nu’ atân kan iai hauh lo!
Zahawm rawh se: Zahawm taka mi a nun phawt chuan tu man ‘nuthlawi tharlâm’ tiin an au nawmnah ngam ngai lo. Nêlawm tak, mahse zahawm tak sia awmdân an thiam a tûl. ‘Zahawmna’ hi an kâwngah hrêng a, an bânah leh an ke-ah bun a, an lu-ah an khum reng a tûl. ‘Thlawi kûr zut te hian zah an kai lo va, ngaihnêp an hlawh fo bawk thin.
Hmingchhiat a awl bîk: Nuthlawi thenkhat, an nundânin a zir loh avanga kan hmuh hê tâk tlat hi an tam asin. Chuti ang mite chu a ni lo’m ni mipa thenkhat lepchiah ve tak tak ten fawh phêt an tum chu? ‘Lêng leh’ intih avanga ‘kei ber’ emaw intih te hian hmingchhiatna a thlen fo. Chumi avanga in kiltawih tûr ka tihna erawh a ni lo. Nula pangngai ang maia an awm ve a rem lohna chen a awm thin ka tihna zâwk a ni.
Nuthlawi kan hmuhdân a dik tâwk lo: Nuthlawi hi thenkhat chuan kan hmu nikhua lo nghâl ngawt thin. Lerh kawh hrim hrim avanga ‘thlawi te hi chu mipate hian hmangaih hauh lo hian an ‘hope’ ve fo thin. Mipui mimir hrim hrim hian nuthlawi zawng zawng ‘thlawi hrât-i’ – ‘thlawi tharlâm-i’ ti a, “A kâk leh tawh” – “Va tang ve” kan ti thla zen hi chu a fuh chiah lo.
Tlângkawmna: Pi leh pute chuan “Nuthlawi lêng leh antam pâr zûna uai chu a na e” an lo ti mathlawn lo va. An zêm ât tawh te lah phuar beh ang tlut an ni lehnghâl! “Nuthlawi chu lasi pasarihin an vêng a, an hmêl a tha tulh tulh thin” tih te pawh pi leh pute khân an lo sawi thin nia! An dinhmun hi a tha lerh lawrh khawp asin!
Nuthlawi nih hi thil zahthlâk a ni hran lo, vanduaina avanga lo thleng thin a ni. Lepchiah deuh avanga thleng te pawh a awm ngei a, chu zawng anmahni mawh a ni. Nuthlawi nih avanga mite hmuh hniam nia inngaih tlatna ‘thinlung ngêt’ hi i paih daih ang u. Nuthlawi dinhmun siamtha a, timawi theitu chu nuthlawi te bawk an ni. Hmuh hniam, chhaih nawmnah leh diriam nia an inngaih chhûng chuan eng tik khaw tikah mah anmahni phuar bettu ‘hmuhsitna’ hrui hi an tâl chat thei ngai lo vang. Thlawi hmêl tha leh felte lah mipate hian kan iai mawlh si lo. “Thlawi mah mah hmêl tha!”
Similar Posts:
- Nuthlawi nge Hmeithai?
- Nuthlawi Vs Hmeithai
- Nuthlawi min ti maw!
- Mipa i nih ngai chuan…
- Mawina nge finna
(Y) fb account i neih...
September 6th, 2012 at 6:40 am
Chhiar ang!
Report this comment
September 6th, 2012 at 7:21 am
2nd
Report this comment
September 6th, 2012 at 7:41 am
Ziak tha hle mai, ka thlawp e. Hmeithai/nuthlawi hoah hian patung/tlangvalin an tluk loh hi kan ramah hian an tam lutuk, intodelhna leh nunphung kawng engkimah hian. MHIP ho chu a thlukah an lo buai mai mai a nih chu, a awm viau tho e. Mihring kan changkang telh telh ang a, mimal chanvo hrim hrim inzahsakna hi kan la ngaipawimawh chho zel ang.
tren tren
Report this comment
September 6th, 2012 at 7:52 am
Ziak tha tak i ni, ka thlawp thei parhin ka hria
Pakhat lek ka phunchiar ange aw, i haw em lo turah ngai ta ila. Mizo ṭawng a, ‘inti..” leh ‘ve’ tih ṭawngkam hi hman loh hram theihnaah chuan hman loh a pawilo zawk awm mange ka ti ṭhin. Entirnan: Nuthlawi/hmeithai i ziah naah khian, “Inti nula ṭha leh” tih i hmang ta a, ṭawngkam dang awm thei tho turah ngai ta ila (!), “nula ṭha leh” tih lek fangin ṭawngkam hman ni tase, a dawngsawngtu tan a hahdam zawk ang em aw, ka ti mai mai.
Tin, biakin inkhawm emaw te hian “Ilo inkhawm thei a ni maw, i ti lawmawm hle mai…” emaw ai a, “Ilo inkhawm VE ani maw…” ang chi ṭawngkam te hi dawnsawn a nuam lo khawp mai. OT tel zuai
Sawi ve niah nuah
Report this comment
September 6th, 2012 at 8:24 am
#4 a dik khawp mai. Zawm hram ka lo tum ang e.
Tukchhuah nuam ule
Report this comment
September 6th, 2012 at 8:54 am
I thuziak a tha hle mai. I ngaihdan tak tak ni pawhin a lang. Mahse, kan ti hram teh ang, hetiang rilru zau pu phak lo hi mizo society-ah hian a percent a sang khawpin ka la ring.
Nu leh pa tam zawk fe hian nuthlawi hi an mo atan an iai ka ring. Zia leh chhungkaw dinhmun inang rengah nuthlawi ai chuan nula hnah khat an thlang fur lo’ng maw? Ka ti.
Tin, “Chu nu chu a va hmeltha ve! Khawi lam mi nge?” tia zawhna hi. “nuthlawi a nih saw” tia chhanna hian nuthlawi a nih kan hriat hmaa kan rilru a sawi her duh fu.
Tin, hmeithai pawh hian an nihna avanga hmuhsit emaw hmuhsit nia inhriatna an la tawkin an la nei bawk chuan ka hria.
I rilru put hmang hi pu vek thei ila a duhawm khawp mai.
Report this comment
September 6th, 2012 at 8:54 am
:@
Report this comment
September 6th, 2012 at 9:44 am
Good Post. Mimipa @6
Report this comment
September 6th, 2012 at 9:54 am
MHIP hi hman deuha sum chungchanga an mualpho hma hmingthatna nei let turin an va tang ve…hmeichhe pawl a ni a…hmeichhe humhimna chu an thupui tur a ni …suma an buai khan an ngaihtuah hman tlat lo va.
tin..an sawi ber khi nawmnah a ni a…an dik reng. a hming erawk kan thlak thei tawh chuang dawn lo va.
Report this comment
September 6th, 2012 at 10:09 am
Net a muang, nuthlawi a rim theih tak tak loh, hahthlak.
Report this comment
September 6th, 2012 at 10:57 am
“‘nuthlawi’ ‘hmeithai’ tih hi chîn tawh loh ni se kan ti”
Engtin nge kan koh tak ang le ?
Report this comment
September 6th, 2012 at 12:06 pm
Chutak chu nia, a hming maiah hian an buai mai mai a ni
Report this comment
September 6th, 2012 at 12:11 pm
Ziak tha khawp mai, a hming a thlak ti zawnga an sawi hi chu fuh chiah lo deuh em aw ka lo ti ve ngot. Stigmatize na a zawk a hi an duhloh zawka chu ni awm tak a nia. kan hnam hian kan ngah ang reng khawp a, a tha lo han tih ngawt dawn in hnam tin ah hian a awm vek ni a sawi a ni thin, a hnam ang leh geographical location a zir te leh a dang2 ang te’n a danglam fo, stigma kan tih ho a hi. Han sawi theih mai ah chuan Naupang a tihte, tar a tihte leh fahrah lubawk tih ang te adt adt a tam ang reng khawp. Hnam a than chhoh ve zel hian hetiang a hi a tlem tulh2 thin a ni awm e. Mihring nihna leh dinhmun vanduaina atanga va categorize emaw va enhran na a hi thiltha lo tak chu a ni ve pakhat. Kan hnam hian kan ngah zual bik in a lang hetiang lamah hian. Thil tha tamtak awm zinga thalo awm ve te a nih mai hmel stigma tam lutuk a hi.
Natna leh hrisel lohna te avanga stigmatize awm ang chi a hi chu thil tih bo mai har tak ani a, Natna kan ti bo vek te a nih ngawt loh chuan mahse an sawi ang a hi chu a hnama zira reh mai thei thil a nia…..Tha khawp mai.
Report this comment
September 6th, 2012 at 12:58 pm
Tunlai kan nu teho thu chhuak hi a nawi thei riau mai in ka hria ka ti! Paula’n hmeichhe thu hril a phal velo te kha awm ka ti ta rum rum mai!
Report this comment
September 6th, 2012 at 12:59 pm
Bible zirtirna hi a tawk viau in ka hria.( I tim. 5)
Report this comment
September 6th, 2012 at 1:08 pm
I thuziak belhchian a dawl ngei mai..
Ka hriat danin, MHIP assembly khan vengtu Police an nei thlap em ni kha(h).
Misual ngaihtuah a tithui mang e.. 
Report this comment
September 6th, 2012 at 1:45 pm
Police-in an lo veng thlap a ni maw???
Report this comment