Hei le, a ziaktu nu phalna thlapin, tamtak chuan in chhiar tawh ngei ang. FB (THU NGAIHNAWM HUANG July 26 at 9:29pm via mobile) ah leh Vanglaini (FRIDAY, 10 AUGUST 2012 05:10 ) ah chhuak tawh mah se tha ka tih em avangin ka rawn copy-paste ve thuai mai.
– Romuanpuii Zadeng
Bazâr lûn lai taka ‘Nuthlawi tharlâm’ tia min put nawlh a, min kalpui vâwk vâwk lai khân, fiam dawl lo nih ka hlauh vàng khan ka nui ve mai a nih kha aw! Ka thinlung hi hliam hlim hlawl a ni asin!
“A lung a la lêng a ni ang, a bawrchhawr em mai” min ti teh sek a, ka’n inchei ve dêk dêk a, a ka kaw nazawngin engvangin nge, “A kâk leh tawh” ”Va tang ve” min tih sek kher.
In zingah inthlahrung ru vè takin ka rawn kal a, eng vangin nge patling pawmlai nei thleng thlenga min kuah sek in tum kher! Remchang hlekah biang in lo piai ve thla zen a, in piai ve ngawt tur hian ka biang hi ka dawh chhin miah lo!
Chhiatni/ thatni-ah leh laklawh thilah te, zan rei thlen palh leh hmun ralti deuha kal a ngaihah, min vèngtu tur emaw ka tihten engah nge min fawh ngawt in la tum sek! Chuti ngawta nanga fawh thlahlel tur khawpa nang ang mipa ngaisangtu ka ni hauh lo!
Tlangval virgin ngat pawh ni se engah mah ka tih hleih loh tur patling vun zûr tûk tawh thlenga ka hnute leh taksa tawh tum sek te hi! Thawhlawka chartin bunga hlap zèk tak a nia ka nâp ni! I kam tamzia ka hriat vang hian bei let lo che in, nui chungin ka in vèng ve tawk tawk thin asin!
Khawlai kal hlek ila, rálkhat atangten min lo au nawmnah thla zen a, nui duh lo ila i zah lawrh lawrh dawn vei nen! A chàng leh duk khawp khawpin ka bânah min lo la piai zui! In tâ ni miah lo hi enge maw in khawih vè sek le?
I nupui kha in thenawmpaten i mi fiam ang hian fiam se i lawm ang maw? Kawppui ka neih ve loh vang hian khawih thiang ka ni bik kher em ni? Ka rilru hi a na thei lo bik em ni!?
Tawngka lama he ka hming lo ni ta hmanga khawi hmunah pawh min chhaih nawmnah reng a, kam chhe tleuh nâna hmanga, thawka phita i mi deùna phumruk i au chhuahpui sek, “Nuthlawi, nuthlawi” i lo tih sekte hian ka zah loh i ring em ni? Ka zah lùattuk vàng hian ka zak ngam lo thin chauh zawk asin!
Min ngàinépin min hmusit viau mah la e, hei hi lo hre ve ta che! Engmah ni lo mah ila, tu emaw, i ngaihsan zawng tak emaw, i hmuhsit ber emaw tân khan, ka lo invèng tha khiau thei asin. Chumi tàna ka hlut phawt chuan enge pawi? A nih loh vék pawhin, keima tân ngei hian, mi zahawm leh hlu ber ka la ni ve tho asin!
Nupui nei reng chung pawha vawikhat melh uih deuha uire thei mai tur te, min hmangaih vang ni miah lova, duh thing fahran neih vanga min ngaizawng der hreh hlek lo tur tlangvalte hi zu han awm cheu a!
Heti ang mai maia nung vè chung hian min la hmusit teh sek a maw? Min ngàinèp rawh, a pawi lo, mahse ka ngaisang bik lo mai thei che asin.
Mipa nazawng hi engahmah ka ti chai lo! Duhzawng nei thiam tur khawpa bawhpelh tawh, tùn hmâ zawng aia fimkhurna leh hlauhthawnnain a hrual fîp ka ni lo bik em ni! Ka’n nuih ve ngawt che vang hian kan ‘hope’ kher lo che, i tumbûr loh nan kan khi ve mai a nia.
Ka tleirawl vel lai kha chuan, nuthlawi te hi an zauin, fiam an dawl em em vek emaw ka lo ti thin a, mahse an dinhmun vanga zak ngam lo khawpa zakzum an lo nihzia hi ka lo dawn tel phak lo!
Similar Posts:
- Nuthlawi nge Hmeithai?
- Hnehtu ka ni lo!
- Nuthlawi te dinhmun hi
- Mizo khawtlanga NUTHLAWI dinhmun khirh tak hi!!!!
- Nuthlawi Vs Hmeithai
August 28th, 2012 at 8:02 pm
A ziaktu hi ka thiannu a ni e.
August 28th, 2012 at 8:17 pm
Va ang nasa bawrh bawrh ve
August 28th, 2012 at 8:19 pm
Nuthlawi thukhawchang hi a ninawm ta mah mah em aw? Lengzemah a chhuak a, ngaihnawm ti takin kan chhiar a, ahnu lamah Vanglaini-ah te a’n chhuak leh a, chutah… hawina lam apiangah hmuh tùr a awm chho ta mai… Chhiar tùr chuan kan chhiar kim thawkhat tawh mai thei…
A ṭha lutuk a, mahsé a ninawm ta mah mah a ni.
La chhiar lote tán ka hlàn e…
A ṭha hrim hrimah ngai teh ang
August 28th, 2012 at 8:20 pm
Nuthlawi chu nula tih chi i ni nang, mahse nuthlawi nih vangin kan iai kher ang che tihne erawh a ni lo ve hairehai
Khawnge fianpui ka va lei teh ang. Kan fianpui drums stick angin ka hmang a a fuh talo riau mai hairehai
August 28th, 2012 at 8:25 pm
Nuthlawi hmeltha tak a ni chek ang……..
August 28th, 2012 at 8:33 pm
Hmmm mipa ho khan han comment teh u, facebook ah ka chhiara ka like tawh
…ziak thiam asin 
August 28th, 2012 at 8:40 pm
Zanin chu a ‘Tainam Fa’ ka’n chhiar teh ang.
August 28th, 2012 at 8:44 pm
A ngaihnawm zek chu maw le
August 28th, 2012 at 8:51 pm
A ziak thiam a, chhiar a har lek lek mai. A ri a chhiar kan tum a, a thluk ka bo fo mai. Engpawhnise, thudik za a sawmriat tal chu a tel ngei ka ring bawk. Great post
August 28th, 2012 at 8:53 pm
Han parawl chuan nuthlawi ngaihzawn a awl khawp mai.
August 28th, 2012 at 9:04 pm
Misual ho hi chuan hetiang hi ching ve lo ang u. Mi an status avanga hmuhsit vel hi thing ka ti bon top top.
Ziaktunu ka tan e.
August 28th, 2012 at 9:21 pm
ka parawl ve hunah pathlawi ka ngaizawng ve ang mule lmao
August 28th, 2012 at 9:28 pm
vanglainiah ka chhiar tawh a, ziak thiam khawp mai.
#10 chuti chu ka ti ve dawn chiang
August 28th, 2012 at 9:42 pm
facebook..Thungaihnawm huang ah ka chhiar tawh.. Comment lah chu a mak a mak a tam a ni rigot.
August 28th, 2012 at 10:12 pm
Parawl chu mipa chauh.
August 28th, 2012 at 10:35 pm
He nu hi thu a thiam riau. Tuaitea @10 khi
August 28th, 2012 at 10:53 pm
He nuthlawi chu ava ang nasa ve aw
August 28th, 2012 at 11:52 pm
Ni e, mi dinhmun hriatthiampui hi kan zir a ngai teh a nia. Good post.
August 29th, 2012 at 12:38 am
Vanglaini a a chhuah hma khan Lengzemah nuthlawi chungchang, nuthlawi dik takin a ziah ka lo chhiar hman tawh a, tuna post Vanglainia ka han hmuh kha chuan ‘plagiarism’ ka ti rilru deuh thuak
August 29th, 2012 at 1:03 am
The Zozam Times-ah pawh a chhuak tawh.
August 29th, 2012 at 1:33 am
Ka hriatthiam loh chu tuna ‘post’ he nu ziah hi Lengzem ah te, Vanglaini ah te, Zozam times ah te a chhuak tihna ami? a nih chuan a van common duh awm ve fb lamah an post bawk sia, a bikin Lengzem te phei chu an inla fir ve ropui…emaw ka lo tia…nge ziaktu dang dangin a hrang hrang an ziah in sawina zawk??
August 29th, 2012 at 1:52 am
A post-tunu hi Fonze-a hmingin hla kan thlan sak ve teh ang
https://www.youtube.com/watch?v=W5LeM9OElaQ
“Nuthlawi mah ni la ka iai lo che……….”
August 29th, 2012 at 2:01 am
Wheel te pawh an re-invent ve thin tho hi maw….
Maths lamah phei chuan inchuhna a nasa thei a nia !
Hmanni H.V-a lo post te pawh kha…..!
August 29th, 2012 at 2:07 am
A tam zawk hi chuan inmelh/inbiak satliah ngawt ai chuan ngamtlak taka thian pangai/Nula ang a chhawnchhaih bawrh bawrh hi nuam anti zawk lo maw le ? Duhdah taka inbiak lam kher chu a ni law !!! Kei pawhin ka duh fe ang. Sawi tur hi a vang duh a, chhuanlamah i biang an piai a nih dawn kha, thu lawmawm lamah ngai ang.
August 29th, 2012 at 2:20 am
Lengzem lam chu ka hmu ve lo va. Vanglaini leh The Zozam Times-a mi chu amah ziah a nia. Fb lamah pawh group hrang hrangah a post a. Amah hi lehkhabu ziak mi a ni a, Khawzawl nula (nuthlawi?) a ni awm e. Amah hi ka la hmu chiah lo va, ka lo ralkhat hriat ve tawp a. Hmeichhe thuziak taima deuh hi ka ngaisang asin aw… Muah muah.
August 29th, 2012 at 3:03 am
Nula anih chuan a ziak thiam ka ti khawp ang le…hehe
August 29th, 2012 at 1:26 pm
Hmmmm…..nuthawi zuna uai chu a na asin.
August 29th, 2012 at 1:55 pm
Nula pawh ngaihzawn tur hmuh zawh loh nak alaiin, luck-loh a tina mang ang e, chu nuthlawi chuan..
A ziak ngaihnawmin, a ngaihtuah chipchiar hle mai..
August 29th, 2012 at 2:37 pm
“Nuthlawi” tih tawngkam kan lo nei kher hi chu pawi tak a ni. Nuthlawi ni vang hrim hrim a hmuhsit ringawt chu hnam changkangte tih dan a ni lo. I changkang ve tawh ang u. Let us transcent “nuthlawi” stereotyping, for God loves them as much as he loves all of us.
August 29th, 2012 at 2:40 pm
#28 Dr Mahminga Sailo
August 29th, 2012 at 3:25 pm
Ka ning
August 29th, 2012 at 3:40 pm
Nuthlawi chanchin sawi chuan Tv Tsa hi a phur viau mai thei. Engtiklai vel emawni khan ka ‘pathlawi’ ve tawh a,
‘nuthlawi’ chu mipa in an ngam deuh, ‘pathlawi’ pawh hmeichhia in an ngam ve tho, mahse ‘ngam’ rau rau ah a dan a dang daih … 
August 29th, 2012 at 6:07 pm
Ka awih vek lo. Mi hi an mize milin kan chhawnchhaih tlangpui.