Thuthlung Thar Bu-ah Chanchin Ṭha bu li ziaktu mi palite an nih kan hria a. An zing a pahnih te chu apostle an nih pawh kan hria, midang pahnihte hi tute nge an nih le? Tute nge he’ng mi pali te, kum sang chuang Pathian tan a rinawmte hnen a chanchin thehdarhtu te hi le? Kan zawhna tur chu: Enge Chanchin Ṭha hi? tih a ni mahna!
Chanchin Ṭha (Gospel):
Chanchin Ṭha hi bu li a ni. He’ng lehkhabu te hian Isua Krista nun kawng, a zirtirna te, a thilmak tih te, leh a pawimawh ber, Khenbeh a a awm thu leh Mithi zing a ta kaihthawh a a awm lehna te’n, khawvel mihring tan a nghawng te chu a chuang a ni. Mathaia, Marka, Luka leh Johana ten hun leh hmun inang lo tak a an ziahte remkhawm a ni a. Chanchin Ṭha chu ‘mosaic ang deuh a Isua Krista chanchin remkhawm a ni ber.
Mi Thianghlim Mathaia:
Mathaia chu Apostle 12 zing ami a ni ṭhin. Isua a zui hma chuan chhiah khawntu ani ṭhin. Mathaia hian a ziak Chanchin Ṭha hi khawilai Syria ramah emaw, mi ṭhenkhat, Juda sakhua vuantute tan a a ziak ni a hriat a ni. Ani chuan Isua chu Mosia thar ang a Juda te hnen a lokal angin a ziak a, Thuthlung Hlui hrilhlawkna te rawn nemnghettu ah a chhuah a ni. Isua ringtute chu Rinna a nungin, inhmangaih tawn dial dial a pawimawh zia a sawi uar hle.
Tunlai mithiam tamtakte chuan Chanchin Ṭha hmasaa ber hi Mathaia ziak tak tak a ni thei ang em tihah an buai viau awm e, rinngam chiah lohna an nei ani mahna! Tunah chuan Mathaia ziak chu Hebrew ṭawng a ziak niin, chuta ṭangin Greek ṭawngah Grecian (Greek) Jew in a lehlin niin an hria. Mathaia hming a ni serh chu September ni 21 niin, accounting leh bankers ho patron saint a ni.
Mi Thianghlim Marka:
Marka hi Apostles hmasa zing ami kha a ni. Marka Chanchin Ṭha ziah hi a tawi ber ani nangin a chiang ber awm e. A ziah hun hi A.D 65-70 niin, Isua thil mak tihte a ziak tam bik a, a zirtirna lam erawh a ziak tlem ber thung. Marka ziakah hian ringtute tawrhna a ziak tam hle a, Isua’n “Ka Pathian, ka Pathian, engah nge mi kalsan?,” (My God, My God, Why have you forsaken me?) a tih pawh a chuanna bu kha a ni. Marka chuan a ziak chhiartute chu Kristian ṭha nih dan a zirtir ṭha hle a, beiseina kan neihna tur pawh a ziak chiang hle.
Marka hi Aigupta ram a Kristian rinna thehdarh hmasabertu nia sawi niin, a thuziakte chu keng lutin Alexandria ramah kohhran a din ta nghe nghe a ni. Amah hriatrengna ni chu April ni 25 niin, Aigupta patron saint a ni bawk.
Mi Thianghlim Luka:
Luka hi damdawi lam daktawr a ni a, Apostle zing ami lah a ni hek lo. Isua Krista kha vawikhat pawh a hmu lo tawp zawk a ni. Antioch khua niin (Greece a ni zawk ti pawh an awm), Chanchin Ṭha pathumna chu kum 85 bawr vel khan a ziak.
Luka hian ringlotu (pagan) a ṭanga Kristianna lam a ziak deuh bik. A ziakte chubeiseina mamawhtu te tan: hmeichhia, rethei leh chutiang lam ngaihsakna a tam hle. Ani hian Isua pianna (Nativity) ziakin, tlawm tak a khawvel a lokal dan a chhui a ni.
Greek culture hunlai (Hellenic world) a nih milin a ziak ber a, Greek culture a an mihuaisente chanchin aia ropui, Isua chanchin a tarchhuahna a ni. A chhiartute chu, “Isua a ṭangin a ni tihdamna leh ngaihdamna a pian..” tih a zirtir.
A taka Isua hre lo tu Luka chuan Isua Thihna leh Thawhlehna lam ai mahin, Kristianna-in a nghawng leh a thlirna a ziak uar hle. A Chanchin Ṭha ziah hian a Thawhlehna leh Penticost lam pel rakin a khawih a ni.
Luka hi Paula’n Macedonia leh Greek ramah te missionary hna vawi 2 leh vawi 3 a kalnaah a zui a, a tawp ber Jerusalem leh Rome ah pawh a zui nghe nghe. Paula’n Kolossa a mite lehkha a thawnah pawh, “Luka, dâktawr duh tak kei Dema hian chibai a bûk a che u (Kol:4:14),”tiin Luka nihna a dâktawr nihna a nemnghet nghe nghe.
Paul a thih hnuah Luka chu Greece ah khawsa ta a kum 84 anih thleng damin sawi a ni. A Chanchin Ṭha hi ama ziak ngei a ni em tih chianna a awm lo. Greece emaw tun a Ephesus, Turkey nita a kum 70-85 a ziak a nih erawh an ring thung. A hriatrengna ni chu October ni 18 niin dâktawr te, satalh mi te leh artist te patron saint a ni.
Mi Thianghlim Johana:
Johana hian a hmingah nihna bik sawitel (appellations) a hlawh hle a: Mi Thianghlim Thuhriltu Johana (St.John the Evengelist) tih te, Pathian hnen a inpezo (St. John the Devine) tih te a ni. Chanchin Ṭha ziaktu hnuhnung ber a ni a, a ziakte hi kum 95 bawr vel nia hriat a ni.
Johana hi Isua zirtir 12 zing ami kha a ni. Galilee ramah a piang a, Isua zirtir tho James a unaupa a ni. Mathaia te, james-a te ang tho vin Isua’n a koh hma chuan sangha mantu a ni ṭhin. Petera leh James-a tih lo va Isua hnaih ber tu a zirtirte zingah a ni a, Isua thawhleh pawhin a thlan thleng hmasa berte zing ami kha a ni nghe nghe. Johana chiah hi zirtirte zingah Isua an khenbehnaa awm niin, tah chuan a ni, Isua khan anu pawh a enkawl zui tura a hrilh.
Johana hi Rome lamah, Domitian-a lal lai a kal nia hriat a ni a, an thih phah ṭep nghe nghe awm e. Tun hnu a Turkey ram pakhat nita, Ephesusah chuan Rome lal Domitian-a thih hnuin Chanchin Ṭha palina leh lehkha thawn (epistles) pathum te chu a ziak ta a ni. Johana hi Thupuan ziaktu a ni bawk.
Johana Chanchin Ṭha ziah chu Ephesus khu a Kristiante tan a ṭangkai hle. Johana hian Isua thilmak tih a ziah tlemte chu a sawi chiang bik hle a, Isua mihrinna pawh Lazara thih chungchang a a ṭah thu ziakin a sawi chiang hle.
Johana hi Ephesus ah a thi a, Apostle zingah Martar lo awm chhun a ni nghe nghe. Amah hriat rengna ni chu December ni 27 niin, Asia Minor (the Near East) patron saint a ni.
Source: Everything Saints Book, Jenny Schroedel. 2nd edition.
Hnathawh break lai a ka lehlin piat puat a ni a, ka tisual tam em lo vang chu! hairehai
Similar Posts:
- Lal Isua Thlêmna Tawh Dân Record Hi Ava In-Ang Lo Ve?
- Ho mai mai
- Tu Ber Nge Lal Isua Hmu Tura Lo Kal?
- Pentecost pualin
- Ash Wednesday 2012
September 7th, 2012 at 1:15 am
Bengvarthlak e. Like
Report this comment
September 7th, 2012 at 1:51 am
Ka hlauh ang ngei ngeiin iah sual ka nei e:
Ka thu ziak a Marka chanchinah khan, “My God my God…” tih khi, “Ka Pathian, ka Pathian, engah nge mi kalsan?” tiin khawngaihin min lo thlaksak ta hram che u. A dik lo lulai em mai.
Report this comment
September 7th, 2012 at 6:31 am
Post tha khawp mai. Marka ziah hi hmasa ber ni a hriat a ni a, Matthaiate pawh hian marka ziah en chungin an ziak niin an ring. Tin, Matthaia hian Juda ho tan a ziak nia an rin chhan chu, midang 3 ten ‘Pathian ram'(Kingdom of God), an tih vek laiin, Juda hovin P-athian hming an zah em em avang leh a nazawnga lam rik an hreh thin avangin ‘Van ram’ (Kingdom of heaven), tih a hmang ta bik a ni, an ti. Pathian ram tih leh Van ram an tih hi thil hrang lutuk a ngaih loh tur a ni. Tin, Luka hi Greek mi bawih chhuak fapa, a pa thih hnua Rom sipai commander fapa anga awm ta nia hriat a ni a, hmeltha tak leh talent nei tha em em, ‘mi dik leh tha ziktluak tak’ nia hriat a ni. Hun hran hranah, background hran theuh leh an ngaihpawimawh lai hrang theuh chung si a, inkalh rem rum lova an ziak thei hian Pathian thu leh ‘Thu tak’ anih zia a tilang hle a ni. Isua krista chanchin ziktluak leh a lokal chhan, amah avanga mihringten hamthatna kan lo hmuh theih tak hi, mihringte tan chuan ‘Chanchin tha’ a ni tak meuh mai. Chatuan nunna a thlawna kan chan theihna thu a ni si a.
Report this comment
September 7th, 2012 at 7:03 am
pu pka post amaw kan tih cu,atha hle mai,lo ti zel teh
Report this comment
September 7th, 2012 at 7:27 am
Tukchhuah nuam vek u le
Report this comment
September 7th, 2012 at 9:04 am
A tha hle mai.
Chanchin Tha ziakah hian Luka ziak hi ka duh ber.
Report this comment
September 7th, 2012 at 11:11 am
A ngaihnawm e. Hriatna a tizau bawk si. Save keuh tlak a ni!
Report this comment
September 7th, 2012 at 11:12 am
Hairehai… Tha mang e
Report this comment
September 7th, 2012 at 2:05 pm
Bengvarthlak hlemai, Nilaizan leh Beihrual thupui ziaktu a tanpawh,
a tling zanang mawle.
Report this comment
September 7th, 2012 at 2:26 pm
I hre ve chauh ani maw Pu Hv??
Report this comment
September 7th, 2012 at 2:37 pm
A tha khawp mai a. Hetiang hi chhiar thar fo kan mamawh rêng a nia.
Report this comment
September 7th, 2012 at 2:37 pm
Ctrl A – Ctrl C – Ctrl S.
tren tren
Report this comment
September 7th, 2012 at 2:37 pm
HV, Chanchin Tha chu Good news, Gospel anih dawn chuan Chanchintha tih a ni zawk em kha??.. Post chu bengvarthlak hle mai, maipawl put angai miah lo..
Report this comment
September 7th, 2012 at 2:40 pm
Report this comment
September 7th, 2012 at 3:37 pm
hriat chhun chhun thawh belh ang, chanchintha bu hmasa 3 te hi synoptic Gospel an ti a, a hnuhnung ber hi The fourth Gospel an tih loh vek chuan The evangelist an ti chawk, marka hi a hmasa ber a, Mathaia leh Luka hian thulak nan an hmangin a lang a, chumi lo Mathaia leh lUka hian thulakna dang an nei a, chu chu hriat a ni lo.
Isua thilmak tih Chanchintha bu liten an ziah tlan vek chu Mipui sangnga hrai a ni.
Report this comment
September 7th, 2012 at 5:37 pm
#2 naa ka ziah leh Luka cc a para 5 naa, “Paula chuan a Chanchin Ṭha Kolossa mite hnen a a ziakah pawh..” tih pawh kha, “Kolossa mite hnen a lehkha a thawnah pawh…” tiin thlak chi a ni. Ka tlipna ang khi a ni a, alo sual nual mai, ngaidam ngaidam.
Admin te khan han KAWREK teh u khai
#13 Bible ah “Chanchin Ṭha” tiin a inziak
#14 Mx lah chuan a lo thumbs up ringawt leh nghal hairehai 
Report this comment
September 7th, 2012 at 8:33 pm
Pu HV Thlarau Thianghlim pawlna i dawng tam lo a niang maw… I let sual nuai mai..hahaha
A tha khawp mai. A ziaktute bacground hriat hian Bible zir dan tur kan hriat phah. Bible zir dan thiam hian A thuawih kan hnaih zel mai si a.
Post
Report this comment
September 7th, 2012 at 8:42 pm
Ignatia (33-115 AD) #17 a tawp ber a ka ziak khi i hmu em aw, chhuanlam ka neitha ve viau ania. Chutih karah, kan Admin pakhatin a rawn edit sual zo ta hlawm a nih khi.
Luka chanchin para 5 naa:
Luka hi Paula’n Macedonia leh Greek ramah te missionary hna vawi 2 leh vawi 3 a kalnaah a zui a, a tawp ber Jerusalem leh Rome ah pawh a zui nghe nghe. Paula chuan a Chanchin Ṭha Kolossa mite hnen a lehkha a thawnah pawh, “Luka, dâktawr duh tak keh Dema hian chibai a bûk a che u (Kol:4:14),”tiin Luka nihna a dâktawr nihna a nemnghet nghe nghe.
“Paula chuan Chanchin Tha Kolossa mite…” tih khi Paula’n Kolossa a mite lehkha a thawnah pawh, “Luka…” tih zawk tur.
“Oh God Oh God” i tih pawh khi, My God My God, tih tur mawle. Admin pakhat (hming thup hrih) mawle
ṭuṭai lo roh lutuk a, han siam ṭha mai sela dik tur hairehai 
Report this comment
September 7th, 2012 at 8:46 pm
#16, Pu Hv, I tihsual ah ka lo ngai a, ‘chanchintha’ or ‘chanchin tha’ a dik ve ve tihna em ni ang?
Report this comment
September 7th, 2012 at 8:50 pm
Pu Hv lo let teuh rawh hetiang hi… Kan hlawkpui teh a nia aw.
Report this comment
September 7th, 2012 at 8:56 pm
Ignatia (33-115 AD) #20 ka lawm e. Awmna inhniah ni ila lehkhabu ka ngah lutuk a sin mawle aw, hetiang lam hi. Han ziak/let tak tak turin hun hi a lawm mawle hun hi
!
Hun neih chang changin aw nia’ng?
Bible ah “Chanchin Ṭha” tiin a inziak e
http://i48.tinypic.com/1zw0ks9.jpg
Report this comment
September 7th, 2012 at 8:59 pm
Pu HV thanking you in anticipation! Ka lo chang reng ang…
CHANCHIN THA tih hi a dik zawk ka ti, kei chuan. Pu Vakula emaw Pu Pka emaw khan sawifiah sela.
Report this comment
September 7th, 2012 at 9:00 pm
Ignatia (33-115 AD) #21 link khi tun mai a ka lak chawp
Report this comment
September 7th, 2012 at 9:01 pm
@21, A lo nih hi mawle
Report this comment