Misualdotcommer duhawm tak, Rosy K. Remsangpuii (A changtunu@misual.com) lehkhabu pakhatna, ‘Manners & Etiquette’ chu September ni 12 (Wednesday) chawhnu dar 2-ah Pi Lal Riliani chuan CM Bungalow Hall-ah a tlangzarh dawn ta!
He lehkhabu tlangzarh inkhawm hi Pu C. Lalthakima’n a kaihruai dawn a, Sangzuala (MZU)-in lehkhabu thlirlawkna a nei ang. Programme hlimawm tak hman tum a ni a, refreshment tuihnai tak a awm dawn bawk. A ziaktu, Rosy-i hian misualdotcommer tawh phawt chu a sawm a, a thei thei i kal ang u.
Lehkhabu hi phek 200-a chhah a ni a, cheng 150 man a ni dawn a, a tlangzarhna hmunah cheng 120-a lei theih a ni ang. He lehkhabu hian a hâwlkim hle dawn a, a thu hriatfiah a awlsam zawk nan a lem nen entirna siam a ni a, hei hian a tiphuisui hle.
A chhunga manners & etiquette awmte hi a then chu kan la mamawh takin ti-a hriat kar chi a ni a, a then chu chhiar zawh veleha zawm nghal theih a ni bawk a, a then chu kan la mamawh rih loh, kan mamawh vat tur a nih avanga hriat reng tur chi a ni thung. A chhunga a tawngkam hmante hi a nêm a, a tluangtlam a, chhiar a hahdamthlak em em a, zawm nghal a châkawm hliah hliah vek a ni.
Sawi tawh ang khan a lem nen thlap hrilhfiah a nih avangin hriatthiam a nuam bik a, ziak leh chhiar thiam lo tan pawh lehkhabu rotling tak a ni thei tlat hi he lehkhabu danglam bikna a ni. A huapzo em em a, naupang atanga nu leh pa, sikul naupang atanga zirtirtu, hnathawktu atanga a chhawrtu, chaw ei khawmna leh a inbuatsaihna thlengin, beach atanga elevator, rel atanga thlawhtheihna thlengin a huam vek mai a. A bikin internet manners awm hian he lehkhabu update-zia a tilang chiang hle. Chumi a nih avang chuan he lehkhabu pakhat mai pawh hian mi puitlingah min chher chhuak thei dawn a ni.
Heti lam hawi lehkhabu hi Mizo tawngin a tam lo va, a awm chhun chhun te pawh duhthusamin a kimchang lo. Tuna he lehkhabu lo chhuak thar tur erawh chu duhthusamin a kimchang a ni tih ka sawi ngam sak!
Similar Posts:
- Bible chhiarchhuahah lungthu ka kim
- Book Of The Year 2007 “Zofate Zinkawngah”
- Mizo Lehkhabu Online in lei theih ta
- Lehkhabu chhiar tur tha
- Pawngsual a tawk: a la rai zui
September 11th, 2012 at 4:11 pm
@48..i auntie mi ka tihna?
September 11th, 2012 at 4:38 pm
Nikum Misual.com vela Rose Malsawmi ziah thin ‘Watch your manners’ tih pawh kha a tha khawp mai. Ka hrechhuak zawk.
September 11th, 2012 at 4:44 pm
dawt sawi miah lo chuan a changtunu hi fb atanga fr ka tum a…a theih miah loh! a capacity a full a inti zel a..hahaha..tih ngaihna tak phei chu ka hre miah lo!!
September 11th, 2012 at 4:49 pm
@ lrpa… A facebook account a full a nih dawn chu…
September 11th, 2012 at 4:49 pm
@Lrpa, dawt sawi miah lo chuan FB account pahnih a neiin ka hria, pakhat zawk chu a la full lo
September 11th, 2012 at 4:51 pm
lrpa, ka quota hi ka kian dawn che a mawni le? (a theih ang em aw?) fb ah hian 5000 aia tam friend a neih theih loh ani awm e. An ngah hlawm bik rem rem khawp mai.
September 11th, 2012 at 4:54 pm
@55..min lo hrilh teh…tlawn..tlawn..!!
September 11th, 2012 at 4:56 pm
Tu comment mah ka hmu thei tawh lo
lolssssssss
September 11th, 2012 at 4:59 pm
September 11th, 2012 at 5:08 pm
Thangkura thihhnu awmdan mawi kha chu a tel ve em lo’ng chu maw?
Lehkhabu’n a huapzau viau chuan, thulakna lehkhabu/chanchinbu, adt., (References) a ziak tlar dul turah ngai ang hmiang. Mi inchhiar zau leh taima tak a ni ngei ang, a ngaihsanawm e…
September 11th, 2012 at 5:12 pm
Va lerh hlawm ve aw
September 11th, 2012 at 5:37 pm
Lei ve ngei tur a nih chu, keipawh dt. 18th. September, karleh mai a nih chu khian release ve ka tum a, lokal vek turin ka sawm nghal a che u. A hmun chu Sihphira kan inah, tlai 3:30 pm.
September 11th, 2012 at 5:42 pm
@ chhana… Kan college kal lai ni ngat se’ng chuan, Sihphir chu ka kal ngei dawn asin le. Tel ve a chakawm ngei mai..
September 11th, 2012 at 8:31 pm
A va ropui ve…a lo ril ru zek a nih dawn hi…
September 11th, 2012 at 8:34 pm
September 11th, 2012 at 8:58 pm
Pu HVa leh Aryan te hian he lehkhabu hi an mamawh fal nalh ang..mi hauh vak vak chin te hi bad manners a nih chuan….
September 11th, 2012 at 9:16 pm
bmw hi ka van ngai e
September 11th, 2012 at 9:21 pm
Ninja-tea hi ka van ngei eeee! Mambiohi pawh ka ngai tho ( mahse LRPA hian ngaih ve a phal vak lo a)
September 11th, 2012 at 10:40 pm
Pi BMW ka va ngai tak che em! Min kalsan tawh suh.
September 11th, 2012 at 10:41 pm
Ai! Comment form thar hi a hma ai chuan a timuang lo zawkin ka hria.
September 11th, 2012 at 11:17 pm
#47,ka va nui nasa ve. Keipawh lei ang,ka mamawh chi tak ani.
September 12th, 2012 at 1:01 am
A tha khawp ang. Lei ve ngei ang, Rosy hi fb ah chuan ka friendlist ah a awm bik bik,
chuan Jacka Pi khi hmeichhia a ni tih ka lo chik ngai miahlo bawk…. 
September 12th, 2012 at 11:41 am
Ka va tan em!
September 12th, 2012 at 5:38 pm
ka siannu. Zai thiam, fel, polite bawk si :intithei:
September 12th, 2012 at 5:46 pm
#74 a sawi khi ka pawm e
September 12th, 2012 at 6:09 pm
Rosy chu ka ngaisang sawt mai.A va ti ropui ve.
September 12th, 2012 at 6:42 pm
Ropui takin kan release ta mup mai le.
September 12th, 2012 at 8:02 pm
TS,a va han ropui ve…Chhut nawn vawi engemawzat anih nan duhsakna ka hlan e…
Khawnge Rosy pic? 
phek khat lek min lo chhiar tir chhin teh
September 12th, 2012 at 8:18 pm
HiHih..Nikum MI pawh Sawn hma a ngai a..Tute 2 vang nge chu ka sawi kher lo..
….Puitu a neih that chu kan ring chhin teng..Wahahaha,………….
September 12th, 2012 at 11:09 pm
Puii, a thlalak chu lo google tawp mai rawh!
Thupui hrang hrang 34-ah a then a, chipchiar hlawm tak a ni. Ngaihnawm tawp bawk.
September 14th, 2012 at 1:57 am
Hmeichhe ropui tak ani, congratz @ Rosy