mi(sual).com

Social Network chi hrang hrang an siama, keni user lamin nuam ti takin kan lo hmang ve a. Chutiang karah chuan tunlaiah chuan Facebook, Twitter tih vel hi a lar pawl an ni. Lar em em lo mahse Mobile Social Network – “GALAXY” hi i han luhchilh ve dawn teh ang. Facebook vel chu Computer atanga online thei lote pawhin Phone atang pawh kan la online a kan bik ngar ngar zel chu a nih hi . Facebook leh Twitter vel hi chu Computer atanga hman tura siam deuh chu ni mahse Mobile user kan tam tak em avangin Mobile-a hman tur min la siamsak leh zela, kan vannei a ni. Mizote pawh IT lamah kan sang chho zela Social Network lar deuhah chuan hmuh tur kan awm ve zel. Sawi thui duah lohin kan Topic ah han lut ta nghal mai ila.

Galaxy Chu enge ni?

Facebook te ang lo takin Galaxy hi chu Mobile Social Network a nih angin Mobile user te hman tur bik deuha a siam a ni.Mahse Khawvel changkang chho zelah Mobile atanga online ringawt chu buaithlak anti deuh ni ang chu Computer-a hman tur pawh siam fel a ni der tawh.

I Phone atang Facebook i lut theia Net i browse theih chuan Galaxy pawh i thei tihna a ni. Phone hrang hranga hman tur software a awm kim deuh vek ang.

Ka sawifiah thiam dan ber chuan Galaxy chu Facebook leh IRC mix ang vel a ni. Photo upload theiha, friend add theiha, Live text chat ang deuh a theiha, mi photo a comment theiha, sawi vek lo mai ang sawi vek dawn chuan tam dawn em mai.

Galaxy download link tihah hian i download hmasa phawt dawn nia. I Computer ah emaw i Phone ah emaw ( phone ah install ngai chi nih chuan install tur)

DOWNLOAD GALAXY

Engtin nge ni zel dawn?

Galaxy chu kan download a install ngai tur vel kan tih fel vek hnu chuan Registration kan ti hmasa ber ang. Computer ah a ni emaw Phone ah a ni emaw a danglam chuang lo. I software download chu i hawng anga i hrethiam thei mai ang.

Registration ah hian i lut ang, i duh dan taka i fillup hnuah OK button kha i click dawn nia. A dik vek chuan Registration Successful tih alo lang anga a hnuaiah Enter button a awm bawk ang, Enter button ah i click leh dawn nia. Reilote hnuah chuan Galaxy-ah i lut tawh ang, NewComer Planet ah automatic -in i lut nghal anga buai loh tur, inzirna hmun ang deuh a ni. Robot-in tih tur ahrilh ang che nga i duh chuan i ti anga i duhloh chuan i tilo anga ni mai mahse NewComer course Complete chu a tha.

Galaxy-ah chuan Enge Kan Tih Ber Dawn ?

He zawhna hi Galaxy la lut ngailote zawhna tam ber a ni.
Enge kan tih ang? – Social Network a nia kan duh duh kan ti mai ang chu
Mobile atanga online nih mah ila Mobile Social Network a ni miaua, Facebook a poker kan khelh ang te pawh i khel vek thei ang. Quiz chhang turte a awma, Russian Roulette, sawi vek dawn chuan tam lutuk i luh hunah i hriat belh zel mai ang.

Galaxy danglamna deuh :
(guide)

Galaxy chu Facebook leh IRC mix ang deuh a ni tiin ka sawia, a hnuai lama kan sawi tur hi IRC rawngkai deuh kan ti thei ang. A chhan chu Power/Access vel a keng tel tlat a ni. Galaxy a kan signin chiah khan NewComer level ah kan awma, chu chu Authority hniam ber a ni. Authority sang dan indawt chu sawi vek lo mai ila, level 9/10 vel a awma. Authority tidsang tura thil tangkai deuh pakhat chu SMS Registration a ni. Galaxy -a kan signin hnuah Settings >> SMS Services >> Register ah kan lut anga Country-ah India kan select ang, kan Mobile number kan type anga ( +91 hi a bulah dah tel tur ) OK/Register button kan click ang. Chuan code ziahna tur a lo awm anga, kan Phone a code a lo thleng hunah ka type lut dawn nia.

( Newcomer Planet atang Planet dangah i Kal duh nih chuan Menu >> FLy to another Planet >> Enter Name ah i lut anga i Planet duh hming kha i type dawn nia ………Mizo Planet lar deuh te – “aizawl-Chat”, “Zoram”, “Chhawrpial”,”Zawlbuk” )

Heta ziah vek chu a buaithlak ve deuh dawn riau mai, ziak vek tawh lo mai ang. Galaxy-a i luh hunah Mizo i duh duh kha i zawt zel mai dawn nia, an puih hreh lo ang che

Galaxy ah kan inhmu dawn nia ^_^

Similar Posts:

• Mobile Phone chungchang combo post
• Tracking Your Lost Phone
• BAIBUL – Mizo Bible for Android
• Mobile Phone+Wapsite+Internet
• WaveSecure – Complete Mobile Security

Recent Posts:

• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.
• MIN PHATSAN SI!
• Misual Apps
• MNF LEH CHAKMA POLITICS; TU NGE A KAIKUANG CHHUI A NGAI E !!!
• Android Games

This entry was posted on Friday, September 14th, 2012 at 3:00 am and is filed under Internet. You can follow any responses to this entry through the RSS 2.0 feed. You can leave a response, or trackback from your own site.