mi(sual).com

I tan chuan

Duh ber neih theih tluk a mihringnun a hlimna leh lawmawm chu a vang ta ve ang . Mahse duhzawng zawng zawng hi a neih thieh si lo avangin I TAN CHUAN ka kal san mai che hi a ngai tlat.

Facebook lamah chuan thahnem ang reng tak ka ni, ka hnathawhna in a zir avangin . Internet leh a behbawm hi chu chak loh chung pawh in, nileng leng a hun hman a ngai tlat thin. Fiamthu a hring nileng an tih ang hian. Nileng a hring thin chu a chat box lama hring vu vu ve tho thian te chu a hriat loh theih loh, hring nielng e ti lo in, ka khawih tak tak thei chuang lo Lunch break a nih ngawt loh chuan. Chutin kum engemaw ti chin chu ka lo fb ve ta, thenkhatin ngaihzawng hmuh phah nan te an hmang ni awm ten ka lo hre ve thin a. Group lama lut ngun tangkai pui tak tak te pawh ka hre nual.

Inngaizawng kher lo a, thian in kawm a in kawm te pawh ka hre nual bawk. Mahse kei zawng a rual pawl thiam lo tawkin ka chut deuh nge ni, thian han tih tur em em hi ka nei hran lo. Online a ka friend list zing a mi te chu hmeichhia an nih phei chuan ka be hmasa chiah ngai lo. Group ho ang reng tak tiila Noi tak chuan kan khawsa bik lo, tah chuan ka active phiana a nuam ka ti ang reng khawp mai a. An hmuipui pu ber ah te tan chang ka nei ang lawi a, tah chuan nula pakhat a hmel han en pawh a naupang chhe zawk zawk tawh lo tur nen hian kan in kap fiam fo. Chutia, Group lama in nel ta viau chu, kan in friend ve ta a. Group lama kan in fiam na lama a tawngka hman dan vel atang chuan, ka ngaina riau mai a. A hring ve fo , han inbox hmasak em chu tiin ka tlawmngai ve ang reng deuh. Mahse ka ti hmasa ta tho, kan that leh that loh chu kan in zawt zing khawp mai. Kan chat dun fo, zan lamah chuan kei ka hman vak ngai loh avangin office hours hi kan in bia hun chu a ni mai a.

Ka thlalak thenkhat ka tag a, a status ka ngai pawimawh a ani pawhn chuti tho in. Hmel in hmuh chu sawi loh , a awka tak ngial pawh la hre lo mahse ka ngaina in ka nunhlui min ti hrechhuak tlat pek. In lem zawng chuan kan in be hauh ngai lo thung, mi tawng tlem tak sawi tur hre lo tak a ni tih chu a hriat mai a, kei mi pawisawi chang nei khawp a mi tawng duh min kawm atang chuan tawngkam pawh ti thei ve sawt khawp in a in sawi a. Thlahnih bawr vel chu saturday leh sunday tih loh chu in biak loh hi kan nei lo a, hmelin hmu lo mahila a nipawh chuan min ngainat viau thu chu a sawi chhuak ta a. Chutin, contact number te kan in pe chho a. In hre ngai lo mahila Aizawl hi a lo te khawp a,kan chanchin te kan in hrilh hriat zel hnu chuan an thian te leh ka thiante chu lo in hmelhriat kual chho an ni tih te kan hre chho zel a. Kan in hnaih in, kan in hre chho dun ang reng ta phian a. Phone call a rawn pek loh pawh in, kei ka phone a, hun awl kan neih ang weekend ah chuan am tak in kan chen chho ve ta zel a.

Ngaihzawng hi ngaihsak em em ang chuan ka lang chiah lo, mahse tlangval a pumpa belval vala val ve ta chuan han ngaihzawn tur te chu rilru chuan a dap ve fo . Duhzawngte lo chu ti ve thin, rilru pekna lamah chuan pe bur mi ka nih avangin ka duhzawng ka la tawng fuh lo nge, thiantha te awih loh hial in ngaihzawng nghet hi ka nei ngai lo. Hmeichhe awmdan tur lo suangtuah lawk, mite lo dai hriat tawh zarah, mipa te lakah hmeichhe awmdan tur lo riruat thin chuan ka rilru ang tak nula chu ka la tawng chiah lo te pawh a ni mahna. Amaherawh chu, chu ka thiannu thar facebook atanga ka tawn tak nu awm dan leh che zia kan thlir chuan min hneh khawp mai. Hmu miah lo mahila ka chhungril hi zuk fan tlat hek a. Chu ka thiannu laka ka rilru put dan chu ka thian tha ve te bulah pawh ka sawi tha ngam tlat lo, a chhan chu engdang a ni lo social networtking atanga hmuh loh han vei em em chu zahthlak leh min nuih phah nan an hmang dawn tlat ni a ka hriat avangin. A zual zel si nitinin an tih ang deuh hian, ka ngaihnat na chu hmel em pawh ka hmuh hma chuan a zual tlat thin si a. Vawitam kan in phone, kan in biak reng reng hian a mah ah chuan hmeichhe nun tlawm tak mipa te zah thiam tak thinlung chu a lang tlat hian ka hmu thin a ni. Chuan min hneh em em a, tlawm zawk ah a tang hreh lo a, kan in laichinna boruak ah chuan che sual zawk anga ka lan chang pawh in amah zawk chuan a thiam loh ah a pu ngam tlat zel a ni. Tlawm taka nung tho si in, zahawm tak zuam awm miah si lo hian a nung lawi si a. Zan ka mut hmunah te hian ka ngaihtuah thin a , hei ngei hi ani maw ka duhthusam thin ngei chu ka ti rilru rau rauh thin.

In hmuhna remchang kan ruat ang chuan, restaurant remchang ah kan in hmu ta a. Thlalak in hmu tawn fo kan nih tawh avangin, in hmelhriat loh hlawm top in hmu ang chu kan ni chiah lo. Face book leh phone hmanga kan in kawm thin ai khan a tak rama kan in hmu takah chuan kawm a nuam phian mai a, a awka ka hriat atang a tak rama ka lo hmuh tum dan ang chu a ni chiang khawp mai. A hmel en pawh a kum naupang a ni lo ang bawkin, a chetzia leh a tawngka chhuak chu puitling tak a ni. Kan hnathawh thin leh kan chhungkaw chungchang te enge maw chen kan han sawi liam liam a, zirtirtu hna thawk thin a ni tih te min hrilh in. Kei pawh in ka hrilh ve luam a ka nitin hnathawh dan te. Chu kan bul tanna ah chuan rei pawh kan in kawm lo tul dang kan ngah avang chuan kan in then leh ta a, kan bul tanna hmasa ber ang ah kei chuan ka ngai a. Nula ka date khat bawk a nuam ka ti khawp mai. In biak chu kan chhunzawm a inngainat na chu a zual ta zel a ni kei leh a ni karah chuan. Inngaizawnna boruak chuan min chiah chho tan ta, kei zawng ka lungliam khat der a ni ber e. Ninawm ka ni ang tih te ka hlau ta rum rum thin. Hlim takin Face Book a bul tan chuan kan inngaizawng chho ta chu a nia. Hringnun kawng hi a ngil vek si lo a, keini karah pawh harsatna chuan min chenchilh chho ta.

Kum lama naupang tawh lo, kei a ni kum ngaihtuah chuan mipa zawk mah niila a chhang rual pha lo tur zawk hi ka ni si a. Chhungkhat mai ni lo kohhran leh khawtlang in an chhuan, nula fel tak a nih na chuan nupui tan leh mo tan it awm hek Palai hmel a hmu ta tlat mai. Kan inkar a chhe hauh lo, mahse nula fel chu inngaihzawnna boruak awm lo mahse mo atan an lo it ngang chu a ni . A palai hmel hmuh te chuan hlawhchham an tum lo bur mai si a, ka thiannu chhung leh kua tan pawh palai hmel an hmuh chu an fanu tan a iai awm ni hek lo le. Makpa sawkar hna sang pangngai tak thawk mi sual ni si lo chu hnial chi ni hek lo le. Thinlung thlaphang in khang hunlai boruak kha ka hmang a ka engmah tih hi nuam si lo , kei ka dinhmun ka chan kum naupang te hnathawhna lamah lah mi hnuai a thawk kual vel mai mai ka ni si a.Chhungkua ah lah chhuan tur nei lo, Nu leh Pa kara pawh seilian lo lehnghal chhungkaw zah phur tak chhungkua ka ni hek bawk si lo.

Kan in be tamin kan in hmu tam sawt khawp mai, ka thiani chu ka lakah a rinawm tih ka hmu tlang ka hai lo. Mahse Nu leh Pa thu hnial ngai lo mi chuan a hnial dawn si lo. Engtin tak ngaihtuah zel ang maw tiin thlung lu a hai ang reng khawp mai. Ka tana parmawi reng a mawi, chunu chuan min phatsan chu a hreh khawp mai. Ka hlimna leh ka hma ngawt ka ngaihtuah chuan ru ta mai ila tih te pawh ka riruk rum rum, mahse kei chauh in ngaihtuah thiang ka ni lo ka duhlai’n harsatna a tawh chu ka phal si lo. Zankhat chu kan hnathawhna hmun atanga haw tlai dun in, hmun remchang ah in kawm na khun khan tak kan hmang dun. Hlim hmel pu chungin kan in lawm thei lo, hnuk a ulh dun ve ve tlat si sawi tur kan hre lo kan ngawi dun tlawk tlawk. Ngawi dun reng a awmdun ngawt tur kan ni si lo, aw tial ruai in bul ka tan kan hmabak kan sawi dun. Ka laka atanga hlat a min phatsan ngam lo chuan min ru mai rawh ti hialin min ngen ka awm ah a bei thlawp mahse a ni thei hlawl lo kei ai chuan nei se a nuam sa zawk dawn. Thinlung in a theihnghilh hauh tawh lo tur kan hringchan hun chhung hre reng tur in . Ama hlimna leh a chhungkaw duhthusam a hlawhtlin theih nan chuan Lawm zel tange tiin ui takin ka thlah ta. Ka thinlung chhungril fan a, ka khawharna te hnem thei, ka duh em em mai ka Boihtei chu a hmabak tur ka thlir na lamah ka kalsan a ngai tlat si a.

Similar Posts:

• Thatna in aw niang…..
• Mi chi 4 te, tu ber nge i nih ve?
• OFFICE-ah Hmeichhia !!
• Porn Movies leh Mizote
• Note pianghlim chu a hrisel chuan a tap ngei ngei tur a ni

Recent Posts:

• Hmangaih CFL
• MIZO SAKHAW BIAK DÂN LEH A TOBUL ~ 2
• Burma-ah ka zin Part – III
• Mizo Technical Graduates (Architects)
• Hmangaihna 131

This entry was posted on Friday, September 14th, 2012 at 9:00 pm and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.