Kawr pakhat, kameez kan tih mai ṭhin ang chi, a var leh light grey deuh reuha dung ṭial, nalh tak mai hi ka nei a. Ka ha deuh fo a. Ka tana vanduaithlak takin ka thawhpui, ka deputy hian, min tihlawm a tum pheng nge pawh ka hre lo, chutiang chiah chiah chu hman deuh khan a’n lei ve khauh mai a. Chuta chin chu, chu kameez ka hak dawn apiang chuan ‘a lo ha ve palh ang em aw?’ tih ka ngaihtuah ta ziah mai.
Nimin chu programme hran daih kan nei a – ani chu DoNER Minister hlui Mani Shankar Aiyer-a buaipuiin a nileng dawn a, kei office lamah ka awm ang a, chawhnuah airport-ah ka kal ang. Kan inhmu dawn chuang lo bawk a tiin chu kawr nalh tak mai chu ka ha zaih a.
Tlaiah airport VIP Lounge-a kan titi sar sar laiin kan nau-a chu a lo lang ve hlawl mai a, a mikhual thlah zo rawn tei lut ve a ni. Ka’n en chiang a, ngai teh, kawr inang chiah chu kan lo ha a nih chu maw le! Chu chang a ni lo, ka necktie ang deuh chiah chiah, en chian chuan a inang lo deuh tih lek tur a lo awrh bawk. ‘Haw nghal teh aw’ tih tak ka nap a, mahse ka ti ta em lo. A annual report ziah hun chu a va chak dawn rua lo em!
Hmeichhia chuan hetiang dinhmun hi an hrethiam viauin ka ring. Sawi duh se sawi tur an nei nawk hlawm ang. Mipa tan pawh thil nuam tak chu a ni chuang lo tawp a nih hi.
September 14th, 2012 at 11:12 pm
.
Report this comment
September 14th, 2012 at 11:15 pm
He he…
Report this comment
September 14th, 2012 at 11:59 pm
Kawr inang hak chu a la zia a nih chu. Kan tlangval laia kan nula rimnaah kan thianpa kawr leh kan nula rimte curtain a lo inang chiah mai chu len tui a har khawp mai
Tin, tumkhat zaipawlin hla kan zirnaah kan zaipawl member, nula, coat leh kan hlazirnate cushion cover a lo inang chiah tawh bawk, a zai tui lo teh a nia 
Report this comment
September 15th, 2012 at 12:03 am
muantea a lo lang leh ta hawl mai, kan phuisui leh sawt tawh dawn a nih hi!
I sawi khi ataka i tawn a lo ni maw? Fiamthua an sawi mai mai emaw ka lo ti thin asin.
Report this comment
September 15th, 2012 at 12:33 am
Tak tak ni e, nuih kan insum tun mai mawle
Ka silent reader deuh reng alawm. Thenkhat thla chawr tir te te theih tawka pauva an inhnial laih laihte hi ka lo chhiar a, a hlimawm ve duh riau
Report this comment
September 15th, 2012 at 12:39 am
Hahaha… Zahngai zahngai.
Krismas lai khan ka nau rual mipa pakhat hian kawrlum ka tã ang chiah hi a lei a, a dang hak tur nei ta lo chuan ka ha ka ha ve bawk si nen, khawlaiah a ha lai nen kan inhmu fo mai a, thiante’n min chhaih fiam fo. Chutiang bawkin ka kamis ang chiah hi ka u rual (ve thung) hian a nei bawk a. Chu pawh kan hak chhuah ni a inang thei khawp mai! Mawza inang hi a zahthlak loh ber. 
Report this comment
September 15th, 2012 at 12:44 am
Tun krismas dawn khan chhungte’n Jumper hi an rawn chah a, kan lei chu ka ha haw ngawt mai a, kan veng ka thlen chuan hmeichhe pakhatin chutiang chiah mai chu a rawn ha a, kan innuih tawp. A nuam hauh lo.
Report this comment
September 15th, 2012 at 12:48 am
Hman kum (1998?) khan Aizawl bazar a puanthan meter khat Rupees 40 man kha nalh ka ti em em a, kawr a tan ka lei a, mahse mi in chu puanthan chu curtain ah an lo hmang ve nual!! ka ha zak chuang lem hlei lo a!!
Report this comment
September 15th, 2012 at 12:54 am
mamboih #8 Ka kawr ang pawh Pu. F.Lawmkima Singson (Ex minister)te parda ang chiah alo ni tawh. Kan la thalai ve angreng si a,an nui tha hlawm kha chuan ka zak ve det
Report this comment
September 15th, 2012 at 12:57 am
HV haha!! ka nau in “Mi in parda ah an hmang nassa a, nang lah in in ti thei deuh in i ha a” atia, min nuih tiah tiah!! An thui nalh bawk a, hetah pawh rei deuh ka ha!!
Report this comment
September 15th, 2012 at 1:00 am
A zia tak a awm a lawm, i awmbo san daih a hairehai
Nitin chhaih theihin han awm ve la aw hairehai.
tlangval hre tan ka nia, a zia lo khawp mai, zak chem chem 
Report this comment
September 15th, 2012 at 1:04 am
Hahaha! Ava ho ta mai mai thin.
In putu uniform anh mai alawm. 
Report this comment
September 15th, 2012 at 1:08 am
Ka va han duh thei tak em!
https://www.youtube.com/watch?v.....Ef_XLXg4CI
Report this comment
September 15th, 2012 at 1:15 am
Chutiang chu ami sapin ‘coincidence’ an tih, mizovin ‘luck lo’ kan tih ang hiiii? lol
A VIP zawk chuan a P lo zawk chu inthlak turin i order hmiah lo anih chu mawle hihi
Report this comment
September 15th, 2012 at 1:19 am
Ding dunin thla in la lo em ni aw!
Report this comment
September 15th, 2012 at 4:11 am
Report this comment
September 15th, 2012 at 5:14 am
haha..hey why do you dress like me? light deuh a tih chi anih hi! haha
kan tleirawl deuh lai a kan lenluhna, thiante nen a kan in hawrkhawm na ber..kan ‘inpui’ ve deuh ah khan an pi ber khan ka hming hi a tunu hming ah a sa tlat mai a..kan kan insawn kual fe hnuah kan in sawn let leh a. Ka len luhna ber ani leh tho a..a nuam miah lo! hming in ang pawh hi!!
Report this comment
September 15th, 2012 at 5:52 am
a nuam duh miah lo hetiang hi
Report this comment
September 15th, 2012 at 7:04 am
Unau kan nih hi i ti mai lo nia
Report this comment
September 15th, 2012 at 7:22 am
Tukchhuah nuam vek u le
Report this comment
September 15th, 2012 at 7:56 am
Tiang khi fiamthu ni miah silo, nuihzatthlak ru tak si, nuih rem chiah silo, nuam miah bawk silo a ni. In putu chu ka han mitthla chhin che u a, ka nui deuh put put mai.
Report this comment
September 15th, 2012 at 8:34 am
Kan office ah kawr an rawn zuar a, an zuar tlawm khawp mai a, Millenium Centre velah chuan man to taka an khai tur kha Rs.500 in ka thiannu nen kan lei alawm, a dum ve ve kan duh si a, ‘Aa… vengkhatah kan awm chuang hleinem’ kan ti satliah a. A rawng leh design inang chiah kha ania.
Vengkhata awmloh vanga a inang chiah lei kha a lo fuh vak lo, Office a ka hak dawn apiang hian a rawn ha ve ang em tih hi ka ngaihtuah ziah a, ka hak dawn hian ka tim ru tlat thin a, kan vannei a, kan la ha rual lo hlauh
Report this comment
September 15th, 2012 at 8:47 am
kawr inang neih hi hak rual a awl asin aw. Office ah te khan rawng inang te hi kan ha leh thup zel. Thinrimthlak bawk chu pheikhawk tha ti deuhvin kan lei ve a, a hnu ah kawngsir ah an lo sale leh tuar a!
Report this comment
September 15th, 2012 at 9:01 am
kan pu chu tunlai i luangliam riau mai ka ti..
ka kameez pawl hak leh gate duty kawl pawl hak hi a rawng a inang thin a..kan nuin ka hriat lohin a lo thehthang daih. sawi ang hian hmeichhia hi an mit a fing hetiangah hian.
Report this comment
September 15th, 2012 at 9:38 am
Ha ha ha….Mahse nula rimna a an sofa cover emaw Parda nena kawr inang hi a zia lo fe zawk a nia………….lolz
Report this comment
September 15th, 2012 at 10:30 am
T-shirt pawl ka lei loh phah, Hrangbana College vangin.
Tuk chhuah nuam u le.
Report this comment
September 15th, 2012 at 11:51 am
Uniform a ni mai lawm…
Report this comment
September 15th, 2012 at 1:03 pm
He nau hian ka thil neih ang neih ve a hrat reng reng. Ka blazer ang deuh tak pawh a lei tawh bawk. ‘Thawmhnaw i lei dawnin ka approval la hmasa ziah tawh rawh’ han intih theih ngawt a ni mang bawk si lo a, a manganthlak ru riau.
A hmel lah chuan ka u hmel a ang deuh reuh lehnghal…Mizoram lama thiante leh chhungte’n a thlalak an hmuh hian ‘i u emaw ka tia’ an ti leh thin. A hmel pawh hi simtir deuh chu a ngai a ni.
Report this comment
September 15th, 2012 at 1:21 pm
Hahaha ‘i inhmeh lo, hei ka hak chuan anih deuh zaih bik hi’ intihna a nih ber chu a.
Tak tak a, inngaihsan dan lawmawm loh tak a ni.
Report this comment
September 15th, 2012 at 1:27 pm
Annual report ah, a chezia hian nuam taka office hna i perform na tur a dal ti la..
Report this comment
September 15th, 2012 at 1:31 pm
Nikum lam khan South inkhawmnaah receptionist turin ka thiannu nen min ruat tel ve a, chawlhni vawikhat naah kawr pink ve ve, a vawi hnih naah kawr pawl ve ve inang deuh reuh kan ha duh tawh inhre lawk miah lovin, puan inang ven zui ala ngai bawk sia, fiamthu nan kan hmang ta vel mai maia
Report this comment
September 15th, 2012 at 1:35 pm
Hehehehehe!!!!…hmeichhia mah ni ila, miin an uar tih ang hi ka duh zawng tak a nih loh chuan ka lei ngai lo a, kawr thui chawp tir dawn pawn keima duh ang tak bakin ka order ngai lo a, ka kawr ang nei hi chu an vang ve ang reng thin, vanneih thlak viau
Report this comment
September 15th, 2012 at 1:40 pm
Hman deuh kha chuan 19 Jean, Leather Jacket, Beatle Shoe, LT Jacket te kha a rual khan an hak sup thin kha maw le !!!
Report this comment
September 15th, 2012 at 1:41 pm
Haha…post tupa chu. A hnuaia thawk hmel sim tir tum chu a va buaithlak duh awm ve. Hmuihmul a neilo anih chuan Office Order siam la, hmuihmul zuahtir rawh, a nei sa anih leh mehtir mai la. Chu chu hmel tihdanglam dan awlsam ber
Report this comment
September 15th, 2012 at 3:01 pm
keipoh ka kawr senno nalh tak mai hi ka ha tawh miah lo ang tiin kar hmasa mai khan thutlukna ka lo siam alawm….haha
Report this comment
September 15th, 2012 at 5:36 pm
silvermoon@35, i thutlukna siam chhan chu hriat ve a chakawm mang e.
Report this comment
September 15th, 2012 at 5:50 pm
Kum 2000 hnu lam chu a nia, a kum ka hre ta mai lo. Kan thian ho in rawt phur in Krismas a hak tur kamis in ang vek lei ang u kan tia. Kan lei ngei a, mahse kan zawngchhang lo tlang khawp mai.
Report this comment
September 15th, 2012 at 7:58 pm
Haha
Mahse kawr inang hak chu a inhmeh zawk leh a khaithli nalh zawk a hriattheih phah a, thatna a awm tho alawm! I lo inhmehloh zawk chuan a ngeiawm ngawt ang le
Report this comment
September 16th, 2012 at 1:35 am
Ka chhiar chhuak ta. A live teng tawng hle mai.
Neih inang rau rau-ah Isua Krista pakhat kan nei hi a lo lawmawm ber mai.
Ka nitin hun hman min chhut let tir, he post hian.
Report this comment